ankawa
منتدى الهجرة واللجوء => الهجرة و واللاجئين => الموضوع حرر بواسطة: Avatar في 20:30 19/09/2012
-
السلام عليكم اخوتي الاعزاء خواتي العزيزات
بعد عناء ومشقة وتعليق لمدة 4 سنين يصل افاتار الاب وافراد الكيس الوياه عائلتي الكبيرة 5 افراد بالكيس
طبعا ما راح اكدر انطيكم كل التفصل مال الكيس مالتة لان ناسيهة بس تكدرون تدخلون علة مواضيعي القديمة علمود تشوفون شكد الكيس قديم...كان والدي مقدم على البرنامج شهر 6 2008 اكمل والدي كل المتطلبات في الشهر 3 2009 (فحص طبي + 2 مقبلات) واجاه الدفيرال اذا ما تخوني ذاكرتي بشهر 5 2009 وجان دينتظر الموافقة الامنية منذ ذلك الحين ووراها عاد 3 فحوصات لاكسباير هذه الفحوصات و اعادة بصمات مرة واحدة كالوا لان البصمات هم تصير اكسباير...والحاصل بعد ان زال كل امل موجود بجسمنة صار السيكيورتي جيك كومبليتد اسبوع بعد العيد....ووراها ب 10 ايام اجتي رسالة الجنط وما الى ذلك وبعدهة باسبوع (اي قبل 10 ايام من سفرة) خابروا علة موعد سفر وكان الموعد 17/9/2012
طبعا اخوكم افتار مصدك نهائيا ولحد الان اكو شك عندي انو همة مواصلين هلكد ما شبعونة دكات الاي او ام
المهم قبل الفحص بيوم اي يوم 16/9 سووا الفحص الطبي الاخير واخذوا الحباية في مدينة الطب وانطوهم تقاريرهم الطبية ووراها بيوم اجا صاحبنة على الموعد مالتة 9:30 بساحة عباس ابن فرناس اللي شفتهة متغيرة بعد رحيل عمامنة السباع...واجة خوينة وصاح اسماء صاحبي الكيسات وانطاهم الايتنري مالتهم (اللي بدونة متكدر تعبر لداخل المطار)...وكللهم تنتظرون في قاعة نينوى كايتوي الملكية...وبالفعل يطيرون لعمان ويباتون ليلة في فندق عالية وسلموا كل عائلة الملفات مال الكيس مالتهة في ظرف نايلوني علمود يوصلوهة لذاك الجانب علمود تبدي معاملاتهم بالشكل المضبوط
واخوكم افتار بعدة ممصدك وخاصة انو اجاني تلفون من والدي يكول انو اكو ناس وصلوا لعمان ومرجيهم حسب ما تكول الشائعة اللي اتداولوها ربعنة المسافرين وياهم...واني اكول هسة يرجعوهم يعد شوية يرجعوهم...المهم طاروا يوم 18/9 من عمان الى شيكاغوا وكالوا اكو ناس وياهم طاروا الى نيويورك بدلا عن شيكاغوا حسب الولايات اللي راح يروحولهة
طولت رحلتهم 16 ساعة وراهة طاروا من شيكاغوا الى سياتل وصلوا سياتل ساعة 12 بالليل يوم 18/9 اي ساعة 10 بتوقيتنة يوم 19/9 وجان باستقبالهم 2 من اصدقائي واللي خابروني فور وصول الاهل وبشروني بوصولهم بالسلامة
الحلو انو بعدني ممصدك وكلت هذا تلفون صاحبي مناك ووالدي ديحجي وياية يعني شلون ؟؟؟؟ ههههههه بش شوفوا الرادع النفسي اللي سوولنة اياه الاي او ام
المهم والدي كال استلمت ال I94 بدون اي مشاكل في مطار شيكاغوا....طبعا راح تكون اخبار الاهل منقطعة لفترة علما يشترون موبايلات وياخذون اشتراك بالنت...الى ذلك الحين عود اسويلكم اب ديت
بس رجاءا رجاا اللي يريد تواريخ الفحوصات والمقابلات ويدوخ راسة بيهن خلي يدخل على مواضيعي القديمة اكيد راح يلكاهن بس اني اريد اككلكم ترة ميحتاج والدي يمكن من واضعي حجر الاساس للاي او ام والكيس نمبر مالتة IZ-101XXX يعني ما اريد اكللكم ...ها وهوة اصلا اصلا الاي او ام مرجعتة من الدنمارك بسنة 2005 يعني ما ادري يمكن حتة بصماتة يمهم بالابيض والاسود..
احبائي احب ان اضيف انو اني بعدني مثلكم انتظر الفرج والتشييك الامني اللي صار حتة احلة من السفر نفسة...والله كيفت باكتمال التشييك الامني مال والدي اكثر من سفرة....ليش ما ادري..خخخخخخ
السفر العاجل والسريع والمفرح لجميع اخوتي وخواتي العنكاويين واحب ان اشكر كل عضو وعضوة ساعدوني باراهم على مر الاوقات....واحب ان اشكر اصدقائي ولو همة ممشتركين بهل المنتدى الجميل بس ترة والله العظيم المساعدة ختى ولو كانت معنوية كبيرة كبيرة كبيرة في قيمتها في بلد الغربة...علوا نستمر بمساعدة احدنا الاخر في بلد الغربة...
ممنون واسف على الاطالة
اخوكم افتار
-
بالمناسبة العوائل قيامة بعباس يوم السفر ...
ما شاء الله ما شاء الله اليشوف يكول عمي احنة ليش باقين اذا كل يوم هلكد عدد يطلع؟؟؟
الله كريم بلكت شي قريب
والوالد كال انو اكو خبر يحركون المعاملات النايمة عليهة بلوكة جمهوري..
احتمال يكون للخير صحة...عسى ولعل
افاتار
-
الف مبروووك والحمد لله على سلامة الوالد وان شاء الله يوم سفرك اخوية
-
الف مبرووك وصول الاهل وان شاء الله تلحكهم باسرع وقت . تقبل مروري اخويه العزيز .
-
الف مبروووووك شايفين كل الخير ويوم الي تلحكهم على السريع وتمنياتي بالموفقيه الك وللعائله الكريمه
تحياتي
-
الله ايفقك و حمد لله على السلامة
-
مبروك والحمد لله على سلام
-
مليوووووووووووووووووووووون مبروووووووووووووووووووووووووووووووك عيني أفتار
يوم إلك و إلنا إن شاااااء الله
و يا رب كل يوم يمر تسمع خبر أحلى عن الأهل كلهم
و الله عجبتني هاي سالفة أنك فرحت بإكتمال التشييك الأمني أكثر من السفر ههههههه
إن شاء الله تطلع أخبار الوالد صحيحة عن تحريك الملفات النائمة
تحياتي
Wingo
-
الف مبروك وصول الوالدوالحمد لله على سلامته وان شاء الله يلتم شملكم في اقرب وقت
-
الف مبروك وان شاءالله تلتقي بيهم قريبا
-
الف مبروك اخي العزيز
-
الف مبرووووووووووووووووووك للأخ العزيز Avatar وللوالد , وماأكول بس الله يساعدك على هل مرمرة
وأسأل الله عز وجل وبحق نبينا نبي الرحمه محمد ( ص ) وأله بيته الطيبين الطاهرين بالسفر القريب لنا جميعاً في الأيام القليلة المقدمة
-
الف مبرووووووووووووووووووك للأخ العزيز Avatar وللوالد , وماأكول بس الله يساعدك على هل مرمرة
وأسأل الله عز وجل وبحق نبينا نبي الرحمه محمد ( ص ) وأله بيته الطيبين الطاهرين بالسفر القريب لنا جميعاً في الأيام القليلة المقدمة
أخوك
THE DREAMER
-
الف مبروك والحمد لله ع السلامه
بس طمني شنو اوضاع ولايه سياتل لان ولايتي ان شاء الله بالمستقبل القريب
-
الحمد لله على سلامة وصول الاهل بسلامة ويوم الك ان شاء الله
-
الف مبروك والحمد لله على سلامة الوالد وان شاء الله يوم سفرك اخوية
تحياتي
-
تسلم اخي افاتار على الموضوع المفرح والحمد لله على وصول الاهل بالسلامه
تحياتي لك وللعائله الكريمه
سيف
-
الف مبروك و انشالله يوم اللك و تمنياتي للوالد بالموفقيه و النجاح و الف حمدلله على السلامه
-
مبروك اخوية والحمدلله على سلامة الوالد ويوم سفرك وانباركلك
-
الف مبروك اخوية يوم سفرك انشاء اللهالف
-
مبروك لعائلتك الكريمة الوصول لارض الوطن سالمين..اذا ممكن تعطينا فكرة عن سياتل من كل النواحي بالنسبة للاجئ
-
الف مبروك والحمدلله على سلامة وصولكم وبالتوفيق
-
شكرا جزيلا للمشاعر الطيبة اخوتي الاعزاء....ان شاء الله السفر القريب للجميع ان شاء الله
والله يكولون الوضع كلش زين .... مشغولين جدا بالايام الاولى بالمعاملات الكثرية...بس النذل الكيس ووركر العراقي داك بيهم مو خوش دكة مثل ما اتوقعت...والحمد لله على وجود اصدقاء لي بالمنطقة اللي الحمل كلة صاير عليهم وما مقصرين ابد بل جميلهم يفقى دين علية طول عمري
بس شكد بعد توصل انو تكون بلد الغلابة والكيس ووركر مالتك عراقي ويطلع نذل ومن احط الناس...طبعا هذا الموضوع اني كنت متوقعة من القصص الهواية اللي سامعهة من تملصهم من عملهم باي طريقة ممكنة...الله ينتقم منهم
الله كريم وان شاء الله محد يحتاج هيجي نماذج متستاهل
-
مليوووووووووووووووووووووون مبروووووووووووووووووووووووووووووووك عيني أفتار
يوم إلك و إلنا إن شاااااء الله
و يا رب كل يوم يمر تسمع خبر أحلى عن الأهل كلهم
و الله عجبتني هاي سالفة أنك فرحت بإكتمال التشييك الأمني أكثر من السفر ههههههه
إن شاء الله تطلع أخبار الوالد صحيحة عن تحريك الملفات النائمة
تحياتي
Wingo
اخوية العزيز Wingo والله شاكلك موضوع التشييك الامني صار حسة خخخخخخ
-
مبروك يارب يوم الالك
بس اني خلصانة امنيتي من شهر السابع اشو ما سفروني جازوني رجعو امنيتي ع الانتظار شغل مخبرط
اللي افتهمتة من مواضيع المنتدى انو ان شاء الله ترجع امنيتك كومبليتد باقرب وقت اخوية
ان شاء الله السفر القريب نفرح بيك اخوية العزيز....والله مال شغل مخربط فهو مخربط بس الاخبار من ذاك الصوب مفرحة بعد ما ادري
نكول ان شاء الله بلكت تفرج عليك وعلينا كلنة امين
افاتار
-
الف مبروك والحمد لله ع السلامه
بس طمني شنو اوضاع ولايه سياتل لان ولايتي ان شاء الله بالمستقبل القريب
حبيبي عبد الله .... اهلي يكولون جو يخبل وجوهة مشابه لجو دهوك واحلة....اذا رايح لدهوك فممكن تتصور الجو....بس يكولون احنة طلعنة لمدة 10 دقائيق نفتر والباقي كلة معاملات...بس حيل الجو والمكان عاجبهم خضار بكل مكان واكو لايك او واحة....
جماعتي هناك صرلهم 2 الى 3 سنوات كلش عاجبتهم ونصحوني هواية بيهة ولهذا حولت عليهة ولا سابقا جانت علساس هيوستن تكساس
بس هية مدينة سياحية يعني الاسعار اغلة من غير مكانات ...والاهم اليجارات من 950 الى 2000 دولار
يعني شوية ويرادلك بنك خخخخخخ
الله كريم ان شاء الله تروحلهة قريبا وانت تسولفنة عنهة
اخوك افاتار
-
الف مبروك والحمد لله ع السلامه
بس طمني شنو اوضاع ولايه سياتل لان ولايتي ان شاء الله بالمستقبل القريب
حبيبي عبد الله .... اهلي يكولون جو يخبل وجوهة مشابه لجو دهوك واحلة....اذا رايح لدهوك فممكن تتصور الجو....بس يكولون احنة طلعنة لمدة 10 دقائيق نفتر والباقي كلة معاملات...بس حيل الجو والمكان عاجبهم خضار بكل مكان واكو لايك او واحة....
جماعتي هناك صرلهم 2 الى 3 سنوات كلش عاجبتهم ونصحوني هواية بيهة ولهذا حولت عليهة ولا سابقا جانت علساس هيوستن تكساس
بس هية مدينة سياحية يعني الاسعار اغلة من غير مكانات ...والاهم اليجارات من 950 الى 2000 دولار
يعني شوية ويرادلك بنك خخخخخخ
الله كريم ان شاء الله تروحلهة قريبا وانت تسولفنة عنهة
اخوك افاتار
شكرا حبي
حروح لسياتل مدينه كينويك
-
الف مبروك للوالد ..... وان شاء الله يوم تبشرنه بسفررررررررررك
تحياتي .... برنسو
-
الف مبروك للوالد ..... وان شاء الله يوم تبشرنه بسفررررررررررك
تحياتي .... برنسو
حبيبي برنسو ...تسلم يوم سفرك وسفر الجميع ان شاء الله
-
ألف مبروك على سفر الاهل وسلامة وصولهم
ويوم سفر كل المنتظرين بأذن الله
وحلوة مال البصمات بالابيض والاسود
-
ألف مبروك على سفر الاهل وسلامة وصولهم
ويوم سفر كل المنتظرين بأذن الله
وحلوة مال البصمات بالابيض والاسود
حبيبي ورد الشام انت الاحلى
وان شاء الله السفر القريب للجميع....تحياتي
Avatar