ankawa
منتدى الهجرة واللجوء => الهجرة و واللاجئين => الموضوع حرر بواسطة: crazy_boy في 22:02 10/07/2012
-
السلام عليكم
اخواني وخواتي وكل اصحاب الخبرة بالموقع
اني الحمد لله وصلت اليوم اسطنبول واريد اقدم على اليو ان بس بصراحة دخت لانه حسب ما اعرف من خلال الموقع
انه التقديم بانقرة بس التقيت بشخص اقاربي صار شهر من واصل بس هوة مقدم من اسطنبول
رجاءا ممكن توضيح اكو هيجي شي ؟؟ وشنو الفرق ؟؟ اتمنى من اصحاب الخبرة يفيدوني ويشرحولي شاسوي ومنين اقدم
وياريت لو اكو شخص اتصل بي شخصيا حتا يفهمني لانه لحد الان ماعرف شسوي ودايخ
بانتضار اجاباتكم الحكوووووووووووولي عفية رج انجلط :(
-
حمد الله على السلامة للرفع up
-
جماعة تركيا للمساعدة
-
UP
-
السلام عليكم اخي اكيد التقديم بانقرة ودير بالك تقدم من اسطنبول لان الشغلة تنام وما تمشي معاملتك الا بطلاع الروح واسال مجرب ولا تسال حكيم امنياتي لك بالتوفيق الفرق بدون مقدمات اللي مقدمين سوة باسطنبول وانقرة اقصد بنفس الفترة الزمنية قبل سنه فرضا جماعة انقرة الاغلبية طارو وجماعة اسطنبول لهسة ثالثة ممقابلين وانته بكيفك بقت
-
اشكرك اخي عالرد السريع بس ممكن تشرحلي الطريقة لو تتكرم يعني ابلش هسة اروح لانقرة اقدم زين وبالنسبة للسكن وين ااجر هسة لانه حسب ما فهمت انه همة يحددون ف اذا بيها مجال تشرحلي شاسوي هسة حتا ما اتورط يعني رح يحددولي محافضة من اول يوم لو شلون لانه تدري كاعد بالفندق وهجمان بيوت
وشكرا لكل الردود الحلوة ماقصرتو
-
وبالنسبة للايام اي يوم اروح عادي لو شوكت العطلة مالتهم ؟؟
-
اخويه العزيز هذه المعلومات نقلا عن اعضاء سابقين ان شاء الله تفيدك :
- عنوان الـ UN في انقرة هو ....كاالاتي ...وتكتبه بورقه وتشوفه للسائق مال التكسي وهو يوديك ...
BMMYK
Birlesmis milletecller yuksek komiserligi
Sancak Mah tiflis Cad . 552 Sokak No.3
06550 Ankara
- ايميل الـ UN......واللي ممكن تراسلهم عليه ...
turan@unhcr.org
- ارقام تلفونات منظمة الـ ICMC....اللي ممكن تتصلون عليها وتلاحظون مواقفكم وهاي لما يتحول ملفكم الى اسطنبول
02122192055 - 02129777001
- رقم الفاكس 07772100528.... لمنظمة الـ ICMC....واللي ممكن ان ترسل لهم اي استفسار
- عنوان مقر منظمة الـ ICMC ...في اسطنبول ...هو كاالاتي تكتبه وتشوفه للسائق وهو يوديك ....
poyracik sokak no. 35 NISANTASI.34365 SISLI- ISTANBUL
- وهذا رابط اليو أن عندما تقدم وتجري المقابلة الاولى تضع رقم الكيس ومواليد لترى موقفك ...http://results.unhcr.org.tr/
- وهذا رابط منظمة ال ICMC....لما الله يوفقم ممكن ان تعرف من خلاله موعد طيرانك ..http://www.turkey.iom.int/
- الأسلوب مال مقابلات بتركيا هو عبارة عن 3 مقابلات الأولى باليو ان الي هو بأنقرة والي هيه الأساس الي ينطوك بي انه انت مقبول كلاجئ او لا واكو ناس مستمسكات مثلا مو كلهه جايبيهه يكولون الهم جيبوهه النه فتبقى شغلتهم معلقة لحين ميكملوهه او اذا مثلا مسويتوا اي شغلة من هاي الشغلات الي ذكرتهه الي هيه من النقطة الثانية الى النهاية طبعا الموافقة مالتهم تكون بأن ينطون للشخص الي مقدم الفسفورة الي هيه عبارة عن ورقة ملمسها مثل ملمس ورق الفولس وبيهه على الظهر فد طمغه تشبه الفسفورة الي هو المصطلح الماشي هنا بالنسبة للعراقيين الي هو انه انت انقبلت كلاجئ بعدهه تنتظرون فترة * حتى ينزل الكم الأستيطان وينكتب بالموقع انه تم تقديم الملف الى دولة اعادة الأستيطان.
بعدهه تتنتظرون تلفون يخابروكم من اليو ان يحددون الكم موعد مقابلة ثانية بالأي سي ام سي الي هيه بأسطنبول وهاي مقابلة سهلة مابيهه اي شي مجرد تحجي نفس الحجي مال يو ان بس همه رح يكونون الجهة الي تجمع ملفك وترفعه على اخر جهة او مقابلة الي هيه المحلفين الي هنا بتركيا يسموهه الأمن القومي الأمريكي بس هنا ربعنه يصيحوهه الوفد.
نجي هسة على اخر مقابلة الي هيه الوفد الي تكون هم بأسطنبول وبنفس بناية الأي سي ام سي الي قابلتوا بيهه المقابلة الثانية بس جوه رح تكون المهم هاي اخر مقابلة وراهه تنتظرون على الموقع نفس الشي وتشوفون الموافقة مالتهم الي هيه تكون انه يكتبون تم قبول الملف لدولة أعادة الأستيطان هاي معناهه انه انتوا انقبلتوا.
واني بدوري اتمنالك الموفقيه ان شاء الله.
تحياتي
-
اشكرك اخوية ماقصرت تسلم
بالنسبة لليو ان مال انقرة كل يوم مفتوح التقديم عادي؟ لانه كالولي مال اسطنبول بس الثلاثاء التقديم ؟
مشكورين
-
اخي روح قدم من انقره احسن الك تره المكتب الي في اسطنبول في منطقة التقسيم ماكو من عدهم فائده يعني اذا تقدم من اسطنبول تنام تره
-
اخي صاحب الموضوع بدون نقاش ولا تسمع احد بأسطنبول روح قدم من انقره والفرق جبير كلش والدليل اخوية صارله سنه من مقدم من اسطنبول ومقابل مقابلة وحدة وحتى لجوء ما عنده واللاجئين الي قدمو بنفس الفترة من انقرة انطوهم مقابلة ثالثة ونته شوف الفرق وقرر تمنياتي لك بالموفقية .
-
اشكركم اخواني والله ماقصرتو وانشاء الله يسهل اموركم مثل ما نصحتوني بس لحد الان معرفت اليو ان مال انقرة كل يوم مفتوح التقديم يعني لو رحت باجر اكدر اقدم لو الا يوم محدد رجاءا رد سريع حتا الحك اروح من اليوم ؟؟؟
تحياتي الكم
-
اخوية اليوئن الي بانقرة كل يوم مفتوح ماعدا السبت والاحد
-
مشكورة اختي وربي يسهل امورك وانشاء الله رح اتوكل اليوم علة انقرة
مشكورين اخوان