ankawa
منتدى الهجرة واللجوء => الهجرة و واللاجئين => الموضوع حرر بواسطة: amar_del2007 في 00:26 30/08/2012
-
السلام عليكم
اني مقابل مقابلة حماية 6 2 2012 ولحد الان متصلو على مقابلة التوطين طبعا ذبيت مناشدة من قبل كم شهر وماكو شي ورحنا لليو ان
وسوولنا كم باحثة اجتماعية تقارير علساس رفعوها لليو ان قبل كم يوم اتصلوا بينا منظمة نور الحسين وكالوا لازم تجون ضروري لمن رحنا كالو اليو ان بلغتنا ان ادزونا تقرير وتحققونا من هذا الملف وعلساس كالو احنا اتصالنا كلش قوي باليو ان رحنا وسألونا واني عندي اصابات بالجسم دخلونا طبيب نفسي وعلاج طبيعي واستشارة قانونية وكالو كم جلسة يله نرفع تقرير مفصل لليو ان ... اني دا اشوف الاعضاء هل صحيح هاي المنظمة تسوي شغل قوي يا ريت احد يطمني او يحجيلي اذا صار هيج وياه علساس تفيد بالتوطين هاي المنظمة واليو ان تريد من هاي المنظمة دراسة الملف اكثر علمود التوظين .. طولت عليكم بس اتمنه المساعدة
-
up up up please guys
-
اي والله up up up ولو اني اتفطنت بالسؤال ساعة 1و نص بالليل
-
اخويه عمار
بالنسبة لنور الحسين هي مو منظمة بل هي مؤسسة اردنية حكومية وعدهم اتفاقية بالعمل مع ال un وال un تعتمد على تقاريرهم
والدكتور الي دخلتله بالقسم النفسي اسمه ( دكتور جلال ) واذا تحب انطيك حتى اسماء البنات الي يشتغلون بالقسم النفسي بالمؤسسة
وآني رح انطيك نصيحة لوجه الله والدين نصيحة
كل اللاجئيين الي يتم تحويلهم للقسم النفسي بهذه المؤسسة ( تتأخر ملفاتهم ومتتحول للتوطين ) وكثير ناس راحوا وراجعوا وظلوا يسوولهم جلسات على اساس عدهم كآبة وضغوط نفسية ومن هالسوالف وكل ظنهم انه هذا الشي رح يسرع ملفاتهم ··· ولكن للأسف الشديد صار العكس ظلت ملفاتهم نايمة بالحماية الى ان يدزون تقرير لل un يكولون بي انه فلان اكتسب الشفاء التام ·· تعرف ليش تظل الملفات بالحماية لأن معظم دول التوطين مترغب بأخذ ناس يعانون من امراض نفسية لأن هذه الأمراض الشفاء منها يطول ويكلف هذاك البلد
مبالغ طائلة للعلاج ولهذا دائمآ يرغبون بالناس الأصحاء الي ميعانون من هذه الأمراض
والقرار الأول والأخير لحضرتك طبعآ
تحياتي وبالتوفيق
-
اخويه عمار
بالنسبة لنور الحسين هي مو منظمة بل هي مؤسسة اردنية حكومية وعدهم اتفاقية بالعمل مع ال un وال un تعتمد على تقاريرهم
والدكتور الي دخلتله بالقسم النفسي اسمه ( دكتور جلال ) واذا تحب انطيك حتى اسماء البنات الي يشتغلون بالقسم النفسي بالمؤسسة
وآني رح انطيك نصيحة لوجه الله والدين نصيحة
كل اللاجئيين الي يتم تحويلهم للقسم النفسي بهذه المؤسسة ( تتأخر ملفاتهم ومتتحول للتوطين ) وكثير ناس راحوا وراجعوا وظلوا يسوولهم جلسات على اساس عدهم كآبة وضغوط نفسية ومن هالسوالف وكل ظنهم انه هذا الشي رح يسرع ملفاتهم ··· ولكن للأسف الشديد صار العكس ظلت ملفاتهم نايمة بالحماية الى ان يدزون تقرير لل un يكولون بي انه فلان اكتسب الشفاء التام ·· تعرف ليش تظل الملفات بالحماية لأن معظم دول التوطين مترغب بأخذ ناس يعانون من امراض نفسية لأن هذه الأمراض الشفاء منها يطول ويكلف هذاك البلد
مبالغ طائلة للعلاج ولهذا دائمآ يرغبون بالناس الأصحاء الي ميعانون من هذه الأمراض
والقرار الأول والأخير لحضرتك طبعآ
تحياتي وبالتوفيق
وجهة نضر منطقية ... اعتقد تستحق انه تدرسه اخي صاحب الموضوع ..
شكرا الاخت ام مصطفى .. ماشاء الله مصحصحة تمام
-
ابو شمس عيني الشغلة مو شغلة يستحق يدرسه
الموضوع انه اعرف كذا عائلة وايضآ عزاب صارت وياهم وحولهم على نور الحسين وتاليهم يسمعون حسك صارلهم أكثر من سنتين نايمة
ملفاتهم بالحماية
و واحد منهم صديق زوجي اهله كلهم بلندن يعني امه واخواته واخوانه وهو ايضآ اتحول ملفه للسفارة البريطانية والله والله لأنه عرفوا ديتعالج
بنور الحسين ودائمآ ديبعثون بتقارير بحالته لل un ملفه نام بالسفارة صارله أكثر من سنتين ونص لا موافقة ولا رفض
يعني لاحظ أمريكا ومعظم الدول يستقبلون حالات السرطان والفشل الكلوي وامراض القلب والصرع
ولكن ميقبلون الأمراض النفسية الا بعد ان يحصل الشخص على تقرير الشفاء التام
-
ابو شمس عيني الشغلة مو شغلة يستحق يدرسه
الموضوع انه اعرف كذا عائلة وايضآ عزاب صارت وياهم وحولهم على نور الحسين وتاليهم يسمعون حسك صارلهم أكثر من سنتين نايمة
ملفاتهم بالحماية
و واحد منهم صديق زوجي اهله كلهم بلندن يعني امه واخواته واخوانه وهو ايضآ اتحول ملفه للسفارة البريطانية والله والله لأنه عرفوا ديتعالج
بنور الحسين ودائمآ ديبعثون بتقارير بحالته لل un ملفه نام بالسفارة صارله أكثر من سنتين ونص لا موافقة ولا رفض
يعني لاحظ أمريكا ومعظم الدول يستقبلون حالات السرطان والفشل الكلوي وامراض القلب والصرع
ولكن ميقبلون الأمراض النفسية الا بعد ان يحصل الشخص على تقرير الشفاء التام
الحق يقال كوكي انت رائعة جدا جدا بهذه المعلومات الوافيه والكاهيه وتسلمين
-
زين هسه اني شسوي ... هما كالو اليو ان بلغونا علمود تحريك الملف للتوطين واني سمعت نور الحسين ادز تقرير لليو ان اتسرع بالتوطين بعد ما اعرف هي الاكثر الحالة نفسية بابني الصغير لان انصدم من الحادث اللي صارلي واني اخذ علاج طبيعي نتيجة الاصابة مالتي واني همينا سامع هواية ناس سوولهم تقارير بحالة نفسية وصعدوهم توطين بعد ما اعرف ...
-
أخي عمار الي سنتين اراجع عندهم لان ابني اتعرض لحادث بعمان المهم ما اطول عليك بالنبسة لتسريع الملف كذب وبالعكس اخروا ملفي وجماعتي سافروا من زمان بس للامانة الفايدة الوحيدة الي استفادها ابني سجلوا مدرسة خاصة على حساب اليو ان لان يعتمدون تقارير مؤسسة نور الحسين اما بالنسبة للجلسات النفسية صدقني اذا رحت تكره نفسك لان بصراحة مهزلة والامر الك
-
اعتقد يراجع المنظمة احسن له يبلغهم بعدم حاجته الى هكذا جلسات وان كل مامحتاجه منهم هو علاج طبيعي او استشارة قانونية مثلا؟؟؟ والناس عدهم اخصائيين نفسانيين يعني ماكو انسان مابي شي وراح يجلبون بيه لو يرفعون تقرير لل unبعكس الحالة الي هو بيهة!! وجهة نظر
-
عمي حقها الوادم ...ناقصه حالات نفسيه :-\ :-\