ankawa
منتدى الهجرة واللجوء => الهجرة و واللاجئين => الموضوع حرر بواسطة: angel man في 13:32 16/08/2012
-
تحية طيبة للجميع طبعا اكثر الاخوان يعرفون الانتظار القاتل شيسوي بالواحد . واني سبق وكتبت حالت ملفي وهم هسه ارجع اكتبلكم للتذكير حتى تتوضح الصورة للجميع تقديمي بغداد iz-118 مقابلة اولى بشهر 10 - 2011 وفحص طبي بشهر 12- 2011 . وليومنا هذا كلشي ماكو ودا انتظر شوكت يحددون لي موعد ثاني لمقابلة المحلفين وماكو لحد الان . هسه نجي على الموضوع اني بداية الشهر الي هو هذا شهر الثامن دزيت رسالة شديدة اللهجة بصراحة روحي طفرت واني وعائلتي مهدد الى درجة راح نبيع البيت وغراضنة كلها لان الوضع ديسيئ يوم بعد يوم . شرحتلهم الي دا امر بي اني وأهلي وكلتلهم يعني بعد تضحيتنة بمستقبلنة وتعرضنة للخطر ومحاولة قتل وتهديد هاي تاليتها هيجي ننشمر ولا احد يعبرنة يعني اني واهالي هسه معرضين للقتل وحتى طلعة منطلع نادرا والله صدكون تجر اسابيع واشهر ما اطلع الله شاهد على كلامي . المهم ماخليت شي بنفسي محجيتة الهم . اليوم اجتني رسالة منهم أعتذار شديد ونحن حاسين بمعاناتكم بس ضغط علينة ومن هالكلام المعسول ونتمنى ان تحافظ على نفسك وعائلتك وسوفه نتصل بك عن قريب . ورى ساعة اجاني أتصال من عمان انت angel اي نعم اني angel احنا اسفين على الي دتمرون بي ونكرر اعتذارنة الك وللعائلة ونريدك تحافظ على نفسك وعلى عائلتك وحجينة شنو الي ديصير هسه يمك وهم رجعت اشرحلهم الي ديصير وياية وشرحتلهم التهديد واسبابة اني احجي ويكالولي اي اي ندري عدنة علم بالي ديصير لعد ياعيني اذا عدكم علم وحاسين بالي ديصير بينة تحركوا . المهم المكالة كلها احجينة شنو الجديد الي صاير بالتهديد ومن هالكلام الي تعرفوا بعد ورجعوا يعتذرون اني ممخبلني غير كمية الاعتذار الغير طبيعية يعني اعتذار اكثر من كلام بالموضوع وكلتهم على مقابلة المحلف كالوا بعد لحد اي جديد ماكوا من تصير نبلغك بيها ونتهت المكالمة . يعني بين قوسين صايرين سفنجة يمتصون غضب الواحد وبعدين انطوني ابره بنج جديدة ههههههه . وتستمر مسلسل الانتظار . ماكول غير حسبي الله ونعم الوكيل .
أسف على الاطالة وتقبلوا تحياتي ويارب يفرجها امين يارب العالمين.
أخوكم angel man
-
كان الله في العون اخي العزيز
ربي يحفظكم و يستر عليكم
-
والله يا اخي قهر ما اعرف شكلك يمعود تهددت اني وتركت بيتي هاي بال2006 وسافرت وسمعت اكو تقديم وبالشهر الثامن 2008 قدمت رقم كيسي 103*** وكتبتلهم على التهجير والتهديد وهلسوالف وما ضل واحد من جماعتي ما طلع همه والكيسات الملحقه بيهم يعني همه واخوانهم واخواتهم وابوهم وامهم واني بعدني ببلد الارهاب والقتل والكراهيه تسمع حسي احنه عايشين بدنيا ما بيهه رحمه ولا عداله ولا انصاف ومن احجي هيج اكو ناس تضوج وتكلي اتمنى الخير للناس يا اخي اكو ناس مقدمين بال2011 وهسه ديطلعون واني كملت 4 سنوات وكم يوم ولازم ساكت ما احجي معاناتي
تحياتي حبيبي
-
سبحانه الله نفس الحالة مريت بيها ونفس الكلام وجماعة المنظمة خبراء في امتصاص القضية واعطائك بنج من الي يعجبك اخ angel الحمدالله على سلامتك وربي يحفظكم من كل شر وانشاءالله تفرج
-
>:( >:( >:( >:( >:( >:(
-
اخوية انجل بالنسبة الك انته حتكون مقابلة المحلف مالتك في الشهر التاسع واطمئن وكول يارب بس اكيد راح تكول شلون عرفت ؟؟
طبعا احسن شي واحد من يكتب اي موضوع يكتب عن تاريخه مع الاي او ام فاني من خلال تاريخك ومقارنة بتاريخي فانته راح تقابل المحلف الشهر التاسع لان اني
ملفي +++116 يعني قبلك بشهر قدمت
م.اولى شهر 9 في 2011 يعني قبلك بشهر
فحص طبي شهر 11 في 2011 يعني همين قبلك بشهر
م.ثانية شهر 8 في 2012 يعني انته ورايه بشهر
وانشاء الله اقرب من هذا الموعد ويستعجلون وياك وويا كل اللي مقدمين بس لاتنسى انه ماكو شي ابت بالاي او ام
-
كل الشكر والتقدير على مشاركتم وصدكوني يا أخوان ميهون علية الموضوع ويصبرني غير هذا المنتدى والمشاركة الجميلة من حظراتكم .
وادعو من الله ان يسهل امري وأمركم امين يارب العالمين .
تقبلوا تحياتي .
اخوكم angel man
-
:'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'( :'(
يا الله.
-
اسلام عليكم شباب ,
أول شي الله يصبركم ويصبرنا لأن أحنى وبالأخص آني نفس الحالة ,
صارلي لأكثر من سنتان ونصف ولحد الأن
وبالمنسبة لوضوع مراسلة الـ IOM فأخوكم أتصلت بكل الي تتخيلو , بس كل النتيجة ماكو
فشغلتنه يم الله سبحانه وتعالى
السفر القريب للجميع بأذن الله
-
عيني Angel الوردة .....
هاية خطوة روتينية , لأن اذا كاتبلهم بإيميلك اكو عندي تهديد جديد لازم يخابروك حتى يضيفونة على الملف مالتك , مثل ما تفضلك حضرتك حكي بس و إعتذار لا يودي و لا يجيب .
تحياتي
-
اسلام عليكم شباب ,
أول شي الله يصبركم ويصبرنا لأن أحنى وبالأخص آني نفس الحالة ,
صارلي لأكثر من سنتان ونصف ولحد الأن
وبالمنسبة لوضوع مراسلة الـ IOM فأخوكم أتصلت بكل الي تتخيلو , بس كل النتيجة ماكو
فشغلتنه يم الله سبحانه وتعالى
السفر القريب للجميع بأذن الله
اني نفس الشي سويت :'( :'( :'( :'( :'(
يا الله.
-
الله يفرج عليك ان شاء الله
-
اسأل الله بأن يفرج عنا جميعاً بحق نبينا محمد( ص ) وآهل بيته الطبين الطاهرين
-
اخوية انجل بالنسبة الك انته حتكون مقابلة المحلف مالتك في الشهر التاسع واطمئن وكول يارب بس اكيد راح تكول شلون عرفت ؟؟
طبعا احسن شي واحد من يكتب اي موضوع يكتب عن تاريخه مع الاي او ام فاني من خلال تاريخك ومقارنة بتاريخي فانته راح تقابل المحلف الشهر التاسع لان اني
ملفي +++116 يعني قبلك بشهر قدمت
م.اولى شهر 9 في 2011 يعني قبلك بشهر
فحص طبي شهر 11 في 2011 يعني همين قبلك بشهر
م.ثانية شهر 8 في 2012 يعني انته ورايه بشهر
وانشاء الله اقرب من هذا الموعد ويستعجلون وياك وويا كل اللي مقدمين بس لاتنسى انه ماكو شي ابت بالاي او ام
تحياتي الى صاحب الموضوع
والى الاخ النعيمي
حبي انجل اصبر والله كريم انا الملف مالتي 117 وبس مقابلة اولى وفحص طبي في بغداد وتقريبا نفس التاريخ انا وياك يعني فرق ايام قليلة وانشاء الله تسمع الاخبار الجيدة
بالنسبة الى الاخ النعيمي
تحية طيبة بالنسبة الى تحليلك حلو وبمحلة ومن الواحد ايشوف المقارنة بين التواريخ مالتك ومالت انجل ومالتي ايكول صحيح ايجوز المقابلة بشهر التاسع
بس اريد اكلك شي انا ابن خالتي الكيس مالتة 128 كمل كلشي وقبل شهر طلع وصديقي والله والله اي او ام بغداد 122 بدون امنية كمل وطلع ولا مقابلة محلف وهذا الي اريد اعرفة شنو وراح انزل بي موضوع بعد فترة انشاء الله
واكو اهنا اهواي ولد ويانة شوف ملفاتهم وارقامها وشوف وين واصلين الي مقدمين من بغداد يعني ورانة بهواي بس المشكلة وين ما تنعرف الاولية اشلون اتصير ما اعرف
تحياتي الكم
-
اشكركم أخواني وأخواتي على مروركم المعطر بأريج الورد والعنبر وماقصرتوا والله وصدكوني ميواسيني وميصبرني غير هذا المنتدى والله شاهد على كلامي لان الكل حاسة بلي ديصير ويشاركونة بكلامهم الطيب الي يهون الواحد . يـــــــــــارب يـــــــــــارب يـــــــــــــارب أنت أعلم بحالنة والي دنمر بي سهل أمرنة بهذا الشهر المبارك وبهذا اليوم المبارك يارب سهل أمورنة وارحمه انت ارحم الرحمين ياالله . اخواني الله أعلم بحالنة ومن ساعة الى ساعة فرج مالنة غير الصبر والدعاء . وأن شاءالله السفر للجميع .
تحياتي لكم .
أخوكم angel man