السلام عليكم
شلونكم اخواني واخواتي
خلي احجيلكم البارحه اصار ويايه
طبعاً البارحه رحت اسوي جواز لبنتي الصغيره لان ماعده جواز
المشكله المدير رتبته رائد ومتهي بس بالتلفونات ويشرب جاي ويسولف ويه المنتسبين وعايف الفايلات
الظابط ابو الجوازات طبعا انسان كولش ميخاف الله ولا عنده ضمه ولا ضمير
كال لازم اتروح اتبدل الجنسيه مالته والجنسيه مالت الطفله ... يابه اني امسويه قبل اسبوع
كال السبب الصوره مواضحه كتله هايه الطفله شوفه كال ميصير
والسبب الثاني كلي انته هم اتروح اتبدل الجنسيه مالتك لان اسم والدك ممبين زين
بله هذا شحجي وياه
والسبب الثالث اتروح اجيب صحة صدور من المركز الشرطه مال منطقتنه
وهسه اني حاير كولش
لان المستمسكات كلها اني مسلمه للمنظمه
برأيكم هايه الشغلات اذا ابدلها راح تتعرقل مسيرة السفر لو لاء
اريد منكم اتساعدوني او اتفيدوني بفد شي
تحياتي الكم
انته اذا مكمل مقابلات معليها شي ودز رسالة للمنظمة هم احسن وكله للضابط انته شريف لو شكلك هيج
اخوية سيناتور الله يسهلك
اي والله حبيبي النعيمي امكمل المقابلات
بس يعني اكول اخاف ايصير تأخير على المعامله ولو لحد الان منتظر الجواب المحلف
الله ايجازي كل واحد ما عندة لا ذمة ولا ضمير
حبايب حاول التروحلهم مرة ثانية بلكي هذا لاادب سز ماموجود
يمعود نفس الطاسه ونفس الحمام البقيه
واحد احقر من الثاني
مشكور اخويه على الرد
السلام عليكم اخي السيناتور اسمع لعد هاي القصه مال صاحبي هوه بعمان طبعا واطفاله ماعدهم جوازات ودز عليهم راحو للجوازات الكرخ طبعا كاللهم الضابط لازم وكاله خاصه من الاب سوالهم وكاله ودزهه راحو على الضابط صاح على الام وكان اسمهه يدل على انها من طائفه معينه بصم الام وبصم البنت الي عمرهه 11 سنه هم كان اسمهه يدل على نفس طائفه الام وراهه الابن والبنت الصغيره وطبعا الابن اسمه عمر وعمره 7 سنوات والبنت اسمهه عائشه وعمرهه 3 سنوات من قراء الاسماء دفع الفايلات للام المسكينه ورجعه اكثر من 8 مرات وطولت روحاتهه للجوازات 25 يوم وهوه يرجع بيهه واخيرا صعدت لمدير الجوازات وكامت تصيح ليش هيج شنو ذنبنه ولمت الناس اباب المدير والمدير حولهه على غير ضابط وهم رجعهه مرتين على اسباب تافهه جدا جدا وبالاخير كالت سوولي اني وبنتي والابن والبنت الصغيره لاتسوولهم وراهه اجه المدير جوه وكال للضابط مشيهه وبهلحر الاطفال شصار بيهم هذا اخي فعل ضباط جوازات الكرخ الله لايوفقهم والله ينتقم منهم شنو ذنب هلاطفال بس اقول لقد اسمعت لو ناديت حيا ولكن لاحياه لمن تنادي
اي والله صح الكلام
الفايل تأخر يم المدير 4 ساعات علمود توقيع
وين صايره بيا دول هيج .. يعني والله ما ادري شحجي