ankawa
منتدى الهجرة واللجوء => الهجرة و واللاجئين => الموضوع حرر بواسطة: أبوسيف في 15:10 18/07/2012
-
القضية قضيتي أرجوكم بأن تسمعوني و تساعدوني
زوجتي طلبت الطلاق مني بسبب عملي وغيابي الكثير عن البيت و بالمناسبة من كنت أعمل بالجي أل أس كنت أغيب الشهر وأكثر من الشهر أحياناُ والآن مدة غيابي متتجاوز العشرة أيام بس هذا الشي مو بأيدي والله أخواني الآعزاء
واُني حالياُ دا أروي قصتي وما أشعر بأي خجل لآن حاولت أنجاح هالعلاقة بس تجري الرياح بمالاتشتهي السفن
المهم أخواني الآعزاء أني دا أشتغل بشركة نفط بالعراق بمنصب معاون مدير الموارد البشرية و في نفس الوقت داأنتظر الفيزا
يعني ما دا أضيع الوقت هنا وهناك والله شاهد بأنة ما عندي أي علاقات تبعدني عن بيتي وعن زوجتي ألاالعمل الله شاهد وأني أتحاسب على كلامي أمام الله أني أنسان مستقيم لاخائن لزواجي ولا حرامي و لا كذاب الله شاهد .....................
المهم المشكلة وهي دا تصر على موضوع الطلاق وأني تعبت من هالحماقات
أذا أني بالعراق وهي تتصرف على هالشكل أشلون أذا سافرنا لآميركا والرزق بيد الله يمكن أعمل بمكان أخر و أبتعد أكثر وأنتم تعرفون أميركا وماهي المصاعب هناك وبالمناسبة بين فترة وأخرى هذا طلبها يتكرر أحتوي الموضوع بس هاي المشكلة تصرفاتها غير متوقعة وأن هي تركت الموضوع الآن ستكررالطلب لاحقأ همي الوحيد هو أبني ما أريد يتأثر بسبب حماقات أمه وأذا حدث الطلاق شنو تأثيرة على السفر هل من الضروري بأن أبلغ بأرسال أيميل للسفارة وما ستكون العواقب أن لم أفعل وأسافر وحدي بدون الآم والطفل أو أترجم وثيقة الطلاق؟
شوروني أخواني الآعزاء وما خاب من أستشار
أخوكم أبو سيف
-
اخي ابو قيصر . اتريد رايي نفذلها طلباتها لخاطر ابنك وضحي
هذا اللي يكوله العقل لان الطلاق الضحيه الوحيده هو ابنك قيصر
تحياتي
-
أشكرك أخوية العزيز بس أبني أسمه سيف
-
أشكرك أخوية العزيز بس أبني أسمه سيف
الله ايخليلك سيف
عمي والله دايخين
-
شوف اخوية اني ما احب ادخل نفسي بشؤون الناس
بس راح اكلك لو اني بمكانك شلون افكر
(اني بلعراق وزوجتي موكفت ويايه وتريد تطلك.وكل تعبي هذا المن. ليش عاجبني اضل بعيد عن البيت. زين بامريكا شراح تسوي بيه)
هذا اني
انت شلون تفكر بعد ضلت يمك
بالموفقية
-
تسلم يالغالي و رحمة الله على والديك
المهم الموضوع قيد الدراسة واني مو من النوع المتسرع أو اعصابي تتحكم بيه أشكرك حبيبي الغالي على شعورك و شعور الآخوان بالموقع
والله يقدم الي بيه الخيرللجميع
شكراُجزيلاُ
-
طلك واخلص
-
والله ياخوي ابغض الحلال عند الله هو الطلاق وانته عندك سيف فسيف شنو ذنبه رح تصير بي ميت عقده بعد انفصالكم لاسمح الله وانته مبين عليك انسان مضحي فلو تحاول تحل المشكله ويا ام سيف وتساوي كل الخلافات قبل ماتسافرون حتى الله يبارك بحياتكم وبسفرتكم بدون هاي المنغصاة حاول بلكي الله يهدي النفوس عود اذا كل الطرق مانجحت شوف حل الاخر
-
شوف اخوية اني ما احب ادخل نفسي بشؤون الناس
بس راح اكلك لو اني بمكانك شلون افكر
(اني بلعراق وزوجتي موكفت ويايه وتريد تطلك.وكل تعبي هذا المن. ليش عاجبني اضل بعيد عن البيت. زين بامريكا شراح تسوي بيه)
هذا اني
انت شلون تفكر بعد ضلت يمك
بالموفقية
تحيه طيبه
لاتقاس الامور من طرف واحد عادة ..ولو قيست لما سمي زوجين وليس زوج واحد ؟وعلى اي اساس واي حكم قمنا بمسك ميزان وحكما بالبراءة لطرف والذنب لطرف احر وكان الحكم تفكيك وتقسيم عائله هل هذا هو النصح ؟؟
وهل نرضا للاهلنا ذلك ؟وبمداخله قد ياخذ الاخ منها ماسهل طبع الحروف ويدون رحمه
اخي الكريم قم بالجلوس مع زوجتك واحكم عقلك واصلح شانك معها فقط وليكن طفلك ومستقبله وخيره جل مصلحتك لانه مسوول منك ولايحيا بدون اب وام فهذه معادله معادله الرب لامعادلتنا
تصبحون على وطن
-
كلام جميل دكتورة
-
شوف اخوية اني ما احب ادخل نفسي بشؤون الناس
بس راح اكلك لو اني بمكانك شلون افكر
(اني بلعراق وزوجتي موكفت ويايه وتريد تطلك.وكل تعبي هذا المن. ليش عاجبني اضل بعيد عن البيت. زين بامريكا شراح تسوي بيه)
هذا اني
انت شلون تفكر بعد ضلت يمك
بالموفقية
تحيه طيبه
لاتقاس الامور من طرف واحد عادة ..ولو قيست لما سمي زوجين وليس زوج واحد ؟وعلى اي اساس واي حكم قمنا بمسك ميزان وحكما بالبراءة لطرف والذنب لطرف احر وكان الحكم تفكيك وتقسيم عائله هل هذا هو النصح ؟؟
وهل نرضا للاهلنا ذلك ؟وبمداخله قد ياخذ الاخ منها ماسهل طبع الحروف ويدون رحمه
اخي الكريم قم بالجلوس مع زوجتك واحكم عقلك واصلح شانك معها فقط وليكن طفلك ومستقبله وخيره جل مصلحتك لانه مسوول منك ولايحيا بدون اب وام فهذه معادله معادله الرب لامعادلتنا
تصبحون على وطن
+ مليون
-
اخويه العزيز
ابغض الحلال هو الطلاق
وحتى ان هي كررت طلبها فلنساء دائما تفكيرهن محدود ولا ينضرن للموضوع على المدا البعيد (طبعا مو كلهن)
فخليك اكثر تريثا ولا تفكر بتسرع وحاول ان تصلح ذات البين حتى تمشي السفينه واكيد هي عدها اسبابها الي احنه منعرفها لان دائما كل واحد من يحجي قضيته يحجيه من وجه نضره وحسب ميصرفلا
ولا تنسى اكو طفل بيناتكم ولازم اتضحون من اجله ..
وحاولا تجنبون اي مشاكل بيناتكم كدامه قدر الامكان حتى لا تاثرون عليه تره الاطفال جدا حساسون تجاه هكذا امور
تقبل مروري
جورجيا
-
السلام عليكم اخي ابو سيف
برأي وحسب ما تفضلت بيه بموضوعك ان تصبر على هذا الوضع وعسى ان تكرهوا شيء وهو خير لكم
اخي خلي ام سيف تتيقن انك تفكر بالطلاق واكيد راح ينجر بوشها وتخفف عليك شوية من الضغط ووضحلها انها فترة وتنقضي لحين السفر
اخي العزيز
حتى لو لا سامح الله حدث الطلاق فالافضل ان يكون بأمريكا لكي تضمن حياة جيدة لولدك وتحت عينيك وان شاء الله يبقى الشمل دائم وان تسعدون بحياتكم
الكثير من المشاكل المتكررة تحدث بسبب العمل او الغيرة او اي شيء آخر
العصمة في يد الرجل لحلمه وصبره وادراكه للأمور لذا نصيحتي ان تفكر في بيتك اولا وان تحافظ عليه حتى وان كان من اراد هدمه هو زوجتك
اصبر اخي العزيز وادعوا الله لك ان يفرج همك ويصلح امرك
الحكم الاول والاخير لك
-
اخي الكريم
ولماذا هذا الاسلوب في تخويف وترهيب الزوجه ؟؟هل هو هذا كل المقدرة ام عجز القدرة ؟ومال الحال لو تازم الوضع من هذا التهديد الذي قد يسحب الى اكثر واكثر من المشاكل .
ولماذا ظلم هذه السيدة بدون علم منكم ولو كنتم اخيه ابن امه وابيه فلايحق لنا جميعا ابداء المشورة الابالخير المطلق والغير مشروط
لطلبه النصيحه منكم
حاسيوا انفسكم وراعوا كل كلمه حين تكتبون لااخشى حدة قلمي وان غضيتم مادام فيه راب صدع ولم شمل عائله
اخي في امريكا بلد الغربه والعمل لاوطن رغم كل الرفاهيات الا اهل لك لاخ ولا اخت لك ولامنزل الابيتك وزوجتك وطفلك
لاتعش وحيدا فتموت وحيدا ..اهلك وزوجتك وطفلك اولا واصير ..واحسن ..وكل شي له حل بالحسنى والمعروف وليس لان العصمه بيدك
فكم من زوجه صبرت على سوء خلق زوجها وسترت نفسها وعرضها ولاعصمه لها ..وكم من سيدة صبرت على مضض لاجل اطفالها ولاعصمه لها
وكم وكم من الحالات المشرفه التي اقف اجلالا لها ولصبرها ولاعصمه لها ...
تصبحون على وطن
-
دكتورة اقري ردي بوضوح
اني ما طلبت من ابو سيف يفترقون وانما يبلغها بأنه يفكر بالموضوع اللي هي رادتة ( يعني يقشمرها) وهذا الشي اكيد راح يسكتها لان بناءا على طلبها
واذا العبارة
ووضحلها انها فترة وتنقضي لحين السفر افتهمتيها خطأ قصدي وضع العمل الحالي وتقصيره تجاه البيت
دكتورة الرجل يفكر بعقله والمرأة بقلبها لذا الامور تؤخذ بحكمه
عافانا الله واياكم شر الامور
تحياتي
-
اخي الكريم
ان العلاقه الزوجيه تقوم على مبدا الصدق والتراحم بين الطرفين وعذر للكلمه منك ومن كل قاري ولكن بنص كلامك (قشمرة) ..هذة كلمه لاتصح في العلاقه الزوحيه ؟؟؟هناك مشكله واقعه والاخ يريد نصحا منكم معشر الرجال اكثر من النساء في حال تحزبنا ضنا منه لصالح الاخت .
لذلك يوجد شي واحد فقط في هذا الموضوع وهو الجلوس الى طاوله حوار شخصين لاثالث لهما ...وحل خطوة بعد خطوة ..والا تراكم المشكل يوما بعد يوما ...
يكفني منك اخي خسن نيتك ...ولكن ارفقها بخبرتك من الحياة ...هل رايت بيت من قش يقوم ؟
البيوت الصلدة ذات اساس الطيب والواضح القائم على الصدق هي اطول عمرا ؟؟؟
تحياتي لك ولطيب اصلك
-
الدكتورة العزيزة
لا تستغربي الاستعانة بالكذب في حل المشكلة بين الزوجين وخاصة من الزوج لانها رخصة من رب العالمين وليست مني او هي طريقة معتادة
بكل الاحوال حاولت تقديم طريقة ممكن الاستعانة بيها وهي قصيرة المشوار والطاقة ;D
كلامك جميل بخصوص الطاولة والاجتماع وانا اتمناه بشدة لكن اعتقد كلامه الاخ ابو سيف بتكرار الطلب مرارا يعني اكيد كاعدين مسولفين :o
الله يصلح شأن ابو سيف وام سيف ان شاء الله
-
عاشت ايدج الاخت الدكتورة..والله كلامج عين العقل وكم زوجة صبرت على ظلم الزوج وما اشتكت لحد ما كبروا الاولاد وتحسن وضع الاسرة..الله يصلح امر كل عائلة ويحسن وضعهم ويكون الزوج والزوجة مصلحين وغير مفسدين حتى يتربى ابنهم بقلب حنون وما يكون متشؤد لان ضحية المجتمعات وخصوصا المجتمع العراقي هو تفكك الاسرة وكم طفل تحول الى متمرد وقاسي القلب بسبب مشاكل امه وابوه ..فيارب يصلح شانكم ويريح بالكم..وانت لما اختاريت زوجتك ابو سيف اكيد عن وعي ودراسة لوضعية زوجتك لحد ما صارت ام ابنك فحرامات تتخلى عن كل هذا مجرد سفر او مجرد عناد من جانبك او جانبها...ندعو من الله العلي القدير ان يصلح شانكم وهو اعلم بامور عباده
-
اخي الكريم
شكرا لكلامك ...الزواج منضومه قائمه على الصدق لاننا نربي جيلا ...اتعجب من امريكي يقول نعم يقصدها ويقول لا يقصدها واولادهم مثلهم
ونحن نعاني هذا الخلل كلنا ...لاريد لسيف ان يتربى في مكان يرى ابوة يكذب على امه وبالتالي هو سيتعلم خصله وعادة ويكذب عليهما ..
اسال الرب اصلاح هذا الزواج واصلاح الامر والنفس الطويل لكل زوح وزوجه لاجل اطفال اولا واخيرا والتربيه الحسنه :)
شكرا لك مرة اخرى
-
دككتورة جوابي لك سوف يكون على الخاص لكي لا يخرج الموضوع عن مضمونه
بارك الله بيج على مجهودج وحرصج للخير
وكل التوفيق ان شاء الله لجميع الاعضاء
تحياتي
ابومريومة البغدادي
-
السلام عليكم ورحمة الله وبركاته
اخية العزيز ابو سيف الله يعينك على المشكلة هذا بس اكيد كل مشكلة والها حل ... اني من وجهة نظري موضوع الطلاق انسى ولاتفكر بيه على الاطلاق لاانه انته هسه عندك طفل وهذا الطفل اذا صار طلاق راح يصير ضحية بسبب تعنت موقف احد الوالدين الاب والام .
خلي الامور تهدى اشوية . حاول بكل الطرق وبهداوة وانشاء الله رب العباد يقسملك المكتوب من الخير والرزق وحياة اسرة سعيدة ومستقرة .
طبعا بعض الاخوان اقترح عليك مبدا الطلاق ... هذا الحل ممكن اذا انقطعت بيك كل السبل ومتوصلت الى اي نتيجة لكن بشرط ان مايكون عندك طفل بس مثل مانته اتفضلت عندك سيوفي الله يخليه الك فالموضوع مختلف الان .
حاول جاهدا بكل الطرق وانشاء الله راح تفرج عليك بجاه الحبيب المصطفى .
مع تحياتي لك
اخوك مروان
-
تحيه طيبه
عذرا من صاحب الموضوع للخروج عن صلب الموضوع ارجو السماح لي فقط ..
الاخ ابومريومه ...اشكر لك رسالتك على الخاص واجيبك على العام لعبارة استوقفتني واردت ان ارد عليها بجميل شكر مني.. لحسن تدبيرك ....وسعه عقلك .
لك تحياتي
-
شكرا جزيلا دكتورة على كلماتج الجميلة
ودمتي بعبير الورد
-
مرحبا اخى رمضان كريم طبعا احترم رايك لانى من المعزبين ممكن تستخير رب العلمين وان شاء اللة خير
-
القضية قضيتي أرجوكم بأن تسمعوني و تساعدوني
زوجتي طلبت الطلاق مني بسبب عملي وغيابي الكثير عن البيت و بالمناسبة من كنت أعمل بالجي أل أس كنت أغيب الشهر وأكثر من الشهر أحياناُ والآن مدة غيابي متتجاوز العشرة أيام بس هذا الشي مو بأيدي والله أخواني الآعزاء
واُني حالياُ دا أروي قصتي وما أشعر بأي خجل لآن حاولت أنجاح هالعلاقة بس تجري الرياح بمالاتشتهي السفن
المهم أخواني الآعزاء أني دا أشتغل بشركة نفط بالعراق بمنصب معاون مدير الموارد البشرية و في نفس الوقت داأنتظر الفيزا
يعني ما دا أضيع الوقت هنا وهناك والله شاهد بأنة ما عندي أي علاقات تبعدني عن بيتي وعن زوجتي ألاالعمل الله شاهد وأني أتحاسب على كلامي أمام الله أني أنسان مستقيم لاخائن لزواجي ولا حرامي و لا كذاب الله شاهد .....................
المهم المشكلة وهي دا تصر على موضوع الطلاق وأني تعبت من هالحماقات
أذا أني بالعراق وهي تتصرف على هالشكل أشلون أذا سافرنا لآميركا والرزق بيد الله يمكن أعمل بمكان أخر و أبتعد أكثر وأنتم تعرفون أميركا وماهي المصاعب هناك وبالمناسبة بين فترة وأخرى هذا طلبها يتكرر أحتوي الموضوع بس هاي المشكلة تصرفاتها غير متوقعة وأن هي تركت الموضوع الآن ستكررالطلب لاحقأ همي الوحيد هو أبني ما أريد يتأثر بسبب حماقات أمه وأذا حدث الطلاق شنو تأثيرة على السفر هل من الضروري بأن أبلغ بأرسال أيميل للسفارة وما ستكون العواقب أن لم أفعل وأسافر وحدي بدون الآم والطفل أو أترجم وثيقة الطلاق؟
شوروني أخواني الآعزاء وما خاب من أستشار
أخوكم أبو سيف
والله ياخي هذه حياتك وانت اعرف بيه كل اللي اكدر انصحك به هو انه حياتك لاتصور تكون سهلة بعيد عن ابنك وزوجتك بامريكا هذه وحدة اثنين ما اعتقد تكدر تسافر بوحدك وانت هسة بانتظار الفيزة ما اعرف يجوز انت تشعر بقوة وتملك الوسائل لكن من يكون الامر واقع راح تخسر الكثير واولهم ابنك وراح تشعر بالذنب لان ان سمحت لنفسك ان تتركه في يوم من الايام انا ماريد اتفلسف براسك لكن انا احجيلك واقع حال مريت بيه واصعب منهذا وانوضعت بموقف اما حياتي وحياتي اطفال اثنين وامهم وبين ابني الكبير من زوجتي الاولى والذي يعيش معي فاخترت ان اضحي بسفر الكل من اجل واحد والحمدلله اخوي العزيز
كل المشاكل تحل بالهدوء وربما لانك تملك صفه العصبيه فهي التي تجعل الطرف الاخر يمل من ايجاد الحلول والتفكير معك ومساندتك اذن انت طرف في المشكله والطرف الاكثر ايلاما خاصه وانت تقول انك تغيب مدة شهر واكثر وهذا من حق الزوجه ان تطلب وتداعي بحقوقها وبعد ذلك تجدك ترد عليها بكل قوة وعصبيه .وانت تقول اني مشغول بهذا بالعمل هل انعكس هذا العمل على واقع الحياة يعني حياة مترفه وسائل راحه بيت ملك سيارة حديثه مبلغ من المال .اذا كان كذلك فقرب لها وجة نظرك وخيرها اما ابتعادك عن البيت لفترة بسبب العمل لتوفير حياة كريمه وبعض المال ليعينكم في ظروف الشدة سواء سافرتم ام لا واما حياة على الهامش وتواجدك المستمر بقربهم
ربي يهدء النفوس وانشالله تنحل مشكلتك وبرأيي مشكلتك بسيطه فقط اطلب منك ان تهدء وانت تناقش مصير حياتكم .انشالله ربي يهديكم
-
السلام عليكم ،،،، اخي موضوعك محزن والله يساعدك بس اذا مثل ما تكول حضرتك انه انت متمسك بزواجكم ولا عندك علاقات وشغلك بسم الله ما شاء اللله يعني الجانب المادي مو مشكله وانه انت سابقا كنت تغيب اكثر من شغلك الحالي فما عدا مما بدا اني اكولك هذا حسد عيشه واكيد اكو ناس الله ينتقم منهم ما يحبون يشوفون غيرهم مرتاح وسعيد فشوف اخي اذا اكو ناس بمحيطهه دا يقرون براسهه واللي ما يردولهه الخير لان لو رايدين الخير كان وضحولهه الايجابيات وينصحوهه انه تصبر علمود تحافظ عله اسرتهه طبعا اتمنه اختي ام سيف يوصلهه كلامي هذا انه شكو وره الطلاق لا سامح الله هل راح تكون حياتهه اسعد ؟ هل ابنهه راح يسامحهه في يوم من الايام لان برائيي ومع احترامي لاراء الجميع هذا سبب جدا تافه لطلب الانفصال ؟ هل راح تحقق الاكتفاء المادي والمعنوي ، احنه مجتمعنه العراقي قاسي جدا بنظرته للنساء يعني هيه المتزوجه والممتزوجه وحته الارمله ما خلصانه من حجي الناس هالنوب مطلقه ((اسفه مع احترامي لظروف الجميع بس هذه حقيقه واقعه وما راح تتغير بالمستقبل القريب)).
العوامل الاخرى اللي احتمال تاثر فرق العمر يعني اذا هيه صغيره بالعمر وانته خبرتك بالحياه اكثر ، برائيي مسؤوليتك انه تراويهه المنطق شيكول والحياه شكو بيهه خارج جدران البيت ، هل هيه طالبه او موظفه او ربه بيت full time او اكو فراغ كبير بحياتهه واذا الجواب كان نعم للاحتمال الاخير لازم تشوفلهه فد شي مفيد تستغله بي لان عله كوله الاجانب "an idle mind is the devil's workshop"
، اما لا سمح الله الانفصال بامريكا فلا تفكر بيه ابد لان انته راح تكون المتضرر الاكبر لان هناك النفقه مش هزار عله كوله المصريين وراح تركض والعشه خباز . برائيي ينحل الموضوع بالحوار بيناتكم وتستغل هاي الفرصه من هسه علمود تحجون عن الحياه هناك شلون راح تكون وشنو متوقعين واحد من الثاني واذا اكو واحد تثق بيه من عائلتك او عائلتهه يكون واسطه خير بيناتكم ويوضحلهه شنو العواقب الخطيره للطلاق .
الله يقدم اللي بيه الخير الكم ان شاء الله وبيعد عنكم شياطين الجن والانس
-
السلام عليكم ،،،، اخي موضوعك محزن والله يساعدك بس اذا مثل ما تكول حضرتك انه انت متمسك بزواجكم ولا عندك علاقات وشغلك بسم الله ما شاء اللله يعني الجانب المادي مو مشكله وانه انت سابقا كنت تغيب اكثر من شغلك الحالي فما عدا مما بدا اني اكولك هذا حسد عيشه واكيد اكو ناس الله ينتقم منهم ما يحبون يشوفون غيرهم مرتاح وسعيد فشوف اخي اذا اكو ناس بمحيطهه دا يقرون براسهه واللي ما يردولهه الخير لان لو رايدين الخير كان وضحولهه الايجابيات وينصحوهه انه تصبر علمود تحافظ عله اسرتهه طبعا اتمنه اختي ام سيف يوصلهه كلامي هذا انه شكو وره الطلاق لا سامح الله هل راح تكون حياتهه اسعد ؟ هل ابنهه راح يسامحهه في يوم من الايام لان برائيي ومع احترامي لاراء الجميع هذا سبب جدا تافه لطلب الانفصال ؟ هل راح تحقق الاكتفاء المادي والمعنوي ، احنه مجتمعنه العراقي قاسي جدا بنظرته للنساء يعني هيه المتزوجه والممتزوجه وحته الارمله ما خلصانه من حجي الناس هالنوب مطلقه ((اسفه مع احترامي لظروف الجميع بس هذه حقيقه واقعه وما راح تتغير بالمستقبل القريب)).
العوامل الاخرى اللي احتمال تاثر فرق العمر يعني اذا هيه صغيره بالعمر وانته خبرتك بالحياه اكثر ، برائيي مسؤوليتك انه تراويهه المنطق شيكول والحياه شكو بيهه خارج جدران البيت ، هل هيه طالبه او موظفه او ربه بيت full time او اكو فراغ كبير بحياتهه واذا الجواب كان نعم للاحتمال الاخير لازم تشوفلهه فد شي مفيد تستغله بي لان عله كوله الاجانب "an idle mind is the devil's workshop"
، اما لا سمح الله الانفصال بامريكا فلا تفكر بيه ابد لان انته راح تكون المتضرر الاكبر لان هناك النفقه مش هزار عله كوله المصريين وراح تركض والعشه خباز . برائيي ينحل الموضوع بالحوار بيناتكم وتستغل هاي الفرصه من هسه علمود تحجون عن الحياه هناك شلون راح تكون وشنو متوقعين واحد من الثاني واذا اكو واحد تثق بيه من عائلتك او عائلتهه يكون واسطه خير بيناتكم ويوضحلهه شنو العواقب الخطيره للطلاق .
الله يقدم اللي بيه الخير الكم ان شاء الله وبيعد عنكم شياطين الجن والانس
+1 :)
-
السلام عليكم أخواني وأخواتي الآعزاء
طبعاُ اللآغلبية تتوق سماع الرد من صاحب المشكلة (ألي هو اَني) المشكلة هي ربة بيت خريجة كلية التربية و ممتعينة أنسانة مثقفة وواعية (و الفضل يعود هنا للحكومة العراقية لآن دا تعيين الخريجين بس محد يريد تعيين )بس مع الآسف أكو من يززززززززززززززن بأذنها و من الظاهر هي دا تنجرف ورة ألي دا يزنوون بأذنها و متتقبل الآمر بأنه مدا أللعب هنا دا أبني المستقبل ألها حتى أحاول والله أيجادة تعيين تتعين بيه حتى تشغل نفسها و الحجي بيناتنة أريد شوية تنشغل و أخلص من موضوع مشكلة الطلاق و أصرارها علية لآن هيج مواضيع تهجم بيوت و علة كولت أهلنة ( أتطير البركة من البيت ) بس عندي حجاية للنساء العراقيات مع الآسف مهما بلغت من ثقافة و علم و حكمة تبقى فريسة سهلة للغيرة و القال و القيل و يبقى عقلها صغير مو صاحبة تفكير واسع المحيط و تبقى المرأة العراقية عبدة العادات البالية السخيفة اللي محددة تفكيرها وأفقها مهما كان منصبها ويبقى ينضحك عليها من أقرب الناس عليها .
زوجتي هي ضحية الآخت الحسودة الحاقدة الزنانة بس مع الآسف مرات الأنسان ميعرف يميزبين أللي ينصحة و أللي يريد يضره و المصيبة تتوالى علية المصايب بالعمل أيضاً عندي مسؤول السلامة ترك العمل قبل كم يوم يعني لازم أتابع شغلة بدالة علما ألكة واحد ذو خبرة بهالمجال و أعينة بدالة يعني مدا أكدر أترك العمل هسة رغم أني أعرف زوجتي أشكد محتاجتني أكعد و أتناقش وياهة بهالموضوع و تره النسوان يتدللن بهالسوالف حتة يجذبن الآنتباه ألهن من قبل أزواجهن (بس الحجي بيناتنة جذبتني عالبطانة)ههههههههههه بس شسوي على كوات أهلنة (عرس وية عرسي) و بطل هسة ألة هسة الله يرزقة المهم . أشكركم أخواني و خواتي على المشاركة
أخوكم أبو سيف
-
اكبر غلط انو الزوجه تسمع كلام منا ومنا لان اي تدخل بين الزوج وزوجته مصيره الخراب
بس مفهمت معنى كلمه كلبتني على البطانه يعني طلباتها هوايه ومدتلحك بلصرف لو شنو؟
-
لا بالعكس بس بسبب المشاكل بسبب الآهل و يعني شلعت كلبي بسبب القال والقيل
شكراُحبابي
-
حبي ابو سيف
اتمنى ان تسمع من اخوك ابو اياد بروح اخوية والله على ما اقول شهيد اني همين جانت زوجتي تتعارك وياية كل ما اروح للجي ال اس بل لا تقل مشاكل عن زوجتك كنت احل الامور واتكلم بشكل هادئ معها كنت اقول لها ما تعبي الا من اجلكم انني بعملي بعيد عنكم اريد ان اوفر لكم حياة سعيدة ................. الخ والحمد لله زوجتي تفهمت واصبحت سند اللي بالحياة ، وان كانت المسألة نسبية بالفهم بين امراءة واخرى كون درجة الثقافة وعمر المراءة هما من يحكمان تصرفاتها . اخي لا يعقل كلما تطلب المراءة الطلاق نوافقها على رايها ، المسألة وما بيها تفرغ شوية للعائلة اطلعوا للزوراء المدينة الالعاب احجي وياها كلام لطيف ترة النسوان بسرعة يغيرن رايهن على الكلام الحلو . وارجو منك ان لا تفكر (شراح تسوي بيه هناك) ترة والله من تروح هاك وتشوف الحياة الحلوة ما راح تضغط عليك اضافة الى ان الغربة تقربكم البعظكم لان لا ملجا لاحدكما الابالشد على يد الاخر. قبل ان تفكر في ابغض الحلال فكر (هل يوجد صفة جيدة في زوجتي) عدد هذه الصفات الايجابية مع نفسك وهل تستحق هذه الصفات ان اكون مضحياً من اجل طفلي الوحيد.
اتمنى على الله ان يبارك لكما في حياتكما
واعذرني على الاطالة فالله من وراء القصد
تحياتي
ابو اياد
-
ابو سيف
عليك بطريقه الاقناع بلكلام
مو هوسه وصياح وهل امور
الزمها واحجي وياها بهدوء وخليها تقتنع
من تقتنع بعد ابد مراح تفتح وياك الموضوع
والمريه بحجايه تتقشمر تره لو شكد ما اكو ناس قارين براسها بس اذا زوجها كدر يقنعها مراح يكدر احد ياثر عليها
تحياتي
جورجيا
-
ابو سيف
عليك بطريقه الاقناع بلكلام
مو هوسه وصياح وهل امور
الزمها واحجي وياها بهدوء وخليها تقتنع
من تقتنع بعد ابد مراح تفتح وياك الموضوع
والمريه بحجايه تتقشمر تره لو شكد ما اكو ناس قارين براسها بس اذا زوجها كدر يقنعها مراح يكدر احد ياثر عليها
تحياتي
جورجيا
جورجيا بحجايه تتقشمر شراح يخلصك من بنات حواء ;D