ankawa
منتدى الهجرة واللجوء => الهجرة و واللاجئين => الموضوع حرر بواسطة: مبارك محمد في 21:58 08/08/2012
-
السلام عليكم
اخواني الاعزاء
الي صديق وكلفني اسألكم هالسؤال
ومشكور مقدما للجميع
صديقي صارله حوالي 10 سنوات بعمان وجوازه وجواز زوجته منتهيات ومامجددهن
وعنده اطفال مواليد الاردن وماعنده اثبات الهم غير بيان الولاده الاردني
زين هوه هسه اجت امنيته بهالحاله شلون راح يسافر وشني المفروض يسوي ؟؟
رحمه لولديه اللي عنده اي معلومه يكدر يفيدنا بيها
والتوفيق للجميع انشالله
-
السلام عليكم أخي
ممكن صديقك يوصي بأصدار هوية الأحوال المدنية لأولاده ( ولادة عمان ) موضوع الجوازات وحسب ما قرأت في المنتدى منذ سنين (( أن المنظمة تصدر له جواز سفر أو وثيقة سفر من الصليب الأحمر )) ياريت تبحث بأرشيف المنتدى
وتابع على الخاص الأخوة أصحاب الخبرة المميزة في المنتدى
مع فائق الأحترام والتقدير
-
اخي الغالي
حسب معلوماتي المتواضعه
يمكن ادراج الاطفال في جواز الام
ويمكن تجديد الجواز من خلال السفاره العراقيه في الاردن
تحياتي
-
مشكورين اخوان ماقصرتوا
واحنا ندوي انه يكدر يجدد جوازاته بالسفاره ويكدر يطلع جناسي لاطفاله
بس المشكله هوه ماعنده جنسيه وشهادة جنسيه علمود يجدد جوازاته بالسفاره
وماعنده احد بالعراق علمود يسويله وكاله علمود. جناسي اطفاله
يعني ماراح يقكدر على هيچ شي
فسؤالنا هل يطلعون الهم جوازات من الصليب الاحمر لو لا
ةشكرا للجميع
-
اخي صاحب الموضوع قبل اربعة اشهر سافر احد الاشخاص اللذين اعرفهم وكان ماعندة جوازات لاثنين من اطفالة المولودين في عمان بمجرد ان اعطو خط الرحلة اال iomاخذه وراح للunوهمة رتبولة الموضوع او اعطوه وثيقة سافر بها
-
السلام عليكم أخي
ممكن صديقك يوصي بأصدار هوية الأحوال المدنية لأولاده ( ولادة عمان ) موضوع الجوازات وحسب ما قرأت في المنتدى منذ سنين (( أن المنظمة تصدر له جواز سفر أو وثيقة سفر من الصليب الأحمر )) ياريت تبحث بأرشيف المنتدى
وتابع على الخاص الأخوة أصحاب الخبرة المميزة في المنتدى
مع فائق الأحترام والتقدير
كلام مضبوط صارت ويه صاحبي ونسيب ابو لانا عضو ويانه بلمنتدى اجاه موعد سفر وبنته ما صادره جواز طلعوهه اليوءن وثيقه من الصليب الاحمر وسافروا
بتوفيق انشاء الله
-
اخويه العزيز مبارك محمد
بالنسبة لصديقك وزوجته اذا جوازاتهم فئة S يكدر يروح للسفرة العراقية ويدفع رسوم 25 $ ويتم تمديده لمدة سنة
مثل ما آني سويت جوازي S وجواز أبني الزغير اخذهن زوجي البارحة وراح دفع الرسوم ومددوا الجوازات لمدة سنة
وبالنسبة لأولاده من ينطوا خط الرحلة يروح لل un يسلم جوازه وجواز زوجته وهمه رح يتكفلون بالأطفال يطلعولهم
وثيقة مرور مؤقتة من الصليب الأحمر
تحياتي وبالتوفيق
-
بارك الله بيكم
ومشكورين ماقصرتوا على ردودكم الطيبه
-
حبيبي الغالي
ترى تجديد الجواز ميحتاج جنسيه ولا شهادة جنسيه
لان هو اعلى وثيقه رسميه
بس انطي القديم ينطوك وصل وتروح تاخذ الجديد
وتدخل اطفال بجواز زوجتك وانتهى الموضوع
صدكني
اما بالنسبه لموضوع الصلبي الاحمر مااعرف اعذرني
تحياتي