ankawa
منتدى الهجرة واللجوء => الهجرة و واللاجئين => الموضوع حرر بواسطة: babylonlion2000 في 11:56 11/08/2012
-
مرحباً أخواني و أخواتي الأعزاء جميعاً في منتدى عينكاوه
عندي أستفسار أرجوا من الجميع مساعدتي بأعطاء رأيهم..
مثل ما ذاكر سابقاً بمواضيعي أنه أني طابوكة عتيكة.. يعني قدمت من 2008 و كملت بال2009 و أثناء مقابلاتي سألوني: عندك أحد هناك؟ فبصراحة جاوبتهم: لا والله ماعندي حالياً أحد..
الآن أصبح عندي 4 أو 5 نتيجة التأخير العجيب! طبعاً هذوله قدمو وراية و راحو و كملو كلشي (اللي يجي خلاف يركب عالجتاف!!)
المهم راسلت المنظمة قبل أكثر من شهر و ذكرت أنه: أني ماكان عندي كفيل أثناء التقديم بالبدايه, لكن الآن أصبح عندي, فهل تحبون أن اذكرلكم أسم كفيل في سبيل تسريع القضية لو ميحتاج؟؟
جاوبوني بعد 10 أيام (مو أسبوع!) كالو دز المعلومات حول الكفيل (الجديد), رديت عليهم و كلتلهم: هذا مو كفيل جديد لأن اني أصلاً ما ذاكر أي كفيل بقضيتي (شوف الدقة مال الجماعة وين واصلة!!)... طبعاً أني أتصلت بيه قبلهه و وافق بدون تردد و طلب مني أستعجل لأن هوه اقاربي..
المهم رأساً دزيت المعلومات ألهم, و أيضاً ذكرتلهم أنه هاي اول مره احدد بيهه كفيل لأن ما عندي سابقاً... (لا حظو انه حالة اليأس بعدهه راكبتني!)..
وره 5 ايام تقريباً أجاني رد منهم يشكروني بيه جددددااااااااااً على المعلومات مال الكفيل و يشكرون الدقة بالمعلومات (عجيبة ! صدك.. جذب!)
و هذه حالتي للآن...
أريد رأيكم رجاءاً , راح تتأخر القضية زايد كالعادة؟ .... لو أحتمال تتحرك أسرع نتيجة معلومات الكفيل؟ لو شراح يصير؟؟
تحياتي للجميع بدون أستثناء
التوقيع: طابوكة عتيكة
-
اني غيرت الكفيل بعد مقابله المحلفين وطول شهر الى ان خابروه
التغيير قبل المحلفين ميأثر ابد
بس بعد المحلفين بيه تأخير قد يوصل 3 اشهر كحد اقصى
اني طول ويايه شهر فقط
بالتوفيق ان شاء الله
-
اني غيرت الكفيل بعد مقابله المحلفين وطول شهر الى ان خابروه
التغيير قبل المحلفين ميأثر ابد
بس بعد المحلفين بيه تأخير قد يوصل 3 اشهر كحد اقصى
اني طول ويايه شهر فقط
بالتوفيق ان شاء الله
شكرا سوسو
أذا 3 اشهر هم سهلة... هوه اللي أنتظر 5 سنين بقت على ال3 اشهر؟
شكراً
-
اخوبه ان شاء الله ماكو تاخير .اخويه التاخير يجي لمن الكفيل يخابرو وميلكو او ميوقع الاوراق او مسافر او عنده مشاكل امنيه اذا كل هاي ماكو معناتهه لا تخاف واكو تاخير ما اله علاقه بالكفيل الي هو الامنيه