ankawa
منتدى الهجرة واللجوء => الهجرة و واللاجئين => الموضوع حرر بواسطة: الميرنكي في 22:44 27/08/2012
-
الاخوان في الموقع سلام عليكم وعيدكم مبارك ولو متأخرة بس كان النت مقطوع , اريد اعرف من جنابكم معنى الدفرال لتر من اشخاص مضطلعين بأمور الهجرة يعني ال IOM هل ان المحلف غير مقتنع بالشخص وينتظر التجييك الامني أم ان الديفرال لتر تعني موافقة لحين انتهاء التجييك الامني ؟؟ ولماذا لايكون المحلف قادر على اتخاذ القرار القطعي ؟؟ فهل هناك موافقات مباشرة ؟؟ بدون العودة الى التجييك الامني ؟؟؟؟؟
-
موافقه محلف مبدئيه مشروطه بالامنيه
-
موافقة محلف مرتبطه بل التجييك الامني والتجييك الامني محد يعرف بي شكد ويكمل
-
يعني اكو تدقيق امني يتطلب وقت وفحص المعلومات عادي لا تشيل هم
اني من سنة ونص ديفرال وهسة راح اسافر عالاس اي في وهمة بعدهم فحص امني اي او ام
-
حبيبي المحلف مو من صلاحيته يوافق مباشره لان هذا موضوع حاليا متعلق بالامن القومي الامريكي يعني الجهات الامنيه شغلها غير شغل المحلف هوه بس يكلهم اني اوافق وهذا مستوفي الشروط ويطلع منها الدوائر الامنيه تستلم حالتك هيه وللعلم اهم وزاره هنا هي الامن القومي وهيه السلطه العليا في كل شيء.
مهندس علي
تامبا-فلوريدا
-
اخي العزيز الاخوان ما قصرو وياك بالاجوبه الوافيه انت احسبهه هيج كانه جهتين لازم توافق عليك المحلف لازم يقتنع انت فعلا تستحق اللجوء هذا واحد الجهات الامنية تسأل عليك وتجيك امورك من الناحيه الامنية يعني الواحد ما مرتبط بالثاني يعني موافقة المحلف لا تعني انو الموافقه الامنية اكيده والعكس نفس الشي لازم يوافقون الجهتين عليك يله الشغلة تكون متكامله بس الديفيرال لتر معناهه المحلف ما عنده شي وياك بعد خلصت من واحد وبقه التجييك الامني ومن الله التوفيق باذن الله
تحياتي