ankawa
منتدى الهجرة واللجوء => الهجرة و واللاجئين => الموضوع حرر بواسطة: Eng.Samer في 16:47 08/07/2012
-
السلام عليكم اخوان
اني عندي مشكله وما اعرف شنو حلها وما اعرف اذا راح تأثر عليه بالمقابله او لا اني عندي اللقب بالجواز هو اسم جدي واللقب اللي عندي بالجنسيه هو العشيره واللقب اللي مشو عليه هو لقب الجواز بالمعامله ما اعرف شراح اسوي اني معاملتي I-130 معامله هجرة متزوج المشكله اخاف من يطلبون من عندي الجنسيه راح يشوف اختلاف باللقب واخاف يرفضوني وحاير شسوي لانه معاملتي هسه بNVC ومكمل كل شي بس باقي ينطوني موعد مقابله ارجوكم فيدوني بحل وهم اكو واحد بيكم مر بهذا الشي ؟
-
عادية اخوي العزيز اني عندي اقاربي نفس حالتك ومشوها الة ماكو اي مشكلة اتصور يعرفون بهاي الامور هاي كلتك هن تجربت اقاربي
-
سلام عليكم ماكو اي مشكله اني نفس شي اسم زوجتي والقب بيها خطه ودزيت رساله لي سفاره وحلت مشكله وشكرن
-
لا اخي ما ياثر لان يعرفون كلش زين هاي المشكلة ومو جديدة عليهم
بالتوفيق
-
اخواني اشكركم على الرد يعني ما كو اي اشكال اطمأن زين اذا سألني موظف السفاره شراح اجاوبه هي القصه انه من طلعت الجنسيه ام الفسفوره بسنه 2006 جان العلس مشتغل فطلبت من الظابط ما يكتب اللقب لانه الشغله جانت على اللقب والحمدلله اسمي واسم ابويه وجدي مامشمولين جان يشتغل على السايدين هههههههههههه المهم الظابط شخط على اللقب ما كتبه ومن رحت اسوي جواز الG وماشافو اللقب كتبوا اسم جدي مكان العشيره عادي اذكر له هذا اللي صار لو شنو هم راح يقول تزوير وليش وشنو وعلى شنو وشوكت وهالسوالف مالتهم
-
لا اخويه انشاء اله متاثر لانه هم راح يمشون على الجواز
-
متأثر
-
اخي احجي الصحيح
ولاتخاف لان شغلة اللقب موجديد عليهم
والله يوفقك
-
يعني عادي ماكو واحد بيكم وقفوه على شغله اختلاف اللقب؟ يعني اتوكل بالله واترجم الجنسيه وشهادة الجنسيه
-
يعني عادي ماكو واحد بيكم وقفوه على شغله اختلاف اللقب؟ يعني اتوكل بالله واترجم الجنسيه وشهادة الجنسيه
اخويه ترجم و اتوكل على الله اني عندي شهادة الجنسيه شكل و هوية الاحوال شكل و الجواز شكل كل وحده لقب و محد عبرها لان همه يعتمدون بس ع الجواز
-
سلام عليكم ورحمة الله وبركاته
اخوان اني مقدمه عل اي او ام واسم الكيس بي لقب بينما الجوازات بدون لقب عند الوصول الى امريكا ال I-94 راح اكيد يكون بيها لقب لانه يعتمد على اسم صاحب الكيس والي بيها الاسم الكامل+اللقب؟ لو اني غلطانه؟ لو راح يعتمدون مثل مامكتوب بلجوازات ويهملون اسم الكيس الكامل؟ وبغض النظر عن ما هوه مكتوب بداخل الجواز هذا سؤالي الاول
سؤالي الثاني ضابط الجوازات راح يمشي على شنو؟ على اسم الكيس الي بيها ((اللقب)) لو راح يعتمد مثل ما مكتوب في داخل الجواز (اسم الجد هوه اللقب) وبهيجي حاله الكرين كارت شلون راح يكون ؟ حيطلع بي لقب؟ لو بدون لقب ؟ واذا بي لقب مو راح يصير اختلاف بينه وبين الجواز؟ يعني بلمعاملات بامريكا هم يتعذب بنك وغيرها ؟ لانه صار اختلاف بللقب بين الجواز والكرين كارت؟ لو يمشوها عادي؟
وشكرا جزيلا لصاحب الموضوع ولكل الاخوان وجزاكم الله خير
-
اخواني يعني هسه من راح انطي صورة القيد 57 والجنسيه وشهادة الجنسيه للموظف مال سفاره ما راح يكلي شنو هاي الخربطه ماراح يكلي بالجواز شي وبهاي الاوراق شي ثاني جاوبوني جواب شاف الله يخليكم ويسهل امركم
-
يعني عادي ماكو واحد بيكم وقفوه على شغله اختلاف اللقب؟ يعني اتوكل بالله واترجم الجنسيه وشهادة الجنسيه
حبي انت كلة لابو الاي او ام او المحلف اعتمد الجواز لان هو المعتمد في امريكا وانت في امريكا راح تدخل بالجواز لو بالهوية !!؟؟؟ فانت توكل على الله ومشيهة واذا في حالة سالك كولة هاي اخطاء بالعراق وابوك الله يرحمة . ;)
-
يعني عادي ماكو واحد بيكم وقفوه على شغله اختلاف اللقب؟ يعني اتوكل بالله واترجم الجنسيه وشهادة الجنسيه
حبي انت كلة لابو الاي او ام او المحلف اعتمد الجواز لان هو المعتمد في امريكا وانت في امريكا راح تدخل بالجواز لو بالهوية !!؟؟؟ فانت توكل على الله ومشيهة واذا في حالة سالك كولة هاي اخطاء بالعراق وابوك الله يرحمة . ;)
اخويه العزيز قحطان ابو نور اني معاملتي لا اي او ام ولا اس اي في اني معاملتي هجره عاديه لم شمل ومقابلتي راح تصير هنا ببغداد
-
عيني اني مثل حالتك وهم ضليت افكر وخايف تالي لا احد سال ولا احد كال مشت واستلمت الفيزه ربك سهلها وهمه ميدورون هيج مسائل المهم تستلم الفيزه بالجواز وتكدر تدخل الولايات بعد يا كيس يا هويه واصلا رح تندك الفيزه على اساس الجواز بنفس المعلومات الدقيقه والكرين كارد كذلك , فانصحك شوفلك غير شي تفكر بي .. روح وخطيتك بركبتي
-
عيني اني مثل حالتك وهم ضليت افكر وخايف تالي لا احد سال ولا احد كال مشت واستلمت الفيزه ربك سهلها وهمه ميدورون هيج مسائل المهم تستلم الفيزه بالجواز وتكدر تدخل الولايات بعد يا كيس يا هويه واصلا رح تندك الفيزه على اساس الجواز بنفس المعلومات الدقيقه والكرين كارد كذلك , فانصحك شوفلك غير شي تفكر بي .. روح وخطيتك بركبتي
اني اشكرك اخويه leivs على الرد اخويه يعني كانت معاملتك i-130 مثلي يعني ما قارنو بين الجنسيه والجواز او صورة القيد والجواز او اصلا طلبوهن منك بالمقابله ارجوك بس اريد اعرف شوكت يعني بياتاريخ قابلت وشوكت انطوك الفيزا وشسألوك بالمقابله وشنو الاوراق اللي رادوها بالمقابله لانه والله راح اتمرض وعقلي راح ينشل من التفكير خايف من الرفض هاي مشكلي والسبب اللقب اللي كرهته والله كرهته ههههههههه
زوجتي تكولي السفاره مو بعبع حتى انته خايف منها حتى ما تجاوب على الاسئله من كد ما اكلت راسها بالاسئله
-
ليش هوة شنو ينكتب بالمضبوط بحقل اللقب ؟ اسم العشيرة لو الاسم الاخير الي قبل العشيرة لو اسم شهرة العائلة
-
صاحب الموضوع
اسمك الثالث هوة نفسه الرابع اي في جواز الجي تم حذف اللقب في وقتها كما مريت به انا
راح يمشون على ماكتوب بالجواز اي الاسم الرابع راح يكون اللقب مالتك في اميركا
اي شخص يدخل اميركا كما مكتوب في جوازه وما قدمه في المعاملة
هوة نفسه في ورقة I94
مكتوب فيها اللقب والاسم الكامل ونفسه سوف يحصل في الكرين كارت او الجواز ,
واي شيء بعد الحصول على الجواز ممكن ان تعدل الاسم حتى كله وممكن تحدد انت اسم يعجبك وتقدمه وتصحح اسمك
ممكن واحد اسمه محمد وماعاجبة اسمة ممكن يغيرة ويسويه جورج او مايكل
وممكن واحد اسمة جورج او مايكل ويسويه محمد
الخيار لك والطماطة لنا ;D
-
شيء اخر
تكدر تغير اسمك او تصحهه عند الدخول والاستقرار ولكن يفضل عند الحصول على الجنسية الاميركية كما قالوا لي في وقتها ,
وممكن المنظمة تعجازوا في وقتها وطرحوا هذه الفكرة
كل شيء جائز وكل ولاية ومدينة ومنظمة تطرح افكارها وقوانينها وهم لايعرفون فيها شيء ,