ankawa
منتدى الهجرة واللجوء => الهجرة و واللاجئين => الموضوع حرر بواسطة: angel man في 11:08 14/08/2012
-
السلام عليكم وتحية طيبة لجميع اخواني وأخواتي في عينكاوا البيت الثاني لنا .
موضوعي كتبته قبل وهسه هم راح ارجع اكتبة لان بصراحة مدوخني وياكل ويشرب وياية هذا الموضوع ومسببلي قلق . اني قابلت مقابلة اولى بشهر 10-2011 iom بغداد كلنة نعرف صيغت المقابلة والاسئلة الي تصير بيها وقصه التهديد واسباب التهديد . هسه نجي على الشغلة الي مدوختني أثناء المقابلة والحديث الي صار طرح علية سؤال هل تركت البيت (يعني اكد هل بتت يوم من الايام خارج بيتكم ) كتلة اشهر تركت البيت لا يوم ولا يومين بس اني جنت اجاوب على كد السؤال كلي رحت الغير محافظة كتلة اي نعم رحت ورجعت ماخليت مكان مرحتلة المهم خلصنة الحديث وقصة التهديد .. الشغلة وين مكلي هل سافرت خارج القطر هل تركت العراق . هنا المشكلة اني سافرت الى سوريا 2007 تركت العراق ولكن فترى قليلة ورجعت لان مكدرت اترك أهلي وحدهم فرجعت الهم ورحنه للشمال عشنة . زين اني من سافرت بجواز S وبس بي سفرة وحيدة هي الى سوريا ورجعت اثناء التقديم قدمت جواز A والجواز جديد . اني بصراحة مضايق من هالموضوع بشكل ولحد الان ممقابل محلفين اذا الله سهل وراد وقابلت محلفين وراح ينعاد نفس الكلام اني احجي اكالة سافرت السوريا وهذا الجواز شوفة لو اسكت ما اجيب طاري سوريا . زين اذا سكتت هو مراح يسألني انت سافرت خارج العراق هنا اني لازم اكالة اي سافرت الى سوريا مراح يقارنة وية المقابلة الاولى ويشوف مكاتب انوا اني مسافر مراح تصير مشكلة وية المحلف . فهموني اخوان شنو الحل بس بكل الاحوال اني راح احجي حتى لو هو مطرق للموضوع او مسألني اني الجواز القديم موجود وراح انطيهيا وية الجواز الجديد . لو شنو شوفون شنو الحل بهيجي موضوع .
ولكم جزيل الشكر والامتنان.
اخوكم angel man
-
باختصار : لا تغير بالقصة مالتك
-
شكرا على المرور الطيار ولكن مافهمت يعني شلون لا اغير بالقصة ممكن توضيح .
وشكرا
-
عيني ....النجاة في الصدق .
اذا ما ذكرت هذا الشي قد يعرفوة لاحقا و بذاك الوقت شنو يكون موقفك ؟
راح تنرفض بسبب عدم المصداقية ...
برأيي انو تذكر هذا الشي للمحلف لأن اذا ذكرتة راح تثبت للمحلف انو انتة معندك شي تخفية و هذا افضل و أحسن
و ما أعتقد راح يسألك ليش ما ذكرتة بالمقابلة الأولى و عادي حتى لو سألك قولة الصدق انو انتة نسيت ..
تحياتي
-
اخي جوازك جديد ومبيه السفرة لا تذكرهة نهائيا ولا تغير بالقصة ومحد راح يعرف
-
زين السؤال اذا سالوه بمقابلة المحلفين واجاب بعدم سفري خارج العراق واحنة نعرف انو اكو بصمة عين كانت على المنافذ ولازالت يعنو تتوقعون ماعدهم علم اعتقد ان كل شي موثق والاحسن واحد يجاوب الصحيح حتى لاسامح الله تنحسب عدم مصداقية وان شاء الله يسهل امرك؟؟ اني مسافر لغرض السياحة ومسئلوني عليهة بالمقابلة الاولى بالجواز الاس وهسة اذا قابلت محلفين وسئلوني راج اجاوب واكول نعم سافرت ولهذا الغرض والجواز نافذ وابدلتة بهذ الجديد والباقي على الله مدبر الامور
-
طبعا الشكر الجزيل لمروركم ومشاركتم بالموضوع والله يا اخواني ما أعرف شراح اسوي اذا سكتت وماحجيت وبعدين يبين عدهم انو اني مسافر هم اوقع نفسي بمشكلة في غنا عنها ويعتبروا عدم مصداقية واذا اني حجيت من ذاتي وكلتلهم على سفري امام المحلف اخاف يحس او يصور عدم مصداقية لان ممذكورة بالمقابلة الاولى وهسه دايخ . بس مكالوا اخواني النجاة بالصدق واني ماعندي شي والحمدلله والجواز القديم موجود حتى اجيبة وياية وخلي يشوفة المحلف واشرحلة الاتباس الي صار بالموضوع والله كريم لان اذا ضميت السالفة ورى فترى تبين يسولي مشكلة والواحد يتندم لان محجة واكيد المحلف عندة المام بالوضع الي صار 2007 وين اكثر الناس راحت الملاذ الوحيد كانت سوريا .
وأكرر شكري للجميع على مشاركاتم الجميلة والقيمة .
اخوكم angel man
-
اخوية حتى اذا مسالوك انتة بادر وكل للمحلف بلعكس اعتقد الموضوع يفيدك بلدرجة الاولى اتكلة اني تهجولت وشردت خارج القطر وثانيا حتى ماتبين عليك بعدين وتطلع مو زين لاسامح اللة وبلتوفيق اخوية
-
تحية طيبه
اخويه انا سافرت 2009 ولايران وخذو بصمت عيني ومن قدمت عالاي او ام قدمت بجواز الاس واللي بيه فيزة ايران وهاي اسمع صوتك صار فوك السنه انتظر محلفين
بس بالمقابله الاولى من سالني الموظف كتله سياحه رحت لان شي اكيد دخول وخروج الحدود كله عدهم...
-
لا تكول لان مكلتها بالمقابله الاولى و المحلف اكيد رح يٍالك وين مسافر بره العراق قبل
-
اخويه العزيز اني نفس حالتك ,,,, مسافر لسوريا ب 2007 بجواز S وبالمقابله ما ذكرت هالشي وقدمت بجواز G وصار سنتين من قابلت محلف ولحد هسه انتظر الموافقه الامنيه ,,, قصدي لو عارفين بالموضوع جان اجاني الرفض من زمان ,,, وحتى بالحدود لا اخذوا بصمات اصابع ولا عين
تحياتي
-
السلام عليكم اخي الكريم صاحب الموضوع قصتك مثل قصتنا جداً عادي إحنا هم رحنا الى سوريا وبقينا سنه وكنالهم هذا الحجي وأخذنا الجوازات القديمه والجديدة وشافوها
كلشي عادي ابد لتغير باي شي كلته بالعكس هذا اكبر دليل على صراحتك وولو عندك شي مجان جبت طاري سوريه
اصلا إحنا من 98 طالعين من العراق وكنا في ليبيا وحتى هاي القصه هم ذركناها وهم طلعنا الجوازات الي هي m و h لتشيل هم اخويه إحنا كملنا كل المقابلات وستلمنا موافقة المحلف
كول ياالله واحجي الصدك
-
اللام عليكم حبيت اوضحلك فكره اني طلعت من العراق سنة2006 ورجعت للعراق وانوب طلعت 2007 ورحعت وانوب طلعت سنة2009 ورجعت للعراق
ومن قدمت لليؤان كالي طالع قبل مسافر شي كتله لا كالي اول دخول الك لسوريا شوكت كتله 2010 وقمت اني وعائلتي وهسه الحمدلله
احنا كملنا الفحص الطبي وننتضر بس تسليم الجوازات
همه اهم شي عدهم انو انت شوكت قدمت على اللجوء وراح يحاسبونك ورى ما قدمت من اي يوم قدمت بعد لا تحول بمكانك يعني مكانك
الاولي لا تروحله وان شاء الله الله يسر امرك وتسافر وترتاح
دعواتكم النا
همام الدليمي
-
نصيحة من اخوك انشلع كلبه واتعذب بهواية سكريننك وباجات اكثر من مرة ويشلعون كلبي ييلا اصير ابروف من ورة روحاتي السوريا يتخبلون من سوريا وروحهم تطفر اذا سمعو بيك رايح واكثر من مرة ما اعرف السبب والمحلف اذا سمع بسوريا يشيبك بالاسئلة وتتأخر هواية دير بالك هاي نصيحة من مجرب وانت بعد سوي الي تريده
-
اخي الكريم كل الي يكلك السفر الى سوريه ياثر على السفر الى امريكا فهو مع اعتذاري الهم غير صحيح 100% وبالدليل القاطع كثير من الاخوه الي سافرو الى امريكا كانو مسافرين الى سوريه للزياره و للسياحه واني واحد منهم رحت اكثر من مره ورجعت واكيد خبرت المحلف واني هسه بامريكا اخويه كن على ثقه ماكو اي مشكله بالسفر الى سوريه هناك فقط مجموعه من الدول هي الي اجيب المشاكل من ضمنها ايران وكوريا الشماليه وافغانستان وكوبا اما اخويه بقيه الدول ماكو اي مشكله مع العلم اكو ناس كانو مسافرين الى ايران ومصارت وياهم اي مشكله وسافرو الى امريكا .اخويه اخذ وياك الجوازين وكله للمحلف اني مسافر الى سوريه واذا سالك ليش ما كلت بالمقابله الاولى كله محد سالني عن السفر خارج العراق. اخواني الاعزاء ليش تخلون اخونه يخاف ويشوش اخواني اتحدى اي واحد يكول اجاني رفض بسبب سفرتي الى سوريه. اخويه كول الحقبقه ولا تخاف ولا دوخ
-
اخوية احجي وكوللهم لا تخلي نقطه عليك ولا تنسى ان الحدود السورية بيها بصمة يعني راح يبين اول وتالي انك رايح
هناك
الكاتب
-
اخوية العزيز
نصيحة لوجه الله تعالى لاتكذب واحنة بشهر فضيل وعيب الكذب سواء بهالشهر او بالقبله او البعده
ثانيا لاتنسى الحدود بال2007 جان اكو مارينز وياخذون بصمات للعين.. وهاي مو العمارة حتى تمشي معاملتك وياهم , عمي هاي امريكا
لاتنسى جهاز فحص الكذب اخوية
وهسة اكولك ونصيحة لوجه الله كول بالحرف الواحد وين رحت بسوريا وايران حتى تمشي معاملتك وماتتعرقل
-
اخوية العزيز
نصيحة لوجه الله تعالى لاتكذب واحنة بشهر فضيل وعيب الكذب سواء بهالشهر او بالقبله او البعده
ثانيا لاتنسى الحدود بال2007 جان اكو مارينز وياخذون بصمات للعين.. وهاي مو العمارة حتى تمشي معاملتك وياهم , عمي هاي امريكا
لاتنسى جهاز فحص الكذب اخوية
وهسة اكولك ونصيحة لوجه الله كول بالحرف الواحد وين رحت بسوريا وايران حتى تمشي معاملتك وماتتعرقل
هذا يا جهاز يمعود راح تخبل الولد
اخوية كل ما هناك اذا سويت بصمة من دخلت سوريا فراح يبين عدهم هذا الشي فالافضل انك تكول رحت سفرة سياحة
وعادي الموضوع لان العراق كله رايح نص الي سافروا هم رايحين لسورية
الكاتب
-
يعني ياجماعه انكلللهم بالمقابله الثانيه حتى لو همه بالمقابله الاولى مسألينه يعني بالمقابله الاولى مسألين انو انتي سافرتي خارج العراق بالمقابله الثانيه اكللهم اني سافرت مثلا سوريا بدون محد يسالني شكرااااااااااااااا
أي طبعا إذا أنسألتي بالمقابلة الثاني جاوبي بصدق و أضيفي قولي مسألوني بالمقابلة الأولى ....
-
زين الجواز بيه الفيزه مال سوريه اكيد يعرف بس بالمقابله الاولى ما اذكر سألني الموظف زين بالثانيه اذا ما سألوني انا اكلهم لو لا
-
اخواني شبيكم قابل رايحين دوله محظوره يمعودين هاي سوريه مو ايران .اخواني حتى لو مسئلوكم بالمقابله الاولى انتو كلولهم بالثانيه مسافرين الى سوريه وبالمقابله الاولى محد سئلنه
-
كــــــــــــل الشكر والامتنان من أعماق قلبي على مروركم ومشاركتكم القيمة والاكثر من جميلة وماقصرتوا وفيتوا بالحلول . أخواني راح اتوكل على الله ومن تصير ويحددون معود مقابلة ثانية أخذ وياية الجواز القديم والجديد واني متأكد مليون بالمية راح ينطرح هذا السؤال هل سافرت خارج العراق ومثل ماتفضلوا الاخوان اسبب النفسي اشكال اني في غنى عنه . لان الحمدلله ماعندي شي لا داخل العراق ولا خارجة ولا مسبب اي مشكلة لا من قريب ولا من بعيد وخلي يشوفة بنفسة الجواز وعلى فكرة شباب احد الاخوان ذكر تبين الفيزا 2007 ماكو فيزا بس دفعت رسوم الدخولية وانختم الجواز وطبيت وهاهي . هسه بعد قراءه الردود أنشاءالله قررت من تصير المقابلة سألني مسألني اني انطي الجواز القديم حتى يشوفة واشرحلة الحالة الي صارت والعتب على الي قابلني والله مجاب طاري هل سافرت خارج العراق . ومنكول غير الله كريم وتتسهل الامور للجميع .
تحياتي للجميع.
اخوكم angel man
-
اي نعم وعين العقل بس اخويه الفيزا عندك انت من تدفع الفلوس بالحدود ويطمغولك هي هاي الطمغه هي الفيزا
تحياتي وبالتوفيق انشاالله
-
اخي الكريم كل الي يكلك السفر الى سوريه ياثر على السفر الى امريكا فهو مع اعتذاري الهم غير صحيح 100% وبالدليل القاطع كثير من الاخوه الي سافرو الى امريكا كانو مسافرين الى سوريه للزياره و للسياحه واني واحد منهم رحت اكثر من مره ورجعت واكيد خبرت المحلف واني هسه بامريكا اخويه كن على ثقه ماكو اي مشكله بالسفر الى سوريه هناك فقط مجموعه من الدول هي الي اجيب المشاكل من ضمنها ايران وكوريا الشماليه وافغانستان وكوبا اما اخويه بقيه الدول ماكو اي مشكله مع العلم اكو ناس كانو مسافرين الى ايران ومصارت وياهم اي مشكله وسافرو الى امريكا .اخويه اخذ وياك الجوازين وكله للمحلف اني مسافر الى سوريه واذا سالك ليش ما كلت بالمقابله الاولى كله محد سالني عن السفر خارج العراق. اخواني الاعزاء ليش تخلون اخونه يخاف ويشوش اخواني اتحدى اي واحد يكول اجاني رفض بسبب سفرتي الى سوريه. اخويه كول الحقبقه ولا تخاف ولا دوخ
اخواني السلام عليكم
انا وية الاخ ميشغان 100 % يمعود لو سوريا الواحد ما يكدر ايسافر منها وتاثر على القضية جا ملكيتوا واحد سافر من سوريا من جماعتنة مو لو مو
وبالنسبة الك اخوية اعتقد انوا انت جاوبت على روحك من خلال سوالك
انت مسافر الى سوريا وعندك اس
وهسه انت جواز اي
الجواز الاي نظيف مابي سوريا
انت ذاكر مسافر الى سوريا بالمقبالة الاولى
انت خايف من المقابلة الثانية
السالفة وما بيها انت تكول انا اي سافرت الى سوريا بكذا تاريخ بعد تحجي الي موجود بجوازك الاس من تاشيات لان انت ذكرتها بالبداية
وراح ايكلولك ارفق الجواز الاس بالمعاملة حتى ايشوفون التاشيرة وانت ما تكدر اتكلهم الجواز مو عندي والحكومة العراقية سقطت وانطتني جواز اي
لا هم كلش زين ايعرفون الجواز الاس الحكومة ماتاخذة وهو موجود عندك حتى لو طلعت جواز اي
بين قوسين كولهم انا سافرت لان حتى لا يصير اتخربط بالاقوال وهاي هيه الزبدة اخذها من مجرب
-
شكرا الى الاخت البغدادية وشكرا الى الاخ علي على المعلومة بس الموضوع هو انوا اثناء المقابلة الاولى موجهلي سؤال انو هل سافرت خارج العراق اما الجواز أس فهو عندي مضموم وبي ختم واحد الي هو دخولي الى سوريا وهاهي بعد مابي اي خم هي المرة الوحيدة الي طبيت بيها السوريا بسبب التهديد والجواز الجديد فارغ يعني بين قوسين لا رايح ولا جاي بس مرة السوريا 2007.
ولكم مني كل الشكر والامتنان.
اخوكم angel man
-
اشكرك(THE DIPLOMAT) اني سؤلوني مسؤلني راح اكللهم بس اني هم صوجي ليش مكتله او ذكرته ليش مسالتني على السفر المهم ان شالله خلي عود يرحمون بحالنه ويححددولنه موعدمقابله واحجيلهم اني رحت سورياااااااااااااا شكرااااااااااااااا
العفو أختي .....
بالتوفيق .
-
السلام عليكم اخي العزيز
اني سافرت الى سوريا سنة 2007 واجريت مقابلة مع المفوضية السامية لشؤون اللاجئين في سوريا وفي وكتها كان عندي جواز نوع اس لانه لم يكن هناك تقديم في العراق لكن سفري الى سوريا كان عن طريق ايران اي ان ايران كان مجرد بلد مرور وعندما رجعت للعراق قدمت على الاي او ام سنة 2008 وعند المقابلة سالتني ام المقابلة هل سافرت الى خارج العراق وقلت لها نعم الى سوريا كان مجرد سؤال وجواب واعطيتها نسخة من الجوازات نوع اس فقط الصفحة الامامية للجواب وبعد فترة وقبل مقابلة المحلف طلعت جوازات نوع جي الي وللعائلة وارسلت لهم نسخ من الجوازات الجديدة وتم اعتماد الجوازات الجديد وفي المقابلة الثانية سالني المحلف هل سافرت الى خارج العراق قلت له نعم ومشت الامور .
بالنسبة الك اخي العزيز اذا كان دخولك الى سوريا بدون اخذ اي نوع من البصمات منك فالا تذكر انه انت سافرت الى سوريا وانصحك دز نسخ من الجوازات الجديدة للمنظمة حتى الجوازات القديمة تنلغي ........... واذا تريد تذكر انه انت سافرت الى سوريا في المقابلة الثانية خاف تسببلك فد اشكال لا سامح الله . وما خاب من استشار . ان شاء الله بالتوفيق
اخوك ابو شهد ........
-
اخويه الي قابلك المقابله الاولى هو السبب من عنده مسئلك وين مسافر يجوز نسه اذن السبب مو من عندك توكل على الله ولا تخاف انت اخذت القرار الصحيح 100% اخويه تره شغلتك عاديه جدا ان شاء الله نسمع اخبار مفرحه عنك بالمستقبل
-
الى الاخ ابو شهد .اخويه انت تدكول اني كلتلهم مسافر الى سوريه وصارحتهم بالحقيقه فليش تريد من ANGEL MAN يكذب عليهم .اخويه شنو القصه فهمنه. اخويه تره دوختو للولد.
-
الى الاخ اب شهد .اخويه انت تدكول اني كلتلهم مسافر الى سوريه وصارحتهم بالحقيقه فليش تريد من ANGEL MAN يكذب عليهم .اخويه شنو القصه فهمنه. اخويه تره دوختو للولد.
اي وربي دوخوا الولد و هو قرر يقول الحقيقة ليش تريدوة يكذب ووراها يعيش بقلق من الرفض و إحتمال كبير ينرفض إذا كذب ::)
عيني ANGEL MAN
أمشي على نصيحتي و الأخ michigan و مراح تخسر .
لأن إذا عرفوا انتة مسافر و ما مخبرهم راح تنرفض 100%
تحياتي
-
عاشت ايدك اخويه
-
اخويه العزيز ,,,,, الحل يمك
اذا ماخذين بصماتك عالحدود لازم تذكر السفره مالتك ,,, وأذا ما مبصميك بالحدود لا تذكر اي شي ولا راح احد يعرف بيك مسافر ,,, وخلي الامور تمشي بشكل طبيعي
تحياتي
-
الى الخ العزيز ميشغان السلام عليكم
اولا احنة والحمد لله ما متعودين على الكذب حتى ننصح الناس بالكذب استغفر الله
ثانيا انت لو قاري الي كتبته اني بصورة صحيحة راح تشوف انه اني قلت سالتني الموظفة بالمقابلة الاولى عن السفر وقلت لها نعم اني مسافر وما كذبت
ثالثا اني كان رايي انه اذا كان عندما سافر الاخ الى سوريا انهم لم ياخذوا البصمات فماكو داعي انه يذكر شغلة السفر
ورابعا سالني المحلف الامريكي هل انت سافرت الى مكان معين وقلت له نعم وما كذبت
وخامسا اني قلت انه لايذكر شغلة السفر الى سوريا حرصا مني والله اعلم على حالته من التاخير لانه راح يصير فرق بين الاجابات بين المقابلة الاولى والثانية
وسادسا يا اخ ميشيغان اني قلت ما خاب من استشار اي انه يجب جمع عدد من الاراء
وبالتالي يا اخي العزيز احنه ناس تعبانين على انفسنا ولم يعلموننا ان نكذب ولا ننصح بالكذب ابدا
اخوكم ابو شهد
-
اخي ابو شهد لمن تنصحه وتكله لاتكول الحقيقه شنو معناتهه يعني معناهه يكذب واذا اكو غير معنى ارجوك فهمنه لان يجوز احنه من فتهم .اخويه اي واحد كله لتكول مسافر الى سوريه مفهمنه ليش شبيهه سوريه دوله ممنوعه لو شنو علمود بقيه الاعضاء يصير عدهم علم .اخويه اسمحلي اكلك كلامك متناقض لان انت تكول اني مسافر سوريه ومبلغ المنظمه وبنفس الوقت تكول لبقيه الاعضاء لا تبلغون انه انتو مسافرين الى سوريه .اخويه الكريم الي يخطئ مو مشكله بس الي يستمر على الخطئ هو المشكله مع تحياتي لحظرتك وارجو ان متكون زعلان من عندي لان احنه اول وتالي اخوان
-
اخي ابو شهد لمن تنصحه وتكله لاتكول الحقيقه شنو معناتهه يعني معناهه يكذب واذا اكو غير معنى ارجوك فهمنه لان يجوز احنه من فتهم .اخويه اي واحد كله لتكول مسافر الى سوريه مفهمنه ليش شبيهه سوريه دوله ممنوعه لو شنو علمود بقيه الاعضاء يصير عدهم علم .اخويه اسمحلي اكلك كلامك متناقض لان انت تكول اني مسافر سوريه ومبلغ المنظمه وبنفس الوقت تكول لبقيه الاعضاء لا تبلغون انه انتو مسافرين الى سوريه .اخويه الكريم الي يخطئ مو مشكله بس الي يستمر على الخطئ هو المشكله مع تحياتي لحظرتك وارجو ان متكون زعلان من عندي لان احنه اول وتالي اخوان
كلام سليم جدا ..
كلامك في منتهى الصحة
تحياتي عيني
-
الى الخ العزيز ميشغان السلام عليكم
اولا احنة والحمد لله ما متعودين على الكذب حتى ننصح الناس بالكذب استغفر الله
ثانيا انت لو قاري الي كتبته اني بصورة صحيحة راح تشوف انه اني قلت سالتني الموظفة بالمقابلة الاولى عن السفر وقلت لها نعم اني مسافر وما كذبت
ثالثا اني كان رايي انه اذا كان عندما سافر الاخ الى سوريا انهم لم ياخذوا البصمات فماكو داعي انه يذكر شغلة السفر
ورابعا سالني المحلف الامريكي هل انت سافرت الى مكان معين وقلت له نعم وما كذبت
وخامسا اني قلت انه لايذكر شغلة السفر الى سوريا حرصا مني والله اعلم على حالته من التاخير لانه راح يصير فرق بين الاجابات بين المقابلة الاولى والثانية
وسادسا يا اخ ميشيغان اني قلت ما خاب من استشار اي انه يجب جمع عدد من الاراء
وبالتالي يا اخي العزيز احنه ناس تعبانين على انفسنا ولم يعلموننا ان نكذب ولا ننصح بالكذب ابدا
صحيح اللي ذكرة الأخ ابو شهد
و أكو هواية ناس مسافرين لهواية دول و عادي مشت معاملاتهم بسرعة
تحياتي
اخوكم ابو شهد
-
شكرااااااا للجميع وماقصرتوا والله بالرد . واني أن شاءالله قررت من تصير المقابلة وية المحلفين اخذ الجواز القديم واقدمة للمحلف واشرحلة الي صار وثاني شي ترى المحلف بشر يعني يعرف ويقدر واكيد همى عدهم معلومات ويعرفون تصير بعض الاخطاء واني ممكذب حتى اذا راد يشك الجواز كدامة خلي يشوفة واذا كلي ليش محجيت بالمقابلة الاولى اني ذكرتها مسبقا السبب الي قابلني بالمقابلة الاولى كال بتت خارج بيتك مقال هل سافرت خارج العراق . والصدق حلو عليش الواحد يوقع نفسة بشكال وياهم واذا بينت بعدين انو اني جنت مسافر اكيد راح اسبب النفسي مشكلة جبيرة لعدم المصداقية بكلامي . وشكرا للجميع . واذا احد عندة حالة نفس حالتي ممكن يكتبها حتى نستفاد .
أخوكم angel man