ankawa
منتدى الهجرة واللجوء => الهجرة و واللاجئين => الموضوع حرر بواسطة: THE DIPLOMAT في 20:29 16/07/2012
-
تحية طيبة و رقيقة لكل الأعضاء ...
بما أنو الكثيرين دي ينتظرون السفر فكرت أفتح هذا الموضوع اللي أعتقد انو الكثيرين يمرون بحيرة كبيرة قبل أن يختاروا الولاية المناسبة , يعني كل ناس تقول شكل , و البعض ببساطة يختار الولاية اللي بيها الكفيل مالتة .
لكن إختيار الولاية صعب جدا لأن الولايات مختلفة و أنظمتها و قوانينها مختلفة بس خلونة نناقش موضوع يا ولاية هي الانسب بالنسبة للاجئ الجديد أو يا ولاية على قولة الامريكان "Refugee Friendly”
طبعا الاسس اللي راح نتناقش بيها هي أسعار الاجارات , الضمان الصحي , المساعدات , توفر الاشغال الجيدة نوعا ما و طبيعة المجتمع
أرجو من اللي بأمريكا يفيدونة بمزايا ولاياتهم من هالنواحي و أكثر و لو برد واحد؟
و اللي إختاروا ولاياتهم يا ريت يشاركونة شلون أختاروا هاية الولاية بالذات ؟
تحياتي
-
خوش موضوع.......
اني بالنسبة اللي كنت مختار كاليفورنيا لان كفيلي جان يكول عليها حلوة اهوايه ولكن بعد بحث وتمحيص!!!!!!!! شفتها ما تفيد لانها كلش غالية وشغل قليل بيها و عليها بقيت ابحث بالانترنيت ووجدت ولاية تكساس و اريزونا و ميشغان و كنتاكي و نورث داكوتا و اوهايو من الولايات الرخيصة والزينة نوعا ما واختاريت اوهايو لان عندي صديق هناك ودائما كان يعرض عليه ان يصير كفيلي وفعلا قبلت لان مثلما كلت سويت بحث ولكيته انسب ولاية بالنسبة النا بالرغم من وجود اصدقاء اخرون في بقية الولايات مثل جورجيا وتكساس ونورث داكوتا واوريغون وميشغان وتينيسي وبدون مبالغة كلهم كانوا مستعدين يتكفلوني.
-
خوش موضوع.......
اني بالنسبة اللي كنت مختار كاليفورنيا لان كفيلي جان يكول عليها حلوة اهوايه ولكن بعد بحث وتمحيص!!!!!!!! شفتها ما تفيد لانها كلش غالية وشغل قليل بيها و عليها بقيت ابحث بالانترنيت ووجدت ولاية تكساس و اريزونا و ميشغان و كنتاكي و نورث داكوتا و اوهايو من الولايات الرخيصة والزينة نوعا ما واختاريت اوهايو لان عندي صديق هناك ودائما كان يعرض عليه ان يصير كفيلي وفعلا قبلت لان مثلما كلت سويت بحث ولكيته انسب ولاية بالنسبة النا بالرغم من وجود اصدقاء اخرون في بقية الولايات مثل جورجيا وتكساس ونورث داكوتا واوريغون وميشغان وتينيسي وبدون مبالغة كلهم كانوا مستعدين يتكفلوني.
شكرا للإجابة عيني ....
و أني هماتين كنت دا ارد أروح لكاليفورنيا بس بديت أغيير رأيي
-
على فكرة ترة حتى المدينة هم مهمة بالنسبة لأي لاجئ لأن المدن الكبيرة أحتمال تكون غالية مو مثل المدن المتوسطة .
-
هذا فد شي اكيد دائما المدن الكبيرة اغلى ومشاكلها اكثر بس بيها حسنة وحدة الاندماج بالمجتمع يكون اسهل.
-
السلام عليكم اخواني عاشت ايديكم على هذا الموضوع واتمنى من لديه المعلومات ان يفيدنا اني كنت مقدم على ولاية كاليفورنيا والان حولت على كنتاكي لان كاليفورنيا مثل متكولون غالية وصديق شبهه منطقة سياحية وغالية تروح تسكن بيه وانته بعدك ببداية الطريق كلي الكيلك ولاية متوسطة وابدي واذا توفقت ذاك الوكت روح لكلفورنيا لان هذه الولالية ولاية الفنانين والاثرياء والرياضيين ومنعرف شي اله انجرب وهذه كله يبقى كلام ونتوكل على الله ونشوف شلون تصفه
اخوكم ابو احمد
-
السلام عليكم . اني ان شاء الله وجهتي ولاية واشنطن سيتي مدينة سبوكاني . اكثر الاخوه يكولون الولايات الشماليه متفيد وبارده لتتورطون بس همه ميعرفون ان احسن الولايات من ناحية القوانين بالنسبه للاجئ هيه الولايات الشماليه حتى الشغل متوفر وهو اصلا بكل مكان متوفر بس تبقى على الشخص نفسه . على العموم معلوماتي من كفيلي ان ولاية واشنطن من افضل الولايات واكثر اصدقائه الي غيرو ولايتهم وطلعو من واشنطن هسه متندمين . ان شاء الله الاستقرار لجميع اخوتنه .
-
السلام عليكم اخواني عاشت ايديكم على هذا الموضوع واتمنى من لديه المعلومات ان يفيدنا اني كنت مقدم على ولاية كاليفورنيا والان حولت على كنتاكي لان كاليفورنيا مثل متكولون غالية وصديق شبهه منطقة سياحية وغالية تروح تسكن بيه وانته بعدك ببداية الطريق كلي الكيلك ولاية متوسطة وابدي واذا توفقت ذاك الوكت روح لكلفورنيا لان هذه الولالية ولاية الفنانين والاثرياء والرياضيين ومنعرف شي اله انجرب وهذه كله يبقى كلام ونتوكل على الله ونشوف شلون تصفه
اخوكم ابو احمد
شكرا على الرد عزيزي ....
ترة هو الشغل متوفر بكل مكان بس طبعا تفرق أكو ولاية غالية و أكو ولاية أسعارها مناسبة
ممكن تفيدنا عن ولاية كنتاكي و شلون إختاريتها ؟
-
السلام عليكم . اني ان شاء الله وجهتي ولاية واشنطن سيتي مدينة سبوكاني . اكثر الاخوه يكولون الولايات الشماليه متفيد وبارده لتتورطون بس همه ميعرفون ان احسن الولايات من ناحية القوانين بالنسبه للاجئ هيه الولايات الشماليه حتى الشغل متوفر وهو اصلا بكل مكان متوفر بس تبقى على الشخص نفسه . على العموم معلوماتي من كفيلي ان ولاية واشنطن من افضل الولايات واكثر اصدقائه الي غيرو ولايتهم وطلعو من واشنطن هسه متندمين . ان شاء الله الاستقرار لجميع اخوتنه .
شكرا لردك عزيزي ...
ولاية واشنطن آني سامع انو هية زينة من كل النواحي : الايجارات العمل ....ألخ
-
موضوع يستحق النقاش فعلا اني هم جنت ناوية على كاليفورنيا اذا الله سهل لكن الحمد لله غيرت فكرتي وبالي تكساس لان سالت هواية عليهة والامريكان نفسهم يكولون رخيصة من ناحية الايجارات والاكل وخصوصا الاكل لانها زراعية يعني الواحد يبدي بيهة وبعدين الله يسهلة بس عيبهة انها حارة ورطوبة عالية لكن احنة رب الي اتحملنة حر العراق وبلة كهرباء !!! منتحمل حر تكساس والكهرباء متنطفي ابد والجو صافي وخدمات متوفرة وطبيعة حلوة!
فالي انصح بي تكساس كواحدة من ارخص الولايات وانسبهة للاجيء الجديد
تحياتي
اختكم ام اتنا
-
شكرا لمشاركتك أختي
عيني خلو بالكم ترى الرخص نسبي و ليس بكل الولاية , يعني مثلا الشقة في مدينة كبيرة شي طبيعي تكلف أكثر مما مدينة صغيرة و هاذا الشي أظن موجود بكل الولايات .
و طبعا هذا الشي أيضا محير لأن إختيار الهجرة للولاية و المدينة أيضا بنفس الدرجة من الاهمية بالنسبة للاجئ .
تحياتي
-
للرفع