ankawa
منتدى الهجرة واللجوء => الهجرة و واللاجئين => الموضوع حرر بواسطة: انته بروحي صدكني في 00:29 16/07/2012
-
السلام عليكم ممكن واحد يشرح الطريقة الي يقدم بية على iom وين ايروح ابغداد وشنو ايسوي الاجراءات مالتة لان اني كلشي ما اعرف واريد مساعدتكم لان لعبت نفسي من العراق ومع العلم اني اداوم بالمغاوير ولعبانه نفسي من الدوام وقدمت على استقالة ورفضت واذا ابطل ايسجنوني 5 سنوات فاريد ابطل من الدوام خاطر اطلع ومحد يكدر ايسويلي شي اترجاكم ارجوو الرد على الموضوع اخوكم علاوي :-*
-
حبيبي علاوي
اول شي اذا تريد تقدم ع لجوء من بغداد لازم تكون جنت تشتغل ويا الامريكان لو مترجم لو في احد الشركات الاجنبيه
ثاني شي التقديم اي كون عن طريق الانترنيت ترسلهم وادز اوراقك مال العمل الي ويا القوات الامريكيه وبعدين راح اي طلبون مستمسكات مالتك
ورهه من يتاكدون من الاوراق مالتك ومن عملك مع الامريكان راح يدزون عليك ع مقابله اولى
-
شوكراً حياتي اسطنبولي على ردك للموضوع زين حبي اذا ممشتغل وية الامريكان اشلون وين اروح يعني الة وية الامريكان ماكو غير طريقة الواحد ايقدم بية من بغداد ولو ضوجتك حبيبي بس والله لان لعبانة نفسي من العراق والحر مالتة والاوضاع التعبانه والدوام الي بالشمس
-
الله اي ساعدك اخوية
اكو طريقه بس لازم تسافر خارج العراق يعني لو تركيا لو عمان لو مصر لو لبنان
وتقدم من عدهم
بس اسرع شي تركيا هيه في التقديم حته لو ممشتغل ويا الامريكان تكدر تقدم من هاي الدول
بس من العراق اخي متكدر تقدم الى لازم جنت تشتغل ويا الامريكان
واني انصحك اذا تريد تقدم روح الى تركيا وقدم مناك احسن الك لأنتركيا اسرع شي
-
اخوية العزيز انته بروحي صدكني
الحل انه تقدم على اليوأن خارج العراق ومثل مانصحك الاخ اسطنبولي جزاه الله خيرا
تروح لتركيا هناك بأنقرة وتقدم على اليوأن
وهذا اللنك يفيدك ادخل علية يخص جماعة تركيا
http://www.ankawa.com/forum/index.php/topic,581659.0.html
والله يحميك ويسدد خطاك اتمنى لك الموفقية
-
شكراا حياتي اسطنبولي واخوية الشائع ربي يحفظكم ويخليكم بحق محمد ان شاء الله اني هم كلت الى تركيا بس تركيا ما اعرف احد بية اشلون اروح واشلون اجي ان شاء الله ايسهل علينا وعليكم وشكرا على الردود :-*
-
اخوية انت بروحي صدكني
كلنا طلعنه غربه وما نعرف احد بس رب العالمين كفيلنا
توكل على الله فمن توكل على الله فهو حسبه
-
اخوية هواية عراقيين في تركيا وخصتن اسطنبول منطقة كولتولش
هاي المنطقة الجالية العراقيه شكلهه بيهه كاعده
واني عندي اصدقائي كاعدين في اسطنبول وهم ينتظرون يو ان
واذا تريد تروح الى تركيا وما عندك احد اخي اني اخلي اصدقائي من توصل يستقبلوك وي كعدوك يمهم
ولا تهتم الى اي شي بس انته شوف نفسك اذا قررت تسافر
انشاء الله خير
-
اشكركم حيل وان شاء الله نتواصل دائما والله ايسهل على الجميع يا رب ومن اطلع الى تركيا ابلغكم ممنونين على الردود :-*