ankawa
منتدى الهجرة واللجوء => الهجرة و واللاجئين => الموضوع حرر بواسطة: speedcom في 06:26 08/10/2012
-
السلام عليكم رحلتي المفصله كليا حيث بدات
حيث تحدد السفر يوم 23 9 وكان يوم 20 هو موعد الفحص الطبي موعد الحبايه قبل يومين بدات المغامره من محافظة البصره حيث مررنا على اكثر من 50 سيطره انقلبت سياره خلفنا من كثرة السيطرات
المهم نزلنه ترانزيت بمحافظة الكوت بيت عمتي ويوم 20 انطلقنا الى بغداد دخلنا بغداد كان الازدحام خانق جدا ولعبان نفس وتوجهنا الى مستفشى ابن البيطار ادري هيه حبايه دزوها للبصره وصلنا
تقريبا الساعه 9 الصبح توجهنا الى استعلمات كلنه لبو المنظمه عدنا فحص اخير موعد سفرنا يوم 23 ضل يكلب بالدفتر ما لكه الاسماء كلت الله يستر كال انتظرو بالخارج خلي انخابر ونشوف
انطونا ارقامكم كتله ارقامنه تسقيط بصره هههههه المهم وره 10 دقايق طلع بره كال ليكنه اسماكم ضافه بالدفتر كلنه الحمد الله بالنسبه الوالد هو صاحب القضيه وحتى الفحص ما عايده صاير مو اكسباير
مهدد بالنقراض فسال الوالد هذا الموضف بخصوصه انطه الموضف 5 ارقام كله اتصل على واحد من هاي الاقام لان اخاف ملفك ضال بالسفاره لان بمقابلة المحلف ايدزون الاوراق الى امريكا وبعدين ترجع للسفاره الامريكيه فسال الموضف\
كله اخاف عندك قضيه بالعراق او فد شغله مهمه ما ذاكره للمحلف المهم اتصل الوالد على هاي الارقام تطلع واحد ف تكلم ويه كله ما عندي علم بهاي السالفه المهم كله من يوصلون عمان عودك خلي يستفسرون بالسالفه
نرجع للمغامره دخلنا للمستشفى ساعه 11 ونص احنا كنا اول ناس ندخل وبعدين اجوي العوائل وصار نقاش وكان عائله نفس سالفة الوالد هو هم جاي وياهم هم هو صاحب القضيه بس هو بقى حتى فحص ما عايده
اضهار المنظمه جاي تطلع العائله وتخلي صاحب القضيه على الشحن ما نعرف شنو القصد منه هاي الخطه المهم دخلنا اجتي مره كبيره بالعمر كرديه سالت لي عنده جرح لي حامل ف طلعت احد الاخوات حامل
فا كلتله الدكتوره انتي احتمال ما سافرين لان هذا اخاف ياثر بالطياره فهي خافت وكان معها زوجه المهم خلوها اخر شي لان راح يتصلون بعمان ويستفسرون وضلت اتصيح ب الاسماء تنطيه حبايه
يطلع ويدخل بالقاعه الثانيه خلصنا وطلعت الاخت تصير اسافر ما ياثر ف من كملنه وره شوي اجه احد الموضفين ايصيح بالاسماء وينطيه ورة الفحص الطبي ويكله جيك اسمك لي بالورقه ويه الجواز
ويتوكل على الله ويروح للبيت المهم سلمنه واتفقنه ان نلتقي بيوم السفر بساحة عباس ورجعنه كان احد اصدقاء الوالد بغداد رحنه لبيته لان كان الفحص يوم خميس والسفر الاحد ما ادري الجمعه والسبت ماكو سفر
انطلقنا يوم الاحد المصادف يوم 23 الساعه 8 الصبح كان الازدحام خانق وصلنا الى ساحة عباس بن فرناس بالمناسبه هاي ورقة الفحص لي انطونيها بالمستشفى كلونه هاي مو ضيع لان بدونه ما ادخلون الى مطار بغداد
وتقريبا 9 ونص اجى الولد ابو المنظمه شاف الاوراق وزع التكتات مال السفر اخذناها ورحنا الى سيارة الجمسي نفر 10000 انا واخي هم جماعة لي وينا لي بالفحص انطلقت السياره وهنا بدات التفتيشات
اول التفتيشات يتاكدون من التكتات لازم بتاريخ اليوم وكان ويانه وحده بس مو من المنظمه طلع تاريخ بي خلط ورجوعها طبعه من جديد المهم نفتيشات بالاجهزه كل شوي يانزلين يا صاعدين دخلنا مطار
بغداد وكان ويانه ابو المنظمه خوش ولد رحنه للوزن حتى تنشحن الجنط الى عمان نستلمهن وكان موعد الرحله الى عمان ساعه 1 ظهر ضلينا نسولف الا ان صار 1 وتوجهنا الى الطائره كان طاقم الطياره اردنين
انطلقنا مدة الرحله ساعه وثلت 2 وثلث نزلت الطياره بمطار الملكه دخلنا المطار ما شفنا جماعة المنظمه و مانعرف وين ندخل وين نروح بعدين وره 10 دقائق اجوي لابسين ازرق شخصين رحبو بينا واتكدو من الاسماء والارقام وخذونا الى داخل
المطار وانتظرنا وانطونا كل واحد وجبتين مجانا من المطعم بيزه ببسي وهنا بدا الوقت القاتل فكان جماعه على الالمانيه وجماعه على الفرنسيه الطيران انا كان على الامانيه مهم كان اكو جامع بالمطار رحت بي ارتاج لان من الصبح ركضه وتعب
وره ساعه اجوي واحد من جماعة كلي ترى جاي ايصيحون بالاسماء فا اني فزيت من النوم اتوقعت النفط اجه هههه المهم رحت انطاني ابو المنظمه الكيس كلي هاي حياتك بي حافظ عليه مو اضيع لان هو هذا لي يدخلك لولايات المتحده من دونه
اضيع كانت الكراسي كلش مؤذيه بالمطار لان الرحله الالمانيه 2 ونص ليل والفرنسيه 1 ونص مشكله ادمرنه مشكله كان عندي باقي من الفلوس عراقي 125 الف انطكيت بيه بوري ماكو واحد يقبل اصرفه
كل العملات ايصرفوها الا العراقي ماكو واحد يشتيه تلي اجه ابو المنظمه كال كل واحد عنده فلوس عراقي خلي اصرفه كان انا اكثر واحد عنده عراقي 125 صارت 75 دولار انفصنه بيه يلا شنسوي كله كالت فنصيحه صرفو فلوسكم كله بالعراق العظيم
ضلينا نفتر بالمطار الجماعه اطشرو بكل مكان لان كان والوقت بعيد وضلينا انسولف ناس جابت ورق ضلت تلعب شجيب 2 بليل
بعد يوم متعب وصلت 1 جماعة الفرنسيه ودعناهم اراحو كان مطار بارد ما متعودين على البرد ف قبل لا تنشحن الجنط طلعتي قمصله ولبسته واجه موعد الالمانيه الكشره حته هلكنه صعدنه كان الطاقم الماني ودعونه جماعة المنظمه وانطلقنا
2 ونص ليل الرحله اربع ساعات انطفت اضواء ونمنه تقريبا وره ساعه قدمونه ماء وجبه سريعه وكانت اضواء جمليه من الطياره وصلنا 6 فجر الى مطار فرانكفورت كان مطار ضخم وجميل جدا ياعمان يابطيخ نزلنه من الطياره كان الجو بارد استقبلونا المنظمه وانطونه التكتات الى ميامي
همه افترنه بالمطار كانت بي اسواق كبيره وره ساعات ودعونا صعدنه الطياره كانت مدة الرحله الى ميامي 10 ساعات وكانت الطائره ضخمه جدا طابقين بحيث على ما ثبته بالمدرج ساعه يلا طارت من نزلت صفقوله الركاب
رحله كانت متعبه الطائره مزوده شاشات تشوف بيه افلام تحديد الموقع وبعدين عبرنا فرنسا اسبانيا الدنيه كله انريد انشوف وين امريكا صارت عبرنا المحيط الاطلسي اول ما بينت واشنطن المهم وصلنا ميامي كان ليل لاصت علينا الوقت صبح ليلل هسه ليل ما ندري شنو السالفه
استقبلونا المنظمه كان يتكلمون مكسيكي اخذونه الى داخل المطار كانت اجرات امنيه همه كانو يمشون كدامنه وبعد الاجرات انطونه ورقه ومكبوس بيه كارت وهيه 94 هسه انته دخل بصوره شرعيه
الى الولايات المتحده الامريكيه وتالي دخلنا بداخل المطار دخلنا الى قاعه وجماعة المنظمه اخذو منا الكيس فتحوه اخذو بعض الملفات وانطونه الكيس وبعدين اتوجهنه الى خارج المطار كان جو ميامي الرطوبه تكتل بيه
مثل شرجي البصره سبحانه الله ههههه تلي اجتي سياره وانقسمنه ناس ليله تسافر وناس باجر الصبح انا كنت من جماعة اليوم الثاني لان انا وجهتي الاخيره فيلاديفيا الولايه حطونه بفندق فندق كلش راقي غرفه وحمام
وره ساعه جابونه وجبه المهم الصبح 7 اجتي ام المنظمه دكت الباب كالت يلا وره 5 دقايق نزلنه وتوجهنه الى المطار وضلينا احنا مراه كبيره بالسن خطيه كلش تعبانه كان وره طيرتين بعد دمار لان هيه اكلاهما
وراحت ام المنظمه توصله للطياره وضلينا انا واخي بس ننتطر توصله تالي تجي ام المنظمه اصعدنه بالطياره وراحت ما اجت الا وره ساعتين تالي طلعت الرحله مالتنه فايته راح قطعت تذكره جديد وضلينه ننتظهر كلش دمرنا الانتظار بالمطارت حته روحك اطك
نريد بس نوصل تعبنه لا نوم مثل العالم دمار شامل وضلنا واستقبلنه الكيس بالمطار وتوجهنه الى البيت ذبينه روحنه كبل من التعب
وان شاء الله يفرجه عليكم وتخلصون من طركعة العراق وتسافرون وتبدون حياة جديده وشكرا
-
مبرووك الوصول اخويه العزيز .
-
مبروك وصولك اخوية.. و ان شاء الله موفق.. بس الاملاء مالتك كلش قوي يحتاجله مترجم :) ;D
-
الحمدالله على سلامتك ومبروك وصولك الى الولايات المتحده الامريكيه الف مبروك
-
الف مبروك وصولكم بالسلامه
ويارب تستقرون
وتنسون كل التعب
بالتوفيق اخويه
-
الف مبروك والحمد لله ع السلامه
-
مبروك...بالتوفيق والنجاح
-
مبروك اخي والحمد لله على السلامة وبالتوفيق ان شاء الله للجميع
ويوم الالنا يا الله.
-
الحمد لله اخي الكريم على سلامة الوصول وان شاء الله المستقبل المشرق
-
ألف مبروووك و الحمد لله على السلامة
الله يوفقكم لكل خير
-
الف الف ميروك بالاستقرار وراحة البال والسعاده ان شاء الله .
-
اخي العزيز الحمدلله على سلامة الوصول وانشاءالله تشوف الخير والموفقيه في بلدك الثاني امريكا
تحياتي
-
مبروك والحمد لله ع سلامتكم انته واخوك وموفقين بحياتكم
-
الف مبروك وحمد الله ع السلامة
-
الف مبروووووك والحمد لله على السلامة وبالتوفيق ان شاء الله
-
مبرووك الوصول اخويه العزيز
-
اشكركم اخواني على الردود مو املاء ضعيف وانما كنت اكتب سريع ما لي خلك اشوف وين الغلط لان تعبت من الكتابه ودخت كانت ساعه 1
-
الف مبروك اخي العزيز والحمد لله على سلامتك
اتمنى لكم طيب الاقامة والسعادة في حياتكم الجديدة
-
مبروووك خلصت من البصرة وحره هههههههههههههه
-
الف مبروك اتمنالك حياة حلوة وسعيدة
-
شكرا على الجهود والحمد لله على سلامتك اخي العزيز
-
مبرووووووووووووووك اخوية speedcom هنيا وصولك بسلامة ادعيلنة بالسفر القريب تحياتي اخوك Slam Hawk
-
الف مبروك اخويه وحمد لله على سلامتك ويارب حياة جديده بالموفقيه انشالله
تحياتي
اختك ام شاهين من سوريا
-
الف مبروك و موفق انشالله
-
اللللللللللللللف مبرررررررررررررررررررررررروك والحمد لله على سلامة وصولك والله يحبك خلصك من شرجية البصرة نو مور هههههههههههه اتمنالك حياة جميلة وسعيدة وبالتوفيق ان شاء الله تحياتي
-
الف الحمد لله على السلاااااااااااااااامه ومبروووووووووووووك الوصول
ان شاء الله حياة سعيده ومستقره
ويوم سفر الجميع بأذن الله
بالتوفيق
-
مبرووك الوصول اخويه العزيز .
-
حمد لله على سلامة الوصول
ونشكرك على الشرح المفصل بالرغم انت جنت تعبان كل هذا التعب
لكن ضليت حريص انه تنقل التفاصيل
والحمد لله وصلت الفكره كامله وياربي يوفقك
وان شاء الله ترتاح وتكتبلنه المرحله التاليه على روائه اكثر
-
الف مبروك السفر والحمد لله على سلامتكم
اتمنالكم الموفقية بحياتكم الجديدة
ومشكور على نقل الاحداااااااااث ....
-
الحمد لله على سلامة الوصول وبالموفقيه والاستقرار
-
السلام عليكم
اخي العزيز اني مفهمت منك بعض الكلمات شنو العربية عندك ما مضبوطة اقصد الاملاء شوفلك مدرسة هناك تضبط بيهه القواعد العربية حته تسهل عليك التاقلم والتحدث بالانكليزية كونها تعتمد على اتقان اللغة الام حته امورك تمشي هناك
كل التوفيق الك ومبروك الوصول
FALLON
-
حمدلله على سلامتك اخي وربي يوفقك بحياتك الجديدة يارب ---الريمممم2000
-
الحمد لله على السلامه وان شاء الله تبدي حياة جديدة ومريحة بالتوفيق
يوم الالنا
ياالله
تحياتي
-
الف الف مبروك ابن ولايني ابن البصرة الفيحاء والف الحمد لله على سلامتك بالوصول الى ارض العم سام وان شاء الله بلد الحرية والسعادة وراحة البال يالله