ankawa
منتدى الهجرة واللجوء => الهجرة و واللاجئين => الموضوع حرر بواسطة: cigar في 20:24 12/09/2012
-
مرحباً أخواتي وإخواني ،،، طبعا اني مشترك جديد لكن من المتابعين لعينكاوا وهوايه مواضيع ومعلومات مهمه فادتنا ،،، اجاني اتصال من ألمنظمه وسألوني اذا اكدر أسافر يوم 18 طبعا رحبت بالموعد ولو جان كلش قريب يعني خابروني يوم 9 والمواد 18 بس مع ذلك كتلهم ما عندي مشكله لكن طلبت منهم يرسلولي إيميل لتفاصيل الرحله والأوزان ولحد الان محد اتصل بيه ولا بلغوني بموعد الفحص ولا اكدولي موعد السفر واتصلت بيهم اليوم ومحد انطاني اي معلومه لان اني من العراق فالرجاء الرجاء منكم تساعدوني لان لازم أسافر لبغداد يوم السبت لان اني من سكن البصره
-
الخوف من الحسد كلشي يسوي ;D
-
وليهمك البصراوي باجر عكَبه يتصلون بيك واذا ماتصلوا
حاول تتصل بيهم وكَلهم عندي موعد سفر
والله يوفقك
-
اشكر ردودكم الطيبه لكن المشكله ان الموعد جداً قريب ومع العلم اليوم من خابرتهم وكتلهم عندي موعد سفر بس ما اعرف اي تفاصيل ردت علي بايميل عندك دوره تثقيفيه يوم السبت والاثنين واني موعدي يوم الثلاثاء شنو القضيه ما اعرف زين اذا محد خابرني ليوم السبت شتكولون اتوكل واسافر بغداد لو معنى الحجي ماكو شي
-
مشكور اخي روان على جهودك الطيبه وانشاءلله السفر للجميع
-
توكل على الله وهمه راح يتصلون بيك ان شاء الله
وروح على الموعد واهم شيء الفحص قبل السفر
الدوره مو مهمه
-
اخي احمد اذا هم لليوم ممتصلين وباجر خميس والجمعة عندهم عطله والسبت لازم اطلع بغداد لان ما اعرف موعد الفحص قبل السفر بيوم لو يومين واني تايه وحاير والله
-
مشكوووووور وربي يسهل أمرك اخي
مشكور اخي روان على جهودك الطيبه وانشاءلله السفر للجميع
خادم للطيبين ... وإنت قبل موعد السفر ب3 أيام كون ببغداد حتى لا يصير عندك إشكال ... وعلأغلب الأحد تروح تفحص يعني لا تهتم همه يتصلون بيك قبله .
ربي يسهل لك وتوصل بالسلامة إن شاء الله وتتوفق بحياتك الجديده يا رب ...
-
مبروك اخي وبالسلامة والتوفيق ان شاء الله.
-
الف مبروك اخي العزيز ..... وان شاء الله يتصلون بيك قريبا.. بس انت ابقه دزلهم رسائل استفسار والله كريم.
-
اخي مبروك اولا
وممكن تعطي تفاصيل على رقم الكيس وتاريخ التشيك الامني من اصبح مكتمل ..
وممكن تتصل بابن البيطار لتسئلهم على اسمك اذا كان ضمن الاسماء الموجودة للفحص قبل السفر
ويارب التوفيق والسفر المريح بدون تاجيل وكله سلامة
-
اخوية اني هم طيراني يوم 18
SIV
منا لعمان
من عمان لشيكاغو
انتة هم دايركت لو عندك ترانزيت ؟
لان اذا دايركت تختلف اوزان عن ترانزيرت
حنكون بنفس الطيارة اعتقد
;D
-
شلونك اخي انا هم عندي موعد سفر يوم 23 بس انطوني تفاصيل الرحله واجاني اميل قبل موعد سفر بي وازن الحقائب كالو هم راح نتصل مره ثانيه للتاكيد انا هم من سكنة البصره انته بس لا صاحب عمار
-
ان شاء الله يتصلون بيك عن قريب لا تشيل هم ضل راسلهم واتصل بيهم بس اخي اكيد يتصلون بيك
-
الف الف مبروك وبلتوفيق ان شاء الله بلحياة الجديده ولتنسون تدعونه من تصعدون طياره ;)
-
أشكركم إخواني على مشاعركم الطيبه بالنسبه لتفاصيل الكيس مالتي اني تقديم 2010 أمنيتي اكتملت بشهر السادس وعدت الفحص بالسابع ورأ شهر ونص صار مكتمل وراها بكم يوم صار السفر انتظار تقريبا ورأ اسبوع خابروني على موعد سفر
اخي مبروك اولا
وممكن تعطي تفاصيل على رقم الكيس وتاريخ التشيك الامني من اصبح مكتمل ..
وممكن تتصل بابن البيطار لتسئلهم على اسمك اذا كان ضمن الاسماء الموجودة للفحص قبل السفر
ويارب التوفيق والسفر المريح بدون تاجيل وكله سلامة
-
اخوية اني هم طيراني يوم 18
SIV
منا لعمان
من عمان لشيكاغو
انتة هم دايركت لو عندك ترانزيت ؟
لان اذا دايركت تختلف اوزان عن ترانزيرت
حنكون بنفس الطيارة اعتقد
;D
اخي ابو ادم والله لو اعرف تفاصيل الرحله مالتي جان اني بخير بس لحد الان كلشي ما ادري مجرد تكدر تسافر فلان يوم كتلهم اي وهاي هي انشاء لله نكون بنفس الطياره
-
شلونك اخي انا هم عندي موعد سفر يوم 23 بس انطوني تفاصيل الرحله واجاني اميل قبل موعد سفر بي وازن الحقائب كالو هم راح نتصل مره ثانيه للتاكيد انا هم من سكنة البصره انته بس لا صاحب عمار
ههههههههه اي اخويه وصلت اني صاحب عمار
-
الف مبروك وان شاء الله متصير عندك اي مشاكل وتوصل بالسلامه
-
الف مبروك اخي العزيز . وان شاء الله يتصلون بيك قريبا وامن لا يصيبكم الا ما كتب لكم .
تحياتي
-
سيكار اخوية ,, قبل السفر ب 3 ايام راح يتصلون بيك علمود الحباية و من تكمل الفحص راح ينطوك خط الرحلة و اذا ما اتصلو بيك راسلني على الخاص ,, تحياتي
-
مشكورين إخواني اليوم دزولي إيميل الأوزان وأتصلوا بيه بعدها علمود تفاصيل الرحله والحمد لله تم تأكيد موعد السفر وانطوني موعد الفحص الطبي
-
بلخير والله يسهل امرك وتوصل بخير وسلامه
-
الف مبروك اخونا سيكار و توصل بالسلامة
ونسألكم الدعاء باللحاق بكم الى جانب الأمان
megalove
-
شنو السالفة صايرة على الطلب ;D
-
الف مبروك اخونا سيكار و توصل بالسلامة :D :D :D :D
-
الف مبرووووووووووووووووك أخوي العزيز
أنشاء الله توصل بالسلامة
ولاتنسى الدعاء لأخوتك المنتظرين
-
أخي العزيز cigarتكدر أتأكدلي هل الجنت ثلاثة مع اللاب توب , أم كم بالضبط مع الأوزان
والف مبروووووووووووك
-
عالخير اخوية ورحلة سعيدة ان شاء الله
-
الف مبروك وتوصل بالسلامه عزيزي
-
على الخير والبركة وطريق السلامة ياربي ان شاء الله الحياة السعيدة ان شاء الله
-
ألف مبروك وتوصل بالسلامة ان شاء الله وبالموفقية