ankawa
منتدى الهجرة واللجوء => الهجرة و واللاجئين => الموضوع حرر بواسطة: محارب في 21:12 04/08/2012
-
اخوان
السلام عليكم
جيراني اهله مقدمين من سوريا ومكملين كلشي حتى دورة طيران حسب قوله
واليوم اتصلوا بيه وكالوله راح تعلك بسوريا فكان جوابه ان يرجعون ويبقون ينتظرون تلفون
فهل هذا الحل صحيح وما مدى تأثيره على الملف
لان بصراحه ماعندي معلومات عن الاي او ام
ممكن ترفدوني باجاباتكم
ولكم مني خالص الشكر والامتنان
اخوكم
ابوسمسوم
-
الله بالخير اخويه ابو سمسوم
والله خطية هالناس الي تبهذلوا بسوريا وما الهم اي ذنب الله يعينهم ويقويهم على هالوضع
عود همه انهزموا من العراق والقتل والخطف والتهديد وهدور وكعوا بالأصعب يعني ظلوا بين المطرقة والسندان
الله يفرج همهم ويسهل امرهم ويسافرون ويرتاحون من هالمشكلة
تحياتي لحضرتك
-
الله بالخير اخويه ابو سمسوم
والله خطية هالناس الي تبهذلوا بسوريا وما الهم اي ذنب الله يعينهم ويقويهم على هالوضع
عود همه انهزموا من العراق والقتل والخطف والتهديد وهدور وكعوا بالأصعب يعني ظلوا بين المطرقة والسندان
الله يفرج همهم ويسهل امرهم ويسافرون ويرتاحون من هالمشكلة
تحياتي لحضرتك
ان شاء الله ميشوفون غير بس السعاده
بس لحد الان محد جاوب
-
اخويه العزيز اني اختك ام شاهين من سوريا
احنه حاطين محامي بامريكا وتكلم مع واشنطن بهذا الموضوع
وردوا عليه انه مسموح يرجعون الى العراق وميصير شي على ملفهم
بس احنه ديحددولنه اعادة فحص هذا الاسبوع وباقين ننتظر اعادة الفحص
وللتاكيد اتصلوا بكفر سوسه
مع التمنيات بالفرج القريب للكل
-
اخي العزيز كلش حباب من الذي اتصل به وقال له راح تعلك بسوريا؟
-
اخويه العزيز اني اختك ام شاهين من سوريا
احنه حاطين محامي بامريكا وتكلم مع واشنطن بهذا الموضوع
وردوا عليه انه مسموح يرجعون الى العراق وميصير شي على ملفهم
بس احنه ديحددولنه اعادة فحص هذا الاسبوع وباقين ننتظر اعادة الفحص
وللتاكيد اتصلوا بكفر سوسه
مع التمنيات بالفرج القريب للكل
رحمة الله على والديج اختي هسه راح انقل ارائكم وخبرتكم لجاري
-
اخي العزيز كلش حباب من الذي اتصل به وقال له راح تعلك بسوريا؟
اهله اتصلوا بيه وبلغوه من خلال مايسمعونه من الشارع
واذا عندك مستجدات عن الوضع ارجو منك ان تبلغنه
مشكور ياطيب
-
اكو الله هو يباوع على حالنه وحال عوائلنه
-
الله يكون بالعون
-
اخي العزيز كلش حباب من الذي اتصل به وقال له راح تعلك بسوريا؟
اهله اتصلوا بيه وبلغوه من خلال مايسمعونه من الشارع
واذا عندك مستجدات عن الوضع ارجو منك ان تبلغنه
مشكور ياطيب
حبيبي ابو سمسوم
هو الوضع هنا متموج يوم غيم ويوم صحو ;)
فماكو اي تخمين بما يحدث او سيحدث
كلنا محتارين اخاف يصير شي ونندم لان ما رجعنا من وكت... واخاف نرجع ونضيع المشيتين
مثل ما كال ابو عبدو (اكو الله هو يباوع على حالنه وحال عوائلنه) والله كريم
-
اخي كلش حباب
هذا الرجوع للعراق اكيد يأثر على ملفهم خصوصا هم مكملين كلشي احنى اغلبنة مثل حالتهم ننتظر فيزة وما نرجع لان هذا الرجوع راح راح يأثر على ملفنا مثل ما يوصونا الهجرة الدولية اهنا بس الله الستار من هذا الحال
-
مرحبا الاخوة والاخوات حسب ماحصل لي من ذهبت الى الهجرة الدولية وكلتلهم عاى موضوع الخروج من سوريا لاى الدول الجوار وليس الرجعة للعراق وخاصة اني ساكن بالمناطق الساحنة قالت الموظفة بالحرف الواحد وبصوت عالي لاتطلع ارجوك ترى ياثر عاى ملفك هذا كلامها بالحرف الواحد وبعد ماعرف ومنتظر وحاط ايدي عاى قلبي خاصة اختي صارت بيها هستريا من الخوف؟
-
يارب نحن في الغربة ضعفاء واصابنا الخوف والقلق لاحول لنا ولاقوة الا بك افرجها علينا ياالله
-
أخواني الاعزاء
صحيح انه وضع سوريا مربك يوم زين ويوم مخربط ونخاف بس اني اكول الي رب العالمين ستر عليه وعلى اطفاله من كنا في بغداد وشفنه الويل يجب ان نصبر اكبر وقت ممكنوانشالله خير
اني يوم 15-6-2012 كالولي مبروك وبالتوفيق وبعد اسبوع اتصلت بيهم قالوا صار جزء بالامنيه اكسباير والاعاده تاخذ نص الوقت وهسه من افتح الموقع مال التوطين يكون ملفيالفحص الطبي فعال واتصلنه وقالو هذا الاسبوع انتظروا مكالمه من الطبيب والتشييك الامني بالانتظار وحاله السفر غير فعال ونحن مكملين المقابله الاولى ومقابله المحلفين ايضا مكتمله
وصار تقريبا من 2009 الى يومنا هذا كل 6شهور يتصلون بالكفيل ويتاكدون انه مازال يستقبلنه مع العلم انه حطينا محامي امريكي الجنسيه من السنه الماضيه ولم ناخذ الجواب الشافي منهم وبأخر رساله ذكر المحامي انه حالتنه خطر بسوريا فكان جوابهم انه خلي يرجعون الى العراق لا يأثر على ملفهم
ولكني يا اخواني لا ارجع الى العراق لو حتى متت هنا
بس الصراحه دنحاول انه بعد الفحص ندبر فيزه لو الاردن لو تركيا وبلكي من تخلص المعامله نرجع اذا احنه بتركيا واذا بعمان فقالو انه عندما تذهبون من هناك تبدون تكملون اجراءات التوطين
الموظفه الي هنا نصحتنه انه نخلص الفحص الطبي لانه قريب الموعدلكي لا يحصل تاخير اكثر من تاخيرنه
اختكم ام شاهين
-
لا حوله ولا قوة الا بالله
-
السلام عليكم
اني من الناس الي رجعو للعراق يوم 21-7
يعني كان الوضع كلش صعب وبالشافعات لكيت واحد من جماعتنه ماجر كيه للمطار وصعدت وياه اني وعائلتي بطرك الهدوم
بس اني صرت شاطر وجبت ويايه كتب الدورات الي دخلتهه على الكنيسة ههههههه
المهم احنه رجعتنه كانت قسرية يعني مو بكيفنه
والدليل اغلبنه ما راجع للعراق قبل
يعني قابل تريد اليو ان تعاقبنه لان شردنه برروحنه وبعوائلنه
لو الا ننقص واحد لا سامح الله حتى نوفر عليهم تذكرة
ليش احنه هسه بالعراق مرتاحين
اشو مهجولين وحتى الايجارات اغلى من سوريا بهواي والوضع الامني زفت
على فكرة اليوم رحت اقدم معامله على الاربع ملاييين
اكو بنيه مثل حالتنه منتظرة الامنيه تكول
لكيت ابو اليو ان بالداخل
واخذ مني معلومات الكارت الاخضر وكال شغلتكم انشاء الله متتكنسل لان انتم مجايين للعراق بكيفكم
وطمنهه
هذا كلامهه
الاحد الجاي موعد تقديم معاملتي وراح ادخل انشاء الله واستفسر اكثر عن موضوعنه
والله كريم
نسيت هاذي المعلومه
البنيه سالت عن الاربع ملايين خو متاثر على شغلتنه
كال الموضف هذي منحة من الحكومه وما الهه دخل بالموضوع
-
الله يسهل على الجميع
-
free2ea اخويه حمدا لله على سلامتكم
اليوم كنت بمحل اخذ وحدات للتلفون وكان الحديث حول موضوع ال4 مليون اكثر من واحد
اكد ان الذين يأخذون ال4 مليون سوف يختم على جوازاتهم بمنع السفر 5 سنوات كون هذا
المبلغ يصرف للعائدين كي يرتبو اوضاعهم في العراق لحين عوتهم للعمل والله اعلم
عليك ان تتأكد من الذين استلمو هذا المبلغ هل صحيح فيها منع قبل ان تتورط والله المعين
-
لا اله الا الله الله يكون في عونكم ويفرجها عليكم
-
حبيبي الغالي ابو سرمد تحية طيبة
اكو هواية ناس رجعوا استلمو الارع ملايين ورجعوا لسوريا من جديد
واحنا لاكدرنا انسوي راتب التقاعد لان ميقبلون يسوولنيا الا ترجع بنفسك تسوي
ناس وناس
الله كريم
اخوكم ابو مريم
-
اخواني الاعزاء السلام عليكم وربي يفرج عن الجميع وييسر امركم بالسفر السريع ان شاءالله قبل قليل كنت اتكلم مع صديق لي رجع للعراق قبل اسبوعين تقريبا بسبب الوضع هنا بسوريا لان هو ساكن بالسيده زينب وهسه كالي بانه ارسل ايميل للاي او ام عمان بخصوص رجعته للعراق هل ياثر على ملفه فاجابوه بانه لايؤثر على ملفه لانه يعرفون الوضع الامني في سوريا وممكن يتواصل معهم من العراق من خلال الايميل او الاتصال وتزويدهم برقم تلفونه بالعراق وهو الان بطريق العوده لسوريا لتصفية غراض بيته وشحن المتبقي من اثاث بيته للعراق وبعدها يرجع للعراق ويتواصل معهم من هناك لذلك اذا حابين تتاكدو من الموضوع ارسلو ايميل او اتصلو باي او ام عمان للاطمئنان اكثر وقطع الشك باليقين والله اعلم ** اخوكم ابو افنان الهاشمي مخيم فلسطين
-
حبيبي ابو مريم الحمد لله على كل حال ومبروك وبمليون عافيه للي اخذو ال4 ملايين ويصرفوه بالهنى
اخي ابو افنان تحياتي لك ان شاء الله الوضع عندك تمام ربي يحفظكم والحقيقه قبل فتره احد الاخوان كتب انه قام بالاتصال الهجره
الدوليه وسال عن موضوع الرجوع للعراق وكانت الاجابه هذا كلام غير صحيح كيف هو مهدد بالموت في العراق ويعود ويطلب استمرار
العمل لتوطينه والله اعلم