ankawa

منتدى الهجرة واللجوء => الهجرة و واللاجئين => الموضوع حرر بواسطة: معلم زيونة في 11:18 01/10/2012

العنوان: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: معلم زيونة في 11:18 01/10/2012
اصدقائي بشاربكم اني ترى صدك ضجت ... موضوعي انه اني اجاني طفل ودزيتلهم بيان الولادة نسخة من لل اي او ام وضافوا الطفل وهسة اني منتظر اطلع الجنسية هنا بدت مشكلتي انه مركز الولادات اجاهم قرار انه بيان الولادة الاصلي يسلم باليد لوالد الطفل بعد متكتب تعهد انه استلم البيان وتروح للجنسية تنطيهميا حتى اتطلع الجنسية الغضب ... يعني ماكو بريد ولا معتمد ... رحت للدائرة مالجنسية يكلولي مجاينا هذا الكتاب انه نستلمه باليد الى بالبريد وباقي اني بين وزارة الصحة وبين وزارة الداخلية وصارلي 40 يوم على هل الوضعية ... سؤالي هل استطيع ان اقدم طلب مقابلة للطفل بدون جنسية او جواز ويحددولي موعد مع العلم اني امتلك فقط بيان الولادة الاصلي  وبرأيكم اذا اكدر اقدم طلب اقدمه وبين ميجي موعد مقابلة احتمال اني مطلع جنسية للطفل شكرا الكم ... يعني فوك التاخير يجيك تاخير زايد
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: EagleHead في 11:28 01/10/2012
الاخ العزيز,
نعم... توكل على الله.
تحياتي.
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: جون ترافولتا في 11:33 01/10/2012
up
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: احبكم1 في 12:18 01/10/2012
السلام عليكم
اخويه العزيز خل احجيلك هاي السالفه
اني هم مثلك اجاني طفل وجنت كلشي مكمل مقابلات وفحص بس جنت انتظر طيران فربك الحمد لله رزقنه بطفل ومن ظفنا للملف كلشي رجع غير فعال الى هذه اللحظه والحمد لله
اخويه العزيز بالنسبه للمقابله بدون جنسيه متصير اصلا لان اذا مدز الجنسيه ميحطوك عله جدول المقابلات والدليل ايكولولك احنه ضفنه الطفل ومن اطلع جنيه دزنياها فورا عند صدورها.بس لو انت ابغير وله مثل عمان او تركيا فعادي يصير بس عله بيان الولاده مال المستشفى.
واما بالنسبه للجنسيه فرح اعلمك طريقه كلش سهله اطلع بيهه جنسيه لابنك الله ايخلي ابنفس اليوم وبدون مدوخ.
شوف اخويه اذا عندك عرف بالجنسيه اسهل منهه ماكو علبيان العندك ايطلعلك بدون البيان مال المستشفى وبكارت ابو ال10 ;D
اما اذا ماعندك عرف بالجنسيه اتروح عله اي ارضحلجي او ابو جنبر اللي اباب الجنسيه وتقراله بصورهغير مباشره واتكوله نفس هاي الكليشه مالتك مال الشلعان الكلب الكاتبهه انت بموضوعك هوه رح ايكولك اسويلكياها اب25 الف فقط بحيث اني من سمعت الرقم دخت لان اني بس بانزين صارف اكثر من هذا الرقم مال روحات علجنسيه العامه والجيه وبنفس اليوم استلمت الجنسيه بحيث ممصدك جنت كلت اخاف هاي تزوير كلت خل اسوي طلب صوره قيد وربك زركتهه للموضفه ال10 الاف طلعتلي السجل مال العائله وخلته كدامي وطلعت من الجنسيه
ممصدك
والكلاب بيتين الكلب شلعو كلبي روح وتعالنه بعد اسبوع ابوكتهه بحيث كرهت نفسي
فانت اخذ البيان وانطلق للجنسيه وشوفلك واحد بس رح ايخافون منك بالبدايه عبالهم الشؤون مال الداخليه :Pفانت رتب ابصوره غير مباشره
انشالله فدتك ابشي ايفيدك
ودير بالك الي رح تتفق ويا كوله اريد البيان الااصلي الي عندك يبقى يمك.لان اني اخذته كتله اريده كالي يمعود هنه كلهن بالزبل بس ياخذون المعلومات منه :o
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: اسطنبولي في 12:55 01/10/2012
اخي قدم بطلب مقابلة الطفل وبين متجيك موعد مقابلة انشاء الله انته مطلع كل الاوراق
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: mustafa ahmad في 13:22 01/10/2012
اخويه بيان الولاده وحده كلش كافي
مو شرط جنسيه او جواز ..
اني من قابلت محلفين ابني مكان عنده جنسيه ولا جواز
فقط بيان ولاده
اتصلت على ال اي او ام وبلغتهم
كلولي كلش كافي بيان الولاده الاصلي ..
وقابلت محلفين حصلت بعدها بفتره على موافقتهم والحمدلله
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: معلم زيونة في 16:50 01/10/2012
شكرا اصدقائي على الردود جميعا اشكركم حقاً ويارب انشاء الله الجميع يسافرون هل السنة وتخلصون من هاي الدوخة شكرا الكم جميعاً
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: شايلوك في 17:35 01/10/2012
اخي تره الشغله اسهل منه ماكو مادام بالعراق العظيم ويم موظف لو موظفه وجووهم ممغسليه لان مستعجلين على الرشاوي شوفلك واحد بالباب مال الجنسيه يكملك كلشي بكم ساعه لان الموظف العراقي وحشه الطيبين والزينين وهذوله قله قليله ارخص منه ماكو بس اهم شي من تسووي المعامله مالتك لتنسه هذا العراق العظيم بلد الحضارات
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: s350thebest في 18:01 01/10/2012
مقتبس من: شايلوك في 17:35 01/10/2012
اخي تره الشغله اسهل منه ماكو مادام بالعراق العظيم ويم موظف لو موظفه وجووهم ممغسليه لان مستعجلين على الرشاوي شوفلك واحد بالباب مال الجنسيه يكملك كلشي بكم ساعه لان الموظف العراقي وحشه الطيبين والزينين وهذوله قله قليله ارخص منه ماكو بس اهم شي من تسووي المعامله مالتك لتنسه هذا العراق العظيم بلد الحضارات

100000000000000000000000000+
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: AboDiana في 22:43 01/10/2012
أدفع للجنسية أحسن وأسرع
العنوان: رد: اخوان بشاربكم ترى صدك ضجت ومن اضوج ترى اخربط شعري ....ساعدوني
أرسل بواسطة: معلم زيونة في 12:22 02/10/2012
شكرا للجميع على الردود ... والله دادور على واحد يسويلياهة كلهة صارت براسي حشاة الزينين شرفاء بحيث المدير مال جنسية يكلي ذاك اليوم اجة لواء وممشيتله المعاملة ... جبناهة علجذب ... والله كريم