-
مساءالخير
اني متقدم من سنه 2009 من بغداد ورقم ملفي(109ْْْْْْXXX)
علما انه قد اتممت كل شي حتى الدوره التثقيفيه بتاريخ 2011/7
وتم اعادة الفحص بتاريخ 12/5/2012
ولحد الان لم يتم اي شي جديد ارجو من تتوافق تواريخ او رقم ملفه المشاركه والتواصل
تقبلو فائق احترامي للجميع
الطموح عمان
-
السلام عليكم اخويه العزيز احنا هم مقدمين 2009 بس رقم الكيس 110 وهم مكملين كل شي واخرها عدنا الفحص 12 شهر السادس وهم دننتظر بلكي تفرج انشاء الله عالجميع وتبشرنا بموعد سفرك بأقرب وقت يا رب
طبعا هم مكملين دوره تثقيفية ومتصلين بالكفيل مرتين بس مموقع لحد الان
-
أخويه يمكن بس إنت باقي من هذه الجماعه لأن إنت كلش كلش قديم ... الله يساعدك كل هذه المده دتنتظر ...
بس شنو السالفة شو الفحص الطبي والتثقيفيه بيناتهم سنة فرق شدعوه ؟؟؟
لا حول ولا قوة إلا بالله
لا الفرق مو سنه لانه اني سويت اول فحص 2011/1/26 بس سوينه اعاده بشهر
الخامس من هاي السنه ومدااعرف ليش لحد هسه اني باقي
شكر لمروركم الكريم
-
مساء الخير للجميع
اختي العزيزه ( Isabella)
طبعا تقريبا نفس الشي ونفس المعاناة وهمين المنظمه متصله مرتين بالكفيل ولحد هسه مموقع اوراقنه ومااعرف ليش
متاخرين كل هذا الوقت والله حيره والعيشه بعمان صعبه كلش كلش وخاصة انه لا شغل ولا عمل
والمصير مجهول ومدااعرف شنو اسوي
بس غير الدعاء الى رب العباد ان ايسهل امرنا جميعا
شكرا اليكم
تقبلو فائق احترامي
الطموح عمان
-
اخي اذا ممكن تذكر تفاصيل الملف مالتك بموقع iom
-
Iam 108 from 2008 until today nothink
-
مساء الخير للجميع
اختي العزيزه ( Isabella)
طبعا تقريبا نفس الشي ونفس المعاناة وهمين المنظمه متصله مرتين بالكفيل ولحد هسه مموقع اوراقنه ومااعرف ليش
متاخرين كل هذا الوقت والله حيره والعيشه بعمان صعبه كلش كلش وخاصة انه لا شغل ولا عمل
والمصير مجهول ومدااعرف شنو اسوي
بس غير الدعاء الى رب العباد ان ايسهل امرنا جميعا
شكرا اليكم
تقبلو فائق احترامي
الطموح عمان
الله يساعدك ويفرجها بوجهك يا رب وانشاء الله يا رب بأقرب وقت يتصلون على موعد السفر وترتاح والله الله يساعدكم على عمان وغلاها ولو اني اسفه اخويه يعني اني من بغداد بس طبعا احنا كلنا عائلة وحدة قدمنا بس اخويه طلب يسافر لعمان لان جان وضعه كلش صعب ومن اتصل بيهم بوكتها كلوله حول لعمان هناك ممكن تمشي اسرع وهم لحد الان ينتظر صار سنتين من طلع وكتلك كلنا مقدمين نفس السنه
الله كريم انشاء الله تفرج عالجميع يا رب
-
اخي اني هم من جماعتك :o :o :o :o :o :o :o :o :o :o
التقديم اي او ام بغداد 1\2009 رقم 109 عائلة
م اولى 8\2010
م ثانية 9\2010
رسالة تاجيل 10\2010
دورة 8\2011
فحوصات طبية ولا مرة :o :o :o :o :o >:( >:( >:( >:( >:(
اتصال بالكفيل ولا مرة :o :o :o :o :o >:( >:( >:( >:( >:(
وبعدني صامد بالعراق العظيم.
يا الله الفرج للجميع.
-
ابو مازن الورد
طلعنه صنف ;D ;D ;D
109 وافتخر ;D ;D ;D
-
صباح الخير ياهلي الطيبين
اخي العزيز ( spartacus)
اخر مره جيكت حالة الملف مالتي قبل مايتعطل عندي الموقع جان كلش مكتمل بس بانتظار النتيجه وحاله السفر
غير فعاله شكر لمرورك الكريم
-
أختي العزيزه( ryan dani)
الله كريم انشاءالله هاي السنه سنة الحسم لكل الملفات القديمه حسب اغلبيه المواضيع
الي تم نشرها والاجرائات المتبعه بس انكول انشاءالله
شكرا لمروركي الكريم تقبل فائق احترامي
-
شكرا اخت (قنوت )
بالخير والبركه والف مبروك على اتمام سفركم بالخير والتمام والسلامه
وشكرا لتأخي هذه المشاعر الأخويه منكم انشاءالله خير بس اني لحد الان الكفيل مموقع الاوراق مالتي
بس اتصلو بيه اكثر من مره يتأكدون من انه لحد الان هو بنفس الولايه ولا شي جديد في تحديث ملفي
انشاءالله خير
-
شكرا اخي العزيز ورفيق الدرب الطويل( s350thebest)
اني وياك تقريبا متواصلين اكثر من مره واذكر من جنت ابغداد جنت متواصل وياك ويه الاخت العزيزه (جورجيا)
وكلما اشوفك بالمنتدى اكول ;D ;D ;D ;D انه مو الوحدي
بس الله كريم شنو الي بدينه اني عفت بغداد قبل سنه وشهرين وحاليا بعمان بس والله على مااقول شاهد
الغربه والعيشه هنا دمرتنه دمار كامل والمصير مجهول مجهول ودعائنا لله عز وجل اني يفرج غربتنا ويعجل بسفرنا واتمام
أمرنا بالخير للجميع شكرا لمرورك الكريم تقبل فائق احترامي اليك
-
اختي العزيزه الغاليه (جورجيا)
والله لو اعرف انه انتي مثلي جان سويت مقلب بيج ;D ;D ;D ;D ;D
بس انكول الله كريم وصدكيني مدااعرف شنو سبب التأخير هذا كله وكلما اخابرهم يكلولي تجييكات امنيه
وانتي تعرفي انه اكثر من شخص الي هناك بامريكا ماشاءالله صارو عشيره كامله
والبارحه خابرني ابن خالي الي قدم قبل سنه تقريبا من جنت ابغداد على برنامج(siv)
وهو كمل المشوار ورايه البارحه خابرني ايبشرني انه السفارة اتصلت بيه وكلتله انه الفيزيه مالته راح يستلمها
خلال هاي الايام
واحنه لحد هسه والحمدلله على كل حال الله يسر امرنا بحق الحق وبحق اسمائك العظمى اللهم اني ادعوك فستجب لدعوانا
اتهون اختي العزيزه وانشاءالله خير للجميع
-
اخي القنوت
الله ايكون ابعونك واكيد الك اعذارك وحالتك الخاصه لتأجيل السفر اكثر من مره
بس شنو انسوي وماباليد حيله غير الدعاء للباري عز وجل
اني ولايتي (اورغن) اتصير بالشمال الغربي
والله كريم انشاءالله خير للجميع وشاكر الك مساهمتك ومروك الكريم
-
up
-
اخوية الطموح انى حالتي مثل حالتك التقديم جان 2009 ورقم الملف (iz-109xxx) وسويت اعادة الفحص الطبي 8-5-2012 بمستشفى ابن البيطار وكلشى مكتمل ماعدا حالة السفر وحالة الملف معلق ولحد هسة ماكو اي شي مع العلم انو متصلين بلكفيل مالتي وتكفل يوم 10-7-2012 ...... الظاهر جماعة 2009 من صدك نايمة على ملافاتهم بلوكا الظاهر الملفات القديمة عايفيها ويمشون الملفات الحديثة
-
مساء الخير
اختي العزيزه ( بروءة )
اني تقريبا نفس وقت أعاده الفحص الطبي وهمين اتصلو بكفيلي بشهر السابع
بس المشكله انه اني صاحب الملف الرئيسي للتقديم وعندي من الكمنديشنات والتوصيات والشهادات الكثير
والملفت للنظر انه هوايه اكو اشخاص اقرو خلال اشهر قليله واحنه صارلنه 3 سنوات من التقديم
شنو السبب للتاخير والله منعرف وملينه وتعبنه والامور وصلت حاله لازم الواحد يتخذ قرار حاسم من اجل اطفالنه ومصيرهم
وانشاءالله خير ياربي والله تعبنه من الغربه هنا بالاردن والمجتمع كلش تعبان هنا ولايتوجد اي فرصه عمل لكي يتسنا الينا العمل بها
الله كريم هو الباقي
تقبلو مني شكري وامتناني اليكم للمشاركه ومعرفه المزيد من الاخبار
اخوكم الطموح عمان
-
شلونك حب 1ني IZ-108 واخوية IZ-109 وتقريبا نفس التواريخ مالتك ولا زلنا بالانتظار
-
اسعدتني بتواجدك اخي العزيز( ايسر احمد )
والحمدلله على كل شي بس ياريت تذكرنه التواريخ وشهر التقديم وانت متقدم من اي بلد
تقبل فائق امنياتي بالخير والتوفيق والسفر القريب انشاءالله
للجميع
اخوكم الطموح عمان
-
شلونكم اخوان اني هم 109
:oمن بغداد وعدت الفحص 3 مرات
-
نسأل الله العظيم أن يفرج عنا وعنك أخونا العزيز ,
آني هم رقم ملفي يبدأ بــ 109 , بس شو؟! صارلي سنتين ونص بس التجييكات وما اكتملت ولحد الآن ماكو شي وبعد شهرين الفحص الطبي الرابع راح تصير إكسباير علماً انه الفحص الأخير طولت معي سنة حتى عدتها وبعد الله كريم :'(
اللهم إليك فوضنا أمرنا وعليك توكلنا يا أرحم الراحمين :'(
تحــياتي
كــمال زاخــوي
-
والله اني هم ملفي ب109 وصالي سنيين وقابلت محلفين قبل ايام بس اني ما سويت دورة تثقيفية الله كريم انشاء الله الفرج والسفر للجميع
-
صباح الخير
اخي وزميلي (كمال زاخوي )
الله المعين وبلكن شهر التاسع هذا ايكون خاتمه التجييكات الامنيه للملفات القديمه وانشاءالله خير للجميع
شكرا لمرورك الكريم
الطموح عمان
-
يسعد صباحكم
اولا مبروك على مقابلتك مع المحلفين وانشاءالله كل الخير اخي ( khaldoon IOM2012)
وانشاءالله يوم حضور الدوره التثقيفيه عني قريب انشاءالله بس ياريت اتكول من وين انت مقدم
تقبلو فائق احترامي
الطموح عمان
-
اني هم من جماعة
Iz-109XXX
لا جديد يذكر ولاقديم يعاد
نفس الرنه
-
انا 110 بس مقدم عام 2009 بنهايتة و مكمل كل شي الامنية مكتملة و الفحص الطبي عدته يوم 31 - 8 - 2012 و الحمد لله و نسأل الله الفرج للجميع بحق محمد و ال محمد و بحق الانبياء جميعا يا الله و ماتضيك اله تفرج
-
اني 108
من عمان
اخوية الطموح
ودانتضر الامنية الكشرة
طكت روحيييييييييييييييييييييييي
-
السلام عليكم اخواني الاعزاء اني جديد بموقع عنكاوا المحترم بس قديم متبعه بس اني اسف ملفي مو 109 بل 108 مقدم بغداد نهاية 2008 من جان الدينار حياكة جان اكو باج نمبر مو اي زت الحاصل من مااطولها عليكم 2000012 شهر الثامن ياله اجتي موافقة مشروطة من المحلف وفحصي الطبي اكسباير علما انه قابلت 2010 بس بالمقابلة كلت خلاصير صادق وكتلهم مامتهدد كلش يعني نص ونص واكلتها سنه ونص بين الاولى والثانية عالعموم اني جماعة الشيلمانه مو الطابوكة واتسائل يوميا اذا كل هذا الصبر وحرك الاعصاب ومئات الرسائل وعشرات المكالمات حتى مرة بنص باليل خابرت وحدة كلتلي اته متهدد ماديا كتلها لع فاني كلتلها لع بس شفويا يعني شلون اضرب نفسي طلقة واكلها شي فهسه اتمنى تصبرون لان انشاء الله راح يطلعون الكل بس اللي مشتغل هواية واني مستعد اصبر بعد 5 سنوات اذا جان هذا الشي بي نتيجة بس المشكلة خايف اديح لان اكو واحد تكول حسين فهمي حتى بجي يبجي واني قبل سنه كلتلهم حرامات نضيع جهدنا او وقتنا بهالبول شت فسدو الملف وخلنرتاح بس همه ماسدوه وكالو علينا لود وانته ماشي بالاتجاه الصحيح وملفك اكتف ابن اكتف فطول بالك هفوني 10 اشهر واطوني محلفين شهر 6 2000012وهسه يرادلي فد 10000 سنه امنية يعني احتمال اني ميت ويسالون عليه هههههه يالله الله كريم بس الى الشعار كذب ثم كذب ثم كذب حتى يصدقك الناس كلش صحيح بهاي المنظمة
وتحياتي للجميع
-
اخوكم قديم وبصراحة ايست من القضية المهم رقم الكيس 108 *** تاريخ التقديم من 2009 وفاحص طبي 3 مرات تحياتي اخوكم ابو مصطفى
-
بيها مجال انشكل وياكم من جماعة 106 يناير 2009 ومكااانك راااااااوح بالانتظار
-
تحياتي اخ طموح اني مقدم من بغداد سنه 2008 ولحد قبل ايام سويت مقابله محلفين واني هسه منتظر بلكي الله يفرجه علينه انشاء الله للكل اني قدمت من بغداد ومنتظر النتيجة
-
مساءالخير ياهلي الطيبين
اخي وزميلي المحترم( Nighthawk )
ياحبذا تذكرنه تاريخ التقديم وتاريخ المقابله واخر تاريخ للفحص الطبي والف شكرا لانضمامك ومشاركتك
شكرا زميلي (نيويورك) حسب ماعرفته اخي العزيز انه كل من تم اعادة الفحص
الطبي له خلال شهر تموز ولاحقا انه يعتبر على جدول السفر حسب كلام اغلبيه الاعضاء
دعائي وامنياتي بالخير للجميع والتوفيق والسفر العاجل لتحقيق امنياتنا جميعا
أخويه (سهم كلبي ) ههههههههههه 100 هلا و1000 مرحبا والله لو اعرف
هيجي رقم الكيس مالتك جان سويت مظاهره بالشارع هههههههه
المهم انت قدمت للهجره من عمان لو من العراق ياريت اتنورنا اخي العزيزوتذكر النه
تواريخ المقابلات واخر فحص واني ممنون منك لمشاركتنا
اخي( الهجري )الله كريم ويفرجها رب العالمين عليك وعلينه انشاءالله
حبيب كلبي روان ماشاء الله على اخوتنه جميعا خلي الله ايبارك بيهم وبيكم جميعا ;D ;D ;D ;D
احسن مانبقى اني وياك الوحدنه وندك ونلطم :'( :'( :'( :'(
اخويه (ابو مصطفى) والله الله ايعينك اخويه ابو مصطفى ويعين كل شخص مثلنه
بس ياحبذا تذكر النه تواريخ المقابلات ومن وين التقديم
حبيبي واخي وزميلي (اسمر زيونه ) والله ابكيفك حبيبي الصفحه مفتوحه للمشاركه
وللجميع وممحصوره لفئه معينه او رقم معين للملف
اخي وزميلي ( khaldoon IOM2012)
نورتنه بتواجدك ومشاركتك الجميله وانشاءالله الفرج والسفر للجميع وياريت تذكرنه تواريخ المقابلات والفحص الطبي
شكرا لك من ساهم بذكر معلوماته املين التواصل لكل من يحمل رقم ملف متشابه او قريب واليكم جزيل الشكر
تقبلو فائق احترامي الطموح عمان