ankawa
منتدى الهجرة واللجوء => الهجرة و واللاجئين => الموضوع حرر بواسطة: مغربل في 19:54 10/07/2012
-
اخواني سمعت في المنتدى عن فلوس الضمان,, بس ما متاكد؟؟ ارجوكم, شلون اروح اجيب الفورمة مال GLS ??? يعني وين اروح وشكد تطول ؟؟ وبعدين سمعت بعد اخذ الفورمة لازم اروح للوزيرية عالضمان الاجتماعي,,, بس ماعندي اية معلومات عن الشغلة ارجوكم لان فعلا اني محتاج فلوس,, مع العلم اني عندي باج ال GLS وعندي GLS Verification Letter. ارجوكم اخواني العندهم معلومات عن الموضوع,, مع العلم اني ساكن بعيد عن بغداد
-
اخويه العزيز لازم تتصل ب gls وتحدد موعد
وبعدين تروح تملي الفورم يمهم وبعدين وره شهر الى شهرين يتصلون بيك gls وتروح تستلم استماره تاخذهه لدائرة الضمان الاجتماعي قريب من جامعة البكر ,,, وهناك ايشلعون كلبك وياخذون المقسوم يعني ايبوكون من فلوسك وينطوك شكم فلس
علما ان الضريبه تحسب من تاريخ 1/1/ 2009 يعني اي خدمه قبل 2009 ما محسوبه
طبعا هذا الكلام صار سنه يمكن اكو تغيير هسه
تحياتي
-
حبي لازم اتراسل ال جي ال اس ع عنوان البريد الالكتروني التالي :
gls.taxes@gmail.com
اسم الموظف المسؤول عن اجراءات الضريبه sham.hasan
بس اتراسلهم ع هل الايميل الي ذكرته الك .
في خانة موضوع الرساله تكتب اسمك الثلاثي(كما هو مكتوب ب باج ال جي ال اس من اتعيينت)+ رقم الباج مالتك =مثلا=C-8771 انته ع رقم باجك تكتب . كلها بالخانه مال موضوع(SUBJECT)
بعد فتره راح يرد الشخص المذكور عليك ومسوويلك اتاجمنت ل الفورمه مال ضريبه تكتب بيها المعلومات الي يريدها منك .سويلها داونلود ع الحاسبه وافتح الفورمه وهي بصيغة WORD كدام كل معلومة يريدوها تكتب الي يريدوه منك واخر شي تخزن المعلومات بنفس الفورمه واتسوي ريبلاي ع نفس الايميل الي اجتك من عنده الفورمه وترفع الاتاجمنت بالمعلومات المذكوره بي وادز الرساله وراها راح يرد عليك بفتره برساله انو بدينه اجراءات الضرائب مالتك وفترة الانتظار من شهرين الى ثلاثة اشهر . انته من تعبر شهرين راسله ولح بالايميل مره ومرتين وثلاث مرات مرات ما يجاوب لو يكولك خارج المكتب لو نهائيا ماكو رد وانشالله يرد ع ايميلاتك كلهن . ومن تكون جاهزه الفورمه راح يدزلك موعد قدومك لل جي ال اس ببغداد معسكر الازدهار ساحة النسور يم برج صدام (بغداد حاليا) وتجيب وياك الجنسيه مالتك لاغراض الدخول من بوابة التفتيش . وتستلم الاوراق مالتك وراها اتروح لل ضمان اجتماعي وتجلب وياك المستمسكات العراقية السحريه ههههه:
هوية الاحوال المدنيه +شهادة الجنسية العراقية+بطاقة السكن+بطاقة التموينيه + الفورمه مالتك اكيد
وانته اذا مكمل السنه راح يكملون اجراءاتك.
اكو استثناءات اذا مستعجل ع فلوس . يعني اذا ما مكمل ويكولوك لازم ترجع اتراجعنه من اتكمل السنه .انته تكدر تثبتلهم ب كم خيار تكدر اتسوي
اما عندك سنويه سياره ب اسمك اوفيزا صادره وانته مستعد للسفر منطيك موعد سفر او حسب مااعرف عندك اقامة بدولة اجنبيه ومتقييد ب وقت اثناء وجودك بالعراق ف راح يكملون اجراءاتك ويكولوك بعد اسبوع او عشره ايام اتراجع وتستلم صك كصرفي وتروح تستلم فلوسك من عند البنك المذكور .
وتدلل خويي
-
اخواني الاعزاء نيكولاس ورافت العراقي اني اولا عندي فيزا الاكسباير مالها 27/08/2012 يعني بعد شهر ونص, اش الحك اسوي,, هل من الممكن اخوية يكملها,, ثانيا اني خادم سنتين وشهرين بداُ من 3/3/2009 تسوى فلوسها عالتعب وشلعان القلب المذكور اعلاه؟؟؟؟!!! على كل حال ممنون منكم ياطيبين والله يرزقكم ويحقق امانيكم
-
اخويه العزيز مغربل
انته راسل الايميل الي ارسلته الك واكتبله للمسؤول انو اني الفيزا مالتي اكسبايرها ب فلان يوم . هو اكيد راح يكولك نكدر انو انخلي احد افراد عائلتك ان يستلمها. مو مشكله.
المصيبه الكبرى وين.
مكتب الضمان الاجتماعي يريد حضور الشخص المعني بالضريبه وليس وكيلا عنه او اي شخص من افراد العائله لان الملف يخصك.
وبالنسبه لفترة خدمتك .انته كل دولار تاخذه منا يفيدك ب امريكا عسى لو كانت ضريبتك 1000 دولار انته ما خسران شي . المهم اكو فلوس اضيفت للمبلغ الي انته عندك وكلشي يصير احتمال هل مبلغ مال ضريبه يعود بالفائده والخير عليك من ناحية مثلا تشتري سياره عمليه اتفيدك اهناك او اي غرض مهم .
الشغله مو اهنا الشغله اكسباير فيزتك كلش حرجه بس حاول انو من ترسله الشخص المسؤول ع الايميل المذكور .انطي تنبيه او اشاره انو فيزتك اكسبايرها النهائي بكذا يوم وانته اصلا راح يجيك موعد طيران خلال اسبوع او اسبوعين من وقت ارسالك لفيزا . واترجى انو يسوي المستحيل بتسريع الاجراءات. بنفس الوقت روح ع دائرة الضمان الاجتماعي الي بالوزيريه وكللهم انو هيج السالفه شنو الي اكدر اسوي . ولا تخاف الوضع مو مثل ما هواي اخوان واخوات يتصوروا علساس اكو ميليشيات متنفذه بداخله . هواي عالم اتروح اهناك لان مو بس شركة جي ال اس من ضمن شركات الاجنبيه العامله اكو شركات حمايات وشركات خاصه واهليه وكومه شركات ما تتصور شكد يجوون عالم . ف مثل ما كتبتلك اتسوي وانشالله الخير يعم عليك اخوييه وبالتوفيق من ناحية الاجراءات ومن ناحية سفرك القريب انشالله والوصول لامريكا بسلامه . واني اخوك بتكساس راح اكون بمدينة دالاس اي شي تحتاجه اني حاضر . تحياتي الك مره لخ.