ankawa
منتدى الهجرة واللجوء => الهجرة و واللاجئين => الموضوع حرر بواسطة: سوسو اسو في 19:23 07/10/2012
-
اليوم طخت ابلنه اله نصعد باااص
طلعنه بال 1 الظهر وصعدنه الباص حلووو مرتب
سالت السائق وتأكدت انو يوصلنه للمكان الي نريده
وصلنه لوجهتنا الولمارت ..... فتنه على السيرفز وكنالهم احنه مصرين ناخذ التلفزيووون ههههههههههههه
فكنالهم خابرولنه الفروع مالتكم وكلولنه وين موجود ونروح نجيبه احنه
والله خابرو وطلع موجود بفرع بعيد ... وزوجي مصر اله يروحله ... يابه امشي
قبلها تغدينه بماك دونالد واخذنه تكسي ورحنه للولمارت الثاني
لكينه التلفزيون واخذنااااه الحمد لله خخخخخ خلصت قصه التلفزيون
نزلنه ابلكيشن بالموبايل yellow cab نسوي اوردر من عنده على تكسي ويجينه بالمكان الاحنه بيه
او ممكن نخابر عليهم ويجي تكسي
وثاني مره من نخااابر يتعرف علينه من رقم التلفون ويطلع مشين ويكول هاااي فلاان انت حاليا بفلان مكان تريد كاب؟
شئ كلش حلووو ... تطور
اي جاه التكسي .. طبعا جان فان سياره جبيره لان ويانه غراض
صعدنه وكتله ودينه لفلان مكان كال اوكي
ابو التكسي سوه نفسه فهيم ومكتب العنوان بالجي بي اس على اساس يندل
المهم بعدنه كلش والعداد وصل 55 دولار كتله انت بعدت مو منا جان لازم من فلاان مكان تفوت
كلي لااااااا
ضلينه نمشي وهنا شنو كلها هاي وياااااات highways
الى ان وصل العداد 95 دولار
فتحت جي بي اس بالموبايل وكتبت العنوان وكتله شوف احنه وين والعنوان الي اني اريده وين
وكف كتب العنوان يمه بالجي بي اس وكام يمشي عليه
كتله والعداد الي وصل 95 ؟؟؟ كال دفعي الي تريديه كتله اوكي
احنه دننصب عليه طبعا بالعربي وخربانين ضحك ... لان هو سوه بنفسه هيج
مكتب العنوان وسوه نفسه فهيم .. ومن اني حاولت انبها انو ماشي غلط كال لاااا مو منا ومادري شنو
بالاخير وصلنه كتله رح انطيك نفس الي نطيته بالروحه .. وهي جان لازم 40 ونطيته 45
اليوم هذه ابرز الاحداث الي صارت
ودمتم سالمين :)
-
خوش يوميات سوسو ومبروك ع التلفزيون وبانتظار المزيد طبعا ;)
-
بالتوفيق ان شاء الله ومبروووك التلفزيون
-
الفم مبروك على التلفزيون , وأنشاء الله البيت الملك :D
تحياتي
THE DREAMER
-
مبروووووووووووووووووووووووووووووووووك يوم سعيد
-
هههههههه الف الف مبرووك صعده البااص
حبي سوسو اسو اعتذر ما باركتلج من وصلتي بسلامه شديده الاعتذار غاليتنه كنت ما متواجده
مبروك والحمد لله على السلامه
عمي على الخير التلفزيون الجديد راد اطكين عليه بيضايه لو تذبحين دجاجه ههههههههه
حبي يوم اللي تشترون بيت وترتاحون
وان شاء الله ننتظر صوركم الحلوة تنزلوهن واهم شي صورة التلفزيون والباص امانه مو تنسينه ههههههههههه
حبيبتي تحياتي لك
-
موفقين انشالله
-
هههههههه الف الف مبرووك صعده البااص
حبي سوسو اسو اعتذر ما باركتلج من وصلتي بسلامه شديده الاعتذار غاليتنه كنت ما متواجده
مبروك والحمد لله على السلامه
عمي على الخير التلفزيون الجديد راد اطكين عليه بيضايه لو تذبحين دجاجه ههههههههه
حبي يوم اللي تشترون بيت وترتاحون
وان شاء الله ننتظر صوركم الحلوة تنزلوهن واهم شي صورة التلفزيون والباص امانه مو تنسينه ههههههههههه
حبيبتي تحياتي لك
-
مبروك التلفزيزن حبيبتي سوسو وان شالله تستعملوه بالعافية
-
والله احداث حلوة تكسر الملل :D :D :D :D :D
الف عافية وبالخير عليكم حبيبتي سوسو اسو وننتظر المزيد
-
بتوفيق ان شاء الله
عاشت ايدج اختنا سوسو
بس اقتراح هاي يوميات جميلة ومشكورة عليه
بس انا رأي تكتبها بالحاسوب يمج خوش ذكريات للمستقبل
تقبلي تحياتي
-
والله ما تقصرين خيتنه الغالية
-
شكراااا جزيلااااا الكم ويوم وصووولكم جميعاا يااارب
على فكره هنا دائما الزبون على حق .. من رجعنه التلفزيون رأسا اخذوه مكلولنه ليش دترجعووه
وهواااايه اكو نااااس شفتهم يستعملون الحاجه ويرجعوها
حتى الهدوم ياخذوها يلبسوها بطلعات ويرجعووهاااا ههههههه
ابو هفال وياروحي
اني اعتذر منكم اذا مواضيعي مجانت بيها فايده وضيعتو وكتكم بقراءتها
بس بما انو دتشوفون انو اني مدا اكتب شئ مفيد
اتمنه ان متضيعون وكتكم بقراءت مواضيعي..
تقبلو تحياااتي
بالمناسبه خلص عدنه المي ورح نروح نشتري مي
;D ;D ;D
-
مبروووووووك التفلزيون هسه بس ينرادلكم سيستم صوت كامل
حتى زوجج تكتمل الفرحة عنده ;D ;D ;D
شايفيين كل الخير وان شاء الله بدوام السعادة ولموفقية بحياتكم
تحياتي
-
مبروووووووك التفلزيون هسه بس ينرادلكم سيستم صوت كامل
حتى زوجج تكتمل الفرحة عنده ;D ;D ;D
شايفيين كل الخير وان شاء الله بدوام السعادة ولموفقية بحياتكم
تحياتي
ههههههههههههههههههههههه ااااااااي
-
شكراااا جزيلااااا الكم ويوم وصووولكم جميعاا يااارب
على فكره هنا دائما الزبون على حق .. من رجعنه التلفزيون رأسا اخذوه مكلولنه ليش دترجعووه
وهواااايه اكو نااااس شفتهم يستعملون الحاجه ويرجعوها
حتى الهدوم ياخذوها يلبسوها بطلعات ويرجعووهاااا ههههههه
ابو هفال وياروحي
اني اعتذر منكم اذا مواضيعي مجانت بيها فايده وضيعتو وكتكم بقراءتها
بس بما انو دتشوفون انو اني مدا اكتب شئ مفيد
اتمنه ان متضيعون وكتكم بقراءت مواضيعي..
تقبلو تحياااتي
بالمناسبه خلص عدنه المي ورح نروح نشتري مي
;D ;D ;D
;D ;D ;D ;D ;D ;D ;D ;D ;D ;D ;D ;D ;D ;D
سولفينا شنو عشاكم الليله ;D ;D ;D ;D ;D ;D ;D ;D ;D ;D ;D
-
غير سايق قفاص
-
بالتوفيق ان شاء الله ومبروووك التلفزيون وانشاء الله الستلايت
-
ادري انتي لعد ليش اشتريتي بايسكل هههههههههههه غير للمشاوير
يله جووووووووود لك عالتلفزيون ;D
-
مبروك التلفزيون
بس خطية ابو التكسي انطيتيه كروة قليلة هههه
يلا هوة راد يخدعكم كونكم عرب بس افترت عليه السالفة وطلعتي انتي مينكدرلج ههههههه اكيد ام بيت ومضبوطة ومينخاف عليج وربي
اكيد السائق حس بخطأه وماكدر يسوي لغوة وسد حلكه ومشى واخذ ال45 دولار .. همزين ما الله وكعج ويا هذا ابو السايبة اللي اتعارك وياية ولم الدنيا علية بالكرادة الكلب ابن الكلب لان صعدت وياه وماعامتله .. الله لايوفقهم العراقيين بجاه محمد واله اشكد حرامية من يشوفون واحد فقير وميعرف يستغلوه
عيني مبروك عليج وياريت لو متنسينا من هاي السوالف والقصص مالتج القصيرة واللي كلش ممتعة ومفيدة والله والله
شكرا واسف للاطالة
جون ابو زيد
-
ابو التكسي من ايده .. هو هيج سوه بنفسه
زوجي متحضر بس يريد يخابر 911 ههههههههه بس عادي مشه الموضوع
شنايزر البايسكل كلش ثكيل جبير بالاضافه الى المسافه 17 ميل مو مال بايسكل واحنه 3 وويانه تلفزيون خخخخخخخخخخ
شكرااااااااااا الكم جميعاااااا
وسوري اذا دانقل تفاصيل قد يشوفها البعض ممله
بس اني من جنت بعمان جنت اتونس بهذي التفاصيل من اشوف الواصلين لامريكا يكتبوها وجانت تبعث التفاؤل بنفسي والعزيمه
تحياااااااتي الكم :) :) :)
-
الاخت الغاليه اسو
الشكر الجزيل لسرد القصص الحلوه عن حضرتكم وصراحة انها تبعث الى الارتياح النفسي وترسم الابتسامه على الوجوه لذا اتوجه بالشكر الجزيل لحضرتكم ونسال الله لكم الامن والامان والسعاده باذن الواحد الاحد الفرد الصمد
ارجو ان تستمري لرسم الابتسامه لكل من يقرا ويطلع على مايكتب واحيي فيكم روح المسامحه والطيبه اللي تملكونها وممنونين منكم
-
مبروك ع التلفزيون ;D ;D ;D
انشاء الله يوم الي تشترون سيارة
-
كل الشكر والتقدير للاخت الكريمة" سوسو اسو " المحترمة على هذه التفاصيل الممتعه والمفيدة لانها تمثل تجارب حية وحديثة وتعتبر دروس يستفاد منها, متمنيا الاستمرار في الكتابة
-
كل الشكر والتقدير للاخت الكريمة" سوسو اسو " المحترمة على هذه التفاصيل الممتعه والمفيدة لانها تمثل تجارب حية وحديثة وتعتبر دروس يستفاد منها, متمنيا الاستمرار في الكتابة
[color=r بالتوفيق ونطلب المزيد لفائدة الجميع[/color]
-
شكراااااااا الكم وان شاء الله الله يسهل امركم وتوصلون بالسلاااامه
شكراااااا على تشجيعكم الي بالاستمراار
تقبلو تحياتي
-
الله يهنيكم ويسعدكم بحياتكم يارب وعلى الخير بالتلفزيون هاي لو بالعراق جان شبعتوا كتل من ابو المحل زين هم اكو قطعة بالولمارت (( المباع لايبدل ولايرجع )))) هههههههههههه خطية احنه لادنيا ولااخرة مدري وين تاليتنه الحمد لله على كل حال شكراً على نقل المعلومات القيمة واليوميات الجميلة تحياتي
-
عاشت ايدج سوسو حبيبتي على التفاصيل الحلوه الي دتنقليها بكل عفويه وهواي ناس يستفادون منها
حبيبتي انوبه اذا ردتوا تاخذون اي جهاز شوفوا مجموعة FRY'S هذوله اختصاصهم الكترونيات واسعارهم حلوه ومو بس يرجعون لا
اذا لكيتي السلعه نفسها بمكان اخر او اونلاين ارخص يرجعولج الفرق
-
الاخت العزيزة سوسو اسو .. جزيل الشكر على نقل تفاصيل الاحداث اللي تصير وياكم ..
وبلا شك انها تبعث الامل وترسم الابتسامة على وجوه قرّائها ...
والف مبروك ع التلفزيون .... وان شاء الله تكون حياتكم مليئة بالبهجة والسعادة
تحياتي .... برنسو
-
ست سوسو انت حمستيني الا اعرف شنو نوع ومواصفات تلفزيونكم المبروك عليكم الي هشكل مصرين تاخذونه (لول)
مرة ثانية مبروك عليكم وان شاء الله تاخذين خلاط مال كيك (يعني ست البيت)
شكرا لمروركم
اخوكم
ابن البلد