ankawa
منتدى الهجرة واللجوء => الهجرة و واللاجئين => الموضوع حرر بواسطة: كيا سبورتج في 21:36 18/09/2012
-
السلام عليكم اخوتى الاعزاء اخوكم قرر الذهاب الى تركيا والتقديم على اليوان من هناك ارجوان تقيدونى بالمعلومات عن الايجارات وكيفية التقديم الى المنظمة وين مكانها بيا مدينة اريد تعلمونى اللة يخليكم شون ابدى وين اروح اول ما اوصل الى اسطنبول علماانى عائلة 3 نفرات والسوال الاهم اشكد تكفى مبلغ للعيشة هناك حتى ارتب امورى هنا وهل اكدر ارجع للعراق اذا احتاجيت شى خلال فترة التقديم جاوبونى بالرك اللة فيكم واللة يفتحة علينا وعليكم يارب
تحياتى
-
اخويه حظرتك مو كنت تريد تقدم على un في الاردن
اخويه لازم تقارن بين الدولتين بشكل مفصل علمود تعرف منو الانسب الكم لان هذا قرار مصيري
بالتوفيق ان شاء الله
-
اخي العزيز .....انا لااريد ان اسبب لك الاحباط ولكني اختصر لك تجربتي في تركيا التي ساغادرها بعد قليل راجعا الى العراق ومن ثم الى سوريا الرائعة(درة بلاد العالم)
المعيشة في تركيا غالية جدا وبنسبة اربعة اضعاف المعيشة في سوريا
الشقق شحيحة جدا وغالية هذه الايام في اغلب المدن مع كثرة (القفاصة )العراقيين الذين يحاولون تقديم الخدمة اليك محاولين استغلال الفرص للاطاحة بمصروفك؟؟
مشكلة اللغة التي ستتفاهم بها معهم هي فعلا مشكلة حقيقة ستربك جميع اركان حياتك
يجب عليك ان تتسلح بعدة اسلحة قبل القدوم الى تركيا منها المال الوفير و....الصبر ....والتشبث بامل اللجوء مهما كانت اماله ضئيلة
انصحك بدراسة الامر بشكل مكثف وانا حاضر لاي استفسار تريده لاني صاحب تجربة مريرة في هذا المجال وان شاء الله ساكون صادقا معك
-
اشكر اخوية العزيز على الرد صحيح انى كنت اريد اقدم على الاردن بس لاحظت انة تركيا حسب ميكولون انة اسهل بالتقديم والمواعيد اقرب بينواحد والاخر وخاصة الاردن مليانة سوررين هسة وكلها دتقدم واكيد نايمة الملفات وحركةسيرها بطيئةلهذا شفت تركيا اضبط بغضالنظر عن انها غالية ولغة منعرف بيها خاصة وانى فترة زرتها اربع ايام كلمةانكليزى ميعرفون متعصبين الى لغتهم او اللغة التركمانية واسعارها نار بالنسبة الى بغداد بس ردت استفسر عن الايجارات حاليا وكيفية التقديم لان ماعندى خلفية عن الموضوع ارجو الافادة بذلك
تحياتى
-
اشكر اخوية العزيز على الرد صحيح انى كنت اريد اقدم على الاردن بس لاحظت انة تركيا حسب ميكولون انة اسهل بالتقديم والمواعيد اقرب بينواحد والاخر وخاصة الاردن مليانة سوررين هسة وكلها دتقدم واكيد نايمة الملفات وحركةسيرها بطيئةلهذا شفت تركيا اضبط بغضالنظر عن انها غالية ولغة منعرف بيها خاصة وانى فترة زرتها اربع ايام كلمةانكليزى ميعرفون متعصبين الى لغتهم او اللغة التركمانية واسعارها نار بالنسبة الى بغداد بس ردت استفسر عن الايجارات حاليا وكيفية التقديم لان ماعندى خلفية عن الموضوع ارجو الافادة بذلك
تحياتى
عندما تصل الى انقرة توصل اهلك الى الفندق وتاخذ جوازاتهم وتذهب الى اليو ان (تاخذ تكسي من اي مكان وتقول له ..يو ان وعندما تصل تقف بالدور الذي يمشي بطيئا وعندما يصل اليك الدور تقدم جوازاتك ورقم تلفونك التركي وتسالك اي مدينة تريد من ضمن المدن المتاحة امامك وارجو ان تكون لك فكرة مسبقة عن المدن المذكورة من خلال سؤالك عنها للجماعة الواقفين معك لان بعضهم يملك الخبرة في هذا المجال ..بعده تعطيك الموضفة ورقتين الاولى بها موعد المقابلة والثانية كتاب موجه الى البلدة التي ستسكن بها وتنشر امنياتك عندهم
-
اشكراخوية العزيز حامل المسك على الرد انى اعرف سوريا رحمة والله على العراقيين لكن الاوضاع بيها منهارة انى فكرت بيها كان عندى اقرباء ساكنين بالسيدة زينب اجو شاردين مناك وخايفين بعد ان دخلو بالسيدة الارهاب يعنى الوضع مومثل قبل درست موضوع عمان لكيتة هم صعب من كثرة السوررين انتة كلت الايجارات شحيحة يعنى اشكد سعر الشقة برايك بالدولار بالوقت الحاضر اشكد بالشهر بتقديرك اتكفى فلوس لعائلة 3 نفرات فقط وشكرا لمرورك وبارك الله فيك
-
اخي العزيز .....انا لااريد ان اسبب لك الاحباط ولكني اختصر لك تجربتي في تركيا التي ساغادرها بعد قليل راجعا الى العراق ومن ثم الى سوريا الرائعة(درة بلاد العالم)
المعيشة في تركيا غالية جدا وبنسبة اربعة اضعاف المعيشة في سوريا
الشقق شحيحة جدا وغالية هذه الايام في اغلب المدن مع كثرة (القفاصة )العراقيين الذين يحاولون تقديم الخدمة اليك محاولين استغلال الفرص للاطاحة بمصروفك؟؟
مشكلة اللغة التي ستتفاهم بها معهم هي فعلا مشكلة حقيقة ستربك جميع اركان حياتك
يجب عليك ان تتسلح بعدة اسلحة قبل القدوم الى تركيا منها المال الوفير و....الصبر ....والتشبث بامل اللجوء مهما كانت اماله ضئيلة
انصحك بدراسة الامر بشكل مكثف وانا حاضر لاي استفسار تريده لاني صاحب تجربة مريرة في هذا المجال وان شاء الله ساكون صادقا معك
كلام صحيح
-
اخي العزيز ما اريد اهبط معنوياتك بس رح انطيك التفاصيل بتركيا حاليا وانتة تقرر
موعد المقابلة الاولى يتاخر هواية يعني اكثر الحالات حاليا يستلمون موعد المقابلة الاولى اما في سنة 2014 او في 2015 احتمال تصير بعض الطفرات انه ينطون موعد بعد 3 اشهر بس هية قليلة و على الاكثر على الحالات الاستثنائية
الايجارات حاليا مرتفعة وتوصل الى 300 دولار او اكثر ما عدا المصاريف الاخرى
و اي معلومات اخرى اني بالخدمة
-
اخي العزيز تركيه يه مكانات غاليه او اكو مكانتا رخيصه حسب المحفظه الي يدزوك بيه انته اوحظك اما بنسبه للشقق تتراوح ما بين ال 130 دولار فما فوق يعني تصل الى حتى ال 1000 دولار للعلم اني جاي احجي عن المناطق المو سياحيه يعني المناطق السياحيه غاليه نوعن ما
اما بخصوص العيه فلعيشه من تستقر راح اشوفه اسن من العراق من ناحيه المصرف لان والهم انو المسواك كلش رخيص المخظر اني اقصد
تبقى الامور الترفيه هذا يظل يمك يعني الانسان يكدر يكيف وظعه لان انته ما باقي عمر بيه اني اايد كلام الاخ وسام
انو جاي ينطون مواعيد كلش بعيده بس اكو طفرات اذا انته ما جاي من سوريه مثلن راح ما ينطوك موعد بعيد والتسهيل من الله
او يبقه الحظ هوه الاعب الاساسي بالموظوع تبقه انته اوحظك والاصرار لازم تحسب راح ينطوك موعدى بعيد لازم تتحمل او تبقه الغربه صعبه
للعلم تركيه مو مثل سوريا اب سوريا متحس ابغربه لان الكل يحجي عربي اوتفتهم عليهم اهنا لازم مترجم والمترجم لازم يكون ابن حلال علمود لا يتغده بيك
طبعن اته راح تتعب اول مره بس بعدين من تتعود راح اشوف الحيات سهله او بصيطه اني اول ما اجيت كانت كلش صعبه بس بعدين اشويه اشويه اتعودنه كمنه انكسر اوياهم ولو هيه مولغه تعبانه او ما بيه مستقبل بس كمن انكسر اوياهم او نفهمهم او نكدر انفهمهم لان حسب الممارسه اوياهم والاحتكاك المهم اتوكل على الله او احسم امرك لازم تحسم امرك يالله تكدر تجي او بلصبر ياله تكدر اتخلص الوقت لان اهنا الوقت ما يمشي ابساع لان انته جاي تتنظر فد شي او ما يجي هاذ الشي ونته تعرف الانتظار اشكد صعب
المهم اذا عندك اي استفسار عن الاوظاع التركيه راسلني اني اجك
تحياتي
-
اخواني ممكن ارعف اي محافظات يقبلون نعيش فية ؟؟
-
شباب ممكن توضيح بخصوص الطفرات للحالات الاستثنائية مثلاً في تركيا UN
على سبيل المثال الي جان يشتغل مع الامريكان اوعندة كل الاثباتات الي تجعل منهم واثقين من قضيتة
او الي وضعة الصحي تعبان للغاية ويحتاج عناية خاصة وغير قابل للتئخير
او الي حياتة معرضة للخطر الشديد
لو اكو اعتبارات ثانية اعزائي اذا ممكن الي يعرف ومارة علية هيج حالات نرجو ان يذكرهى للفائدة حتى لا يكن هناك امر مبهم
-
كثير ناس مشتغلين مع القوات الامريكية والعراقية وعندهم اوراق وهوايات عسكرية نحب نعرف من اخوان هذا الشي يسرع الملفات لو لا
-
السلام عليكم شباب
بنسبه للاخ اسد الموصل
المحافظات الي فتوحه محد يعرفه اله اليو ان لان المحافظات تنفتح او تنسد اب اي لحظه محد يعرف المحافظات المفتوحه او اله انته يم اليو ان ياله تعرف المحافظات المفتوحه ولمسدوده المهم همه مراح ينطوك محافظه غاليه هاي وحده من توصل اهناك يم اليو ان راح تسئل الاخوان الموجودين فراح تعرف المحافظات الرخيصه والي بيه مساعدات او باقي الامور او انته راح تختار المحافظه للعلم تكدر اتغير المحافظه اذا ما عجبتك قبل متروح للامنيات ما المحافظه الي انته انطوكياهه ترجع لليو ان اتغير بس ابشرط ما امسجل امنيات لان اذا سجلت امنيات مراح تكدر اتغيرالمهم التسهيل من الله
-
عزيزي كيا سبورتج
احد اقاربي طلع قبل 3 اشهر وانطوله مقابلة على نهاية 2014 شنو رايك ؟ يعني حتى فسفورة ما ا نطوه (فسفورة يعني توطين) فـ شنو رايك تروح وتنتظر هالمدة كلها (مع العلم هذا الشخص رجع ورجع عائلته وياه قبل كم يوم 16/ سبتمبر) ؟؟؟
اتمنى لك الموفقية
ابن البلد
-
مررحبا صديقي العزيز كول يالله وتوكل على الله واني همات اريد ارووح ان شاء الله الى تركيا بس رووح الى انقره لان هناك الايجارات رخصيه بالنسبه للزكرتي لان رااح يكعد ويه جماعه اما بالنسبه الك انت صاحب عائله لان المصرف كله عليك تحياتي الك واحسن مكان للجوء هو تركيا حاليا تحياتي !
-
مرحبا اخوان بله زحمه هناك الزكرتي يكدر يكعد وحده بشقه لوميصير
-
الا الاخ ابو مروان
عادي اي شخص يكدر يكعد الوحده
بنسبه للعراقين يكعدون سوه علمود الايجار ولمصرف يقسم عليهم لان الفترات مال التقديم والقبول صارت بعيه يعني الصرف راح يزيد