ankawa
منتدى الهجرة واللجوء => الهجرة و واللاجئين => الموضوع حرر بواسطة: محارب في 16:13 28/08/2012
-
ومشكورين مقدما على المساعده
اخوكم ابو سمسوم
-
والله اخي ماعرف
بس همه اكو تفاصيل احيانا ميكتبوها
يعني احنه اخر رحله مكتوب من كليفورنيا الى تكساس
ممكتوب وين بتكساس .. وكلولننهه ممعلوم اذا حنطير مباشرتا الى مدينتنا لو ننزل بغير مدينه وبعدين لمدينتنا
فيجوز انت من فلوريدا اطير لولايتك
الرحله الاخيره يجوز مكاتبيلكياها
بس اكو شغله تحير انو كاتبيلك الرحله النهائيه
المفروض ميكتبون النهائيه اذامثل حالتنه
دزلهم رساله وكللهم وجهتك الاخيره وين ؟؟
وبالتوفيق ان شاء الله وتوصل بالسلاااامه
-
ابو سمسوم تلاحك الروحك تره غيروا ولايتك مثل ماصارت ويه ولد صديقي ...جان رايد بوسطن حولوه الى فلوريدا
-
اضاهر من يضيمهم الضيم يحولون لفلوريدا :-\ :-\
-
ماكو غير ادزلهم ايميل زاكوللهم اني ماعندي احد بفلوريدا
المشكله كلهه تحجي اسباني وفرص العمل بيهه قليله واسعارها غاليه
يعني ولايه سياحيه
هاي شلون مشكله
لو وحدي بسيطه بس عندي عائله
لاحول ولاقوه الا بالله
مشكورين اخوان لردودكم وتعاطفكم
بس والله افتر راسي
-
عيني ابو سمسوم صارت بجماعه ويانه
اذا كاتبيلك الوجهه النهائيه معناها راح يخلوك بفلوريدا
حاول من هسه تغير وجهتك وتفهمهم برساله
لان من توصل هناك وتغير تذاكر الطياره عليك
-
اخ كلش حباب انت عندك كفيل ؟ لو خليتها عليهم واقترحت تكساس
وبعدين شبيها فلوريدا هههه
-
اخي الكريم
اني اشوف لو تتصل بيهم احسن وتنبههم على هذا الخطاء لان اولاندو اضافة للي ذكرته بيها بعض المساوئ منها انها مهددة بالغرق خلال 10 سنوات، وانها تتعرض سنويا للاعاصير الموسمية.
-
الاخ العزيز ابو سمسوم هاي الحالة كثر حدوثها في الفترة لاخيرة واعتقد يحاولون يخلقون الموازنة باعداد اللاجئين بين الولايات
واذا تذكر قبل فترة ذكرت حالة صارت لولد كانت وجهته اريزونا وحاليا هو هنا بتينيسي مع وجود الكفيل طبعا اللي ظل دايخ وميعرف شنو اللي مفروض يسوي وهي صارت حظ يانصيب
اخوية العزيز اتصل عليهم او حتى لو تدزلهم ايميل وانطيهم اسباب قوية لذهابك لتكساس كان تقول اقاربي هناك ووضع المعيشة ايضا
وشوف شنو راح يكون الرد من قبلهم وبالمناسبة الاخت زهر الصبار مقيمة في فلوريدا حاول تعرف منها بعض المعلومات عن هذه المدينة لعل وعسى تكون جيدة بالنسبة لك
ولو الاخ امين مقصر وخوش انطاك معلومات عن هذه المدينة
اخي لاتضوج تفرج وداعتك واذا مو شلعان قلب متصير سالفة السفر
اخوك ياسر
-
الله بالخير للطيبين
اخويه العزيز ياسر بالنسبة للأخت زهرة الصبار هي تسكن بولاية فلوريدا وليس تكساس
اخويه العزيز ابو سمسوم تدري ليش حولك على فلوريدا لأن آني خابرتهم وكتلهم آني على تكساس فورت وورث يعني لو آني لو ابو سمسوم بالمدينة :D :D
سهلة اخويه وان شاء الله يحولوك على تكساس وتنتهي المشكلة الله كريم
همه المنظمات عدهم صلاحية التغير في حالة صار عليهم لود يبدون يحولون بعض الملفات الى ولايات ثانية بدون الرجوع للاجئ او المهاجر
تحياتي وربي يوفقك ويسهل امرك يارب
-
بدورة السفر بلغونا انه الطائرات الي توصل لامريكا بالنسبة للاجئيين تحط بثلاث مطارات رئيسية فقط في نيويورك و شيكاغو و فلوريدا و بعدين يتم توزيعهم على بقية الولايات, فاحتمال انت من فلوريدا و بعدين اطير لتكساس بس هذا لايمنع من خربطة للمنظات و لازم تتاكد, لانه اكو جماعة على اساس لانديانا و بعدين حولوهم الى نورث كارلوينا مع العلم هم من غير كفيل.
-
ماكو غير ادزلهم ايميل زاكوللهم اني ماعندي احد بفلوريدا
المشكله كلهه تحجي اسباني وفرص العمل بيهه قليله واسعارها غاليه
يعني ولايه سياحيه
هاي شلون مشكله
لو وحدي بسيطه بس عندي عائله
لاحول ولاقوه الا بالله
مشكورين اخوان لردودكم وتعاطفكم
بس والله افتر راسي
[/quote
ابو سمسوم خوية على كيفك شبيها فلوريدا ترة صحيح سياحية بس موغالية واني اشوفها رخيصة كلش والشغل موجود الله وكيلك بس ليفتر راسك واتوكل على الله لان ماكو فرق بيها عن تكساس وبعدين صحيح بيها اسبان هواية بس هاي همين فايدة النا احنا لان ميدققون هواية عاللغه لان كلهم يدكشون انكليزي واكثر ارباب العمل والعاملين من الاسبان وبعدين ماكو لاعنصرية ولاتفرقه شنو ملابس معليهم محجبة معكل معمم ميهمهم ههههههههههههه
-
اخي الكريم ابو سمسوم
اصبح الاتصال بالمنظمة ضروري للتاكد من صحة التي وصلتك منهم فلربما قد حدث خطأ هنا او هناك او لربما تكون المعلومة التي وصلتك منقوصة كما ذكر الاخ كالاكسي. فان لم تكن كذلك فبامكانك ان تخبرهم بان كفيلك في تكساس وانك معتمد عليه لعلاقاته الواسعة لايجاد عمل لديك في قاعدة فورت وورث بنفس عملك الذي كنت تمارسه في العراق.
وان شاء الله ميصر الا كل خير
-
ابو سمسوم الشغل هناك لبو موزه ،،،،،،،بلنكو وحشيش ومخدرات وخير هوايه ،. اما اذا اشتغلت علاس يه اخوتنه الكوبيين بعد الله ربك ههههههههههه
-
الاخت ام مصطفى شكرا للتنبيه مع انه كان خطأ بالطباعة لاني اعرف بالاخت زهرة الصابر مقيمة في فلوريدا وهذا ماقصدت في كلامي
شكرا لكي مرة ثانية
ياسر
-
ابو سمسوم الشغل هناك لبو موزه ،،،،،،،بلنكو وحشيش ومخدرات وخير هوايه ،. اما اذا اشتغلت علاس يه اخوتنه الكوبيين بعد الله ربك ههههههههههه
حجيك صحيح كانه جنت عايش هناك وهجيت مو بالله
اصلا الناس من الحشيش والمخدرات تمشي مطوطحه
والعلاسين دايحين بالشوارع يعلسون بالرايح والجاي
دير بالك ابو سمسوم لتتورط واخذ بنصيحة الاخ
-
والله دوختوني شنو علاسه
يمعودين لخاطر الله دخيلكم ;D
-
اخي ابو سمسوم
اذا نحجي على اورلاندو فالمدينة كلش حلوة وتشتهر بقصور المؤتمرات يعني بين قصر مؤتمرات والثاني تشوف بينهم اكو قصر مؤتمرات. وتشتهر بمدينة الالعاب الاكبر في العالم ديزني لاند، بس شنو جوها رطب و ماعندهم شتاء قاسي وبيها نسبة من السود لابأس بها و الشغلات التي ذكرها الاخ espero مضبوطة. ومثل مذكرت قبل شوية انها مهددة بالغرق خلال 10 سنوات وكذلك مدينة نيويورك وذلك بسبب ظاهرة الاحتباس الحراري.
-
اخي ابو سمسوم
اذا نحجي على اورلاندو فالمدينة كلش حلوة وتشتهر بقصور المؤتمرات يعني بين قصر مؤتمرات والثاني تشوف بينهم اكو قصر مؤتمرات. وتشتهر بمدينة الالعاب الاكبر في العالم ديزني لاند، بس شنو جوها رطب و ماعندهم شتاء قاسي وبيها نسبة من السود لابأس بها و الشغلات التي ذكرها الاخ espero مضبوطة. ومثل مذكرت قبل شوية انها مهددة بالغرق خلال 10 سنوات وكذلك مدينة نيويورك وذلك بسبب ظاهرة الاحتباس الحراري.
معلومات جيدة ومن مصادر مضبوطة
لكن هل يعلم الاخ الحباب كم تبقى من فترة العشر سنوات قبل حدوث الغرق ;D ;D
اعتقد فترة قليلة والله اعلم
-
الاخ العزيز كلش حباب اذا كان ولابد من تغيير الولاية غير على ولايتي لانه بالفترة الاخيرة اكو عدة عوائل وصلت بعد مامروا بنفس حالتك
اي تغيير الولاية مع وجود كفيل وانت من تراسلهم او تتصل عليهم وعندما لايبقى لك غير خيار اعطيهم اسمي ورقمي وعنواني الكامل وكل معلوماتي اللي ممكن يحتاجوها وتجي يمي واخليك بعيوني والله لافلوريدا ولا اورلاند ولاغيرها
على الاقل المكان اللي عندك عرف بيه احسن من المجهول ومثل مكتلك شوكت متحتاج معلوماتي اتصل عليه
وبالمناسبة تقيم في المدينة اللي اعيش بيها جالية كردية وعربية كبيرة جدا اي كلشي متوفر وموجود من اسواق ومطاعم واني يمك ومراح اخليك تدوخ بشئ بالاضافة الى مناسبة المدينة للعوائل من كل النواحي
واكون اني الممنون منك اخوية
اهم شئ لاتعصب ولاتضوج وهي اول وتالي بيد رب العالمين
اخوك ياسر
-
الاخ العزيز كلش حباب اذا كان ولابد من تغيير الولاية غير على ولايتي لانه بالفترة الاخيرة اكو عدة عوائل وصلت بعد مامروا بنفس حالتك
اي تغيير الولاية مع وجود كفيل وانت من تراسلهم او تتصل عليهم وعندما لايبقى لك غير خيار اعطيهم اسمي ورقمي وعنواني الكامل وكل معلوماتي اللي ممكن يحتاجوها وتجي يمي واخليك بعيوني والله لافلوريدا ولا اورلاند ولاغيرها
على الاقل المكان اللي عندك عرف بيه احسن من المجهول ومثل مكتلك شوكت متحتاج معلوماتي اتصل عليه
وبالمناسبة تقيم في المدينة اللي اعيش بيها جالية كردية وعربية كبيرة جدا اي كلشي متوفر وموجود من اسواق ومطاعم واني يمك ومراح اخليك تدوخ بشئ بالاضافة الى مناسبة المدينة للعوائل من كل النواحي
واكون اني الممنون منك اخوية
اهم شئ لاتعصب ولاتضوج وهي اول وتالي بيد رب العالمين
اخوك ياسر
مو غريبة عليك ابو عبد الله دومك سباق لعمل الخير أصيل وأبن أصول الله يقدرك على فعل الخير وينطيك على كد نيتك ياطيب ويفتحها بوجهك ويوسع رزقك وين متتوجه
تحياتي والله يزيدك من نعيم الدنيا والآخرة
-
اخويه كلش حباب اني اخوك عايش بفلوريدا وتحديدا تامبا واحب اكلك جم شغله المدينه حلوه جدا واسعارها مناسبه جدا جدا يعني الاخ محمد كيميكال ويانه بالموقع ماجر اعتقد 600 دولار واني اخوك ماجر ب700 دولار وماشاء الله الشغل متوفر وبالنسبه للعائله دائما انصح اكول فلوريدا من الولايات العائليه وبالنسبه للامان هيه امينه مقارنه بولايات اخرى يعني نسبه الجرائم فلوريد منخفضه طبعا اذا الله كتبها الك راح تشوف كلامي صحيح ومثل ميكول المثل ,, اهل مكه ادرى بشعابها ,, ياريت تنورنا ونفرح بيك يارب واي شي او سؤال يخص فلوريدا تكدر تخابرني او تراسلني عالميل اني حاضر وماقصر وياك باذن الله.
اخوك مهندس علي
تامبا-فلوريدا
-
صباح ومساء الخير على الجميع
اورلاندو - فلوريدا مدينه سياحية وعالم ولدزني . اللي اعرفه شوية غالية تختلف عن باقي مدن فلوريدا
اذا انت مصر على تكساس فالاحسن انه تتصل بيهم وتكللهم
لان اذا وصلت الى اورلاندو راح تسافر من اورلاندو على حسابك الى تكساس
طبعا هاي لازم تسافر الى تكساس قبل ما يكعدوك بالبيت ويحسبون عليك الايجار والاثاث
-
صباح ومساء الخير على الجميع
اورلاندو - فلوريدا مدينه سياحية وعالم ولدزني . اللي اعرفه شوية غالية تختلف عن باقي مدن فلوريدا
اذا انت مصر على تكساس فالاحسن انه تتصل بيهم وتكللهم
لان اذا وصلت الى اورلاندو راح تسافر من اورلاندو على حسابك الى تكساس
طبعا هاي لازم تسافر الى تكساس قبل ما يكعدوك بالبيت ويحسبون عليك الايجار والاثاث
http://www.apartmentguide.com/apartments/Florida/Orlando/500-700-price-range-2-beds-1-baths-4jk+1z141y8+1z141xu/
اخويه بالعكس اولاندوو مو غاليه رجاءا شوف اللنك اللي اعلاه وانت تعرف قصدي وللتوضيح شقه مرتبه غرفه نوم وبيت عادي يكلف 500 الى 700 دولار ومكومه باورلاندوو وشقه او بيت غرفتين وحمام ومنافع يبدي من 600 الى 900 يعني ب700 تحصل شقه مرتبه وغرفتين نوم بيها ارجوك ومئات المواقع بالنت غير اللي انطيته الكم تكدرون تجيكون الاسعار جدا معقوله اخي اكو ولايات جوه ال1000 ماتاجر حبيبي انت. بس طبعا اني اشد على ايد الاخ اذا كفيله بتكساس وهوه عاجبه يروح المفروض يراسلهم تره انت حسب ايميلك وجهتك النهائيه اورلاندوو فلحك لنفسك اذا مرتب وضعك على تكساس وخاف كلشي يصير دنيا تحتاج شي من اي او ام اورلاندوو هم اني حاضر اخي
-
اخ كلش حباب انت عندك كفيل ؟ لو خليتها عليهم واقترحت تكساس
وبعدين شبيها فلوريدا هههه
اخويه اني مفترح تكساس وكل اصدقائي هناك
هيه موشغلة تبطر بس كل التخطيط مالتي والاستعدادات كانت تكساس
صحيح مهما تكون فلوريدا فهي افظل من بلدان ولايات هوايه
والحمد لله من طلعت الفيزا
صباح ومساء الخير على الجميع
اورلاندو - فلوريدا مدينه سياحية وعالم ولدزني . اللي اعرفه شوية غالية تختلف عن باقي مدن فلوريدا
اذا انت مصر على تكساس فالاحسن انه تتصل بيهم وتكللهم
لان اذا وصلت الى اورلاندو راح تسافر من اورلاندو على حسابك الى تكساس
طبعا هاي لازم تسافر الى تكساس قبل ما يكعدوك بالبيت ويحسبون عليك الايجار والاثاث
شكرا على المعلومه ياورداخويه كلش حباب اني اخوك عايش بفلوريدا وتحديدا تامبا واحب اكلك جم شغله المدينه حلوه جدا واسعارها مناسبه جدا جدا يعني الاخ محمد كيميكال ويانه بالموقع ماجر اعتقد 600 دولار واني اخوك ماجر ب700 دولار وماشاء الله الشغل متوفر وبالنسبه للعائله دائما انصح اكول فلوريدا من الولايات العائليه وبالنسبه للامان هيه امينه مقارنه بولايات اخرى يعني نسبه الجرائم فلوريد منخفضه طبعا اذا الله كتبها الك راح تشوف كلامي صحيح ومثل ميكول المثل ,, اهل مكه ادرى بشعابها ,, ياريت تنورنا ونفرح بيك يارب واي شي او سؤال يخص فلوريدا تكدر تخابرني او تراسلني عالميل اني حاضر وماقصر وياك باذن الله.
اخوك مهندس علي
تامبا-فلوريدا
مشكور اخ علي ما تقصر بس اني ضامك لوقت الشدايد
هو هذا العراقي دائما شهم
تحياتيالاخ العزيز كلش حباب اذا كان ولابد من تغيير الولاية غير على ولايتي لانه بالفترة الاخيرة اكو عدة عوائل وصلت بعد مامروا بنفس حالتك
اي تغيير الولاية مع وجود كفيل وانت من تراسلهم او تتصل عليهم وعندما لايبقى لك غير خيار اعطيهم اسمي ورقمي وعنواني الكامل وكل معلوماتي اللي ممكن يحتاجوها وتجي يمي واخليك بعيوني والله لافلوريدا ولا اورلاند ولاغيرها
على الاقل المكان اللي عندك عرف بيه احسن من المجهول ومثل مكتلك شوكت متحتاج معلوماتي اتصل عليه
وبالمناسبة تقيم في المدينة اللي اعيش بيها جالية كردية وعربية كبيرة جدا اي كلشي متوفر وموجود من اسواق ومطاعم واني يمك ومراح اخليك تدوخ بشئ بالاضافة الى مناسبة المدينة للعوائل من كل النواحي
واكون اني الممنون منك اخوية
اهم شئ لاتعصب ولاتضوج وهي اول وتالي بيد رب العالمين
اخوك ياسر
اخويه ابو عبد الله تره الضوجه راحت واخذت وياهه العصبيه >:(
دائما انت سباق بفعل الخير
ربي يحفظكاخي ابو سمسوم
اذا نحجي على اورلاندو فالمدينة كلش حلوة وتشتهر بقصور المؤتمرات يعني بين قصر مؤتمرات والثاني تشوف بينهم اكو قصر مؤتمرات. وتشتهر بمدينة الالعاب الاكبر في العالم ديزني لاند، بس شنو جوها رطب و ماعندهم شتاء قاسي وبيها نسبة من السود لابأس بها و الشغلات التي ذكرها الاخ espero مضبوطة. ومثل مذكرت قبل شوية انها مهددة بالغرق خلال 10 سنوات وكذلك مدينة نيويورك وذلك بسبب ظاهرة الاحتباس الحراري.
اخ امين دائما انت مبدع ومعلوماتك حلوهUP
شكرا للرفع روان
يارب يوم نفرح بسفركابو سمسوم الشغل هناك لبو موزه ،،،،،،،بلنكو وحشيش ومخدرات وخير هوايه ،. اما اذا اشتغلت علاس يه اخوتنه الكوبيين بعد الله ربك ههههههههههه
ليش هو اني اكدر اعلق ;D
لاتعليقبدورة السفر بلغونا انه الطائرات الي توصل لامريكا بالنسبة للاجئيين تحط بثلاث مطارات رئيسية فقط في نيويورك و شيكاغو و فلوريدا و بعدين يتم توزيعهم على بقية الولايات, فاحتمال انت من فلوريدا و بعدين اطير لتكساس بس هذا لايمنع من خربطة للمنظات و لازم تتاكد, لانه اكو جماعة على اساس لانديانا و بعدين حولوهم الى نورث كارلوينا مع العلم هم من غير كفيل.
معلومه تستحق الوقوف والتركيز عليها
شرفتني بردك اخويهاخ كلش حباب انت عندك كفيل ؟ لو خليتها عليهم واقترحت تكساس
وبعدين شبيها فلوريدا هههه
لا عيوني انت عندي كفيل وحتى عنوانه مطبوع على الظرف الاصفر
بي هاي هيه
خلي اودي الجهال لدزني لاند ;Dعيني ابو سمسوم صارت بجماعه ويانه
اذا كاتبيلك الوجهه النهائيه معناها راح يخلوك بفلوريدا
حاول من هسه تغير وجهتك وتفهمهم برساله
لان من توصل هناك وتغير تذاكر الطياره عليك
مومشكله هم سهله نروح مشي
-
الله بالخير للطيبين
اخويه العزيز ياسر بالنسبة للأخت زهرة الصبار هي تسكن بولاية فلوريدا وليس تكساس
اخويه العزيز ابو سمسوم تدري ليش حولك على فلوريدا لأن آني خابرتهم وكتلهم آني على تكساس فورت وورث يعني لو آني لو ابو سمسوم بالمدينة :D :D
سهلة اخويه وان شاء الله يحولوك على تكساس وتنتهي المشكلة الله كريم
همه المنظمات عدهم صلاحية التغير في حالة صار عليهم لود يبدون يحولون بعض الملفات الى ولايات ثانية بدون الرجوع للاجئ او المهاجر
تحياتي وربي يوفقك ويسهل امرك يارب
:'( :'( :'( :'(
طب ليه كده انه غلبان :'(
-
ماكو غير ادزلهم ايميل زاكوللهم اني ماعندي احد بفلوريدا
المشكله كلهه تحجي اسباني وفرص العمل بيهه قليله واسعارها غاليه
يعني ولايه سياحيه
هاي شلون مشكله
لو وحدي بسيطه بس عندي عائله
لاحول ولاقوه الا بالله
مشكورين اخوان لردودكم وتعاطفكم
بس والله افتر راسي
[/quote
ابو سمسوم خوية على كيفك شبيها فلوريدا ترة صحيح سياحية بس موغالية واني اشوفها رخيصة كلش والشغل موجود الله وكيلك بس ليفتر راسك واتوكل على الله لان ماكو فرق بيها عن تكساس وبعدين صحيح بيها اسبان هواية بس هاي همين فايدة النا احنا لان ميدققون هواية عاللغه لان كلهم يدكشون انكليزي واكثر ارباب العمل والعاملين من الاسبان وبعدين ماكو لاعنصرية ولاتفرقه شنو ملابس معليهم محجبة معكل معمم ميهمهم ههههههههههههه
مشكوره اختي ماقصرتي
يعني اجيب العمامه مالتي واجي ;D
-
والله اخي ماعرف
بس همه اكو تفاصيل احيانا ميكتبوها
يعني احنه اخر رحله مكتوب من كليفورنيا الى تكساس
ممكتوب وين بتكساس .. وكلولننهه ممعلوم اذا حنطير مباشرتا الى مدينتنا لو ننزل بغير مدينه وبعدين لمدينتنا
فيجوز انت من فلوريدا اطير لولايتك
الرحله الاخيره يجوز مكاتبيلكياها
بس اكو شغله تحير انو كاتبيلك الرحله النهائيه
المفروض ميكتبون النهائيه اذامثل حالتنه
دزلهم رساله وكللهم وجهتك الاخيره وين ؟؟
وبالتوفيق ان شاء الله وتوصل بالسلاااامه
مشكوره اختي الف رحمه على والديج
-
اضاهر من يضيمهم الضيم يحولون لفلوريدا :-\ :-\
خوش تحليل ::)
متشوفيلي فد تحليل صغير
جم تكسي راح الكي بباب المطار
صايره تحللين
:o
مشكوره اختي
اتشاقه وياج طبعا هاي من الزخم كاموا يذبون الزايد بالطريق
-
up