-
السلام عليكم
كل عام وانتم بالف خير
اخوان رحمة لوالديكم الي عنده معلومة يجاوبني ،.. اني قابلت محلف بالضبط قبل (3) اشهر ، والنتيجة كلي تجيك بعد شهر ،.. ولحد هسة كلشي ماكو وبديت اقلق خاف ايصير بيه مثل الي صار ويا اخونه EOD MAN حيث تم تبليغة على اعادة مقابلة بعد 6 اشهر ،... وهو ايضا ماجايته نتيجة التحليف ؟!! فانتو شدكولون ؟؟؟ يعني اي واحد تتاخر نتيجة المحلف مالته يعني سالفته راح تعوي .....طمنونه يمعودين؟
-
مرحبا اخي العزيز لاتقلق انشاء الله خير حسب ماقريته من مواضيع الاخوان اكو ناس ماجاهم رد محلف ومشت فايلاتهم واكو ناس سافرت واكو ناس يوصلهم درفل لتر يعني موافقة مشروطة بالنسبه اليه صارلي شهرين ونص تقريبا ماكو شئ بس الحمدلله اتصلو بالكفيل وطرحت الحالة على الاخوان بالمنتدى وكالو المفروض المحلف موافق لان اتصلو بالكفيل
نصيحتي الك تتاكد من الكفيل اتصلو بي
وتشوف الموقع تحولت الى مكتمل مقابلة المحلف
ودز ايميل للمنضمة وشوف ردهم
واتمنالك الموفقية وانشاء الله موافقة باذن الله
-
اني جتي موافقة المحلف بعد 97 يوم من المقابله لا تقلق اخي مدام تأخرت لا يضل بالك
تحياتي
-
اخي مطول نتيجة المحلف مجتك لحد هسة يعني انته المحلف موافق عليك لا سامح الله لو اكو رفض لو شي جان اجاك رد وره شهر لو اقل فا اطمن انته هسة واتصل بيهم وشوف شي كلولك واكيدهسة راح يكلولك انته بل التجييك الامني
وانشاء الله خير والسفر الى الجميع ياربي
-
مبروك اولا لك ولا تقلق لانه لو كان هناك رفض لاقدر اللة فيجب ياتيك الرفض خلال ثلاثة اسابيع هذا قانون فلا تقلق ومبروك لك ثانية
-
اطمئن اخي مستحيل يخلوك هاي الفتره بدون ميبلغوك لو رفض لا سمح الله
لان لازم تتبلغ بمده اقصاها شهر وتوقع على استلام النتيجه
لان اني صار ويايه هيج ظليت قيد الدراسه مدة شهرين او اكثر بعدها خابروني
انه تم قبولي من قبل المحلف
كول يا الله
-
اريد الله يوفقكم ويحفظكم من كل مكروه ....امـــــــــــــــــــــــــــــــــــــــــــــــــــــــين
الاخ عمر شكرا لك الله يوفقك
الاخ الصابر 76 ربي يحفظك
الاخ اسطنبولي الله يسهل امرك
الاخ مجيد الله يبارك بايامكم ويسعدك
اخي مصطفى احمد الله يطمنك ويبرد خاطرك ...وما عدنه غير اللــــــــــــــــــــــــــــــه
يااللـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه، اسالك باسمك الاعظم الاجل الاكرم ، ان تصلي على محمد وال محمد ،. وان تفرج على كل اعضاء عينكاوا وما يبقى ولا واحد الا ومسافر عن قريب ومستقر .، اللهم امين يارب العالمين ..
اكرر شكري لكم اخواني ،.. لقد سعدت برأيكم ومشورتكم ...
سالـــــــــــــــــــــــــــــــــــــــــــــــــــــــمين
الدامرجي
-
السلام عليكم . أخي راسل المنظمة وبسرعة أسرحلهم وضعك تره تروح في طي النسيان . ونصيحة أذا مجاوبوك خلال أسبوعين لح عليهم تره عليهم لوووووووود خرافي .
-
اخي الدامرجي
السلام عليكم اخي اني ايضا نفس الموضوع والي لحد الان شهرين واسبوع ولادفرال ولا صارت المحلفين كومبليت ولااتصلو بكفيل والملف بالانتظار ولاحس ولاخبر حتى كمت اخذ مهدئات ويمكن راح اكبسل منا الى ان لو يطلعوني لو احرك روحي
-
على الاغلب موافقة لا تقلق
الف مبروك
-
على الاغلب موافقة لا تقلق
الف مبروك
اختي العزيزة سارة هل الموضوع موجه للدامرجي ام لي ولو احنا تقريبا نفس الشي بس اكو بس تغير واحد بحالة الملف بانه الفحص الطبي جان اكسباير صار فعال زين اتصلت بمستشفى بغداد كالو انته مامجدول ابن البيطار صار موضوع طويل واختلفت الاراء انه لاتوجد علاقة بين الفحص ونتيجة الملف زين اذا المحلف مموافق اني شعدي رايح وماخذ جهالي المشعوذين وامهم العشماوي ههههه رجاءا والله اني مالايقل عن 100 مرة دا اجيك
-
اخ الهجري
الافضل ان ما تعتمد على معلومات الموقع لان احيانا يصير بيها تاخير للزخم الكبير
وانتظر تعليمات مباشرة من المنظمة
لا تروح فحص وية الفيلق ;Dالله يحفظهم اذا ما يجيك اتصال من المستشفى
لان لما يجيك اتصال رح يكون اسمك عد المسستشفى ويسولك فحص
واذا اسمك ما موجود فروحتك رح تكون بدون فائدة
وانشالله انت واخ الدامرجي موافقة
-
اخي العزيز تكدر اتابع قضيتك عن طريق الموقع شوف بيه قضيتك مقابله المحلف اذا مكتمل امورك تمام حاله ملفك شنو حاول تدخل وشوف وضعك
انشاء الله مقبول بتوفيق انشاء الله
-
الاخت سارة
الله يوفقج ويرضى عنج واهنا الاخ الدامرجي ببشارة الاخت سارة وارجو ان تضل بهذا الموضوع لان يومية راح افتحه واي مستجدات ابلغك والله تحياتي للكل ومقدر الم الانتظار وملله الله يوفق الجميع
وعلى كلام الاخت سارة اني ماكنت ناوي اروح اذا مو يتصلون ماروح بس سؤالي جان شلون اروح افحص اذا اجاني اتصال ونتيجة المحلف مامعلومة مع تحياتي
-
اخ فارس الله يوفقك
اني لا ديفرال ولا الموقع المحلفين بيه مكتمل بعده فعال وحاله الملف يانتظار النتيجة وقبل اسبوع جان الفحص اكسباير صار فعال اتصلت بالمستشفى كالو انته مامجدول يعني جان سؤالي اذا اتصلو بيه شلون اروح واني ماعارف المحلف رافضني قابلني زين لااتصال بكفيل ولا كومبليت ودزيت 6 رسايل ماكو اجابة
علما اني ملف 108 يعني من 2008 جماعة الشيلمانه بين المقابلة الاولى والثانية سنه ونص يعني مو مشكلة الانتظار بس شغلهم صاير مو منطقي ليش تسوون الفحص فعال اذا انتو ماعارفين قرار المحلف زين اذا مثل ميكول البعض اذا اطوك فحص يعني المحلف موافق زين كولولي صار لي شهرين وتقريبا 10 ايام
-
اخ فارس الله يوفقك
اني لا ديفرال ولا الموقع المحلفين بيه مكتمل بعده فعال وحاله الملف يانتظار النتيجة وقبل اسبوع جان الفحص اكسباير صار فعال اتصلت بالمستشفى كالو انته مامجدول يعني جان سؤالي اذا اتصلو بيه شلون اروح واني ماعارف المحلف رافضني قابلني زين لااتصال بكفيل ولا كومبليت ودزيت 6 رسايل ماكو اجابة
علما اني ملف 108 يعني من 2008 جماعة الشيلمانه بين المقابلة الاولى والثانية سنه ونص يعني مو مشكلة الانتظار بس شغلهم صاير مو منطقي ليش تسوون الفحص فعال اذا انتو ماعارفين قرار المحلف زين اذا مثل ميكول البعض اذا اطوك فحص يعني المحلف موافق زين كولولي صار لي شهرين وتقريبا 10 ايام
اضاهر انته المحلف ممنطي بيك قرار ايريد ايشوف التجيك الامني مالك وانشاء الله يكتمل عندك اذا خابروك على فحص اعتبر امورك تمام
انشاء الله تكتمل امورك انته واخويه الدامرجي
-
عيدكم مبارك وكل عام وانتم بالف خير
اخوية الهجري واني ايضا اهنيك ببشارة اختنة العزيزة سارة ، واني باقي وياك ومتواصل ...وربي يحفظك ويبعدك عن كل مكروه ،.. دكـــــــــــــــــــول يااللـــــــــــــــــــــــــــــــــــــــــــــــه ،.والصبر مفتاح الفرج ...
الاخت سارة نبيل الله يبارك بيج ويسعد ايامج ،.. ويسهل اموركم ..
اخويه فارس العراق 90 اريدك دوم بخير وطيب ، الله يحفظك... اني هم دا اتابع الموقع ،.. ويطلع مقابلة المحلف (in processes ) ! .. شنسوي ماكو غير ننتظر والله كريم .
شكرا لكل من اثراني برايه الطيب ..
تحياتي
الدامرجي
-
تقريبا بعد شهر راح يسلموا نتيجة المحلف واو ما يعرف باستلام المغلف وإذا حاب تعرف انك تم قبولك بكل الأحوال راح يتم الاتصال فيك قبل هذي الفترة وإذا أعطوك موعد الاستلام يصادف السبت فهي موافقة وإذا الأحد تدقيق وإذا الاثنين انتظار وقبل ما يعود الموعد لاستلام راح يتم الاتصال فيك لإجراء الفحص الطبي والله الموفق
-
اخي العزيز الدامرجي المحترم صباح الخير
راح يومية اسلم عليك وارفع من معنوياتك لان اني لحد هسة يابسة وتمن واول ميصير شي او اسمع بشي صدكني راح خلال هذا الموضوع اكلك بيه اللي راح يومية افتحها
شكرا
-
صباح الخيرات والسرور
وعليكم السلام ورحمة الله وبركاته
حبيب كلبي يالهجري اريد الله يحفظ اولادك ويبشرك بالخير ياطيب...
وانشاءالله وياك باقي متواصل .،واي تحديث يصير بالسالفة انشاءالله راح اكتبلكيا ... لان اني هم مثلك لحد الان يابسة وتمن .
دعواتي لكم بتفريج الهم وتسهيل الامر ...
(اللهم لاسهل الا ماجعلته سهلا وانت تجعل الحزن اذا شئت سهلا)
اللهم امين
شكرا هجري
رحمة الله والديك
-
السلام عليكم
شونك اخي اني مقابل محلف بتاريخ 1-2-2012
وكلولي ورة فنرة راح يوصلك رد المحلف لو موافق لو مرفوض
ولحد الان ما وصلني شيش منهم لحد ما دزيتلهم رسالة ورة ما بزعت
وكلولي انت على الدرفل وهسه دا انتظر كولشي ماكو لحد الان
تحياتي الك
-
up
-
اخويه العزيز معلوماتي تكول من يتأخر جواب المحلف معناها قبول والخوف من تجي نتيجه المحلف بسرعه
-
الدامرجي اخويه العزيز صباح الخير
سمعت اخونا جهيد شكال مشكور والله يحفظه وباللون الاحمر من كثر ميريد ان ننتبه انه اليتاخر عليه الرد يعني المحلف موافق الله يبشركم بالخير اخويه الدامرجي حسب ماوعدتك بان التقرير اليومي بالنسبة الحالتي يابسة وتمن والحمد لله كلاص لبن وراها وكلشي ماكو ومليت من شي اسمه لابتوب اذا سافرنا الا اشمره من الطيارة بالمحيط
-
عمي جهيد اللــــــــــــــــــــــــــــــــــــــــه يرضى عنك ويسهل امرك ويبشرك بكل خير
حبيبي في الله الهجري... يالغالي.... .. تحية اخوية واسعد الله اوقاتكم بكل خير ...
وانا ايضا يابسة ( بس معلبات) وتمن ... وراهه كلاص جاي و لف راسك ونام ..
هجري كـــــــــــــــــــــــــــــــــــــول ياللـــــــــــــــــــــــــــــــه،
وانشاءالله خير ياخوية...للجميـــــــــــــــــــــــــــــــــــــع
وانشاءالله يجي اليوم الي نودع بي اليابسة ونضرب الكـــــــــــــباب... ;D ;D
العب :o
تحياتي
-
صباح الخير اخي في الله الدامرجي المحترم
طبعا هاي مال نضرب كوباب كلش قوية ههههههههههههه ;D اخي الدامرجي حجيت ويه احد الثقاة يعني الحديث قوي ومسند انه بعض الاحيان المحلف لمن يقتنع بالقضية يحولها عالتجييك الامني كبل لان هو موافق بس ماكو نتيجة تكول المحلف موافق عليك يعني تروح بالاجراءات بسرعة لان لو اكو رفض 100% ميتاخر شهر حتى يطيك حقك بالطعن بعد 6 اشهر من النتيجة وايضا عن ابا خوصة كال انه الكثير من اللي مااجاهم دفرل اجاهم سفر فهسه احنا اهم شي طفرنا من جدر الرفض يعني انكظيها يابسة احسن من الخباز :'( والله كريم وهذا مال حاله الكيس 90 % منه جذب وخربطة وموظفين تعبانين فالله كريم ومتواصلين اذا انضربت بوري اكلك واذا الله سهل اتمنى يسهلها عليك وعلي واته قبلي تحياتي
واني راح اتحول من هجري الى ق.م نهاية هاي السنه
واستودعكم الله اخي الدامرجي
-
الاخ العزيز الدامرجي
بارك لاخوك ورة مادزيت الرساله اعلاه الك وتمنيتلك من كل كلبي ان تسهل عليك وعلى كل الاخوان اجاني الدفرال بال 2:00 pm الظهر 28/8/2012 الله يسهل اموركم بحق كل من له حق عند الله من انبياء وملائكة وصالحين
-
عزيزي الهجـــري مبروووك وربي يسهل سفرك
ليش هي هيجي الديفرال لتر فد شي مهم او يدل على تطور القضية..اشو اني اجتني من قبل شهرين وكلشي ماكوووو لا فحص طبي ولا توقيع اوراق وكلما اخابر يكلي انت دتنتظر نتيجة المحلف علمآ اني بعمان
تحيااااااااااتي الك
-
الهجري الورد
الــــــــــــــــــــــــــــــــــف ألـــــــــــــــــــــــــــــــــف مبروك
انشاءالله يوم الي تحزم الحقائب وتسافر بسلامه .الى الولايات المتحدة الامريكية وتستقر وتعيش بسلام ياوردة وتحقق كل امنياتك
هسة مو مشكلة هجري لو قبل الميلاد ;D ;D اهم شي طفرت من جدر الرفض :o ،..واجه الدفرل بخير وسلامه ..وما بقى الا القليل
اللهم وفق الهجري بحق محمد وال محمد ،.. واكتب له السلامة والنجاح وتسهيل الامر .., هو والجميع انشاءالله ...
اخــــــــــــــــوك باقي على اليابسة .....وبس.... لا....... ارجع لزمن النيادرتال...وتعال اركض بالرمح ورة الاسود .. وكض اخوك لايطيح ;D
الله ارحم الراحمين
اشكر تواصلك معي ..... وامنياتي لك بالتوفيق
الدامرجي
-
مبروك للرصافي والهجري
شايفين انشاءالله كل الخير
يوم الي النه ...ويجينه دفرل
تقبلو مروري
-
مشكوووور حبيبي طبـــــــن ورحم الله والديــــــك ويوم لألــــــــــــك ان شاء الله
-
السلام عليكم اخي وعزيزي الدامرجي والله ماافك ياخة عنك ويومية مواصلك الا يجيك الدفرل هيج هيج يرفرف شلون القمري انشا الله الكل يجيهم موافقة كلية مو بس دفرال والاخص الخ طبن اما بالنسبة للرصافي
فنعم الدفرال فد شي جدا مهم لان انت حاليا حسب القانون اعترف باستحقاق حملك لصفة لاجيء ولكن السفر بعد مواققة وزارة الامن الوطني الامريكي قسم المهاجرين والاجئين واغلبها هيه فحص اسمك هل هو في منظمات غير قانونية بعض الاحيان يصير تشابه اسماء تكلف سنين الى ان يتاكدون فاخ رصافي طبعا تطور لان المحلف اهم جزء بالقضية وتحياتي للكل
-
يارب يطمنكم ويريح بالكم .. اللهم آمين
-
مشكووور حبيبي الهجـــري عالتوضيح وان شاء الله يتسهل امرك وامر الجميع
بس مو اني سؤالي ليش لسه ماكو فحص طبي او توقيع اوراق كفيل او اي حركة تبشر بخير عالملف يعني حتى الموقع في مكانك راوح ماكو اي تغير عليه بعدها مقابلة المحلفين ان بروسيس...يعني احنه بهالحالة عالتشييك الامني؟؟؟ زين اني صارلي اكثر من سنة ونص من مبصم يعني معقولة هلكد تطول الامنية وعلمآ اني مسوي اعادة محلفين لان اني سبق وان انرفضت وقدمت استئناف اشو همه سوولي اعادة محلفين ووراها اجتني الدفرل لتر
-
اخوية الدامرجي صباح الخير بشر ماكو شي يمعود