ankawa
منتدى الهجرة واللجوء => الهجرة و واللاجئين => الموضوع حرر بواسطة: sozan911 في 08:03 22/09/2012
-
مرحبا اخواني
موضوعي يخص كل من ينوني يهاجر بالجديد سبتمر 2012 وفوق و طبعا الكل يعرف هسا سوريا واوضاعها والناس كامت تسافر على تركيا والي هيا ارحم من الاردن والغرامات الخيالية , المهم اخواني قبل متسافرون من العراق اتاكدوا من الاتي لان اني مريت بهاي التجربة قبل سنتين وهسا اني بكندا صارلي سنة فنصيحة الكم حتى تمشي اموركم بشكل صح , لان اكثر الناس غلطت غلطة صغيرة وتورطت وانتظرت السفر بالسنوات , يلي خلي نبدي من البداية وانتو بعدك من العراق .
1. اهم المهم هو ان يكون جواز سفرك سليم وجديد ومن النوعين جي او اي . G او A
لاتصير بخيل وتسافر بال اس ويكون الاسم مصحح وتدخل في معامع او تكون زوجتك او اولادك بنفس الجواز , اسمع مني لان كلي الي راح اكتبا صار بيا ودفعت ثمن باهظ لهاي الاخطاء . وان يكون اصدار هذا الجواز في المدينة الي راح تكتب قصتك عنها , وبالتاكيد وضروري تكون بغداد او الموصل او البصرة , دير بالك يكون اصدار جوازك اقليم كوردستان لان العالم كله يعرف بان اقليم كوردستان مكان امين جدا جدا مثل امريكا وحرية الاقليات موجودة وطبعا نشكر الله على وجود اقليم كوردستان الحبيب والله يديم الامان بيه .
2. هويات الاحوال المدنية تكون من الاصدارات الجديدة مال الفسفورة , مو يكول ابوك لاخليني على الطمغة دير بالكم احبابي جددوا هوياتكم اذا ام الطمغة سووها فسفورة .
3. اهم المهمات بعد الجواز عند السفارات والدول المضيفة هو دفتر الخدمة العسكرية , حاولوا اخواني تاخذوه وياكم , هسا مثلا السفارة الكندية لو يوذن الواحد متقبلا الا بدفتر خدمة وميكون مشارك بحرب ولا يكون في صنف مرفوض
4. شهادة الجنسية العراقية راح يسالون عنها بس الاطفال ميلحون عليها اكو تسهيل للاطفال عنها
5. شهادة العماذ لابناء شعبنا المسيحي مهمة جدا وللاطفال ديروا بالكم ان تكون بكردستان , للكبار مو مشكلة
6. بطاقة السكن مهمة اما البطاقة التموينية وسند البيت تفيديكم بتقوية الادلة.
7. اذا امراءة ارملة وعدها اطفال . مهم مهم جدا جدا ان تسوي شهادة وصاية على اطفالها من المحكمة لان يسالون عليها اذا الاطفال اقل من 18 سنة
8. عقد ايجار محل واوراق عمل مع شركات وشهادات تخرج تفيدم بتقوية الادلة .
9.صور او فيديوات توثيقية بخصوص حادث وتنون تطلعون بيه اخذوه وياكم يفيد بتقوية قصتكم
10 . اخواني شي مهم لازم تعرفوه , كذب اكذب شكد متريد بالمقابلات , بس دير بالك من اي وثيقة مزورة لان 99 بالمية يكشفوك بيها وبعدين تنلاص عليك اي شي ولا اوراق مزورة يعرفون بيها وعدهم خبراء بالمستمسكات العراقية
11. نجي من توصلون للبلد المضيف تركيا او الاردن حاولوا تختلطون بابناء الجالية بنفس البلد وبنفس مدينتكم وتسالونهم عن القصص وعن شنو المقبول وشنو المرفوض , لانه جماعة اليو ان مال سوريا يختلفون عن جماعة اليو ان مال تركيا وهكذا , الموضفين محليين بس ياثرون بالموضوع اذا اقتنعوا يرفعون ملفك واذا مقتنع ينرفض ملفك
12. ديروا بالكم ان تغلطوا على الاديان بالمقابلات وتتهم الاديان الاخرى طرا صارت بناس غلطوا بالمقابلات على غير اديان وانرفضوا , جاوب على قدر السوال ودائما جاوب باحترام وحاول تكون مرتاح حتى يقتنع الي ديسمعك في المقابلة .
13. وللاسف انا اقولها . بالقصة مالتك لاتكول الحقيقة وبس ولاتكول مااكدر اكذب , مع كل الاسف , اذا تريد تسافر وتوصل الى مكان لازم تكذب وتكذيب بشكل مقنع بالقصة , لان كثيرين قالوا الحقيقة وانرفضوا رفض كامل وانسد ملفه باليو ان والى الابد . مثل مصار بشابين من منكيش قالوا باننا نهاجر من العراق لاننا نسكن اقليم كوردستان ونسكن قرية منكيش ولايوجد عمل هناك , وذلك في مقابلة مع السفارة الكندية , فقالوا له في المقابلة ارجع الى اقليم كوردستان لانه افضل من كندا وتم رفضه .
وختاما لابد ان تعرفوا بان السفر خظ يانصيب والي يكول غير هذا ميفتهم , مع الاسف الاسماء والتسلسل في السفارات وفي اليو ان كلا حظ يانصيب على الشكل على الاسم مااعرف , المهم اخواني السفر ملف واحتمال تبقى شهور طويلة او بسنوات , لذا حاولوا تقتصدون قدر الامكان وحاوا ان تعملوا في البلد المضيف حتى لو بالخفية . والله يوفق الكل ,
واخيرا انا اومن بان الي يريدا الله يصير , واذا نصيبك ان تسافر راح تسافر وتوصل واذا مو نصيبك لو شتسوي مراح توصل , وصدكوني هسا اني بكندا الي يسمع يكول الله هنيالك , بس الحقيقة هي صدكوني اخواني اكو شغلات بالعراق نحلم حلم بيها بالخارج واولها الاطباء هنا بكندا الاطباء ببلاش منطي فلوس بس الدواء بفلوس , بس المشكلة مو بكيفك تروح على اي طبيب انت تختارا , لازم تروح للعيادة ومن العيادة يحولك لاخصائي واحتمال السرا ايام كثيرة , وبالعيادة انتظار طويل والماساة هنا هيا طب الاسنان , لان قلع سن يكلف 300 دولار وحشوة تكلف 200 الى 300 . المهم اخواني نشتغل ساعات طويلة وناخذ خوش فلوس بس صدكوني كل الي ناخذا نصرفا على الايجار وعلى المعيشة الغالية جدا جدا , بس الشي الي من صدك بيه فرق كبير , هو الاطفال , اطفالك اذا تربوا بالخارج ودرسوا راح يصيرون بالمستقبل توب التوب لان يعرفون لغة ومية عمل وعمل راح يشغلهم , اخواني هنا حرية تخبل محد ميخوف احد ومحد ميعتدي على احد , وراح تنسون اشياء مثل كهرباء ماكو مي ماكو نفط ماكو , هاي راح تنسووها , المهم اذا سالتوني نطلع لو لا راح اكول الكم السفر حظ يانصيب . واتمنى الخير للكل
-
عاشت ايدك موضوع حلو ونصائح احلا اكيد الكثير راح يستفاد منها وراح يدعولك بالخير ياورد
-
بارك الله بك نصائح قمه في الروعه وكل اللي ذكرته اتفق بيه وياك ممنون
-
بارك الله فيك موضوع جدا جميل
-
موضوع مفيد اخوية ونشكرك على هل المجهود عاشت ايدك
-
الف شكر على هذه النصائح الغالية وان شاء الله التوفيق والنجاح
-
بارك الله بيك اخي على هذه المعلومات القيمة ونتمنالك طيب الاقامة في كندا وحياة مفعمة بالسعادة
-
صحيح وبارك الله بيك على كلامك الحلو وهو واقعي بس احنا ماساتنا مو بس النفط والكهرابء والماء بس احنا عدنا مشكلة اكبر انو احنا عايشين في بلد ملوث تعرف قبل شهر او اكثر شوية نظفت فلتر السبلت (طبعا ابو الطن يشتغل على السحب حتى لحد يحسدني ويكول عنده وطنية ) هههههههههه البارحة بلليل اسمع الفان يأن فاكيد اكو انسداد فتحت الفلاتر تصدكني اذا كتلك خليتها على الضوا الضوا مبين ملصوم لصم من التراب هاي شلونك بيها لعد فدوة لعينكم الرئة مالتنا شصاير بيها اطفالنا شديصير بيهم هذا كله ميخالف قبل كم يوم بعت سيارتي حاليا بدون سيارة اي شغلة احتاجه لازم اروح لاقرب سوق يمي الي هوة خمس دقايق عن البيت الشمس الله يا الشمس تجوي انته وتمشي تنجوي فالحمد لله والشكر .......الامان توب والعيشة توب والنظافة توب والخدمات توب والشوارع توب وكلشي توب واني اريد اتوب من هالبلد امين يا ربي
-
الف رحمة تنزل على والديك وعاشت ايديك على هذا الموضوع.
تحياتي
-
عاشت ايدك فعلا موضوع مهم ومفيد جدا ومرتب جدددددا
وبخصوص الكذب اايدك مليار بالمية لان الكذب المصفط خير من الصدك المخربط
اني عن نفسي كعدت حكتها للقصة حياكة حفظتها اني واهلي عن ظهر قلب والحمد لله انقبلنا توطين ودننتظر ولله كريم
-
بارك الله فيك موضوع جدا جميل
-
مشكورة أختي العزيز لتنويرنا بهكذا معلومات قيمة , وبارك الله بيج
أخوج
THE DREAMER
-
اخويه اني الجواز مالتي صادر من كردستان هسه بل جديد شنو اكو مشكله بس هم احنه جنه بغداد و اتههددنه و مكدرنه نبقه اهناك و طلعنه و عفناهه
-
والله يابنائى انى اكول النجاة فى الصدق واحنا محجينا الا الشى الى صار بينا من ضيم وهضم وتهديد والى مر علينا شى لا يطاق وهاى الحقيقة لا كذبنا ولا زيدنا وليش بعد نكذب هوة الى شفنا قليل حتى نكذب ياريت هذا الى شفنا ما مار علينا وجان كاعدين ببيوتنا ومو متغربين ومتبهذلين ليش عساها بحظه وبخته الى سواها بينا وبهذلنا ماكول الا حسبي الله ونعم الوكيل واتقى شر من احسنت اليه وان شالله متفوت عليهم يارب ياريت الى مريت بي حلم واصحى منه وانى هسة ويه عائلتى وبيتى ياريت ياريت
-
مشكور أخوية بس اصور حبل الجذب قصير هذا الي اعرفه رغم أنو ناس جذبت وطلعت وناس صادقة وبعده تنتظر ... هوكل شيء مقدر ومكتوب
على حجايتك الي يريده رب العالمين يصير يصير والي ما يريده يصير ما يصير ... وأحنه تنتظر فرجه ( الم تكن أرض الله واسعة فتسعوا في مناكبها) لأن أرض بلدنا ضاقت علينه .أتمنالك الموفقية
-
يمكن كلامي انفهم خطأ
مو المقصود كذب يعني تألف شي ما موجود اصلا
لكن مو عيب ولا غلط ان تدرس نقاط الضعف والقوة بالقصة
وترتب امورك على هالاساس
وهذي كانت نصائح من اخوة هواية بالموقع
والحمد لله فادتنا كثير
مرة واحد صاحبي كان متهدد وهو صحفي..ذكر قصته بالمقابلة الاولى وبعدها كعدت مرته تتكلم..وكالت ان هددونا بالبيت وضربو طلقات عالبيت
الولد الي كان ديقابلهم حباب وابن اوادم..دز على الرجال كلة ترة اذا اسجل كلام مرتك مثل ماهو تدخل بايراد ومصرف وبعد تحلم ان الامنية تكمل لان رح يطلبون بلاغ مقدم للشرطة ورح يكعدون يطابقون بين كلامك وكلامها ووووو
فهذا كان القصد من اني حكت القصة حياكة..والحمد لله ما عانيت بمقابلة المحلف
-
رحم الله والديج ياورده الورود وربي يوفقج عالمعلومات الطيبه
-
مساء الخير اصدقائي
اليوم صارت حاله ( مع شديد الاسف ) بمطار بغداد الدولي والله مردت قلبي وكلللللللللللللللش انقهرت ..الي صار كلاتي :-
اجتي العائله وجانت عباره عن ( اب + زوجته + 3 من بناته ) وجانت العائلة مسيحية ...وره ما خلصوا كل اجراء التفتيش ( من عباس ابن فرناس ولغاية الكاونتر الخاص بالخطوط الجوية الملكية الاردنيه ) وجانوا اي او ام مقدمين من سنه 2009 وسلموا الجنط واستلموا التذاكر ( طبعا دا اختصر كثيييييييييير من اجراءات التفتيش بكتابتي حتى اختصرلكم الموضوع ) . واتجهوا الى ضابط الجوازات حتى يختمون جوازاتهم ( ختم الاكزت او ختم الخروج ) الضابط كال للاب انته ما تكدر تسافر لان شوووووووووووووووووووووووفوا المصيبة ــــــ جوازك بي اوراق مفقودة ـــــــــــــــــــــــ يعني اكو صفحات من الجواز مفقودة واعتقد جانت 3 صفحات !!!!!!!!!!!!!!!!! .. يعني اكو 3 صفحات من جواز الاب مشيوله وهو نفسه الاب ما يعرف وين وشلون وشوكت انفقدت ,,والمصيبة جوازه هذا مسافر بي من قبل الى سوريا !!!!!!!!!!!!!... وهنا بدت الاقاويل والقال والقلت( وأحنه عمة عيني ما نشتهي نثرد بدم الميت ) ,, هذا الي يكوول هو ( الاب ) شاكهن وشايلهن من الجواز لان بيهن اختام وداخل الى دول وميريد احد يعرف هو مسافر لهااي الدول ,,, والثاني يكول يمكن عدهم زعاطيط بالبيت شاكيهن وخافو الاب يعرف فكامت الزعاطيط وشالت هااي الصفحات المشكوكه حتى الاب ما ينتبه ,,,وثالث يصنف ويكول لالالالالالالالالالالا الاب لف بيهن تتن وساوهن جكاره ...ومن هل الكلام الفارغ !!!!!!!!!!!!! المهم اخوتي ثقوا بالله اباوع على الاب وجها صار اصفر وعرك ومه يعرف شيسوي وشيكول ( وجان كللللللللللللش خايف ) ليذبوا بالسجن ( هاااي فوكاها ) بس للامانه ضابط الجوازات طلع ابن اوادم وكله تروح للشعبة القانونية بمديرية الجوازات في بغداد وهمه هناك راح يدلوك ويفهموك شتسوي ,, يعني رحلة ماجلان راح تبدي للاب ( صاعد نازل بدوائر الدوله العراقية وجيب ليل واخذ عتابة ) بدل رحلته الى امريكا بعد انتظار اكثر 3 سنوات ( يعني وره ما يكمل اجراءات حصوله على جواز جديد غير الي عنده هسه راح تبدي معاناة انتظار جديده للسفر الى أمريكا عن طريق الأي أ, أم ) ,,,, المهم عفت الاب وعائلته وية موظف الاي او ام ومعاهم موظف من الخطوط الجوية الملكية الاردنية ينتظرون جنط الاب ( وجان عددهن 8 ) ينزلوهن من الطياره ,,,( ده تتصورون الحاله اخواااااااااااني ؟؟؟؟؟؟؟؟؟؟؟؟) اخواني واخواتي .. اقسم بالله وبكل المقدسات ماكدرت اباوع على زوجته او على بناته لان جنت متأكد اول ما اشوف وجوهن راح اطك من البجي .. لان بس من خلال تعابير وجه الاب تكدر تقره المعاناة الي جانت ده تعانيها هااي العائلة وشلون جانوا متلهفين وما مصدكين راح يسافرون ( وكتلكم بالبداية هي عائله مسيحيه) ... المهم نصيحتي الى كل من على سفر او من يقراء هذا الموضوع او الى اي زائر لهذا المنتدى الرائع ان يجيك جوازة وان يحفظة بمكان أمين ..ومن يسلم جوازه الى اي شخص خلي يتأكد من يستلم جوازه مره ثانية خلي يتفحص جوازه وعدد صفحاته واختامه ,,,الخ
اخواني واخواتي ,,,, حادثة صارت اليوم امامي ردت انقلها الكم حتى تنتبهون وتنبهون اصدقائكم وناسكم لان الحياة عبر ودروس
والدي ( الله يرحمة ) جان يكول ألي دائما ( ابني ...محد يتعلم ابلاش) .
وبالمناسبة عدد الكيسات اليوم جانت اكثر من 37 كيس متفرقة بين اي أي في وبين أي أو أم
كل الي اترجاه منكم اصدقائي شيء واحد بس .. اندعوا لهااي العائلة ان الرب يسهل امرها وتمشي معاملتهم بيسر وسلاسة حتى يكدرون يسافرون من جديد
تحياتي وتمنياتي الكم بالسفر بدون منغصات او عراقيل .. واسف على الاطاله
-
مساء الخير اصدقائي
اليوم صارت حاله ( مع شديد الاسف ) بمطار بغداد الدولي والله مردت قلبي وكلللللللللللللللش انقهرت ..الي صار كلاتي :-
اجتي العائله وجانت عباره عن ( اب + زوجته + 3 من بناته ) وجانت العائلة مسيحية ...وره ما خلصوا كل اجراء التفتيش ( من عباس ابن فرناس ولغاية الكاونتر الخاص بالخطوط الجوية الملكية الاردنيه ) وجانوا اي او ام مقدمين من سنه 2009 وسلموا الجنط واستلموا التذاكر ( طبعا دا اختصر كثيييييييييير من اجراءات التفتيش بكتابتي حتى اختصرلكم الموضوع ) . واتجهوا الى ضابط الجوازات حتى يختمون جوازاتهم ( ختم الاكزت او ختم الخروج ) الضابط كال للاب انته ما تكدر تسافر لان شوووووووووووووووووووووووفوا المصيبة ــــــ جوازك بي اوراق مفقودة ـــــــــــــــــــــــ يعني اكو صفحات من الجواز مفقودة واعتقد جانت 3 صفحات !!!!!!!!!!!!!!!!! .. يعني اكو 3 صفحات من جواز الاب مشيوله وهو نفسه الاب ما يعرف وين وشلون وشوكت انفقدت ,,والمصيبة جوازه هذا مسافر بي من قبل الى سوريا !!!!!!!!!!!!!... وهنا بدت الاقاويل والقال والقلت( وأحنه عمة عيني ما نشتهي نثرد بدم الميت ) ,, هذا الي يكوول هو ( الاب ) شاكهن وشايلهن من الجواز لان بيهن اختام وداخل الى دول وميريد احد يعرف هو مسافر لهااي الدول ,,, والثاني يكول يمكن عدهم زعاطيط بالبيت شاكيهن وخافو الاب يعرف فكامت الزعاطيط وشالت هااي الصفحات المشكوكه حتى الاب ما ينتبه ,,,وثالث يصنف ويكول لالالالالالالالالالالا الاب لف بيهن تتن وساوهن جكاره ...ومن هل الكلام الفارغ !!!!!!!!!!!!! المهم اخوتي ثقوا بالله اباوع على الاب وجها صار اصفر وعرك ومه يعرف شيسوي وشيكول ( وجان كللللللللللللش خايف ) ليذبوا بالسجن ( هاااي فوكاها ) بس للامانه ضابط الجوازات طلع ابن اوادم وكله تروح للشعبة القانونية بمديرية الجوازات في بغداد وهمه هناك راح يدلوك ويفهموك شتسوي ,, يعني رحلة ماجلان راح تبدي للاب ( صاعد نازل بدوائر الدوله العراقية وجيب ليل واخذ عتابة ) بدل رحلته الى امريكا بعد انتظار اكثر 3 سنوات ( يعني وره ما يكمل اجراءات حصوله على جواز جديد غير الي عنده هسه راح تبدي معاناة انتظار جديده للسفر الى أمريكا عن طريق الأي أ, أم ) ,,,, المهم عفت الاب وعائلته وية موظف الاي او ام ومعاهم موظف من الخطوط الجوية الملكية الاردنية ينتظرون جنط الاب ( وجان عددهن 8 ) ينزلوهن من الطياره ,,,( ده تتصورون الحاله اخواااااااااااني ؟؟؟؟؟؟؟؟؟؟؟؟) اخواني واخواتي .. اقسم بالله وبكل المقدسات ماكدرت اباوع على زوجته او على بناته لان جنت متأكد اول ما اشوف وجوهن راح اطك من البجي .. لان بس من خلال تعابير وجه الاب تكدر تقره المعاناة الي جانت ده تعانيها هااي العائلة وشلون جانوا متلهفين وما مصدكين راح يسافرون ( وكتلكم بالبداية هي عائله مسيحيه) ... المهم نصيحتي الى كل من على سفر او من يقراء هذا الموضوع او الى اي زائر لهذا المنتدى الرائع ان يجيك جوازة وان يحفظة بمكان أمين ..ومن يسلم جوازه الى اي شخص خلي يتأكد من يستلم جوازه مره ثانية خلي يتفحص جوازه وعدد صفحاته واختامه ,,,الخ
اخواني واخواتي ,,,, حادثة صارت اليوم امامي ردت انقلها الكم حتى تنتبهون وتنبهون اصدقائكم وناسكم لان الحياة عبر ودروس
والدي ( الله يرحمة ) جان يكول ألي دائما ( ابني ...محد يتعلم ابلاش) .
وبالمناسبة عدد الكيسات اليوم جانت اكثر من 37 كيس متفرقة بين اي أي في وبين أي أو أم
كل الي اترجاه منكم اصدقائي شيء واحد بس .. اندعوا لهااي العائلة ان الرب يسهل امرها وتمشي معاملتهم بيسر وسلاسة حتى يكدرون يسافرون من جديد
تحياتي وتمنياتي الكم بالسفر بدون منغصات او عراقيل .. واسف على الاطاله
الله يبارك بيك اخي على نقل القصه بصراحه قصه ازيد من مؤلمه واشكرك على التنبيه لاخوانا وصراحه موقف كلش صعب صعب لابعد الحدود
-
عاشت ايدج اختنا العزيزة على الموضوع والنصائح المفيدة