ankawa
منتدى الهجرة واللجوء => الهجرة و واللاجئين => الموضوع حرر بواسطة: علي النعيمي في 09:58 06/09/2012
-
اليوم رحت الساعة سبعة صباحا وسجلت اسمي وجان رقمي 9 المهم تعرفت على اخوية cobra يسلم عليك مصطفى البصرواي اتذكرتني المهم مااعرف جانت الاخت اريج علي طالب لو لا اني شكيت بيهة لانو اكو وحدة اسمهة اريج جانت كاعدة عليمنة ويمهة بنية اخت اريج جنتي انتي مااعرف المهم دخلنة وصعدنة فوك صاحو اسمائنة المهم دخلت يم الموظفة حجيت وياها هواية على شغلتي وكالت مو يمنة يم امريكا كتلهة ماعدكم ايميل او طريقة نتصل بيهم كالت ذولة مخابرات كتلهة اعرف ذولة بشر مثلي ومثلج دائرة عائدية واني ماعندي شي اخاف بس استفسر جان تظحك وسئلتهة اسئلة مهمة
1.الرموز الي تجي بالرسالة
ج:كالت هاي اسمائنة كتلهة ادري مو اقسام موظفين كالت اسمائنة وكتلهة يعني سنين متتغير واحد ينقل او اي شي ظحكت وسكتت
2.الفحص الطبي
ج:كالت الفحص الطبي مالة علاقة بالامنية كتلهة اكو ولد سوو دورة تثقيفية وكتولهم الة علاقة بنسبة 90 بالمية المهم اصرت كالت لا بس كالت اغلب الي سافرو سوو فحص طبي اخير او بلعو الحباية وسافرو وكالت حسب اجراءات الملف وكل ملف يختلف عن الاخ
3.وسئلتهة علة جماعة العراق ومصر كالت مالنة علاقة بس من يصير سفر نبلغهم فقط اجراءاتهم وحد
4.سئلتهة عالكفيل كالت الكفيل مالة علاقة بالامنية والي مموقع الكفيل بيوم واحد تتوقع اوراقة فاطمئنوا بس لازم توصل الامنية
وبالننسبة لخبر البشرى السارة وصول امنيات كبيرة جدا بنسبة 40 بالمية اليوم الخميس واسبوع الاخ هم حتوصل وبنسبة 25 الى 30 بالمية والتحديث مال الموقع يتأخر مو راسا والكل دخلو بدون نسبة وكل خميس حيكون مقابلات من 9 الى 12 ظهرا وهاي الامنيات تخص الاردن فقط
ملاحظة مو مكل المعلموات بالموقع صحيحة كالت اكو خربطة
مااعرف شكول شحجي يعني حيصير بية شي من ورة هاي الاخبار صدكوني كل كلمة نقلتهة اني سمعتهة من الموظفة لو اكدر اسجل الحجي جان سجلتة وتعرفون اكو هواية ناس سامعين بخصوص الامنيات ومغلسين وسامعيهة من مارك نفسة فبعد اي خبر اني ماانزلة وحمسح الموضوع واكعد اتفرج احسن الي شلي بهلدوخة بعد حتة لو اكو خبر بالدليل القاطع ماانزلة حخلي الموضوع فترة مؤقتة وثانيا روحو للا ي او ام واسئلوا مارك ليش دايخين روحوا الخميس الجاي واسئلوا ترة مليت
تحياتي للجميع
-
شو ما نزلت الاثبات ؟ :(
-
لعد خليها شاهد عيان هههههههه ربي يوفقكم ويتسهل اموركم
-
لعد خليها شاهد عيان هههههههه ربي يوفقكم ويتسهل اموركم
اخوية مستر مارك قابل اكلة انطيني اثبات بس الناس كلهة طلعت تعرف بالخبر اليوم كلهة جاية كلش هواية
-
الف شكر للاخ الكريم علي النعيمي المحترم على هذه الاخبار وان شاء الله السفر القريب لجميع المتاخرين
-
الف شكر اخونا علي الله يجعل سفرك قريب وسفر الكل ان شالله..يعني اخويه هسه اللي فاحصين مره ثانيه هاي السنه ماكو بيها علاقه بتطور الملف؟ اني اعتقد الموظفه حاولت تكون دبلوماسيه وماتجاوب بالتفصيل لان ما معقوله بالدوره التثقيفيه يكولون شي غلط مو صحيح...مشكور مره ثانيه وعاشت ايدك والله يكثر من امثالك
-
الف شكر للاخ الكريم علي النعيمي المحترم على هذه الاخبار وان شاء الله السفر القريب لجميع المتاخرين
لاشكر على واجب :D :D :D :D :D
-
الف شكر اخونا علي الله يجعل سفرك قريب وسفر الكل ان شالله..يعني اخويه هسه اللي فاحصين مره ثانيه هاي السنه ماكو بيها علاقه بتطور الملف؟ اني اعتقد الموظفه حاولت تكون دبلوماسيه وماتجاوب بالتفصيل لان ما معقوله بالدوره التثقيفيه يكولون شي غلط مو صحيح...مشكور مره ثانيه وعاشت ايدك والله يكثر من امثالك
والله اخوية شكلك اني الي حسيتة كذبت علية بخصوص الفحص لانو اغلب الي موجودين فاحصين وجايتهم الامنية ورة اسبوع او شهر اوحتة شهرين اني شكيت بالموضوع واعتقد متريد تنطي تفاصيل ويوم سفرك ان شاء الله
-
الاخ علي صباح الخير
بس حبيت اسالك من خلال تواجدك اليوم بمنظمة ال iom انت والاخوان الاعزاء شفتوا او سمعتوا بمعاملات ال اشخاص غير امريكا
مثلا كفالات او يو ان ال كندا
واشكرك مقدما على جوابك والله يوفق الجميع
-
شكرا عيني علي
الله يبارك بيك
نبقى ننتظر رحمة الله و إن شاء الله خير
-
الاخ علي صباح الخير
بس حبيت اسالك من خلال تواجدك اليوم بمنظمة ال iom انت والاخوان الاعزاء شفتوا او سمعتوا بمعاملات ال اشخاص غير امريكا
مثلا كفالات او يو ان ال كندا
واشكرك مقدما على جوابك والله يوفق الجميع
لاوالله اخوية كلهة على امريكا
-
شكرا عيني علي
الله يبارك بيك
نبقى ننتظر رحمة الله و إن شاء الله خير
نتتظر رحمة الله اوسع من الاي او ام ولاتنسة وصلت امنتيات كلش هواية وان شاء الله يكون النة وللجميع نصيب وحتة الخمي سالاخ حتجي ان شاء الله ميظل احد الكل تسافر
-
شكرآ لكم جميعآ لأيصال ألمعلومة وبارك ألله بكم ويارب يوم ألسفر للجميع
من بغداد / بيرن بكن
امين يالله للجميع
-
شكرا عيني علي
الله يبارك بيك
نبقى ننتظر رحمة الله و إن شاء الله خير
نتتظر رحمة الله اوسع من الاي او ام ولاتنسة وصلت امنتيات كلش هواية وان شاء الله يكون النة وللجميع نصيب وحتة الخمي سالاخ حتجي ان شاء الله ميظل احد الكل تسافر
حبي علي قصدك الامنيات بس لجماعة عمان لعد والي هنا ابغداد ماكو !!!!!!!؟
-
شكرا للخبر عاشت ايدك
-
طبعا هذه المبادره هي ثمرة جهود متواصله للاخوه في عمان انشاء الله السفر العاجل لك اخي علي النعيمي واشكرك على المعلومات القيمة الي ممكن تغير قرائتنه لكثير من الملفات بس حبيت اسألك انو اذا سالتهم شنو سبب توقف موقع عمان لمئات الملفات يعني اكو هوايه من الاعضاء ميكدرون ايدخلون على حساباتهم في موقع عمان ديراسلون المنظمة وماكو شي لا تكدر تغيير الباسورد لان الصفحة متشتغل ولا تكدر تدخل بالباسورد القديم يعني بعض من الاعضاء كلشي ميعرف عن ملفه لا من الموقع ولا من المنظمة ياريت تطرح هذه المشكله للمنظمة بالايام القادمة .
اختك تيولب
-
يعني هسه الامنيات 40 بالمية بس للاردن يعني ...
اني متأكد اذا 40 بالمية فهي راح تشمل كل الدول وتشمل كل العراقيين لان ماكو شي اسمة تجي امنيات بس جماعة الاردن
وما اتصور 40 بالمية هل رقم صحيح يعني رقم من الموظفة فقط ... لان 40 بالميه يعني 3000 فيزة
يعني ما معقول تكون خلصانه وضاميها يمهم !! صح لو غلط؟
خلوها على الله
-
اشو طلع شي ماله علاقه بشي و من تحجي وياهم كلولون كلها مرتبطه
-
زين ممكن اعرف حباية شنو الي تتكلمون عنها
والفحص الطبي ماقبل السفر يشمل الاطفال بعمر سنتين او لا ؟
-
بداية نشكر جهود كل الاخوان لايصال اصواتنه ومعاناته للمنظمة ... بس الصراحة المنظمة تنطي مغذي بصورة خرافيه اني رحت اليوم مختارين موظفين انيقين والابتسامه مرسومة على وجههم واستقبال حار حته يمتصون الغضب وينطوك المغذي الزين بالمقابل تترحملهم على المغذي
اني شفته احصائة الهم اكثر من الافادة النه اول متدخل كم تخابرنه بالاسبوع كم مرة ادزلنه ايميل تحصلنه باي وقت وكل متساله على شي يكول مو يمنه من امريكا زين شمبين يمك ايكول ممصرح الي اتكلم لعد شكو جايبنه الخاطر الله كل متخلص امنيتي ترجع انتظار ايكول عندك شي بالامنيه صار اكسباير يعني هاي يوميه الله كريم ان شاء الله تفرج بس شي واحد صرح بي الاخ الموظف كال مو شرط سوي دورة تثقيفيه احتمال رئسا موعد سفر ....
-
بارك الله بيك ابو حسين على روحتك من الصبح
ان شاء الله تبين االاخبار الزينه بالايام الجاية ولو اني شميت ريحه بوري بالموضوع وخاصة بما يخص بالفحص الطبي واعتقد الموضفه صادقة بهذا الموضوع لان ماكو دااعي تكذب علييك ...ماكو اي شي اله علاقة بالامنية ..اني اخوبه من جماعه 26\3\2011 وفحص قبل شهرين واتصلوا بكفيله قبل ستة شهور ويسمع صوتك بعده بعمان
الله يفرج على الجميع
-
الله يبارك بيك اخويه.......انشالله الله يسهل لجميع
-
زين ممكن اعرف حباية شنو الي تتكلمون عنها
والفحص الطبي ماقبل السفر يشمل الاطفال بعمر سنتين او لا ؟
حبي هاي حباية مال دود اي واحد يجي هجرة من الشرق الاوسط هذا حسب كلام الدكتور بابن البيطار يعني بين قوسين بينة دود احنة هههههههه
وقبل السفر بيوم تاخذهة وتاخذ وياك استمارة همة ينطوكياهة وبلمطار يطلبوهة منك والله الموفق والمستعان
-
تحليلي لموضوع إرتباط الفحص الطبي بإكتمال الموافقة الأمنية في الأردن كالآتي:
إذا حصل اللاجئ على موافقة المحلف و من دون طلب تشييكات أمنية إضافية فإن الفحص الطبي لا علاقة له بالموافقة الأمنية، لأن اللاجئ يجري الفحص الطبي بعد حصول موافقة المحلف.
أما إذا تأخرت موافقة المحلف (قيد الدراسة مثلاً) ، أو إذا طلب المحلف تشييكات أمنية إضافية فإن الفحص الطبي يتأخر لحين إكمال الموافقة الأمنية لأن الفحص الطبي أحد أهم علامات موافقة المحلف ، و موافقة المحلف مشروطة بإكتمال الأمنية في هذه الحالة.
و هذا تحليلي الشخصي و لا أجزم بصحته.
و الله أعلم
-
رحم الله والديكم وعاشت ايدكم على هالجهود الأكثر من رائعة اخويه علي أنت وجميع الأخوة
بالنسبة لموضوع الرموز التوصل منهم على الأستفسارات هذه بالحقيقة مو أسماء الموظفين ولكن هذه رموز للأقسام الي يمر بيها الملف
وهي من كالت اسماء موظفين لأن بالحقيقة ( مامصرح لها ان تحجي ) لأن اذا حجت لازم بهذه الحالة تذكر اسماء وتفاصيل هذه الأقسام
وأكثرها اقسام بدوائر امنية سواء كانت بل iom او بأمريكا يعني سياقات واسرار وتفاصيل تخص عملهم وماممكن كلشي يحجون او مامجبرين
يشرحون للناس كل تفاصيل شغلهم خو فد مرة خلي يكولون للعالم تعالوا الزموا الملفات وشتغلوا ويانه ;D
تحياتي لحضراتكم وبارك الله بيكم جميعآ
أختك كوكي
-
الف شكر اخوية علاوي على نقل الاخبار والشكر موصول الى كل الشباب اللي تعبوا وياك بايصال المعلومة والاخبار المفرحة
امنياتي للجميع بالسفر القريب.
تحياتي ... برنسو
-
تحليلي لموضوع إرتباط الفحص الطبي بإكتمال الموافقة الأمنية في الأردن كالآتي:
إذا حصل اللاجئ على موافقة المحلف و من دون طلب تشييكات أمنية إضافية فإن الفحص الطبي لا علاقة له بالموافقة الأمنية، لن اللاجئ يجري الفحص الطبي بعد حصول موافقة المحلف.
أما إذا تأخرت موافقة المحلف (قيد الدراسة مثلاً) ، أو إذا طلب المحلف تشييكات أمنية إضافية فإن الفحص الطبي يتأخر لحين إكمال الموافقة الأمنية لأن الفحص الطبي أحد أهم علامات موافقة المحلف.
و هذا تحليلي الشخصي و لا أجزم بصحته.
و الله أعلم
تحليلك مضبوط ميه بالميه اخويه
والدليل اني انطاني المحلف موافقه مشروطه باكتمال الامنيه
وفعلا حصلت على الموافقه الامنيه وموافقة المحلف بعد ان انصلوا عليه ال اي اوم ام وبلغوني
ورجعت امنيتي هسه انتظار
ولحد هسه فحص طبي ممنطيني
بس اني مو بعمان اني بمصر..
-
للفائدة وسوف يمسح