ankawa
منتدى الهجرة واللجوء => الهجرة و واللاجئين => الموضوع حرر بواسطة: IsamZM1 في 13:04 24/09/2012
-
رسالتي الى السفارة الامريكية في بغداد تتضمن لماذا هذه المعاملة السخيفة التي تعاملون بها من عمل مع القوات الامريكية كمترجم فانكم لاتكنون لاي مترجم اي نوع من الاحترام فعندما كان يخدم مع الجيش الامريكي كمترجم لاتوجد اي مؤشرات سلبية عليه وعندما يتقدم الى السفر بمعاملة هجرة او لجؤ تخذلونه باساليب غير اخلاقية تنسبونها الى الاجراءات الامنية .اي نوع من الاجراءات الامنية تتطلب الانتظار اكثر من سنتين؟؟؟ ..هل انتم مجانين.؟؟. نحن نعرفكم جيدا اذا كان مؤشر امني سلبي على اي شخص كان تستطيعون جلب معلومات والتحقق منه ان كان يشكل خطر او لا بغضون اسبوعين على الاكثر فان كل المراسلات والتشييك الامني سيتم عن طريق الانترنت... انتم الان اثبتم حقدكم وكرهكم للشعب العراقي الذي تعاون معكم.. فانا اقرب مثل كانت مقابلتي شهر 10 سنة 2010 والى الان لم تردني منكم اي رسالة ايجابية كانت ام سلبية .. وانا اعتبرها عقوبة لكوني عملت مع قوات امريكية تتسم بالسذاجة واللا اخلاق... فننظر الى القوات البريطانية والقوات الاخرى كل تلك القوات اعتنوا بمترجميهم واخرجوهم خارج العراق بدون اي اجراءات احترازية او امنية والمترجم الذي لم يكن راغب بالسفر اعطوه تعويض مادي وعلما المترجم كان مخيرا بان ياخذ تعويض او يختار السفر.. فاين انتم من هذا... عند مقابلتي اخبرني المحلف بان علي الذهاب الى البيت وانتظار كم اسبوع لأحصل على تاشيرة السفر ومنذ ذلك الوقت الى الان لم تصلني اي رسالة من السفارة الامريكية .. لماذا هذا الاهمال .. كنا نعتقد بانكم دولة اقيمت على اسس ديموقراطية وحرية ولكن العنصرية موجودة في انفسكم وكل مانشاهده في التلفاز وما تصرح به هيلاري كلنتون هو اكاذيب لانه لحد الان لم يعترفوا بفضل المترجمين العراقيين على القوات الامريكية والمساهمة باحقاق السلام بالعراق وبناء الدولة العراقية.. تركتونا نواجه مصيرنا المجهول وحطمتوا مستقبلنا بقوانين الانتظار والتشييك الامني .. ارجو من الاخوة الذين طالت مدة انتظارهم المساهمة بشرح ما يعانون من الاوضاع التي تواجههم بفترة الانتظار الطويلة التي فرضتها علينا ادارة السفارة الامريكية في بغداد والتي اعتبرها سياسة الضحك على الذقون او الاستهزاء بمصير المترجم العراقي ... فكلنا نعرف ان الكثير من عمال الحمامات وعمال انظافة والخدمة في المعسكرات قد وصلوا الى امريكا ونحن الذين عملنا كمترجمين في وقت لانحسد عليه كنا مطاردين من قبل المليشيات ومازلنا كذلك وقعنا بمصيدة الانتظار والتشييك الامني ... انظروا الى سخافة الموقف الذي وضعتنا به امريكا وسياسة سفارتها في بغداد... اترك لكم التعليق اخوتي وارجوا باني لم اكن قد اخفقت بوصف الحلة التي نمر بها وما نعانيه في العراق من عدم استقرار وعدم وجود فرص للعمل لنا خاصة وما ضيعناه من مستقبل لنا ولعوائلنا واصبحنا مطاردين من قبل قوى الظلام التي تعمل بالخفية.
-
و الله اني مو مترجم لكن حقيقة لمست كم عانا المترجم في عمله لذلك اجد من اللائق ان يتم معاملته بصورة تعيد له تقديره بعد ان قدم تضحيات كما فعلت القوات البريطانية مثلا ... موضوع حيوي و عاشت ايدك لان خاطبتهم بمايجري من سو معاملة لكم اخي
-
شكرا لك اخي على هذا الموضوع
هذا واقع الحال الي جاي انعيشة ومو مثل باقي القوات الي اقصدها البريطانية والدنماركية وكلكم اتعرفون انوا القوات الدنماركية من انسحبت من العراق بيوم وليلة على كل واحد جان عندة عقد وية القوات الدنماركية يحضر روحة هو وعائلته للسفر وسافر بمدة لا تتجاوز 3 ايام وبالنسبة الى البريطانين انطت تعويض مالي او سفر وهم بدون تجيك امني لان معتمدة التجيك الامني الي اخذتة من سوتلهم باجات
انا الي اريد اعرفة من جنة انسوي سكريننك ومن الباج يخلص ونسوي مقابلة الباج اشو الاسئلة الي يسوها النة اطكع من مقابلة المحلفين لعد هاي التجيكات وين راحت وهذا السستم الامني وين صفة بي الدهر معقولة يعني انو القاعدة من تسلم للعراقيين وينسحب الجيش الامريكي هاي الملفات تنلغي لو تنشمر بالزبل
وشنو الهدف من التجيك الامني لشخص من 2003 يشتغل وياكم الى 2012 وهو ما مسافر شنو جنتوا اتجيكون على جيراني وانا ما دري غلطانين بالعنوان
بس شنكول الله كريم احنة مو ضد الاخوة الي طلعت الى امريكا يعني الي مو مترجمين همه وعوائلهم بس انتم شتكولون مو الاولية الى المترجمين والمترجمين ضحوا وضحوا واصبحوا عملاء بنظر اخوانهم تاليها هيج يتعاملون وياهم يعني الي جان ايبيع اقراص و فلافل مستقر والله ساتر عليه والي بطنة متروسة طلق و شظايا عبوات ما يسفروا ادري ليش ياسفارة ليش هيجي بس هوه العراقي حظة وين كاعد حتى هسه يكعد ما نكول بس الله الساتر
وشكرا الك اخوية على هذا الموضوع الي والله من قريتة حسيت انوا انا بي وعايش بي الى الان لان انت وصفت معاناة المترجم وشنو جان يدور حولة ومحد يدري
اخوية انت من دزيت الرسالة شنو جان الرد مالتهم الك او بعد الرد ما واصل اتمنى منك اذا وصلك الرد منهم ان تنزلة بنفس الموضوع حتى انشوف السفارة العزيزة اشلون اتعاملنة
تقبل مروري
اخوك علي ليو
-
حياك الله موضوعك حلو
اخوية المسالة وما بيهاا واللي شفته من خلال اصدقائي انو كلنة المشتغلين بأماكن حساسة التجييك الامني مالتناا هوواية اكثر من اللي يشتغلون منظفين وهيج شي
يعني اني اصدقائي المشتغلين مكانات حساسه كلهم على حطة ايدك كاعدين وساكتين ..
-
عشت يابطل
-
والله لعبو بينه طوبه ومدرونه الله لا ينطيهم
-
اووووووووووووووووف اووووووووووووووووف خليني ساكت قلبي مورم
-
هو السفر تحصيل حاصل محد مجبرنة على الشغل وياهم ومضربو احد على ايدة انه لازم يشتغل اصلاً احنة اشتغلنا علمود الراتب المجزي والي خلانة نستمر بالعمل وياهم سنين رغم الخطورة هو احترامهم ومعاملتهم الراقية للمترجم ويخلوك تشعر انك ابغير بلد والا احنا نكد انبطل اباي وكت اخوان لحد ينكر الزاد والملح ويكول الامريكان مو خوش اوادم >:(
-
يابه محد كال مو خوش اوادم بس الناس هم حقه والا بربك اللي مشتغل 7 او 6 او 5 سنوات على اقل تقدير وعايش يومه وليله وياهم وحتى بكرافانات وحده نبات وونام وتاليه تجيك امني لو رفض مثلي ومثل بعض الاخوان يعني باعتقادي ابد مو منطقي اللي ديصير بينه .
-
اخي عصام الف رحمة على والديك على هالكلام وشرح المعاناة الي دنمر بيهة كل يوم وكل ساعة وكل دقيقة حقيقة رسالة تتكلم عن كل الي عانو وما زالو يعانون من العمل ويا الأمريكان ...يعني احنة بذاك الوكت من نشتغل وياهم نصير خونة بنظر الناس والمقاول الي يلغف منهم يكون انسان على باب الله وهسة احنة حى منهم محصلنة شي لا السفر الموعود ولا فد شي نكدر نطلع بي لغير امريكا اونفتح فد مشروع...شتحجي وشتحجي والله معاناة وتعب وهم وقهر ....بس نكول الله كريم....ويا اخوية عصام انتة مثل ميكول المثل دست على الوتر الحساس بهاي الرسالة ...يعني انتة صدك دازهة للسفارة ...تحياتي لكل المنتظرين رحمة الله والسفر ويارب يسهل امرنا اجمعين
-
الامريكان ابوهم ميعرفوه و عندهم استعداد يتنازلون عن نص مواطنيهم اذا كان هذا الشي بصالحهم
-
والله صحيح يا ألن في بلاد العجائب هذا الكلام 100% صحيح
-
الله يفرجه على الجميع قريباً ان شاء الله.
-
الله يفرجه على الجميع قريباً ان شاء اللــــــــــــــــــــــــــــــــــــــــــــــه
-
شفيد الحجي.
الفاس وكع بالراس.
وهذا الكلام الي مينفهه.
-
الامريكان ابوهم ميعرفوه و عندهم استعداد يتنازلون عن نص مواطنيهم اذا كان هذا الشي بصالحهم
إذا كان هذا الشي يخص الأمن القومي الوطني.
-
اخي لتزعل مني أذا أناقشك أو أكلك من جنت أنته تشتغل وياهم أحد ضربك على أيدك من جنت تآخذ قلوس مقابل خدماتك سواء كانت سنة أو أكثر هل كانت بلاااااااااااش ؟ وهل من أشتغلت أنته وياهم نطوك ظمان بأنه يآخذوك وياهم ؟ وهل تقارن أمريكا باقي الدول مثل برطانيا أو اليابان أو الدنمارك تعتقد هذا عادل ومنصف أنته كلش غلطان أخي كل دولة والها سياسه واضحه وبأي شي . وبالنسبة للسفر ليش متأخر عليك لأن أنته تشتغل وياهم والبقية السافرو جانو منظفين أو ايشي مثل متفضلت يشتغلون ويه الأمريكان بعمل خدمات أحب أكلك تره الهاون أو القذيفة من تنزل على المعسكرات جانت متعرف منو راح يموت مترجم لو أمريكي لو منظفين لو أيشي يعني هذولة هم أخوتك وعراقيين وبالعافية عليهم والله يوفقهم وأنته هم الله يوفقك من توصل .. عمي كول ياالله على الأقل أنته عندك أمل تسافر حتى لو صارلك مقدم منذ 5 سنوات ثق وأعتقد تطلع بالأخير وتسافر . لعد الماعنده أمل والممشمول بايشي وباقي بالعراق تتوقع هذا شنو رأيه .. بالعكس اعتقد الأمريكان كلش أوفياء بأنهم خصصو هذا البرنامج علمودكم وعلمود عوائلكم بس هي المسألة ميزانية مال منظمة وتقديم الناس عليها كلش هوايه .. أصبر وأنتظر ولتستعجل كلشي يجي بيومه وقسمه ونصيب .
وأكرر كلامي بالبداية لتزعل مني تره داحجي وياك شايف أشكال وأرناك من المواقف الخطرة قبل ماحضرتك تصير مترجم ويه الأمريكان ومن زمان من أيام النظام البائد والحروب القديمة شنو لازم أحنا هم نكول ليش تركونه وليش عافونه ههههههههههههه يمعود دعوفها لهاي السالفه وأنتظر نصيبك .. تحياتي
-
اخي لتزعل مني أذا أناقشك أو أكلك من جنت أنته تشتغل وياهم أحد ضربك على أيدك من جنت تآخذ قلوس مقابل خدماتك سواء كانت سنة أو أكثر هل كانت بلاااااااااااش ؟ وهل من أشتغلت أنته وياهم نطوك ظمان بأنه يآخذوك وياهم ؟ وهل تقارن أمريكا باقي الدول مثل برطانيا أو اليابان أو الدنمارك تعتقد هذا عادل ومنصف أنته كلش غلطان أخي كل دولة والها سياسه واضحه وبأي شي . وبالنسبة للسفر ليش متأخر عليك لأن أنته تشتغل وياهم والبقية السافرو جانو منظفين أو ايشي مثل متفضلت يشتغلون ويه الأمريكان بعمل خدمات أحب أكلك تره الهاون أو القذيفة من تنزل على المعسكرات جانت متعرف منو راح يموت مترجم لو أمريكي لو منظفين لو أيشي يعني هذولة هم أخوتك وعراقيين وبالعافية عليهم والله يوفقهم وأنته هم الله يوفقك من توصل .. عمي كول ياالله على الأقل أنته عندك أمل تسافر حتى لو صارلك مقدم منذ 5 سنوات ثق وأعتقد تطلع بالأخير وتسافر . لعد الماعنده أمل والممشمول بايشي وباقي بالعراق تتوقع هذا شنو رأيه .. بالعكس اعتقد الأمريكان كلش أوفياء بأنهم خصصو هذا البرنامج علمودكم وعلمود عوائلكم بس هي المسألة ميزانية مال منظمة وتقديم الناس عليها كلش هوايه .. أصبر وأنتظر ولتستعجل كلشي يجي بيومه وقسمه ونصيب .
وأكرر كلامي بالبداية لتزعل مني تره داحجي وياك شايف أشكال وأرناك من المواقف الخطرة قبل ماحضرتك تصير مترجم ويه الأمريكان ومن زمان من أيام النظام البائد والحروب القديمة شنو لازم أحنا هم نكول ليش تركونه وليش عافونه ههههههههههههه يمعود دعوفها لهاي السالفه وأنتظر نصيبك .. تحياتي
حبيبي العراقي بالنسبة لي انا اكول مو هيه ما عدها سياسة واحنة نحسد اخوانا الي طلعوا لا والله بالعكس ترة هيه السفارة نعم الله عليها مخلتة محصور بس بالمترجمين او العمال لا جان انا قصدي وقصدنة انو على التجيك الامني الي جنة انسوي احنة وين راح وين صار بي الوكت اشو جنة انقابل ورة يومين نستلم الباج
انت ما سالت بذاك الوكت منو الاكثر يخوف
العراقي الي يشتغل وية الامريكان بقاعدة
لو عراقي ايسافر الى امريكا
انا اكلك انو العراقي الي يشتغل بقاعدة هوه الي يخوف اكثر ولازم ايصير وياه التجيك الامني اكثر لان هاي اسرار قاعدة ووحياة مواطنيني امريكان اما بالنسبة الى العراقي الي يسافر ويريد ايسوي مشاكل بامريكا ترة نسبتهم قليلة ماتجاوز ال2%
الي احجي علية واكولة انوا ليش التجيك الامني ايطول فترة بيالنسبة للي عندهم سستم كامل مال تجيك امني سابقا وين راح هذا التجييك مو هوه هذا الحجي لو انا غلطان
تقبل مشاركتي
-
اني راي من راي صاحب الموضوع على مود شغلة بسيطة رفضوني ونسوا خدمتي لمدة 4 سنوات ونصف اصدقائي ماتو كدام عيني بعبوات وقناصين وعلاسسة وصاير هسة نصف انسان وحالتي النفسية متبشر ابخير صدك لمست العنصرية وكل احتراماتهم كانت سياسة يتعاملون بيهه ويانة لان مصلحتهم يمنة ومن خلصوا كالولونة الله وياك عبوسي لحد ايكول خوش اوادم سياية ابسياسة
-
هو السفر تحصيل حاصل محد مجبرنة على الشغل وياهم ومضربو احد على ايدة انه لازم يشتغل اصلاً احنة اشتغلنا علمود الراتب المجزي والي خلانة نستمر بالعمل وياهم سنين رغم الخطورة هو احترامهم ومعاملتهم الراقية للمترجم ويخلوك تشعر انك ابغير بلد والا احنا نكد انبطل اباي وكت اخوان لحد ينكر الزاد والملح ويكول الامريكان مو خوش اوادم >:(
و هو منو كال مو خوش اوادم يعني برايك الزبال و ابو المطعم و منظف الحمامات و جماعه un هم الهم الاوليه مو ؟؟؟؟
و الي بحلك المدفع و الي يطلع دوريات و بنص النار هذا ينلبس ؟؟؟
من كبر لف هيج عداله هاي اذا اكو عداله عدهم