ankawa
منتدى الهجرة واللجوء => الهجرة و واللاجئين => الموضوع حرر بواسطة: DR.ZOMBAS في 20:03 14/07/2012
-
أعضاء عنكاوا المحترمون...البعض يعرف منكم والبعض لا إنه في بداية شهر السادس إنطوني موعد سفر بس بسبب زوجتي كانت حامل بذاك الوقت تم تأجيل السفر لما بعد الولادة..هسه الحمد لله جاني الولد وضفته على الملف ..هسه أسأل الأخوان والأخوات أصحاب الخبرة بهذه الحالة...شنو الخطوة القادمة؟ هل يتم فحص طبي للطفل أولآ ؟ أو يسوون مقابلة أول؟ لو شنو؟ ...علماً أنه حالة الملف بقت نفسهه pending result بس الأمنية رجعت pending بس حالة السفر ضلت pending متغيرت..وبالمناسبة قبل ماأضيف الطفل جتي الي 3 إيميلات تكلي إنته على جدولة السفر وحيتصل بيك موظف IOM ...وأخر إيميل منهم بعد الإضافة كالولي لازم تكون جوازات العائلة كله سارية المفعولية يعني مو أكسباير...بأيكم الكريم..الشغلة ممكن تتأخر لو تتم بسرعة في ضوء التسريع الحاصل على الملفات...وشكرأ لمن يبدي رأيه أو يشارك أو يقرا الموضوع.
-
السلام عليكم
بالبدايه الف مبروك على المولود الجديد
اخويه صاحب الموضوع
ماريد اكئبك بس اكيد حالتك تختلف عن حالتي لان انت الامنيه مالتك واصله بس اذا تكمل اوراق الطفل بالعجل يمكن تمشي شغلتك بدون تاخير
قبل متصير اكسباير الامنيه بس حالتي اني انتضر الامنيه عود من تجي اسوي مقابله اضافة الطفل والفحص وباقي الترتيبات
بالمناسبه ابني جان تاريخ ولادته 24/9/2011 وكملت اوراقه 25/10/2011 وضفته بنفس اليوم والى هسه انتضر المجهول :'( :'( :'( :'(
وان شاء الله السفر القريب للكل
اخوك نائل من دهوك
-
شكرا أخ نائل على ردك ...اني كملت اوراق الطفل ودزيتهه الهم ووصلني ايميل التأكيد بإستلام اوراق الطفل من جهتين الأولى من IOM مركز المعلومات والثاني من من IOM قسم RTS ..وهسه داأنتظر تحديث حالة الملف لاين كلولي تابع حالة التحديث من خلال موقع IOM.
-
الاهخ العزيز صاحب الموضوع,
اضافه مولود جديد شاغلة الكل , اعرف عائلة و ضعهم شويه غريب تم سفرهم بدون مقابلة او فحص الطفل. اخي العزيز اكو جديد على ملفك لان حالتي مشابهه لحالتكم تماما.؟؟؟؟
تحياتي...
-
الاخ صاحب الموضوع المحترم
اني ضفت طفل قبل فترة الامنية مالتي جانت كومبليت بس من دزيت الاوراق الامنية رجعت انتظار .
الاخ ايكل
العائلة الي تكول سافروا بدون اضافة يعني سافروا كوبل وطلعوا جواز للطفل وبس لو سوو غير اجراء
-
الاخ صاحب الموضوع المحترم
اني ضفت طفل قبل فترة الامنية مالتي جانت كومبليت بس من دزيت الاوراق الامنية رجعت انتظار .
الاخ ايكل
العائلة الي تكول سافروا بدون اضافة يعني سافروا كوبل وطلعوا جواز للطفل وبس لو سوو غير اجراء
الاخ شابو المحترم,,,
يعني الامنية مالتكم كانت كاملة زين قبل شكد؟؟
نعم العائلة بس دزو اوراق الطفل و طلعو الجواز و سافروا... ناس بسطاء حتى ايميل ما عدهم و لا حتى يقرون انكليزي. الله نوبات يسهل و ينطي من حيث لا ندري.
اتمنى نتواصل لان الطفل الجديد لحد الان ما معروف الاجراء يعني مستحيل يعيدون المقابلة و همه بياحال بس يردون غلق ملف العراق !!!
تحياتي...
-
اخي الكريم ، اني ضفت طفل بشهر الثالث 2011 وقابلت محلف للطفل في 20/4/2011 وفحص للطفل في 1/5/2011 و دورة تثقيفة في 1/9/2011 وأخيرا اعادة فحص طبي للعائلة في 10/12/2011 وما زلت منتظر الفرج .... تحياتي .
-
الأخ العزيز Eagle ويوزارسيف...اشكر متابعتكم للموضوع..بس بإعتقادي لايمكن ان نسافر بدون مقابلة لاين لازم يتم تحديث بيانات الطفل بالمؤسسات الأمنية الأميركية زائدا ينضاف الى الولاية الي مقرر ان نروحلهه....الخ...ولازم ياخذوله صورة...المهم اريد اعرف من حضراتكم انتوا جان محدديلكم موعد سفر لو لا؟ ثانياً بعد ماارسلتوا اوراق الطفل كاملة تغير عدكم شي بالموقع لو لا؟ لاين اني ارسلت الأوراق كاملة قبل تقريباً شهر لي هسه ماصار اي تغيير في الموقع بس الأمنية رجعت انتظار وحالة السفر ضلت بالإنتظار بدون تغيير بس عدد افراد ضل كما هو بدون تغيير ...مااعرف شنو السبب اكو جماعة ضافوا طفل يكولون ثاني يوم صار تحديث على الموقع يبين الإضافة..واكو ناس متغير لحد هذه اللحظة..شنو السبب ماأعرف...ارجو التواصل
-
الأخ العزيز Eagle ويوزارسيف...اشكر متابعتكم للموضوع..بس بإعتقادي لايمكن ان نسافر بدون مقابلة لاين لازم يتم تحديث بيانات الطفل بالمؤسسات الأمنية الأميركية زائدا ينضاف الى الولاية الي مقرر ان نروحلهه....الخ...ولازم ياخذوله صورة...المهم اريد اعرف من حضراتكم انتوا جان محدديلكم موعد سفر لو لا؟ ثانياً بعد ماارسلتوا اوراق الطفل كاملة تغير عدكم شي بالموقع لو لا؟ لاين اني ارسلت الأوراق كاملة قبل تقريباً شهر لي هسه ماصار اي تغيير في الموقع بس الأمنية رجعت انتظار وحالة السفر ضلت بالإنتظار بدون تغيير بس عدد افراد ضل كما هو بدون تغيير ...مااعرف شنو السبب اكو جماعة ضافوا طفل يكولون ثاني يوم صار تحديث على الموقع يبين الإضافة..واكو ناس متغير لحد هذه اللحظة..شنو السبب ماأعرف...ارجو التواصل
اخي العزيز آني نفس حالتك بالظبط جنت على جدول السفر شهر الخامس وزوجتي جانت بالشهر الاخير من الحمل واجلو سفري الى ما بعد الولاده والحمد لله رزقني بطفل وضفته على الكيس قبل 10 ايام دزيت الوثائق وقبل 3 ايام اجتني نفس الايميلين بأنو تم اظافة الطفل للكيس وتابع الموقع وبنفس اليوم رحت للموقع لكيت كلشي ممتغير وثاني يوم الصبح جيكت لكيت الطفل مضيوف ومقابلة المحلفين (غير فعال) والفحص الطبي(غير فعال) والامنيه (بالانتظار) وحالة الملف (بانتظار النتيجه) وحالة السفر ( غير فعال) يعني بس المقابله الاولى بقت مكتمل وبعد ما اعرف شنو اللي راح يصير بعدها , يعني اضافة الطفل يعيد الكيس من جديد لاول مرحله حسبي الله ونعم الوكيل بعد انتظار 3 سنوات نرجع ننتظر من جديد .
تحياتي
اخوك دريمي
-
أخوية العزيز دريمي شكراً على الرد...اني لمحيرني لحد هاللحظة ماكو اي تغيير بالموقع عندي..ودزيتلهم ايميل استفسر بي ليش ماكو تغيير بالموقع بالنسبة لإضافة الطفل وماكو رد منهم والله حيروني ذولة...ليش مديحدثون الموقع ماأدري؟...ليش ميجاوبوني عالأيميل ماأدري....يمكن علسوني الربع
-
http://www.ankawa.com/forum/index.php/topic,470620.0.html
>>>>>>>>>>>>>>>>>>>>>>>>> هذا موضوع مثبت في قسم مواضيع الهجرة المهمة ويختص باضافة الطفل والسفر ... الموضوع قديم لكن يتجدد ويتحدث باستمرار تبعا للمعطيات والتحديثات الجديدة (وايضا اسمحولي بعمل بعض الاقتباسات الضرورية لااثراء الموضوع ايضا )
تحياتي اخوكم كوندا
-
بالنسبة الي لم يكن الموقع موجود اصلا حين اضافة الطفل لكن حين اعادة الفحص لاحظت ان الفحص الطبي صار فعال وبعدين صار مكتمل وحالة الملف معلق بعدها تعذر دخولي للموقع بسبب نفاذية كلمة المرور ...اتمنى ان اكون افدتك بالموضوع ....
-
http://www.ankawa.com/forum/index.php/topic,470620.0.html
>>>>>>>>>>>>>>>>>>>>>>>>> هذا موضوع مثبت في قسم مواضيع الهجرة المهمة ويختص باضافة الطفل والسفر ... الموضوع قديم لكن يتجدد ويتحدث باستمرار تبعا للمعطيات والتحديثات الجديدة (وايضا اسمحولي بعمل بعض الاقتباسات الضرورية لااثراء الموضوع ايضا )
تحياتي اخوكم كوندا
شكرا اخ كوندا على هذه المعلومات القيمة هوايه وضحتلي امور...اكرر شكري الجزيل لحضرتك
-
بالنسبة الي لم يكن الموقع موجود اصلا حين اضافة الطفل لكن حين اعادة الفحص لاحظت ان الفحص الطبي صار فعال وبعدين صار مكتمل وحالة الملف معلق بعدها تعذر دخولي للموقع بسبب نفاذية كلمة المرور ...اتمنى ان اكون افدتك بالموضوع ....
شكرا اخويه العزيز انته اكيد فدتني وفدت كل اللي نفس حالتنه..حتى ولو في كلمة وحدة ممكن توضحلنه هوايه امور..شكرا جزيلا
-
الاخ كوندا الرائع الراقي,
الاضافة جدا مهمة اشكرك بس هسه اضافة الطفل اختلفت اختلاف جذري, يعني اكو عائلة سافرت بدون مقابلة للطفل و اكو ناس دا يضيفون الطفل من تخلص امنياتهم هذا الكلام صحيح ميمة مية..
تحياتي..
-
السلام عليكم اخوان ... اني مقدم iom عمان ...ومقابل محلفين الحمد لله....زوجتي حامل بشهرها الاخير قبل كم يوم خابروني علمود الفحص الطبي ورحت واجلتة لان همة يريدون ياخذون اشعة الى زجتي بس اني خفت على الجنين لان الاشعة مو زينة عليه.... المهم كالولي ورة الولادة تعال افحص .... بس اريد منكم مساعدتي شنو اسوي اول خطوة يعني من يجيني الطفل ..؟؟؟ اروح للun???لو للiom ???لو ارسل بيان الولادة بالايميل وشنو اكللهم؟؟؟؟ ارجو الرد اخواني
-
الاخوان الاعزاء ,
السلام عليكم... منو قابل محلفين من دز اوليات الطفل و منو سافر و ره مقابلة المحلفين مالت الطفل.
مع تحياتي...
-
الاخوان الاعزاء ,
السلام عليكم... منو قابل محلفين من دز اوليات الطفل و منو سافر و ره مقابلة المحلفين مالت الطفل.
مع تحياتي...
اخي العزيز انا ضفت الطفل يوم 1-3 -2011 وقابلت المحلف للطفل يوم 20-4-2011 وفحصه الطفل يوم 1-5-2011 بس لحد الان ما مسافر ...تحياتي .
-
up
-
أخي العزيز أني اجاني طفل يشبه اوباما ونيملي الملف من تاريخ مقابلة المحلف 20/4/2011 مع الاخ يوزرسيف الى الآن فقط أعدنا الفحص الطبي بتاريخ 29/8/2012
ومنتظرين الفرج
megalove
-
السلام عليكم اخوان ... اني مقدم iom عمان ...ومقابل محلفين الحمد لله....زوجتي حامل بشهرها الاخير قبل كم يوم خابروني علمود الفحص الطبي ورحت واجلتة لان همة يريدون ياخذون اشعة الى زجتي بس اني خفت على الجنين لان الاشعة مو زينة عليه.... المهم كالولي ورة الولادة تعال افحص .... بس اريد منكم مساعدتي شنو اسوي اول خطوة يعني من يجيني الطفل ..؟؟؟ اروح للun???لو للiom ???لو ارسل بيان الولادة بالايميل وشنو اكللهم؟؟؟؟ ارجو الرد اخواني
اخوية اذا انت مقدم عال يو ان لازم تضيف الطفل باليو ان الاول
وراها الاي او ام تحددلك مقابلتين الاولى مجرد اضافة وياخذولة صورة ونسخة من بيان الولادة او الجواز
والمقابلة الثانية هي مقابلة محلفين
سريعة ما تطول ربع ساعة
وراها فحص طبي
-
الاخوان الاعزاء ,
السلام عليكم... منو قابل محلفين من دز اوليات الطفل و منو سافر و ره مقابلة المحلفين مالت الطفل.
مع تحياتي...
اخوان اني اجاني طفل ورا ست شهور حددولي موعد مقابلة محلفين وعدت الفحص
لكن لحد الان ماكو اي تغيير
-
الاخوان الاعزاء ,
السلام عليكم... منو قابل محلفين من دز اوليات الطفل و منو سافر و ره مقابلة المحلفين مالت الطفل.
مع تحياتي...
اخوان اني اجاني طفل ورا ست شهور حددولي موعد مقابلة محلفين وعدت الفحص
لكن لحد الان ماكو اي تغيير
الاخ موزارت,
يعني ماكو تغيي\ر حتى بالامنية, ما جديد نهائيا؟؟؟
تحياتي..
-
اخوية اني اصلا عالموقع امنيتي ابد ما اكتملت
التغيير صار فقط مقابلة المحلفين كانت كومبليت رجعت ان بروسس وهسة رجعت كومبليت
والفحص الطبي نفس الحالة
عالموقع الامنية لا زالت بيندنك
-
الإخوان الأعزاء اني جان محدديلي موعد سفر بشهر السادس اللي فات بس بسبب زوجتي حامل انلغى السفر وبعدين اجانة الطفل وضفنته بشهر السابع...وبعدين قابلنة محلف بخصوص اضافة الطفل بهذا الشهر وجانت مقابلة روتينية مجرد اقل من خمس دقايق وهسه ننتظر الفحص الطبي وبلكت الله كريم وراهه نسافر لاين احنه مخلصين كلشي بس اكو ملاحظة الموقع ليهسه خانة المحلفين No Activity ماأعرف شوكت يتحدث....واذا اكو احد مثل حالتي خلي يشاركنةالموضوع والإستفادة للجميع
-
اخواني الاعزاء اني جاني طفل بشهر الثالث ورحت ضفتة ورة اسبوع وقابلت محلفين بشهر السادس وفحصت بشهر السابع ولحد الان ماكو اي شي مع العلم حالة الملف فعال والمقابلات والفحص مكتمل والامنية انتظار وحالة السفر غير فعالة شتكولون بهيج حالة الي عندة خبرة يجاوب مع العلم ورة الولادة قبل مااضيف الامنية الموظف كالي جاية او ورة ماضفت الطفل كالو انسحبت؟؟؟
-
اخواني الاعزاء اني جاني طفل بشهر الثالث ورحت ضفتة ورة اسبوع وقابلت محلفين بشهر السادس وفحصت بشهر السابع ولحد الان ماكو اي شي مع العلم حالة الملف فعال والمقابلات والفحص مكتمل والامنية انتظار وحالة السفر غير فعالة شتكولون بهيج حالة الي عندة خبرة يجاوب مع العلم ورة الولادة قبل مااضيف الامنية الموظف كالي جاية او ورة ماضفت الطفل كالو انسحبت؟؟؟
نفس حالتي بالضبط
بس الملف بيندنك
-
و الله يا جماعة الخير كلامكم أحبطني فعلاً :(
بعد ما تحرك ملفنا النايم من (أربع سنوات) و سوينا أول فحص طبي في اواخر شهر 5 -2012 بدأت بإضافة طفلي الثاني الجديد.
أضفت الطفل في شهر 6 الماضي (المقابلة الأولى)، و لما قابلت المقابلة الأولى الموظفة أبلغتني أنه أمنياتنا كاملة عدا الطفل الجديد ، و أخبرتني أنه أمنية الطفل ما تاخذ أكثر من 6 أيام !
قابلت (محلفين إضافة طفل) نهاية شهر 8 الماضي و لحد الآن ماكو إتصال لغرض الفحص الطبي الخاص بالطفل .
على الموقع المقابلة الأولى و المحلفين كاملة ، الفحص الطبي غير فعال، حالة الملف و الأمنية بالإنتظار pending result.
الخميس الماضي خابرت و سألت عن حالة الملف ، جاوبني الموظف بإنتظار الأمنية، يابا شنو الأمنية مو إحنا امنيتنا كاملة و الطفل امنيته ما تاخذ أكثر من أسبوع ، يكلي و الله التشييك الأمني غير مكتمل !!
معقولة يعيدون التشييك الأمني بس لأنه إنضاف طفل على الكيس !؟
أني جنت متضايق لأنه حسيت الفحص الطبي للطفل تأخر ، بس بعد ما قريت ردودكم زاد عندي الإحباط لأن حتى الفحص الطبي ما يعني شي بهالحالة، نرجع و ننتظر الأمنية و امرنا لله.
و حسبنا الله و نعم الوكيل
يا رب فرج همومنا كلنا
-
الإخوان الأعزاء اني جان محدديلي موعد سفر بشهر السادس اللي فات بس بسبب زوجتي حامل انلغى السفر وبعدين اجانة الطفل وضفنته بشهر السابع...وبعدين قابلنة محلف بخصوص اضافة الطفل بهذا الشهر وجانت مقابلة روتينية مجرد اقل من خمس دقايق وهسه ننتظر الفحص الطبي وبلكت الله كريم وراهه نسافر لاين احنه مخلصين كلشي بس اكو ملاحظة الموقع ليهسه خانة المحلفين No Activity ماأعرف شوكت يتحدث....واذا اكو احد مثل حالتي خلي يشاركنةالموضوع والإستفادة للجميع
نعم اخي اني بالظبط نفس حالتك وهمينه قابلت بهذا الشهر ولحد الان ماكو اي تغيير بعده المحلفين والفحص الطبي والسفر no activity والله كريم
تحياتي
دريمي
-
هاي شنسوي اخوان ماعدنه غير رحمة الله والإنتظار وانشاءالله السفر العاجل للجميع
-
مرحبا اخوان شونكم
اليوم جان عندي مقابلة اضافة طفل . اخذت الطفلة مالتي ورحت اتاخرنا شوية من قابلونا بس المقابلة جانت روتينية مطولت اكثر من 10 دقائق وطلبو المستمسكات مال الطفلة ( الجنسية + جواز + بيان ولادة ) شافتهم المحلفة وبعدين رجعولي اياها .
-
مرحبا اخوان شونكم
اليوم جان عندي مقابلة اضافة طفل . اخذت الطفلة مالتي ورحت اتاخرنا شوية من قابلونا بس المقابلة جانت روتينية مطولت اكثر من 10 دقائق وطلبو المستمسكات مال الطفلة ( الجنسية + جواز + بيان ولادة ) شافتهم المحلفة وبعدين رجعولي اياها .
الاخ الكريم,
اول شي مبروك على المقابلة و الحمد لله ع السلامة.
بس شنو كا موقف ملفك يعني كانت الامور مكتملة و بعدين رجع كلشي انتظار لو شنو؟
و بالمقابلة هم سالتهم عن وضع الامنية مالتك لان يقولون الي يقابل اضافة طفل يعني امنيته كملانه.
سوال اخير من فضلك... هم فحصت للطفل لو لا؟
تحياتي و شكرا للموضوع...
-
الاخ Eagle Head
اشكرك اخي بالنسبة لحالة الملف جانت كلها كومبليت حتى الامنية جانت كومبليت بس من ضفت الطفل رجعت مقابلة المحلفين والفحص الطبي no activity اما فحص الطفل لي هسة بعدني ممسوي فحص وشكرا الك .
-
الاخ Eagle Head
اشكرك اخي بالنسبة لحالة الملف جانت كلها كومبليت حتى الامنية جانت كومبليت بس من ضفت الطفل رجعت مقابلة المحلفين والفحص الطبي no activity اما فحص الطفل لي هسة بعدني ممسوي فحص وشكرا الك .
الاخ Shaboo المحترم,
شكرا على المعلومات, ان شا الله السفر القريب. و الفحص الطبي ان ش الله يكون قريب.
تحياتي اخي العزيز...