ankawa
منتدى الهجرة واللجوء => الهجرة و واللاجئين => الموضوع حرر بواسطة: Lord of Pain في 16:25 11/07/2012
-
السلام عليكم
اخواني اني اسيوع الجاي ان شاء الله مسافر بس كالولي تروح لمستشفى ابن البيطار وعندك فحص طبي قبل السفر ؟ اذا ممكن احد يكولي شنو هذا الفحص وشنو يشمل لان سمعت انه راح يعيدولي الفحص الطبي وينطوني اياه بظرف اكو هيجي شي ؟
والسؤال الاخر انه من اتصلت بي المنظمة بس كالتلي على موعد السفر وانه لازم اراجع ابن البيطار قبل يوم وكالولي راح نتصل بيك قبل السفر ممكن احد يكولي قبل السفر بكم يوم راح يتصلون بي وينطوني تفاصيل الرحلة مع الشكر والتقدير ويارب السفر لكل المنتظرين
-
يارب الله يوفقك أخوية وتوصل بالسلامه وألف مبروك .. عيني هذا الفحص بس يآخذون دم وفحص باطنية وضغط ماعدى الأشعه مياخذولك ..
هسة جاوبنا أنته صارلك شكد مقدم ؟ وشنو حالة الملف مالتك حاليا أو قبل متعرف بالسفر ؟ وهل يوجد رمز برساله أخيرة ألك ؟
الله يوفقك ويوفق الجميع ..
-
ينطوك حبايه قبل السفر وينطوك ورقه اتاكد بيها انو انته شارب حبوب قبل السفر تنطيها بلمطار للولد الي يستلمكم بليه هاي الورقه ماكو سفر
تحياتي
-
الف مبروك ان شاء الله توصل بالسلامة
-
اخي العزيز
اني قدمت من بغداد شهر الخامس 2009 واول مقابلة شهر 12 -2009 والثانية بشهر 2-2010 وبالشهر الرابع 2010 حصلت على الجيف اوف مشن وطلبت من المنظمة اغلاق ملفي وقابلت بالسفارة اس اي في يوم 30-11-2010 ولحد الان ماكو شي .
في الشهر 11-2011 لان تأخرت الفيزا طلبت من المنظمة تفعل ملفي وشرحتلهم الاسباب وبالفعل فعلوا ملفي وحددولي موعد اعادة مقابلة المحلف يوم 7-12-2011 وبعدها بشهر عدت الفحص الطبي وبالشهر الثالث دورة تثقيفية وبالشهر الخامس دزولي رسالة من المنظمة وكالولي راح نحدد موعد سفر عن قريب وبالفعل خابروني وانطوني موعد سفر
-
أخي روح والله وياك
لا تخطا نفس الخطا مالتي اغلقت ملفي بالاي او ام على الرغم من وصول اجراءات السفر وياهم الى المراحل النهائية ايام ما جان الكوم ضمان الى ان أجا اليوم اللي سحبوا مني الكوم لاسباب ما اعرفها عضيت اصابع الندم وقتها ولكن هيهات ان الفرص تمر مر السحاب في حياة الانسان أخي روح ولا تلتفت على الاس اي في ترة ما الهم امان وما تكدر تتوقع شراح يسوون بقضيتك يعني انت رايح تستقر هناك انشاء الله طول العمر فلا تخلي موضوع الكرين كارد مال اس اي في بالك اللي تستلمه اول ما توصل وحسب ما سمعت من دراسة المجربين بالمنتدى هسه الاهتمام بابو الاي او ام اكثر من ابو الاس اي في من قبل المنظمة ومثل ما يكول المثل عصفور باليد في امريكا خير من جاموسة على الشجرة بالعراق
ههههـا
تحياتي وبالموفقية والوصول بالسلامة وطيب الاقامة
-
اخي العزيز ممكن تخبرنا كم المدة ما بين الاميل مال تحديد عن قريب موعد سفر ووقت اعطاك موعد سفر
اما بشان الفحص ينطوك حبايع ويقيسولك الضغط وينطوك ورقه تعطيها الى موظف اي او ام بالمطار واذا ماكو هاي الورقه ماكو سف
مع تحياتنا بالتوفيق