ankawa
منتدى الهجرة واللجوء => الهجرة و واللاجئين => الموضوع حرر بواسطة: banmeel في 18:51 18/07/2012
-
انا كنت مترجم ويه الامريكان قبل 4 سنين مدة عملي كان 4 اشهر فقط وبطلت بسبب الوضع والان عندي نسخه من الباجات مال القاعدة والشركه وعندي تركيه من الشركه بصيغه(pdf) .... اكدر اقدم لل (iom) ؟؟؟ هل يشملني وانا مدة عملي 4 اشهر؟؟؟ اكدر اخذ اهلي؟؟؟ اخواني ضباط يكدرون يجون اذا شملهم؟؟؟وبخصوص ابويه هوه متقاعد . ينطو راتب الرعايه الجتماعيه هناك؟؟ لان ما بيه حيل الشغل .........ارجو اعطائي المعلومات وانا ممنون لكم جميعا
-
شوف اخي الكريم، بخصوص السؤال الاول ما اعرف بصراح
بس لو قدمت علي الاي او ام و انطوك الكيس نمبر، تقدر تاخذ اهل وياك بالتاكيد
و بخصوص ابوك اظن راح ينطو الراتب راتب الرعايه الجتماعيه لو متقدم بالعمر
-
انا كنت مترجم ويه الامريكان قبل 4 سنين مدة عملي كان 4 اشهر فقط وبطلت بسبب الوضع والان عندي نسخه من الباجات مال القاعدة والشركه وعندي تركيه من الشركه بصيغه(pdf) .... اكدر اقدم لل (iom) ؟؟؟ هل يشملني وانا مدة عملي 4 اشهر؟؟؟ اكدر اخذ اهلي؟؟؟ اخواني ضباط يكدرون يجون اذا شملهم؟؟؟وبخصوص ابويه هوه متقاعد . ينطو راتب الرعايه الجتماعيه هناك؟؟ لان ما بيه حيل الشغل .........ارجو اعطائي المعلومات وانا ممنون لكم جميعا
السلام عليكم بخصوص اول سؤال حسب علمي لازم اتكون مشتغل مع الامريكان سنه كامله يله ايحق الك التقديم حسب مااعرف وسمعت من بعض الاصدقاء لذللك اسال وبنفس الوقت تتكدر اتقدم على المفوضيه للامم المتحده من احد دول الجوار ومع انها سوريا وضعه مو تمام لذللك ما كو غير لو تركيا لو الاردن وراح يقبلوك
وبنفس الوقت اخي هم اسال وشوف وبالتوفيق يارب
-
اي عادي قدم اني هم مشتغل اربع تشهر وعندي كيس نمبير بس دبر رسالة تايد عمل من الشركة الي جنت تشتغل وياها كلش ضروري
-
عيني أبو الموضوع ...تحية طيبة
أي نعم يحقلك تقدم على ال IOM حتى و لو مشتغل بس 4 أشهر .
بس ما تقدر تقدم SIV
ارسل لمنظمة الهجرة اوراقك و إنتظر الجواب
-
اشكركم على الردود... زين اخواني ضباط بالجيش العراقي امجلبيم بيه (نجي نجي ) عبالهم راح اروح للجنه .... ما يسبب لي ولهم مشاكل لان همه عسكريه؟؟؟ وشكرا
-
لا مالهم علاقه سواء ضابط او غيره المهم التجييك الامني عليهم يطلع نظيف و معندهم شي
-
زين لازم عندي ورقة تهديد او رقم موبايل اكول مهدد بي؟؟؟ لو بس تكول هددوني؟؟
-
عادي اخوي، الكل متهدد الي اشتغل وية الامريكان
اني اخوي اشتغل اربع سنين مع منظمات و مؤسسات امريكية
هسة احنا ساكنين ب اربيل، و ما نحس ابدا حياتنا مطمئنة
يعني عادي قل لهم اني خايف اروح لاي مكان، احس كل ناس بل اغلبهم يتابعونني و ينظرون الي بنظرات غريبة
و خايف على مستقبلي بالعراق
-
وهذا البرنامج iom مفتوحة للابد؟؟؟ لان اني طالب كليه توني وصلت للثالث يعني باقيلي سنتين واذا اقدم من هسه خاف يخلص التاشيرة مالتي وره المقابلات الثلاثه ؟؟؟؟؟
-
لا اخويه البرنامج احتمال ينسد هاي السنه او السنه القادمه
انته دز اوراقك من هسه اخويه شخصران
ولا تخاف على الكليه لان الموضوع ايطول
اهم شي تحصل كيس نمبر
ويالنسبه لسؤالك ,,, نعم ايحقلك اتقدم ,, صديقي مشتغل 3 اشهر بس وقدم
تحياتي وبالتوفيق ان شاءالله
-
اشكرك تاج راسي للرد ...... يعني يطول اكثر من سنتين؟؟؟؟؟
-
اخي ماطول مشتغل وياهم حتى لو شهر تكدر تقدم مباشرة وان شاء الله بالتوفيق
-
احنا قدمنا شهر 8/2009
بعد كم يوم نكمل ثلاثة سنين، ولساتنا في الوطن
بالتاكيد يطول لسنتين او ثلاثة
-
اشكركم ما قصرتو ويايه خجلتوني اب اهتمامكم وفضلكم
-
اشكرك تاج راسي للرد ...... يعني يطول اكثر من سنتين؟؟؟؟؟
العفو اخويه العزيز تأمر أمر
طبعا اخويه احتمال ايطول اكثر من سنتين واحتمال اقل لان حاليا اكو تسريع للملفات الجديده
بس اهم شي تقدم هسه لان على ساعه ينسد البرنامج وتروح عليك الفرصه
قدم والله كريم
تحياتي
-
اخي عادي برنامج IOM حق تقدم عليه حته لو مشتغل شهر واحد وبنسبه الى اهلك عادي تقدملهم وياك يعني كيس واحد تصيرون
وابوك ينطو راتب هناك هم
وانته هسة قدم والله كريم راح تكمل الكلية مالتك وانته بعدك ممسافر يمكن ههه لأن البرنامج اي طول اخي واهم شي قدم من هسة واحصل ع كيس نمبر لأن احتمال البرنامج راح ينغلق نهاية السنه ;D ;D ;D
-
السلام وعليكم اني عضو جديد عندي مشكله صغيره دزيت الاوارق مالتي قبل اسبوع على iom و طلبت اضافة عائلتي اليوم اجاني رد كالو دزلنه معلوماتهم الحيويه والجنسيات بس الي اريده شنو ادز غير الجنسيات وشنو اسوي ملف ؟؟؟؟؟؟؟؟؟؟؟؟
-
:D
-
كل شخص ادز الى
الجنسيه وشهادة الجنسيه
والجواز
واذا اكو بيان ولادة
-
اني اشكرك اخويه اسطنبولي شلون اني اخواني ماعدهم شهادات جنسيه ولا جوازات بس عدهم جنسيات ايصير وشلون اسويهن ملف بي دي اف كل جنسيات والاسماء واخويه اذا تعرف بال siv دزيتلهم اوارقي وكلشي مردو لا اتوربلي ولا شي
-
اخوي بل siv ما اعرف والله بس هسة يجون الاخون الي عرفون بل siv
هسة تكدر ادز بس الجناسي وكلهم اطلع الاوراق البقية وادزهه الكم
نجي لا عادي دز الجناسي كلهم سويه وهمه راح اي رتبوهه بس لازم اطلعلهم شهادة جنسيه وجواز اخي
-
والله مااعرف شلون اشكرك اخويه بس اني رح اطلع الهم الشهادات والجوازات بس همه كلشي مدزولي يعني لا كيس نمبر ولاشي خاف متنقبل المعامله وشكد اطول
-
لا اخي عادي تنقبل ولمن راح ادز الجناسي ويتاكدون من عملك انته مع القوات الامريكيه ويتاكدون من هذولي اخوانك راح يتصلون بيكم ع مقابله وما اعرف شكد اطول المعامله انته وحضك بس لا تخاف هسة اكو تسريع بل ملفات صار هسة
وانته بس تكمل الجوازات والشهادة مال جنسيه هم دزهه الهم هم
-
اشكركم اخواني ..... ولو صرت زحمه عليكم باقيلي جم سوال ??? ??? زين اوراقي شون ارتبهن؟؟ اسويهن pdf وادزهن؟؟ والجناسي اترجمهن ترجمه قانونيه ؟؟ صراحه اني ما اعرف شون اقدم بس عندي الايميل مال بغداد وعندي المستمسكات والباقي ما ادري
-
اشكركم اخواني ..... ولو صرت زحمه عليكم باقيلي جم سوال ??? ??? زين اوراقي شون ارتبهن؟؟ اسويهن pdf وادزهن؟؟ والجناسي اترجمهن ترجمه قانونيه ؟؟ صراحه اني ما اعرف شون اقدم بس عندي الايميل مال بغداد وعندي المستمسكات والباقي ما ادري
أي دزها هيجي بدون ترجمة و بالمقابلة الاولى أخذ الاوراق مترجمة و حتى لو ما مترجمة ماكو اي مشكلة
تحياتي
-
أي نعم يحقلك تقدم على ال IOM حتى و لو مشتغل 4 أشهر .
بس مو SIV ارسل لمنظمة الهجرة اوراقك و إنتظر الجواب
-
اخي دزهم بدون ترجمه ومن تسوي مقابله اخذهم وياك مترجمات
واذا متريد اترجمهم عادي هم
-
اخي العزيز
اي شخص يشتغل ويه شركه او امريكان (جيش) يحقله التقديم ومو اله سنه مثل ما كالو بعض الاخوه
وبالبدايه كلهم كلولي لتقدمين ولا تعبين نفسج لان اله سنه اقل شئ
وهسه اني كملت كلشي الحمد لله ودانتظر موعد سفر بأذن الله
توكل على الله وقدم
وبالنسبه لابوك كل شخص يبلغ من العمر 63 او 62 يحقله راتب تقاعد بأمريكا
بس اذا يستلم راتب تقاعد مالته من العراق يعني يدزولهياه من بغداد وحسوووو هناك حيعتبروه عنده دخل ويكطعون الفلوس الي ينطوهياه بأمريكا
تحياتي الك
-
اشكركم عله الردود تعبدكم ويايه ...... الاخت سوسو ما رادو منج اوراق تهديد ؟؟ او لازم تثبت انو مهدد؟؟ لو بس تكولين اني مهدد؟؟؟