ankawa
منتدى الهجرة واللجوء => الهجرة و واللاجئين => الموضوع حرر بواسطة: كلش محتار في 19:48 18/09/2012
-
السلام عليكم اخواني الاعزاء عندي صديقي وجاري يريد يسافر الى الامارات وطلب مني ان سائلكم اذا دخل الامارات كيف يحصل على اقامة وهل اذا قدم على اليو ان وحصل على ورقة الحمياة هل هذه الورقة تعتبر اقامة مثل ما هية في سوريا والاردن ؟؟؟ لو اكو طريقة اخرى يكدر يحصل على اقامة
هوه شويه وضة المادي على كد حاله ويريد يبقه في الامارات ويقدم على اليو ان
نصيحتكم وجوابكم يا طيبين الله يفرج عليكم ويجزيكم كل خير
-
اخوية العزيز اقامه الامارات كلش صعبه بهل الفتره يعني دااحجيلج جيراني طلعهة بدفترين وظل سنه ينتظر وبلنسبه لليو ان ميقبلون احد يقدم اذا مو عنده اقامه وهنانه معظم الاقامات على الشغل يعني عمل بشركات وبلنسبه للعراقي هاية مهمة شبه مستحيله لانه من 2006 صارت الاقامه شوية صعبه واذا يريد يقدم على اليو ان يمكن تركيا تفيده والاردن هم بيهة مجال بس الامارات الحياه بيهة غالية يعني اذا على كد حاله شلون يدبرهة لانه ايجار غالي ومتكدر اذا موسياره التكسي منا لهنا ب15 و20 دولار يعني اني خليتك بلصوره وانت بعد احكم والله يسهل اموره لصديقك والك ولكل الطيبين
-
نعم أخي اكد على كلام اخوية العزيز هنا بالامارات صعبة الاقامة خاصة بهالوقت
نصيحة يقدم من تركيا احسن وحتى اسرع مثل ما دنشوف
وورقة الحماية ماعندي علم عنها
بالتوفيق للجميع يارب
-
الأخ الكريم كلش محتار
حبيت اوضحلك الموضوع بالنسبة للأردن
اي شخص يقدم على ال un ويستلم الورقة البيضاء او وثيقة ال un ( هذا مو معناها حصل على الأقامة ) لا أخي الأقامة بالأردن ألها شروط وهي بأكثر من نوع
النوع الأول - أقامة سنوية ( وديعة ثابتة ) يعني تخلي مبلغ 50 ألف دولار بالبنك وتحصل على الأقامة وبعد كم يوم تكدر تسحب نصف المبلغ
والنصف الثاني يبقى ثابت الا اذا حبيت تلغي الأقامة تكدر هذاك الوقت تسحب المبلغ كله
النوع الثاني - العراقي المتزوج من اردنية
النوع الثالث - الدراسة الجامعية
النوع الخامس - أقامة المستثمرين
النوع السادس - أقامة عمل
طبعآ هذه كلها أقامات سنوية ولكن ال un ما الها دخل نهائيآ لا من قريب ولا من بعيد بموضوع الأقامات
ومعظم اللاجئيين العراقيين بعمان همه بدون أقامة واحنه من ضمنهم يعني آني وعائلتي صارلنه 8 سنوات بعمان وال un ما سوتلنه اي اقامة
تحياتي لحضرتك
-
الله يخليكم ويحفظكم جميعا على الردود يا طيبين بس اعتقد اما اني ما وضحت الصورة او يمكن جنابكم ما قهم سؤالي الي هو
1- اذا صديقي دخل الامارات بفيزا سياحية لمدة شهر هل يقدر يقدم على اليو ان ؟؟ هوه عنده كيس جيد جدا
2- هل اذا اليو ان قبلوه وانطوه ورقة حماية هل الامارات تعترف بهاي الورقة يعني تحميه من الترحيل بعد انتهاء شهر الفيزا
يعني بالاردن وسوريا وتركيا ورقة الحماية مال اليو ان توف الحماية لحاملها حتى اذا ما عنده اقامة
هل هذا الشي ماشي بالامارات
لوماتفيده بشي الورقة
زين اذا صاحب شركة بالامارات شغله عنده يعني يسويله عقد عمل هل بهاي الحالة يحصل اقامة ؟؟
الاخ العزيز الزنداوي تقول الامم المتحدة متستقبله كلاجئ اذا ما عنده اقامة؟؟ يعني لازم يحصل اقامة ياله يقدر يقدم على لجوء باليو ان ؟؟؟
-
اخويه كلش محتار
بالنسبة لسؤالك رقم 2 ارجع اكولك
ورقة الحماية الصادرة من مكتب ال un بالأردن مالها اي علاقة بالأقامة نهائيآ يعني اي شخص من حقه يقدم
سواء عند أقامة سنوية او ماعنده و والورقة بالأردن تحمي صاحبها من التسفير القسري اذا صار شي لا سامح الله
يعني اللاجئ بحماية ال un طول ما هو موجود على الأراضي الأردنية
والوضع بالأردن يختلف عن الوضع بالأمارات يعني كل دولة والها قوانين تختلف عن الثانية
الأمارات متكدر تبقى بيها أكثر من فترة الأقامة المخصصة لصاحبها الي هي 3 شهور اول متدخل
واذا ماحصلت عقد عمل لازم تغادر قبل انتهاء الفترة المحددة
بينما الأردن مجرد ما تحصل على فيزا للدخول رح ينطوك 3 شهور أقامة بشكل رسمي وبعد ان تنتهي هذه المدة تكدر تبقى محد رح يعترض على وجودك الى ان تغادر ولكن لازم تدفع غرامات التجاوز على مدة الأقامة المحددة الي هي 3 شهور
تحياتي وبالتوفيق
-
الاخ كلش محتار
مثل ما تفضل الاخ الزنداوي صحيح كلامه اي لا تستطيع ان تقدم على اليو ان امارات قبل ما تسوي اقامة . اي يجب اول شي تحصل اقامة وبعدها تقدم على اليو ان واليو ان امارات ماتنطيك اقامة نهائياً .انت تروح اتسويلك اقامة لنفسك
واضيف لك معلومة اخرى وهي ال UN امارات ما تنطي ورقة حماية مثل الاردن ولبنان وسوريا ومصر فقط تنطيك رقم ملف فقط طبعا بعد الموافقة على قصتك.
ان شاء الله توضحت لك الصورة اخي العزيز .
-
شنو خلصت الدول بقت بس الامارات للجوء ??? ??? ???
اصلا اذا تروح للامارات امورك كولها رح تتعرقل من ناحية اللجوء لان كولش بطئ مناك
-
اليو ان متنطيك ورقه حمايه
واذا انته تجاوزت الحد المقرر للفيزه عليك غرامات كل يوم 100 درهم
يعني لازم تطلع اقامه وتشتغل
والمصاريف هناك كلش مرتفعه
انصحك تقدم من غير مكان
تحياتي
-
اليو ان متنطيك ورقه حمايه
واذا انته تجاوزت الحد المقرر للفيزه عليك غرامات كل يوم 100 درهم
يعني لازم تطلع اقامه وتشتغل
والمصاريف هناك كلش مرتفعه
انصحك تقدم من غير مكان
تحياتي
شلون متنطي ورقة حماية لعد شنو الي يشبت ان الشخص مقدم على اليو ان ؟؟؟ وشلون ايسووله ملف باليو ان ؟؟
هاي معلومة جديدة ما سامع بيها من قبل ,,, اكيد الي يدخل للموضوع راح يستفاد من هاي المعلومات مو فقط صديقي
-
شنو خلصت الدول بقت بس الامارات للجوء ??? ??? ???
اصلا اذا تروح للامارات امورك كولها رح تتعرقل من ناحية اللجوء لان كولش بطئ مناك
هههههههههه هو قناعة الامارات ما يريد ايروح غير بلد نصحته بتركيا ما قبل
يعني شكد ايطول سنتين ثلاث عشرة هههههههه
-
طبعا الاخوان ماقصروه في الاجابه
اني ساكن في الامارات 10 سنوات لضروف قاسيه اتيت الى سوريا
طبعا اولاحكومة الامارات ماتعترف بورقة اليوان
واليوان ماتستقبلك والي هيه غير مسوله عليك اذا عندك اقامه اوماعندك هيه تريدك من تجي تقدم انت عندك اقامه رسميه
وبعدين صديقك داخل للامارات قبل اذا ماداخل قبل مايعطوه فبزه
واحنه كنا ساكنين نسميها اميركا من شددت الغلاء الي فيها
يعني بس اقول الك اني ضلت 10سنوات واشتغل ليل نهار وطلعت مطلوب
واخويه الله يسهل عليك
-
طبعا الاخوان ماقصروه في الاجابه
اني ساكن في الامارات 10 سنوات لضروف قاسيه اتيت الى سوريا
طبعا اولاحكومة الامارات ماتعترف بورقة اليوان
واليوان ماتستقبلك والي هيه غير مسوله عليك اذا عندك اقامه اوماعندك هيه تريدك من تجي تقدم انت عندك اقامه رسميه
وبعدين صديقك داخل للامارات قبل اذا ماداخل قبل مايعطوه فبزه
واحنه كنا ساكنين نسميها اميركا من شددت الغلاء الي فيها
يعني بس اقول الك اني ضلت 10سنوات واشتغل ليل نهار وطلعت مطلوب
واخويه الله يسهل عليك
الله يكون بعونك يا خوية لعد هاي الناس شلون عايشه في الامارات الله ايساعدهم
-
طبعا الاخوان ماقصروه في الاجابه
اني ساكن في الامارات 10 سنوات لضروف قاسيه اتيت الى سوريا
طبعا اولاحكومة الامارات ماتعترف بورقة اليوان
واليوان ماتستقبلك والي هيه غير مسوله عليك اذا عندك اقامه اوماعندك هيه تريدك من تجي تقدم انت عندك اقامه رسميه
وبعدين صديقك داخل للامارات قبل اذا ماداخل قبل مايعطوه فبزه
واحنه كنا ساكنين نسميها اميركا من شددت الغلاء الي فيها
يعني بس اقول الك اني ضلت 10سنوات واشتغل ليل نهار وطلعت مطلوب
واخويه الله يسهل عليك
اختي الكريمه امريكا ارخص من دول عربيه كثيره
-
السلام عليكم اخواني الاعزاء عندي صديقي وجاري يريد يسافر الى الامارات وطلب مني ان سائلكم اذا دخل الامارات كيف يحصل على اقامة وهل اذا قدم على اليو ان وحصل على ورقة الحمياة هل هذه الورقة تعتبر اقامة مثل ما هية في سوريا والاردن ؟؟؟ لو اكو طريقة اخرى يكدر يحصل على اقامة
هوه شويه وضة المادي على كد حاله ويريد يبقه في الامارات ويقدم على اليو ان
نصيحتكم وجوابكم يا طيبين الله يفرج عليكم ويجزيكم كل خير
اخويه الكريم مختصر مفيد اذا كان صديقك على كد حاله مثل ما كلت حظرتك فالامارات متفيده لان كلش غاليه
-
michigan مشكور اخوية الغالي على النصيحة والشكر ايضا لكل الاخوان الي علقو ربي يبارك بيكم ويحفظكم يا طيبين
الي فهمته هي اول شي صعوبة الحصول على الاقامة واما المعيشة اذا حصل عمل يكدر يعيش عادي في الامارات واكيد الغلاء يختلف من مدينة الى اخرى
-
عزيزي هنانه ميكدر يشتغل بفيزة الزياره يعني اي شركه يروح عليهة اذا ماعنده اقامه ميشغلوه والي ديسوه العراقين يروح لعمان مسقط يعني يسون اقامه ومنهة يكدرون يدخلون لدبي واكو شركات تباوع على الي عنده اقامه بمسقط باعتباره من دول مجلس التعاون واذا حصل شغل ينطوه اقامه واقامه مسقط اذا مهندس شوية بيهة مجال واذا لا تكلف 15000الف دولار
ويعني مثل مكلولك الجماعة هنانه تشتغل وره 10 سنين تطلع مطلوب ورطه بس شنسوي كلمن ياكل نصيبه بهل الدنيا والحمد لله والشكر على كل حال وطبعا مو حاله عامه اكو ناس بلعافية عليهة دتشغل ومرتاحه ومتونسه بس هاية الشهادات الي مثل طبيب مهندس والشهادات العليا وانت قيس واتمنى انه اكون جاوبتك وهنانه اليو ان اي ورقة حماية مينطون لانه متاكل لانه انت متكدر تقدم على اليوم اله عندك اقامه وغيرهة ميفيد
-
up
-
السلام عليكم ورحمة الله وبركاته
لقد سبق وان سؤلنا مثل هذا السؤال عن الامارات والغلاء وقد جاء مما كتب ادناه الشيئ الكثير والصحيح والغير مبالغ فيه واذا بالاجابه القاسيه تاتي من السائل ( سابقا ) اننا نبعد العين ولانتمنى الخير لاي بشر ولهذا فضلنا الاحتفاظ بالصمت والان نكتب لنقول ان كل ماجاء هنا وكتب هو واقع حال والشكوى لله وادامكم رب العزه سبحانه وتعالى
-
اخويه العزيز يا امارات هاي الي يقدم منها اصلا اعتقد الامارات ابطئ دولة بالتقديم هذا كل كوم وتعامل ال يو ان اهنا كوم ثاني ادكول كاعدين انكدي منهم احنه ميتحجون وشايفين نفسهم ...
ومثل مكالوا الاخوان الي قبلي الامارات صعبة الحياة بيها يعني تشتغل طول اليوم صبح وليل ويادوب سد بسد لان اذا اشتغل اكو سكن والسكن غاالي والمواد الغذائية غالي خو اذا لاقدر الله يتمرض فهذي كااارثة بس الكشفية وحدها قريب ال 300 دولار واذا تخصص 400 والدوا فد 200 ...
هذا غير مصاريف الاقامة الي هي تقريبا صارت مستحيلة غير فواتير الكهرباء الي تكسر الظهر والمي والغاز والطريق حتى بفلوس والاتصالات غالية .... نصيحة لوجه الله خلي يقدم من تركيا لو الاردن والافضل من العراق اسرع ملفات هي ملفات العراق
داحجيلك من واقع تجربة 10 سنين راحت كلها تعب وشغل بدون اي فائدة كله سد بسد
-
اخويه العزيز يا امارات هاي الي يقدم منها اصلا اعتقد الامارات ابطئ دولة بالتقديم هذا كل كوم وتعامل ال يو ان اهنا كوم ثاني ادكول كاعدين انكدي منهم احنه ميتحجون وشايفين نفسهم ...
ومثل مكالوا الاخوان الي قبلي الامارات صعبة الحياة بيها يعني تشتغل طول اليوم صبح وليل ويادوب سد بسد لان اذا اشتغل اكو سكن والسكن غاالي والمواد الغذائية غالي خو اذا لاقدر الله يتمرض فهذي كااارثة بس الكشفية وحدها قريب ال 300 دولار واذا تخصص 400 والدوا فد 200 ...
هذا غير مصاريف الاقامة الي هي تقريبا صارت مستحيلة غير فواتير الكهرباء الي تكسر الظهر والمي والغاز والطريق حتى بفلوس والاتصالات غالية .... نصيحة لوجه الله خلي يقدم من تركيا لو الاردن والافضل من العراق اسرع ملفات هي ملفات العراق
داحجيلك من واقع تجربة 10 سنين راحت كلها تعب وشغل بدون اي فائدة كله سد بسد
مشكورين اخواني الغالين على ردودكم واكيد كلامك هو واقع حال وعن تجربة والي يريد ياخذ النصيحة ياخذها والي ميريد فهو ح وانتم الي عليكم سويتوه وقدمتو النصيحة وجزاكم الله خير عليها
الاخ العزيز راح ابجي
شلون ايقدم من العراق الي اعرفه من العراق لازم يكون مشتغل مع القوات الاميركية او مع شركات مشتغله وياهم هذا الي فهمته من مواضيع عينكاوا وصديقي لا مشتغل وياهم ولا اله دخل بيهم