ankawa
منتدى الهجرة واللجوء => الهجرة و واللاجئين => الموضوع حرر بواسطة: علي النعيمي في 00:39 22/08/2012
-
طبعا شحجي شكول مااعرف عندي اثنين من اصدقائي صارلهم شهر وشوية من وصلو ونطوهم ويلكم مني 925 دولار وكل شهر 200 دولار لمدة اربعة اشهر واربع اشهر اذا ملكة شغل يصير 169 او 179 دولار لهنا ميخالف بس يكولون الكيس ووركر عراقيين وحقراء كلش ادري يااخي يابن بلدي مخليت شي للغريب هذا ابن بلدك ديربالك علية بس لاحياة لمن تنادي ويكليك ليش دتصير مصايب بالعراق من ورة هيج نمايم وعندي سؤال ثاني مدوخني اذا ملكة خلال 8 اشهر شغل شنو مصيرة قابل ينذب بالشارع ؟؟؟؟؟؟؟ اهل الخبرة والواصلين تجاربكم رجاء ويكولون لاتختلطون بالعراقيين كلهم يسوون مشاكل مااعرف شكول شحجي المهم من اوصل حغير ولايتي واروح الفرمونت مابيهة عرب ابدا اريحلي طبعا مو كل العراقيين مو زينيين بس يكول الولد اغلبيتهم ولااحد يزعل مني هذا الواقع الي شافو اصدقائي هناك تحياتي للجميع
-
مية هلا بأخويه علي
عيد سعيد وكل عام وأنت بخير وان شاء الله قبل عيد الأضحى أنت بأمريكا
تحياتي وبالتوفيق يارب
-
مية هلا بأخويه علي
عيد سعيد وكل عام وأنت بخير وان شاء الله قبل عيد الأضحى أنت بأمريكا
تحياتي وبالتوفيق يارب
لاوالله بعدني بعمان وانتي بالف خير ان شاء الله تحقيق الاماني بس دااحجي الي شافو اصدقائي من واقع حال
-
اخويه اني راح اسولفلك على مدينتي الي هي ديربورن وقبل شهر خابرت المنظمه مالتي علمود اسالهم مساعدات الاعزب لان اكو ولد صديق وصاني الولكم مني1125$+افلوس ايجارسكن 336$+200$فود ستامب+المدي كير.اخويه المشكله هي في دفع الايجار بعد الانتهاء من مده المساعدات اذا ماكو شغل
-
اخويه اني راح اسولفلك على مدينتي الي هي ديربورن وقبل شهر خابرت المنظمه مالتي علمود اسالهم مساعدات الاعزب لان اكو ولد صديق وصاني الولكم مني1125$+افلوس ايجارسكن 336$+200$فود ستامب+المدي كير.اخويه المشكله هي في دفع الايجار بعد الانتهاء من مده المساعدات اذا ماكو شغل
زين والحل شنو قابل يظل بالشارع؟؟؟؟؟هنا النقطة الي اركز عليهة
-
اخويه هاي مشكله اللاجئ الرئيسيه بس بنفس الوقت اكيد تلكي شغل خلال هاي الفتره لان ما معقوله متلكي شغل خلال 4 او 5 او 6 اشهر اما بالنسبه للمساعدات فاذا تريد انطيك رقم التلفون مالتهم يسموهه اليواس كومتي حتى تكون على علم بكل شي هاي المنظمه كلهم يحجون عربي
-
اني ساكن بكاليفورنيا بس احب اكولك شي
خليها سكتة يلفتة
-
الحمد لله اني و عائلتي ساكنين فورت كارسن ما اعتقد اكو عائلة عراقية او عربية بمنطقتنة لان صارلي 6ا شهر هنا ما شفت ريحة عرب الجوارين كلهم بيض او ارمي فمليز
المهم كلششششششششش كلشششششششششششش ارتاحينة هاي الست اشهر السابقة او رح ابقة بعد سنتين و نص هنا لحد ما يخلص الترم الاول انشالله على خير
-
حبيب كلبي لا تقلق
شغل موجود واذا خلصت ال 8 اشهر يبقى الفود ستامب والمساعدات واني افضل ان متعتمد على المساعدات وتشتغل من اول شهر
اهنا الحياه حلوه للاعزب
ولا اتفكر
وتصبحون على عراق
-
مسافر مع الايام دا احسك كلش حزين شنو حبيبي ما تسوى
-
مساء الخير اخي الكريم اني صار شهر ونص من وصلت المنظمه بصراحه بيها كلش حبابين ويقدرون انك لاجئ ويتفانون في خدمتك وبيها مع شديد الاسف ابن بلدك بس مع كل الاسف يسعون لاذيتك ويحاولون يضللوك ما اعرف ليش احنا الكيس وركر مالتنا عراقي بس بصراحه تعجز الكلمات عن وصفه عبالك جاين دناخذ من عنده فلوس وهسه حولونا على كيس وركر اسباني انسان قمه بالاخلاق ويحاول يساعدنا بمختلف الطرق وطبعا مثل مذكرت سابقا اكو زينين واكو مو زينين الله يوكفلك كيس وركر ابن حلال يارب واطمئن اذا حضرتك مع عائله بعد ال8 اشهر لح يحولوك عالولفير يعني ملح تنذب بالشارع ان شاء الله
-
والله يا ابو علاوي الاخ الي كتب هذي الكتابه مع كل احترامي وتقديري اله وما اريد امس اي شخص بهذا المنتدى بس يا اخوان شويه تمهلو اذا انتو صغار وما تتذكرون حرب الكويت وايران والحصار فما عليكم عتب بس خلوني اذكركم بشي خدمت بالجبه وعانيت ما عانيت من اشتياق الى اهلي واصدقائي وخوفي من ان اموت وافقد حياتي والجوع والتعب والذل الي عانيته في الحرب قلة النوم بسبب القصف المستمر ليلا ونهارا علينا بالطائرات والمدفعيه وزمات الطعام المستمره ونلزم سره على البيض والجكاير واللحم ومعجون الطماطه وغيرها ونخاف ان نخرج من بيوتنا صباحا فياخذوننا جيش القدس او الجيش الشعبي الطحين الاسمر الي كنه نطلق عليه نشارة الخشب وغيرها وغيرها وغيرها من معاناة لم يشاهدهه شعبا بهكذا تشعّب يا اخواني خلي نكول الله يساعد العراقي ويكون بعونه والله خطيه مسكين العراقي لا نكول عليه حثاله خلي نكول اعصابه تعبانه لا نكول عليه شروكي خلي نكول عانه من التفرقه والاضطهاد في يوم ما لا نكول عليه همجي وما شايف خلي نكول فلوس الشعب كانت تروح للغير والشعب يتفرج ويباوع بعيونه ولا نكول عليه اناني لان كنه في يوم ما طلاب جامعه بالكاد نكدر نوفر الكروه نروح ونجي ونشوف بعيونه الطلبه الفلسطينيين يلعبون بالفلوس لعب وعايشين احسن عيشه بفلوس العراق الي كان ينطيهم اياه صدام خلي نكول الشعب العراقي مسكين اعذروه يا احبائي والله اعذرو ولكم والله خطيه صعب واحد يكون غني ومحروم والله اصعب شي الي اطلبه من كلبي دعوه لكل من مس شعبنه المسكين بهذا الموضوع ان يحذف تعليقه او يعدله واعتبروه طلب من اخوكم الجبير
احترامي وتقديري لكل اعضاء المنتدى
-
اخوان الي اكولة ليش احنة دائما هيج ليش مو مثل الصوماليين الي من يشوفون واحد من بلدهم شوف الشدية بيناتهم بس يريدون يرفعوا ويساندوا
رغم الظروف الي تمر بيهم من قتل وجوع بس بعدهم شدية بيناهتم هذا الي اريد اكولة تحياتي للجميع
-
لو كان العراقيين كما يقول الاخ لما كنا هنا نتساعد في هذا المنتدى وجميعنا يقف للاخر والشروك هم ابناء الجنوب الذين حملو هموم الوطن كالجميع يا عراقي ....نعم هناك عراقيين يسيئون الى سمعة البلد وهذا موجود بكل الشعوب
كم عراقي سولفو عليه الولد اللي سافرو شلون طيبين ويساعدون الناس
الله يهديه
-
والله يا اخويه الصابر اني اتعجب من اخوانه الي بالمنتدى لمن يغلطون على العراق والعراقيين اسئلهم لعد انتو شنو منين هل انتو انبياء وممسوين اغلاط بحياتكم اسئلهم مره ثانيه انتو مو عراقيين وينطبق عليكم كل الي دتحجو لان انتو شملتو وعممتو على كل العراقيين اللهم الا اذا كنتو مو عراقيين فهذا غير موضوع اعذروني اخواني اذا بدر مني اي غلط او تجاوز
المشكلة يا اخي همة يحجون علينة واحنة كاتلين روحنة انريد انساعدهم سبحان الله
-
لو كان العراقيين كما يقول الاخ لما كنا هنا نتساعد في هذا المنتدى وجميعنا يقف للاخر والشروك هم ابناء الجنوب الذين حملو هموم الوطن كالجميع يا عراقي ....نعم هناك عراقيين يسيئون الى سمعة البلد وهذا موجود بكل الشعوب
كم عراقي سولفو عليه الولد اللي سافرو شلون طيبين ويساعدون الناس
الله يهديه
هذا هوة الاصيل ايبين معدنة من طريقة كلامة
-
اخوان الي اكولة ليش احنة دائما هيج ليش مو مثل الصوماليين الي من يشوفون واحد من بلدهم شوف الشدية بيناتهم بس يريدون يرفعوا ويساندوا
رغم الظروف الي تمر بيهم من قتل وجوع بس بعدهم شدية بيناهتم هذا الي اريد اكولة تحياتي للجميع
علي النعيمي والله ماكلت غير الصحيح الاخوة الصوماليين متحدين بشكل مو طبيعي واني احيهم والله على هذا موقفهم امام ابناء بلدهم
-
!!!!!!!!!
-
يابة ليش مايطلبون تبديل الكيس وركر مالتهم ترة هذا الشيء من ابسط حقوقهم. شنو ماكان سواء عراقي او غير جنسية
..............
-
مو شرط ، الكيس وركر عراقيه وكلش ساعدتني
والشغل موجود
-
لو كان العراقيين كما يقول الاخ لما كنا هنا نتساعد في هذا المنتدى وجميعنا يقف للاخر والشروك هم ابناء الجنوب الذين حملو هموم الوطن كالجميع يا عراقي ....نعم هناك عراقيين يسيئون الى سمعة البلد وهذا موجود بكل الشعوب
كم عراقي سولفو عليه الولد اللي سافرو شلون طيبين ويساعدون الناس
الله يهديه
هذا هوة الاصيل ايبين معدنة من طريقة كلامة
والله انت الاصيل وابن الاصلاء ويفخر بك كل عراقي
اخوتي اتصلت بالاخ ابو عبدالله والله عبالك اتكلم مع احد افراد عائلتي
كم انت متفاني يا عراقي برغم الصعاب
-
أخـــوان تــره مــو كــل العـــراقيين هـــيجــي ومثــل مـــا كــال الأخ جــان مــاالتــقــينــه
كــلنــه هــنا وكــل واحـــــد حــجــه الــي يســمــعــه والـــي يصــير ويـــاه ســواء كــان يفــيد
البـاقــيــن او مــيـفــيدهــم كــولــو يـــاالـلــه وتــره الــواحـــد بـالـــشــده يــله يبـــين مــعــدنــه
-
والله يا ابو علاوي الاخ الي كتب هذي الكتابه مع كل احترامي وتقديري اله وما اريد امس اي شخص بهذا المنتدى بس يا اخوان شويه تمهلو اذا انتو صغار وما تتذكرون حرب الكويت وايران والحصار فما عليكم عتب بس خلوني اذكركم بشي خدمت بالجبه وعانيت ما عانيت من اشتياق الى اهلي واصدقائي وخوفي من ان اموت وافقد حياتي والجوع والتعب والذل الي عانيته في الحرب قلة النوم بسبب القصف المستمر ليلا ونهارا علينا بالطائرات والمدفعيه وزمات الطعام المستمره ونلزم سره على البيض والجكاير واللحم ومعجون الطماطه وغيرها ونخاف ان نخرج من بيوتنا صباحا فياخذوننا جيش القدس او الجيش الشعبي الطحين الاسمر الي كنه نطلق عليه نشارة الخشب وغيرها وغيرها وغيرها من معاناة لم يشاهدهه شعبا بهكذا تشعّب يا اخواني خلي نكول الله يساعد العراقي ويكون بعونه والله خطيه مسكين العراقي لا نكول عليه حثاله خلي نكول اعصابه تعبانه لا نكول عليه شروكي خلي نكول عانه من التفرقه والاضطهاد في يوم ما لا نكول عليه همجي وما شايف خلي نكول فلوس الشعب كانت تروح للغير والشعب يتفرج ويباوع بعيونه ولا نكول عليه اناني لان كنه في يوم ما طلاب جامعه بالكاد نكدر نوفر الكروه نروح ونجي ونشوف بعيونه الطلبه الفلسطينيين يلعبون بالفلوس لعب وعايشين احسن عيشه بفلوس العراق الي كان ينطيهم اياه صدام خلي نكول الشعب العراقي مسكين اعذروه يا احبائي والله اعذرو ولكم والله خطيه صعب واحد يكون غني ومحروم والله اصعب شي الي اطلبه من كلبي دعوه لكل من مس شعبنه المسكين بهذا الموضوع ان يحذف تعليقه او يعدله واعتبروه طلب من اخوكم الجبير
احترامي وتقديري لكل اعضاء المنتدى
صح
اخي اذا خليت قلبت شكد ما اكو ناس سيئين اكو اضعافهم ناس طيبين واهل نخوة عراقية
-
اخوان شوفوا اليوتيوب اغلب الشباب العراقي بامريكا ملتهي بالدك والركص , لادراسة ولاعمل معتمدين على المساعدات عيب علينا والله....
-
والله يا ابو علاوي الاخ الي كتب هذي الكتابه مع كل احترامي وتقديري اله وما اريد امس اي شخص بهذا المنتدى بس يا اخوان شويه تمهلو اذا انتو صغار وما تتذكرون حرب الكويت وايران والحصار فما عليكم عتب بس خلوني اذكركم بشي خدمت بالجبه وعانيت ما عانيت من اشتياق الى اهلي واصدقائي وخوفي من ان اموت وافقد حياتي والجوع والتعب والذل الي عانيته في الحرب قلة النوم بسبب القصف المستمر ليلا ونهارا علينا بالطائرات والمدفعيه وزمات الطعام المستمره ونلزم سره على البيض والجكاير واللحم ومعجون الطماطه وغيرها ونخاف ان نخرج من بيوتنا صباحا فياخذوننا جيش القدس او الجيش الشعبي الطحين الاسمر الي كنه نطلق عليه نشارة الخشب وغيرها وغيرها وغيرها من معاناة لم يشاهدهه شعبا بهكذا تشعّب يا اخواني خلي نكول الله يساعد العراقي ويكون بعونه والله خطيه مسكين العراقي لا نكول عليه حثاله خلي نكول اعصابه تعبانه لا نكول عليه شروكي خلي نكول عانه من التفرقه والاضطهاد في يوم ما لا نكول عليه همجي وما شايف خلي نكول فلوس الشعب كانت تروح للغير والشعب يتفرج ويباوع بعيونه ولا نكول عليه اناني لان كنه في يوم ما طلاب جامعه بالكاد نكدر نوفر الكروه نروح ونجي ونشوف بعيونه الطلبه الفلسطينيين يلعبون بالفلوس لعب وعايشين احسن عيشه بفلوس العراق الي كان ينطيهم اياه صدام خلي نكول الشعب العراقي مسكين اعذروه يا احبائي والله اعذرو ولكم والله خطيه صعب واحد يكون غني ومحروم والله اصعب شي الي اطلبه من كلبي دعوه لكل من مس شعبنه المسكين بهذا الموضوع ان يحذف تعليقه او يعدله واعتبروه طلب من اخوكم الجبير
احترامي وتقديري لكل اعضاء المنتدى
احــــــــــــــــــــترامي وتقدير الى شخصك وتحياتي الى طيب اصلك يا اصيل يادم نقي ياطيب الله يكثر من امثالك فعلا نحتاج علا ج ونحتاج انضف الغبار المتكدس على اكتافنة من سنين احنة شعب غني ومحروم ابنفس الوقت تحياتي يا اصيل وكل ما كتبتة انما يدل على معدنك وطيب اخلاقك اما يا اخوتي الاعزاء العراق ترة ايعاني ازمة نفسية ايعيش ويوافي الاجل وهو ما يعرف شيريد بالضبط والسبب لاننا ما مرعلينة يوم انحس عدنة وطن نبني ونعمر بي ونعيش بي اخوة وحالنة من حال البشر ترة اليمر علينة ابحياتنة عبارة عن غابة بيهة القوي ياكل الضعيف مع كل الاسف وهذا الوضع يصلح بس يحتاج سنين مو اقل من 30 سنة ثانية ولهذا السبب انا قررت الهجرة وانقل اولادي الى مستقبل احسن وانضف وهذا الشعور فقط يخالج من هو والد وعدة ابناء وعاش بالعراق فترت حرب العراق وايرا ن وحرب الكويت والحصار وما بعد 2003 تغير النضام الدكتاتوري وهاي تسع سنوات طلع النضام الدكتاتوري عايش في اغلبنة ما يحتاج تعليق وصف وانتة اتعرفون الباقي ابحياتنة اليومية اشون انعيش بيناتنة من اكبر شهادة الى اقل درجة بالمجتمع ايحس ابحب الانا وتحياتي الكم والى الاخ الصابر الله يصبرنة معك
-
اخوان شوفوا اليوتيوب اغلب الشباب العراقي بامريكا ملتهي بالدك والركص , لادراسة ولاعمل معتمدين على المساعدات عيب علينا والله....
اي والله بس اكتب عراقيين في امريكا وشوف المهزلة
-
من باب نكول العراقي ماكو مثله ابو الغيره والشهامه ومن باب انسبه ونلعن سلفه سلفاه خصم الحجي هذا الموجود وكلمن وحظه
-
آني مو بامريكا بعدني بالعراق بس حسب تفكيري الاجابة هي نعم راح تنذب بالشارع اذا ما عندك فلوس ولا شغل نفس الشي هنا بالعراق ومثل اي مكان بالعالم وانشاء الله ما توصل هذا الحد
-
تحياتي واحترامي للجميع الجميع يحجي وجهة نظره والي شايفه بعينه لزمت شغلة بالناصريه وطلعو الجماعة الي تعاملت وياهم مو خوش ناس كرهت الناصريه واهل الناصريه كلهم بعد سنة تعرفت على شخص من الناصريه وحذرت منه بس يا اخي طلع معدنه اصيل وذهب صافي يا اخوان انتو دتحجون عن حاله خاصه مريتو بيهه وتعمموهه وحقكم لان الانسان اذا مر بمحنه ما يعذر وكل شخص يحجي عن الي مر بي بحياته واشكر صاحب الموضوع رغم التداخلات بس احس بي فائده كونو حذرين من اي بشر وحافظو على انفسكم وفلوسكم واولادكم الدنيا بيهه خير وبيهه شر
تحياتي وشكري لجميع المشاركين بالموضوع
-
اخويه النعيمي
الشغل المناسب حيكون غير متوفر بكثره
بس الشغل الغير مناسب من اعمال خدميه وبسيطه حيكون متوفر بكثره
بهاي الحاله رح يضطر الشخص ان يشتغل من الاعمال البسيطه مؤقتا الى ان يلكه شغل مناسب
ماتصور اكو حل ثاني
وبالتوفيق ان شاء الله والسفر القريب
-
اخويه انت مو نفس ولايتي شنو تريد تغيرهه اما سؤالك لاخونه فالجواب هو الولايه جدا غاليه
-
تحية طيبة
صديقي ذهب الى لانسنك في متشيكان مع عائلته قبل سنتين
اشترى سيارة ... واول ما وصل استاجرولة بيت حكومي ايجارة 175$ ثلاث غرف ولديه 6 اطفال
وهو الان يدرس في جامعة الولاية.
هذا يشكي ويبجي بوجه اليتيم وهنا كان ساكن مع اهلة وبيت اخته وياهم وامه وابوه وخواته ورغيف الخبز حسرة عليه
الان اتصل بيه اساله اشلونكم يقول تورطنا!!!!!!!!!!!!!!!!!!!!!!!
يابة جنت عايش هنا بالمز بلة بيت سقفه طين...... وما ضل واحد ما تصدق عليكم حتى السجادة جابوها من المسجد نطوهم اياه
هسة ليش ما تحمدون الله وتشكروه ؟؟؟؟؟؟؟؟؟؟؟؟؟
مع الاسف النفوس جاحدة بنعمة ربها........... ونفوس تعلمت على الشح
ابو مريم
-
الناس اشكال الوان اكو الي يحمد رب العالمين على كلشي واكو يشكون ويونون هؤلاء يخافون من الحسد الحمد لله والشكر اني دائما اكول واما بنعمه ربك فحدث والي يحسد ان شاء الله يرجع عليه
-
اي نعم اخي اغلب العراقيين الي يشتغلون بالمنظمات مؤ اوادم اما من ناحيه المساعدات للشاب نعم من تخلص وما عندك محد يساعدك او تشتغل حتى تدفع الإيجار حشاك تنذب بالشارع ان شاء الله محد يوصل لهاي المرحلة لان فتره 8 اشهر كافه حتا تشوف شغل تكظي مصاريف
-
اي نعم اخي اغلب العراقيين الي يشتغلون بالمنظمات مؤ اوادم اما من ناحيه المساعدات للشاب نعم من تخلص وما عندك محد يساعدك او تشتغل حتى تدفع الإيجار حشاك تنذب بالشارع ان شاء الله محد يوصل لهاي المرحلة لان فتره 8 اشهر كافه حتا تشوف شغل تكظي مصاريف
مع الاسف والله
-
بغض النظر عن تصرف الموظفين العراقيين في وكالات اعادة التوطين اني اللي اعرفه مسؤلية هذه الوكالات او المنظمات محدودة في مساعدة اللاجئين وحسب القانون همة مسؤلين عن مساعدة اللاجيء 30 الى 90 يوم فقط بس همة دا يستفادون من ميلغ الولكم اللي صارت بي زيادة سنة 2010 ويدفعون مصاريف لفترة اطول للاجيء , اما المساعدات الطبية (ميديك ايد) والغذائية (فود ستامب) وغيرها من المساعدات المختلفة فهي تتبع تسمية اوسع هي الولفير اللي يشمل عدة برامج لمساعدة الفقراء وخصوصا المرضى وكبار السن واصحاب الاحتياجات الخاصة والعائلات اللي تضم اطفال وتعاني مشاكل بالتمويل.
برأيي المتواضع مساعدة شاب اعزب ودفع تكاليف معيشته لمدة 8 شهور كلش كافي واكثر من المعقول.