ankawa
منتدى الهجرة واللجوء => الهجرة و واللاجئين => الموضوع حرر بواسطة: مثنى الدجيلي في 23:23 22/07/2012
-
السلام عليكم
الحمد الله رب العالمين تم تحديد الاسبوع القادم مقابلة مع المحلفين واخذ البصمات .
السؤال الاول : اخواني الاعزاء من لهم خبرة ومن قابل مقابلة المحلفين في الفترة السابقة ارجوء من كتابة لي ما هية اهم الامور التي سوف يسئلونة عنها في المقابلة وماهية الاوراق التي اخذها وياية
والسؤال الثاني: لازم احدد الولاية والكفيل بهاي المقابلة ..
تحياتي لكم
-
اخويه الكريم اول شي الله يسهل عليك
بالنسبة لسؤالك الاول يسئلوك عن اغلب الكلام اللي انت كلته بالمقابله الاولي وطبعا المحلف راح يركز على شغله معينه بعد حسب قناعته شنو هيه... ويظل يسئلك عليها كم سؤال ...ويسئلك عن كم تاريخ اذا انت ذاكر تواريخ بالمقابله الاولى ..يعني بالاختصار قصة تهديدك وليش تريد تترك العراق ...والوثائق حسب ما اتصور نفسه الجنسيه والجواز حتى تدخل من الباب
وبالنسبه لسوالك الثاني اي احنا بالمقابله الثانيه طلبوا منه عنوان الكفيل احنا جنا كاتبيه وانطيناهم ياه بورقه مكتوب ...
وان شاء الله باقي الاخوان ميقصرون وياك بالردود ...والله يوفقك واهم شي لترتبك ولتستعجل بالجواب
اختك star_star
-
اخويه مثنى
اسئلة المحلف كالتالي
1 - السيرة الذاتية ( معلومات عن الأب والأم والأخوة والأخوات / الأسماء بالكامل وتاريخ الولادة )
2- مراحل الدراسة والسنوات
2- العسكرية
3- الأنتماء لحزب البعث
4- قصة التهديد
5-أسباب الخروج من العراق وليش متكدر ترجع ( هذا السؤال بالنسبة للموجودين بدول الجوار )
الأوراق التاخذها وياك
الأثباتات الشخصية ( هوية الأحوال المدنية وشهادة الجنسية ) + دفتر الخدمة العسكرية ان وجد + تقارير طبية للأمراض المزمنة + شهادات ميلاد الأطفال + ورقة التهديد ان وجدت
بالنسبة لأسم الكفيل وعنوانه
احنه بعمان يطلبوا بالمقابلة الأولى واذا ماحضره الشخص بالمقابلة الأولى يكدر يسلمه بمقابلة المحلف
تحياتي لحضرتك وبالتوفيق يارب
-
شكرا لكم على المعلومات المفيدة جدا
-
وينهم اصحاب الخبر والي مقابلين مقابلة المحلفين يزودونة بالمعلومات اخوكم محتاج مساعتكم
-
نتمنالك التوفيق
مثل ما كالو الاخوان بس ملاحظة من ترد على الاسئله لازم يكون عندك eye contact ويا المحلف " عينك بعينه يعني "
-
شكرا للجميع
-
الف مبروك موعد المقابلة...بالتوفيق ان شاء الله
اني قابلت محلفين قبل اسبوعين تقريبا وهذا الرابط بيه تفاصيل المقابلة
http://www.ankawa.com/forum/index.php/topic,599255.msg5674531.html#msg5674531
-
الف مبروك موعد المقابلة...بالتوفيق ان شاء الله
اني قابلت محلفين قبل اسبوعين تقريبا وهذا الرابط بيه تفاصيل المقابلة
http://www.ankawa.com/forum/index.php/topic,599255.msg5674531.html#msg5674531
شكرا الك اخوية جدا استفاديت من شرح المقابلة ماتك