ankawa
منتدى الهجرة واللجوء => الهجرة و واللاجئين => الموضوع حرر بواسطة: كالوني البصرة في 18:06 25/09/2012
-
السلام عليكم اخواني واخواتي
اريد نصيحتكم ورأيكم بنفس الوقت بالنسبة للموظف وللي عنده وظيفه زينه من يسافر اكو قرار غير الاستقالة؟ واذا فقط الاستقالة يمكن الرجوع للوظيفه بعد عدة سنين لان تدرون احنه نفكر بأسوء الاحتمالات يعني يجوز العيشة ما رهمت للعائلة وقرروا الرجوع ....فيا اخواني واخواتي اريد منكم النصيحة وتخلون نفسكم بمكاني واني جدا ممنون منكم وادري بيكم ما تقصرون وسلامي لكل فرد بهذا المنتدى العريق.
اخوكم ...
-
أخي الكريم مثل متعرف ان الرجوع بعد الاستقالة ممكن في حال مكان عملك كان محتاجك و موجودة الدرجة الوظيفية المخصصة والتي تتناسب ودرجتك الوظيفية لحظة تركك للعمل. ولكن الامر ليس باليسير لان حصرتك تعرف ان التوظيف اصبح مشكلة تواجه العراقيين و الخريجين بسبب قلة الدرجات الوظيفية و التي اصبحت حصة الاسد للوزارات الامنية و الشرطة. مع تمنياتي لك و للعائلة بالموفقية في بلد التوطين وعدم الحاجة للرجوع الى العراق.
-
اي صحيح حجي الاخوة سوي اجازه بدون راتب كلشي يصير هاي دنيه
-
أخي الكريم مثل متعرف ان الرجوع بعد الاستقالة ممكن في حال مكان عملك كان محتاجك و موجودة الدرجة الوظيفية المخصصة والتي تتناسب ودرجتك الوظيفية لحظة تركك للعمل. ولكن الامر ليس باليسير لان حصرتك تعرف ان التوظيف اصبح مشكلة تواجه العراقيين و الخريجين بسبب قلة الدرجات الوظيفية و التي اصبحت حصة الاسد للوزارات الامنية و الشرطة. مع تمنياتي لك و للعائلة بالموفقية في بلد التوطين وعدم الحاجة للرجوع الى العراق.
شكرا اخي على الرد مالتك بس يصير الواحد يكتب بالاستقالة انه حياته بخطر وبعد فتره اذا راد يرجع يوضح سبب ازالة الخطر واثبات انه خارج العراق واصلا من طلع من العراق طلع عن طريق انساني؟
-
أخويه ... ;D ;D
أني همين مثلك أخي أفكر ويه نفسي وما أريد أخسر وظيفتي لأن الواحد ميعرف الدنيا شتظمله فأحسن حل لأصحاب الوظائف هو يأخذون إجازه بدون راتب وأقل شي سنتين وأعرف 2 من أصدقائي سافرو هناك وهمه موظفين وأخذولهم إجازه بدون راتب لمدة سنتين وهسه همه بأمريكا يعني بين قوسين خليلك خط رجعه وكلشي توقع طبعاً التوفيق من الله بس إحتمال هناك متتوفق وترجع وإحتمال الله يفتحه بوجهك وتنجح ولو يكولولك تعال صير رئيس وزراء بالعراق مترجع فيا أخي نصيحتي لحضرتك " إجازه بدون راتب " لحد ما تشوف الوضع هناك ... ومعليك بأحد أهم شي إنت وقناعتك وإلي تشوفه صحيح لنفسك ولعائلتك ولمستقبلك يعني مو يجي واحد يسويلك إياه جنه واللاخ يسويه جهنم وبعدين تتورط ترا بعدين إنت تتحمل المسؤولية ومحد يسويلك شي وأعتقد إفتهمت قصدي هنا ... تحياتي
أخوك
شكرا جزيلا اخويه بس يصير الواحد يأخذ اجازه سنتين بدون واسطه ؟
المهندس روان
-
اي صحيح حجي الاخوة سوي اجازه بدون راتب كلشي يصير هاي دنيه
مشكورة اختي بس ياريت ما يظلموهه عليه والله كريم
-
السلام عليكم
مع فائق احترامي لجميع الاعضاء والزوار واداريين عنكاوا ... اذا انتو عتكم وظائف وعايشين بكردستان والامان هناك متوفر شعدكم رايحين لمريكا وهناك وتكولون امريكا موزينه واحنه راح نرجع ... بس تاخذون سره العوائل الي ماكو اي واحد بيهم متعين وحالتهم صعبه ومتهددين ويميه ابكان والله حرام عليكم
-
اختي نور الحق يحق لكل موظف عراقي يقدم اول شي اجازة اربعة شهور براتب اذا كان رصيد اجازاتك يسمح وبعدين من تخلص الاربعة شهور يحقلج تقدمين سنتين بدون راتب والله كريم وبالامكان انه بعد السنتين تباشرين يومين اوثلاثة وهم يحقلج تقدمين بدون راتب والله يسهل عليج
-
بالنسبة لحكومة بغداد يحق للموظف الحصول على سنتين اجازة بدون راتب بعد اكمال سنة من الخدمة. في بعض الوزارات لا يمكن ان تأخذ السنتين بصورة متتالية.
-
أخي الكريم مثل متعرف ان الرجوع بعد الاستقالة ممكن في حال مكان عملك كان محتاجك و موجودة الدرجة الوظيفية المخصصة والتي تتناسب ودرجتك الوظيفية لحظة تركك للعمل. ولكن الامر ليس باليسير لان حصرتك تعرف ان التوظيف اصبح مشكلة تواجه العراقيين و الخريجين بسبب قلة الدرجات الوظيفية و التي اصبحت حصة الاسد للوزارات الامنية و الشرطة. مع تمنياتي لك و للعائلة بالموفقية في بلد التوطين وعدم الحاجة للرجوع الى العراق.
شكرا اخي على الرد مالتك بس يصير الواحد يكتب بالاستقالة انه حياته بخطر وبعد فتره اذا راد يرجع يوضح سبب ازالة الخطر واثبات انه خارج العراق واصلا من طلع من العراق طلع عن طريق انساني؟
اخي نو ر الحق الله ينور عليك وعلينا يا الله....اذا كنت ناوي على تقديم الاستقالة فتكدر من تقدمهة تذكر بها لعدم شعورك بالامان وخوفا على حياتك...واحتفظ بالادلة والاثباتات مال التهديد حتى اذا كانت لديك رغبة بالعودة الى وضيفتك بعد شهر العسل مال اميركا (لان صاير موديل شهر ويرجعون)تكدر تكلهم انو زال الخطر وانا كنت مجبر على ترك الوظيفة وتبقى حسب علاقتك بابو الدائرة(الراس الجبير)وانتمائاتك الحز!!!!!!! وعلاقاتك ومن يا عمام ;D
-
خوش موضوع عاشت ايدك
حسب معلومات الموظفين وزارة التربية يمكن اخر موعد بداية شهر10 (عاشر)
وزارة داخلية ماينطي والاستقالة ما مقبول الا في حالات نادرة جدا والا يحولونة محكمة عسكرية
تحياتي
-
اخواني الاكارم الاجازة اعتقد تعتمد على الوزارة اعرف وزارات تسمح باجارة لاتزيد عن السنة (4 شهور براتب و 8 شهور بدون راتب) وهذا ما حصل معي ولما ردت اجدد الاجازة مسمحولي وكان القرار انه ارجع اباشر وبعد ذلك بفترة ممكن اقدم على الاجازة. هذا ما حصل معي واضطريت ابقى في عمان والتضحية بوظيفتي اللي طالما حلمت بيهة بس اكول الحمد لله وربنا يعوضنة بالسفر خير يارب.
-
السلام عليكم
مع فائق احترامي لجميع الاعضاء والزوار واداريين عنكاوا ... اذا انتو عتكم وظائف وعايشين بكردستان والامان هناك متوفر شعدكم رايحين لمريكا وهناك وتكولون امريكا موزينه واحنه راح نرجع ... بس تاخذون سره العوائل الي ماكو اي واحد بيهم متعين وحالتهم صعبه ومتهددين ويميه ابكان والله حرام عليكم
وبالنسبه مال " والله حرام عليكم " ترا حضرتك مو مفتي تحلل وتحرم بكيفك ترا أني إلي شفته بحياتي إبغداد أكثر وأرعب من ما شفته حضرتك وإنت جاي تكول حرام عليكم والله ؟؟؟
والله صح تحجي اخويه راوان عبالهم احنه عايشين ملوك اهنا هم احنه مهددينه ابغداد و عايفين بيوتنه وجاين اهنا و اخوان و انتو متعرفون من اجينه اقليم كردستان بل بدايه شصار بينه اتبهدلنه اهنا (مانه درستا كاكا راوان)
-
اخي تكدر تقدم اجازة لمدة سنه بدون راتب
-
السلام عليكم
مع فائق احترامي لجميع الاعضاء والزوار واداريين عنكاوا ... اذا انتو عتكم وظائف وعايشين بكردستان والامان هناك متوفر شعدكم رايحين لمريكا وهناك وتكولون امريكا موزينه واحنه راح نرجع ... بس تاخذون سره العوائل الي ماكو اي واحد بيهم متعين وحالتهم صعبه ومتهددين ويميه ابكان والله حرام عليكم
اخوية العزيز الوظيفة الى حصلنا عليها باقليم كردستان مجتي بلسهل شلون متتوقع حضرتك والناس تفكر تسافر امريكا لغرض الاستقرار يعني مثلا انى موظفة وساكنه بكردستان واهلي بامريكا وباقيه اني واخوية وقلب اهلي مثل النار علينا لان بعيدين عنهم وهما شافو امريكا اكثر استقرار الهم شلون بوضعي هذا ابقى بوظيفتي يعني ؟؟؟؟
حضرتك مجنت حاضر قبل سنه بزاخو ودهوك من صارت اعمال شغب وحرق النوادي ومراكز تجميل تشوف الناس متعرف بيش فكرت كل واحد ويريد يرسى على بر وبدت الناس تخاف مع العلم وجود الامان فامريكا مو ملك لاي واحد من عدنا الى يريد يشوف حياته والى يريد يستقر مخلي بأمله يوصل للمكان الى يريده وصدكني كل انسان يريد يوصل للى يريده يوصل بمثابرته وجهده وصبره واتمنا لجميع الاخوة والخوات ان يتحقق حلمهم ويوصلون للى يردوه
-
شكو اليوم شو ياكوضوع ادخله بيه عركه ومشاحنات سالمين عمي ؟؟؟
-
السلام عليكم
مع فائق احترامي لجميع الاعضاء والزوار واداريين عنكاوا ... اذا انتو عتكم وظائف وعايشين بكردستان والامان هناك متوفر شعدكم رايحين لمريكا وهناك وتكولون امريكا موزينه واحنه راح نرجع ... بس تاخذون سره العوائل الي ماكو اي واحد بيهم متعين وحالتهم صعبه ومتهددين ويميه ابكان والله حرام عليكم
اي اختي الاحداث الي صارت بزاخو بدهوك هاذا عباله اهنا ماكو شي و محد ميعرف شراح ايصير بعت اهنا ليش حته نبقه بمكان مراح نعرف شيصير بي باي لحضه يخرب
اخوية العزيز الوظيفة الى حصلنا عليها باقليم كردستان مجتي بلسهل شلون متتوقع حضرتك والناس تفكر تسافر امريكا لغرض الاستقرار يعني مثلا انى موظفة وساكنه بكردستان واهلي بامريكا وباقيه اني واخوية وقلب اهلي مثل النار علينا لان بعيدين عنهم وهما شافو امريكا اكثر استقرار الهم شلون بوضعي هذا ابقى بوظيفتي يعني ؟؟؟؟
حضرتك مجنت حاضر قبل سنه بزاخو ودهوك من صارت اعمال شغب وحرق النوادي ومراكز تجميل تشوف الناس متعرف بيش فكرت كل واحد ويريد يرسى على بر وبدت الناس تخاف مع العلم وجود الامان فامريكا مو ملك لاي واحد من عدنا الى يريد يشوف حياته والى يريد يستقر مخلي بأمله يوصل للمكان الى يريده وصدكني كل انسان يريد يوصل للى يريده يوصل بمثابرته وجهده وصبره واتمنا لجميع الاخوة والخوات ان يتحقق حلمهم ويوصلون للى يردوه
-
مثل ماكالو الاخوه اخذ اجازه لمدة سنه بدون راتب والله كريم
-
مشكورين اخواني على ردودكم الطيبه والمفيده .... اما بالنسبة للاخ العزيز ابو فهد بصراحة حبيت اوضح فكرة للفائده العامه لان كل واحد مسؤول عن عائلة والقرار راح يكون فردي فقط لرب العائلة والعائلة مثل ما تعرفون بيها مجموعة من الفراد وبأعمار مختلفة ومن كلا الجنسين وكل واحد منه من فتح عينه وهو بالعراق وتخرج وتزوج وتوضف والله سبحانه رزقه بأطفال واخيرا تهدد وهو بالعراق ...وهذه حقيقة اذا كنت بالعراق او خارجه ما يغير شي من مسؤليتي تجاه عائلتي بس يغير اشياء كثيرة اذا كان عندك مصدر رزق سواء بالعراق او خارجه ومثل ما تعرف اخي انه الوظيفه مو شي سهل حاليا بالعراق (للشريف وانشاء الله انتم منهم) فبالمنطق الواحد لازم يفكر لان هوه مو اعزب وحتى الاعزب عنده مسؤوليات وتره باجر محد يكدر يضمنه يعني بعلم الغيب في حين الوظيفه بعلم الحاضر ...واحيرا شكرا جزيلا لنصيحتكم اخواني
-
اخوان احب استفسر على مسالة الاجازة لمدة سنتين اشو سالت احد الاصدقاء بوزارة التربية (قديم حيل خدمة 22سنة) حول الاجازة فكلي بالحرف الواحد سنة من غير راتب وما اكو تعليمات حول شغلة السنتين وللفائدة العامة ارجو من الاخوة تاكيد مسالة السنتين
-
أخويه ... ;D ;D
أني همين مثلك أخي أفكر ويه نفسي وما أريد أخسر وظيفتي لأن الواحد ميعرف الدنيا شتظمله فأحسن حل لأصحاب الوظائف هو يأخذون إجازه بدون راتب وأقل شي سنتين وأعرف 2 من أصدقائي سافرو هناك وهمه موظفين وأخذولهم إجازه بدون راتب لمدة سنتين وهسه همه بأمريكا يعني بين قوسين خليلك خط رجعه وكلشي توقع طبعاً التوفيق من الله بس إحتمال هناك متتوفق وترجع وإحتمال الله يفتحه بوجهك وتنجح ولو يكولولك تعال صير رئيس وزراء بالعراق مترجع فيا أخي نصيحتي لحضرتك " إجازه بدون راتب " لحد ما تشوف الوضع هناك ... ومعليك بأحد أهم شي إنت وقناعتك وإلي تشوفه صحيح لنفسك ولعائلتك ولمستقبلك يعني مو يجي واحد يسويلك إياه جنه واللاخ يسويه جهنم وبعدين تتورط ترا بعدين إنت تتحمل المسؤولية ومحد يسويلك شي وأعتقد إفتهمت قصدي هنا ... تحياتي
أخوك
المهندس روان
كلام سليم جدا واحسن شي هي الاجازة بدون راتب حتى واحد يخلي خط رجعه كلشي يصير .. بس اعتقد اخويه روان انه الاجازه بدون راتب اكثر شي سنه ولازم ترجع تباشر وتاخذ سنه ثانية .. واني بالنسبة الي موظف وانشاءالله رح اخذ اجازة بدون راتب وتحياتي والموفقية للجميع
-
اخوان احب استفسر على مسالة الاجازة لمدة سنتين اشو سالت احد الاصدقاء بوزارة التربية (قديم حيل خدمة 22سنة) حول الاجازة فكلي بالحرف الواحد سنة من غير راتب وما اكو تعليمات حول شغلة السنتين وللفائدة العامة ارجو من الاخوة تاكيد مسالة السنتين
اخوية هذا كلام مو صحيح اكو شيء اسمه قانون الخدمة المدنية وهو ساري على كل موظفي العراق من دهوك الى الفاو افتحة واقرا من ضمن صلاحيات المسؤل الاعلى للدائرة منح الموظف اجازة لمدة سنتين بدون راتب اذا تطلب الامر صاحبك يفتي من يمة لوعندي قانون الخدمة جان اطيتك رقم القرار وهو يمكن لسنة 1984 لكن انا خارج العراق
-
اريد اسأل كل الموجودين والي مشاركين بهذا الموضوع المحترمين كول اخذت الاجازة الي هي سنتين وخلصتها للسنتين يعني راح ترجع للعراق لو تكمل الي بديته تقبلو مروري
-
سوي اجازه أطول مدة ممكنة سنة سنتين ان امكن بدون راتب كلشي يصير هاي دنيه
-
UP
-
السلام عليكم إخواني بس أريد توضيح اكدر ابلغ بالمقابلة انه اني موظف عادي لو بيها أشكال
-
اولا انت حاليا داخل او خارج العراق؟؟؟ثانيا حسب طبيعة الدائرة الي تعمل حاليا انت بها
-
تكدر تاخذ اجازة بس ابصراحة انا رايي لا اتسافر اذا اتفكر بالرجوع
-
السلام عليكم
ليس كل الوزارات تعطي سنة بدون راتب مثل وزارة النفط لك الحق ب 3 اشهر فقط استنادا الى قانون مجلس قيادة الثورة المنحل ؟؟؟؟؟؟
-
اخي الكريم اذا قدمت استق
الة فأنسة شي اسمة الرجوع للوظيفة لان انته عايش بالعراق وتعرف الوظيفة اصبحت صعبة المنال والناس جاي تدفع ملايين من اجل ان تتوظف او ماكو حتى هسة جاي يصير بالدوائر حالة بس واحد ياخذ اجازة طويلة ثاني يوم ايجيبون واحد يعود الهم ياخذ مكانه واني نصيحتي ظل بالوظيفة احسن لان عصفور باليد خير من عشرة على الشجرة والقرار الاول والاخير اليك مع تحياتي
-
مرحبا اخواني
عندي اقتراح بس اريد رأيكم بيه بصراحة لان ما ادري اذا اكو احد مسويهه سابقا ...يعني يصير اخذ ورقة من المنظمه بالمقابلة الثانية ومعنونه للجهة الوظيفية اللي اشتغل بيهه تدل على انني مهدد و لا يمكنني ان ابقى بالعراق وبنفس الوقت حتى اضمن انه لا استقيل وابقى بأجازة مفتوحة وبدون راتب لحين زوال الخطر وبعد رجوعي الى العراق .....ياريت الاخوه يفيدونه
وسلامي
-
مرحبا اخواني
عندي اقتراح بس اريد رأيكم بيه بصراحة لان ما ادري اذا اكو احد مسويهه سابقا ...يعني يصير اخذ ورقة من المنظمه بالمقابلة الثانية ومعنونه للجهة الوظيفية اللي اشتغل بيهه تدل على انني مهدد و لا يمكنني ان ابقى بالعراق وبنفس الوقت حتى اضمن انه لا استقيل وابقى بأجازة مفتوحة وبدون راتب لحين زوال الخطر وبعد رجوعي الى العراق .....ياريت الاخوه يفيدونه
وسلامي
اخوية اثبات التهديد الي تريدة وتدور عليه والي يمكن ان يضمن حقك مستقبلا هو من القوات الامنية والشرطة اذا انت مبلغ من البداية بالتهديد
-
??? ???