ankawa
منتدى الهجرة واللجوء => الهجرة و واللاجئين => الموضوع حرر بواسطة: BUCCA في 09:58 17/07/2012
-
السلام عليكم.طبعا كان من المقرر ان اليوم رحلتي لامريكا لاكن قبل يومين اتصل علي موضف من عمان وكالي رحلتك الغت طبعا انة جنت ابغداد وانة من اهل البصرة فمن الغة موعد الشفر ورى ساعتين انة بكراج النهضة رجعت للبصرة والحمد للة وصلت بسلامة لحد هنا كلشي طبيعي موعد رحلة الغة والسلام لاكن بالطريق وانة راجع اتصلت على رقم الموضف الي بغداد وكتلة انة موعد سفري يوم 17-7 ولازم يوم 16-7 اسوي فحص طبي لاكن اتصلوا علي وبلغوني ان موعد السفر الغة رد علي الموضف كلي محد بلغنة بهذا الشي كتلة انة هيج تبلغت من عمان كلي اوكي انت اخذ بحجي عمان لان همة المسؤلين علينة واحنة نستلم التعليمات منهم لاكن اليوم وقبل 17-7 وقبل نص ساعة اتصل علي موضف من بغداد وكلي انت وين عندك سفر هسة كتلة بلغوني من عمان ان موعد سفري الغة رد الموضف كال لا ما الغة وانت اسمك على جدول السفر اليوم كتلة انة هسة بالبصرة كلي اوكي يعني ما تكدر تجي باي.
هسة انة ضليت حاير معقولة عمان ما تنطي خبر لبغداد اذا الغة موعد سفر مال اي شخص؟للعلم انة من لغوا موعد سفري اتصلت على اخوي الي بامريكا وهو اتصل على النتضمة والمنضمة اكدت ان موعد سفري اتاجل كلولة تبلغنة ان موعد سفر اخوك و 3 عوائل الغة .فيا اخوان شنو رايكم بهاي السالفة؟
-
الله يساعدك بس راسلهم او اتصل بيهم لمكتب عمان احسن واتاكد
-
اخويه دخابر على عمان واتاكد هم المكز الاقليمي
-
اخوية انة بنفس اليوم الي اتصل بية الوضف مال عمان ولغة موعد السفر الي هو يوم 15 دزيت اميل الهم ولهسة ما كو رد
-
اتمنى اي واحد يزودني برقم لعمان اكدر اتصل بية كون رقم يجاوبون علية لان عندي اكثر من رقم بس محد يرد علي من اتصل
-
009627065625080 هذا رقم IOM الارضي اتصل اول مراح تطلعلك وحده تلغي اضغط رقم 2 وبعدين دخل الرقم 829 وتنتظر على الخط وان شاء الله خير
-
شكرا جزيلا اخوي مروان الجاف يوم سفرك ان شاء اللة وجميع الاخوة وخاصة المتضررين من الانتضار
-
IOM لا دين لهم ولا ضمير
-
غجيب
-
اخي العزيز حتى تخليهم امام المسؤلية
سوي ايميل الى بغداد خبرهم بتبليغ عمان بالتأجيل واطاب منهم التأكد من عمان
وسوي ايميل الى عمان خبرهم ان جماعة بغداد ما عدهم خبر بالتأجيل ويوءكدون موعد السفر باقي على حالة واطاب منهم ابلاغ مكتب بغداد
امنياتي لك بالتوفيق
-
ذوله جماعة بغداد مطفين
مع الاسف ماعدهم شعور بالمسؤلية
-
يابه اخاف هذا واحد ديشاقه وياك ;D
والله هاي مصيبه
-
تحية طيبة الكم جميعا وشكرا جزيلا على نصائحكم.اخوي saad alomrani اكو اميل لجماعة بغداد؟ انة الاميل الوحيد الي اعرفة هو هذا IC@iom.int
اذا اكو اميل لاهل بغداد ارجوك زودني بية.ان شاء اللة ما تشوفون الي شفتة.
-
هاي غير خربطة ولعب بمصير العالم
والله مندري شنكول غير لا حول ولا قوة الا بالله
لو تخابرهم يكون احسن
-
بربي هذا احباط مو طبيعي الله يكون بالعون
-
السلام عليكم .بالبداية الحمد للة والشكر على كل حال اختي سارة انة بيوم الي اتصلوا علي ياجلون الشفر اي قبل الرحلة بيومين بنفس اليوم دزيت رسالة لعمان بلغتهم بهذا الشي وبنفس اليوم ورة 3 ساعات من هذا الاتصال اتصلت على موضف بغداد بلغتة واليوم اتصلت على عمان كتلهم يابة حالتي كذا وكذا جان الموضف يرد علي احنة ما نستقبل اتصالات من بغداد ابعثلنة اميل كتلة دزيت اميل بنفس اليوم الي اتاجل بية موعد السفر و صارلي يومين محد راد علي كلي خاف الاميل ما وصل كتلة استلمت اوتو ربلي ورة دقيقة بعد ما دزيت الاميل فالموضف كلي اخي احنة نستقبل الاف الاميلات يوميا وانت اذا عندك استفسار دز اميل وانتضر الرد لو عل الاميل لو الادارة تتصل عليك .الحمد للة على كل حال وان شاء اللة يوم سفركم جميعا ونفرح بيكم امين رب العالمين
-
اخويه Bucca . ولو الجماعة بالمنظمة كلش تعبانين ومخربطين وميستحون .... بس بخصوص تأجيل سفرك فمعلومات المنظمة بعمان اصح من مكتبهم الي ابعداد.
الي خابرك كلك سفرك انلغة و مكلك اتأجل لان مامحددين يوم سغر جديد الك بعد ,جته لا تسال اتاجل الى يا يوم.
المهم هسه تنتظر تحديد موغد سفر جديد الك و الله كريم
تحياتي
Willpower
-
تحية مسائية الكم جميعا .شكرا لمداخلتكم جميعا وشكرا الك اخوي willpower وان شاء اللة تحليلك صحيح واللة كريم ونحمد رب العالمين على كل حال وحاب اسالك سؤال انت من مجموعة الماسة الذهبية مو؟سافرت لو بعدك؟
-
الله يساعدك
والله لا ينطيهم
-
الله يكون بعونه احنه اهل بغداد
اولا ماكو احد نكدر نخابره نستفسر منه
والايميل بعد شهر يالله يجي الرد
وحتى اذا احد خابرك ما ينطيك مجال تتفاهم ويا كلها من وره هذولة الاردنيين الميتين جوع الله لا يوفقهم
حاقدين على العراقيين من يوم الله ما خلقهم لان بحياتهم ما يوصلون النه وباتعس ضروفنه
حسبنا الله ونعم الوكيل
اخوية ان شاء الله ما تتاخر اكثر بعد ولا تهتم الموضوع حسب ما افتهمنه العراقيين هنا يشتغلون بامرة الاردنيين
يعني اذا عمان كالو عالابيض اسود العراقي اكيد راح يكول اسود لان اذا كال ابيض راح ينكطع عليه المي والكهرباء
وتدرون احنه العراقيين كلشي تحارش بي ويانه الا الكهربااااااااااااااااااء
الكاتب
-
تحية مسائية الكم جميعا .شكرا لمداخلتكم جميعا وشكرا الك اخوي willpower وان شاء اللة تحليلك صحيح واللة كريم ونحمد رب العالمين على كل حال وحاب اسالك سؤال انت من مجموعة الماسة الذهبية مو؟سافرت لو بعدك؟
ظلا خويه بعدني