ankawa
منتدى الهجرة واللجوء => الهجرة و واللاجئين => الموضوع حرر بواسطة: علي النعيمي في 00:40 10/08/2012
-
ارجو اعطائي تفاصيل عن نيوزلندا عن الحياة بشكل عام وعن الشغل بشكل خاص وشكرا لكم
-
اظاهر رح تكلب ;D ;D ;D
-
اظاهر رح تكلب ;D ;D ;D
والله الن يمكن هيج الظاهر ;D ;D ;D ;D ;D ;D
-
مرحبا اخي اذا انت موطن عن طريق un بسوريا على نيوزلندا رح اعطيك اياه من الاخر جذب بجذب لان اني سنه ونص استنى الوفد النيوزلندي واخر شي يحجون ملفكم انرفض لان لايوجد في سوريا سفاره نيوزلندا وحولوني على امريكا
اما بالنسبه للنيوزلندا بلد ولا اروع واذا تفكر اختر مدينة اوكلاند لانها الاحسن ومساعدتها مثل استراليا
-
اخ علي حسب ما اعرفه نيوزيلندا صعبة اللجوء بيها مو مثل التسعينات و بداية ال 2000 كانت سهلة و مفتوحة على العراقيين بس هسة حتى الهجرة عندهم مصعبيها ممكن تدخل على الموقع الحكومي مالتهم و تشوف شنو الخيارات المتاحة http://www.immigration.govt.nz/
-
مرحبا اخي اذا انت موطن عن طريق un بسوريا على نيوزلندا رح اعطيك اياه من الاخر جذب بجذب لان اني سنه ونص استنى الوفد النيوزلندي واخر شي يحجون ملفكم انرفض لان لايوجد في سوريا سفاره نيوزلندا وحولوني على امريكا
اما بالنسبه للنيوزلندا بلد ولا اروع واذا تفكر اختر مدينة اوكلاند لانها الاحسن ومساعدتها مثل استراليا
اخوية اني على امريكا بس اريد اقدم هجرة رسمية على حسابي الخاص بس حبيت اعرف عالشغل اكثر شي شكرا الك
-
اخ علي حسب ما اعرفه نيوزيلندا صعبة اللجوء بيها مو مثل التسعينات و بداية ال 2000 كانت سهلة و مفتوحة على العراقيين بس هسة حتى الهجرة عندهم مصعبيها ممكن تدخل على الموقع الحكومي مالتهم و تشوف شنو الخيارات المتاحة http://www.immigration.govt.nz/
والله اختي اني حطلع هجرة وكفيل مادي يعني مااعتمد عالحكومة وادفع فلوس هم والن يعرف الموضوع وصدكيني اعرف كومة ديطلعون لنيوزلندا من اطباء ومهندسين بس اني جبت كفيل ماادي وهم فوكاها ادفع فلوس وشكرا الج بس حبيت اسئل عالشغل اهم نقطة عندي شكرا مرة اخرى
-
اخ علي عندي اقاربي اولاد عم اهلي طالعين من التسعينات و عندهم الجنسية و بصراحة مدا يكدرون يعيشون بيها بالرغم الرجل و المرة مهندسين معماريين و وراحو لهناك و عادلوا شهاداتهم و مع ذلك واجهوا صعوبة بالشغل و يكولون غالية و ماكو شغل و هسة همة صارلهم فترة عايشين بتركيا لان يكولون احسن من ناحية المعيشة بنيو زيلاند.
-
اخ علي عندي اقاربي اولاد عم اهلي طالعين من التسعينات و عندهم الجنسية و بصراحة مدا يكدرون يعيشون بيها بالرغم الرجل و المرة مهندسين معماريين و وراحو لهناك و عادلوا شهاداتهم و مع ذلك واجهوا صعوبة بالشغل و يكولون غالية و ماكو شغل و هسة همة صارلهم فترة عايشين بتركيا لان يكولون احسن من ناحية المعيشة بنيو زيلاند.
والله اختي مااعرف بس هم عدنة جماعة عايشين هناك اشو يمدحون من ناحية الشغل ويكولون الجنسية بسنتين وراها تكدر تعيش باستراليا او حتة بريطانيا حسب معرفت ??? ??? ???
-
حرام يعني حتى عندهم 3 ولد واحد محامي و الثاني صيدلاني و الثالث مدرس و بس المحامي كدر يشتغل و المدرس كوة مدبر حاله ويا المعيشة و الصرف و البقية واجهوا صعوبة بايجاد الشغل و همة اصلا دارسين هناك.
هو صح مو سوة بس اني اللي اشوفه اذا عندك كفيل نيوزيلندي ليش ما تطلع على استراليا لان همة ما يهمهم اذا الكفيل استرالي او نيوزيلندي و فرصها اكثر من ناحية الشغل و حتى تقريبا نفس القوانين.
-
اخي انا احاب اعرف المزيد من المعلومات حول نيوزلندا بس هم وينهم اللي يجابون لان ما اعتقد انه اكو واحد بالكروب ساكن او مقيم بنيوزلندا حتى نحصل منه على معلومات دقيقة... بس هي بلد حلو بارد نوعا ما تنوع طبيعي سكان قليل فد 4 ملايين ما بيها مشاكل بس شوي عدهم زلازل كل فترة تحصل خصوصا في الجزيرة الجنوبية.
الجنسية النيوزلندية تمنح بعد خمس سنوات من الاقامة الدائمة وليس سنتين
ممكن معلومات عن فرص اللجوء وكم من الوقت تحتاج الى لم الشمل ومن اي سفارة قريبة على العراق؟
وشكرا