ankawa
منتدى الهجرة واللجوء => الهجرة و واللاجئين => الموضوع حرر بواسطة: السبع في 11:20 06/09/2012
-
اول شي احب اسلم على الكل ويارب السفر للكل
طبعا اني مشترك جديد واتمنى ان تقبلوني صديق جديد واسمعوا مشكلتي
طبعا بيوم 30 اغسطس اجاني تلفون من المنظمه لاعاده الفحص الطبي بابن البيطار بيوم 5/9 واني همين مثل الخوش ولد رحت بالموعد المحدد الساعه التاسعه صباحا للمستشفى واستقبلني الولد الي بالاستعلامات كلي شنو اسمك انطيتهياه باوع بالقائمه جان يكلي اسمك ما موجود ؟؟؟؟ كتله يمعود كول غيره انتو اتصلتوا بيه وهذا الرقم الي اتصل بيه والي اتصل بيه كلي اسمك كذا وكذا كتله نعم ورقم الكيس كذا كتله نعم على وجان يكلي انت على موعد بابن البيطار لاعاده الفحص واني اجيت على هذا الاساس ,, جان يكلي اوكف خلي اتصل وطبعا هو اتصل وشرح وضعيتي وجيب التلفون ودي التلفون وكلساع واحد يتصل بيا من خلال التلفون الولد ابو الاستعلامات بالاخير كلولي ارجع واحنا نتصل بيك . كتلهم صدك جذب اتضحكون عليه طبعا اني راسا اتصلت على نفس الرقم الي اتصل بيه على تحديد الموعد وكتله انو انتوا خابرتوني من هذا الرقم وانطيتوني موعد فحص وهمين انتضر وره شوي يكلولي لا اسمك ماموجود ولغمطوها عليه ورجعت للبيت بخفي حنين وما ادري شنو الي صار وياي
اسف على الاطاله بس حبيت اشكيلكم لان اني على طول متابع هذا المنتدى الرائع وهاي اول مشاركه الي
معلومات الكيس
iz_118
مكمل كلشي ومنتضر اعاده الفحص والامنيه
-
يمعود كول غيرهة اني هم 118 وعندي موعد الاسبوع الجاي
??? ??? ???
-
اخوية العزيز الله كريم ميخالف اصبر حقك تضوج وما اكلك مصبرت هواية بس نكول ميخالف برغم الخربطة الي دصير اكو تسريع واتحمل بلكي ع نهاية السنه ميظل احد وانت اولنه ان شاء الله كول يا الله واعتبر نفسك مرحت وشوف منهم شيكلولك بالأيام الجاية .. وتحياتي الك وللجميع والتمنيات بالسفر القريب
-
الله يساعدك اخوية بعد شغلة يم العراقيين كلهة خربطة انشاللله يطوك موعد قريب
-
اول شي الله يكون بعونك اخويه
هاي الخربطه احنه ندفع ضريبتها من اعصابنا وصبرنا
ان شاء الله يتصلون بيك عن قريب ويحددولك موعد جديد
-
ميخالف اخي لتضوج.. ان شاء الله ينطوك موعد ثاااني قريبا
بالتوفيق يااارب
-
زين صايرة هيجي حالة قبل هاي اول مرة اسمع بالخربطة مال موعد الفحص الطبي
-
عادي صير ترة ماكو مشكلة شوية صبر والكل يسافر اخوية العزيز
-
حبي السبع لاتشيل هم اني اكلك شتسوي جم يوم وخابرهم وكلهم جيكو اسمي هسة يدوروا الك وتلكا ان شاء الله صايرة وية غير ناس ومشة الحال ورد
-
الله كريم اخي ان شاء الله ايسهل عليك
تحياتي
-
حبي السبع لاتشيل هم اني اكلك شتسوي جم يوم وخابرهم وكلهم جيكو اسمي هسة يدوروا الك وتلكا ان شاء الله صايرة وية غير ناس ومشة الحال ورد
[/quoممنون اخويه العراقي
بس حبيت افتهم منك انت هم سامع مثل هيج حاله صايره لان مجاي اعرف شسوي وياهمte]
-
اخوية لا تسكت تره هسة يكتبون على الملف غائب على الفحص لح عليهم اخوية و اقلبهه بيهم قلاب
-
شكرا لكم اخواني على ردودكم وتفاعلكم
طبعا اني حبيت اسال شنو الي لازم اسوي لان اني اخاف مضيعين الفومه مالفحص او ناسين يطبعون اسمي بالقائمه الكشره ويدزون خبر للمنضمه انو صاحب الكيس ما حضر للفحص وهمه يطلعون منها ويلغمطوها وتوكع براسي ويتكنسل الملف مالتي ,,,,, والله مصيبه يالله
اذا اكو احد عنده اميلات المدراء مال المنضمه خلي اراسلهم ,,
وردا للاخ الي سال انو خاف اسمي بمستشفى بغداد يمعود اني خبصت الدنيا بالتلفونات خابرت الكل واخذت الارقام من المنتدى واتصلت بالكل وطبعا هم يكولون انو اسمك ما موجود ,,,, اووووووووووف اووووووووف ضاكت كلش وما اعرف شسوي بس اكول الله ينتقم من الي كان السبب
-
الله يكون بعونك اخي العزيز وان شاء الله يحدوولك موعد فحص قريبا ...
برأيي احسن اجراء تسويه .. ترسل رسالة للمنظمة وتكلهم باللي صار حتى انت ما تتحمل المسؤولية بحالة كتبوا عليك ما اجه للفحص(غائب).
تحياتي ..... برنسو
-
شكرا لكم اخواني على ردودكم وتفاعلكم
طبعا اني حبيت اسال شنو الي لازم اسوي لان اني اخاف مضيعين الفومه مالفحص او ناسين يطبعون اسمي بالقائمه الكشره ويدزون خبر للمنضمه انو صاحب الكيس ما حضر للفحص وهمه يطلعون منها ويلغمطوها وتوكع براسي ويتكنسل الملف مالتي ,,,,, والله مصيبه يالله
اذا اكو احد عنده اميلات المدراء مال المنضمه خلي اراسلهم ,,
وردا للاخ الي سال انو خاف اسمي بمستشفى بغداد يمعود اني خبصت الدنيا بالتلفونات خابرت الكل واخذت الارقام من المنتدى واتصلت بالكل وطبعا هم يكولون انو اسمك ما موجود ,,,, اووووووووووف اووووووووف ضاكت كلش وما اعرف شسوي بس اكول الله ينتقم من الي كان السبب
لا اخوية مو يتكنسل الملف لا ماكو هيج شئ بس تتاخر على الفحص الثاني يعني شغله تاخير فقط ما يلغي الملف على مو الفحص
-
الله يكون بعونك اخي العزيز وان شاء الله يحدوولك موعد فحص قريبا ...
برأيي احسن اجراء تسويه .. ترسل رسالة للمنظمة وتكلهم باللي صار حتى انت ما تتحمل المسؤولية بحالة كتبوا عليك ما اجه للفحص(غائب).
تحياتي ..... برنسو
شكرا اخي للرد
اني دزيت اميل للمنضمه وشرحت الي صار وياي بالتفصيل ومنتضر منهم خبر والله كريم
-
اخوان الخبراء ارجو منكم المساعده اذا احد يعرف اميل مدراء المنظمه حتى اراسلهم وياريت تتفضل تيوليب خبرتها بمثل هيج موضوع لان اني داءما اشوف انو اتساعد الكل و تعرف الاميلات واكون ممنون
-
اخي سبع اني هم جنت موجود يوم 5-9 هم كاللولي ماكو اسمك بس اخوك اتعاركت وياهم بالقوه طبيت للفحص كلت لو ترجعون فلوزي مال كروه لان اني جاي من اربيل لو هسه اخابر المنظمة اللي صار ويايه ف صبرت 4 ساعات يلا دخلوني للفحص على اساس هم خابرين المنظمة بالاردن على حالتي بس كلاوات مالهم متمشي عليه ;D
-
لا حول ولا قوة الا بالله.
-
طبعا ابن البيطار اكبر مخربطين والله لا ينطيهم لعبو طوبه بل عالم
-
الله يكون بعونك والله ياخي بالنسبة الي جاي من محافظة بعيدة شون يعني من يوصل لهناك ويكوله فحصك مو اليوم غير اشعل ابوهم
انت دزلهم رسالة وخلي يكون عدهم علم المنظمة لان ذولي ابن البيطار مهتلفين وماكو برنامج عدهم مثل المنظمة
-
انا الفحص مالتي كان 5-9 واكو ناس راحو لابن البيطار وطلع فحصهم بمستشفى بغداد ويانه واجو وكملنه خلال ربع ساعة والحمد لله
-
الجماعه بدو
يخربطون هوايه
حاشاكم , شنو ذنب هاي العالم ؟؟؟؟؟؟؟؟؟؟؟؟؟؟؟؟؟؟؟؟؟
-
الله يسهل امرك وتفحص وترتاح ويبرد قلبك
-
السلام عليكم اخي الله يسهل امرك وامور الجميع
عادي لتستغرب شي كلشي اتوقع على حساب اعصابنا اختي سوت فحص طبي ثاني وردو اتصلو بيه ورة اسبوع يكولوله عندج موعد فحص كلتلهم اني عدت ذاك الاسبوع كللوله متاكده يعني انتي فحصتي كلتلهم اي وسدو التلفون مابيدنه شي غير نكول لاحول ولاقوة الا بالله
-
مرحبا اخوية,, حاول تتصل بيهم ( اذا جنت بعدك محتفظ بالرقم) واسئلهم على موعد الفحص مالتك ,,والتوفيق من رب العالمين
-
اخي حول تتصل بهاي الارقام مال ابن البيطار واخذ منهم موعد
07702503459
07817945794
07904376906
07702504525
07800735533
07904376906
07803389125
07713891482
07817945794
07904376906
07702504525
07906494098
07817945794
07702503459
07702504525
07702503459
تره ما عندي بس هاي الارقام لو عندي بعد جان انطيتهم الكم لحد اي كلي الارقام قليله ;D ;D ;D ;D ;D
-
شكر جزيل لكل اخواني بالمنتدى الرائع على ردودهم ومقترحاتهم الطيبه ويارب يحفضكم ويسهل امركم وتسافرون باقرب وقت ,,,
طبعا اني اتصلت على الارقام الي بعثها الي الاخ اسطنبولي واني اشكره كلش هواي ,,,, اتصلت باحد الارقام وطلعتلي بنيه كتلها على الي صار وياي بالمستشفى فهي اخذت كل المعلومات مني وكلتلي اني اتصل بيك كتلهاا يمعودها ياهو الي اتصل بيه يكلي اني بعدين اتصل بيك وكلشي ما احصل المهم كلتلي اوعدك راح استفسر عن موضوع والله بره شوي جان تتصل وتكلي انو الملف مالتك موجود وعليه ملاحضه انو صاحب العلاقه تلفونه مغلق !!!!!!!!! كتله كولي غيره يمعوده يا مغلق مو رابطه بركبتي التلفون وانتو اتصلتو بيه وحجيت وياي شلون يكولون مغلق المهم كلتلي هذا الي حصل عليه راح ننتضر شوكت اقرب وقت لفحص مجموعه راح انضيفك وياهم وكلتلي اكيد هلمره لان ركزنا على ملفك وخلال فته قصيره اسمع من عدنا اتصال كتلها اكيد اتكول انشالله ,,,,, شتكولون اخواني هذا الحجي طبيعي لو هم بيه لف ودوران مقبول لو لا .
اتمنى تشاركوني بارائكم القيمه مع جزيل الشكر والامتنان لكل من شارك معي
-
شكر جزيل لكل اخواني بالمنتدى الرائع على ردودهم ومقترحاتهم الطيبه ويارب يحفضكم ويسهل امركم وتسافرون باقرب وقت ,,,
طبعا اني اتصلت على الارقام الي بعثها الي الاخ اسطنبولي واني اشكره كلش هواي ,,,, اتصلت باحد الارقام وطلعتلي بنيه كتلها على الي صار وياي بالمستشفى فهي اخذت كل المعلومات مني وكلتلي اني اتصل بيك كتلهاا يمعودها ياهو الي اتصل بيه يكلي اني بعدين اتصل بيك وكلشي ما احصل المهم كلتلي اوعدك راح استفسر عن موضوع والله بره شوي جان تتصل وتكلي انو الملف مالتك موجود وعليه ملاحضه انو صاحب العلاقه تلفونه مغلق !!!!!!!!! كتله كولي غيره يمعوده يا مغلق مو رابطه بركبتي التلفون وانتو اتصلتو بيه وحجيت وياي شلون يكولون مغلق المهم كلتلي هذا الي حصل عليه راح ننتضر شوكت اقرب وقت لفحص مجموعه راح انضيفك وياهم وكلتلي اكيد هلمره لان ركزنا على ملفك وخلال فته قصيره اسمع من عدنا اتصال كتلها اكيد اتكول انشالله ,,,,, شتكولون اخواني هذا الحجي طبيعي لو هم بيه لف ودوران مقبول لو لا .
اتمنى تشاركوني بارائكم القيمه مع جزيل الشكر والامتنان لكل من شارك معي
تدلل اخوية الغالي الحمد الله من حجيت وياهم وهسة انتظر منهم اتصال في اقرب وقت وي حددون بي موعد الفحص الطبي
-
اخي حول تتصل بهاي الارقام مال ابن البيطار واخذ منهم موعد
07702503459
07817945794
07904376906
07702504525
07800735533
07904376906
07803389125
07713891482
07817945794
07904376906
07702504525
07906494098
07817945794
07702503459
07702504525
07702503459
تره ما عندي بس هاي الارقام لو عندي بعد جان انطيتهم الكم لحد اي كلي الارقام قليله ;D ;D ;D ;D ;D
الف شكر على هاي الارقام واني هم اتصلت بهاي الارقام
لان اني المفروض يتصلون بيه من زمان لان ارقام كيسات قبلي وبعدي اتصلوا بيها واني يكولون نتصل بصاحب الكيس ومغلق
المهم طلعلي واحد يكول من يجي اسمك نتصل بيك وكلشي ما يقبل يتفاهم وسد التلفون
هسة ما ادري شنو اسوي
علما اني رقم الكيس 113