ankawa
منتدى الهجرة واللجوء => الهجرة و واللاجئين => الموضوع حرر بواسطة: y3soob في 10:11 08/10/2012
-
مرحبا اخواني و اخواتي، بصراحه صديق الي سالني سؤال و طلب استفسرله. اذا شخص مسجل بالاي او ام و حالته الصحية تعبت و بدت تتدهور بسبب كبر العمر.. هل من الممكن يدزون تقاريره الى المنظمة حتى تسرع من الاجراءات؟؟ لو هذا الحجي ميوكل خبز؟؟ للعلم الشخص الكبير في السن مسجل من اكثر من سنة و لحد هسة ما مقابل و لا مقابله و ظروفه الصحيه كلش تعبانة.. ارجو منكم الرد بالي تعرفوه.. الف شكر
-
مشكورين اخواني الاعزاء، يعني تنصحون ان يبعث ايميل للمنظمة يبلغهم بالحاله الصحية و يرفق التقارير كلها. لو بس يرسل الهم و يبلغهم بسوء الحاله و هم يرجعون يطلبون التقارير؟؟
-
دز يميل الى المنظمة وبي التقرير الطبيه والله كريم
-
أخي كلامي متأكد منه ألف بالميه
وللفائدة للجميع الحالة الصحية أذا مدهوره او واحد جاي موت باب الهجرة ميساعدوه عندي عشرات التقارير الطبية وانواع واشكال من التدهور الصحي وصارلي سنتين ونص اراوح بأنتظار الفيزة و3 مرات ارسلت تقاريري الطبية مابقيت واحد ولا باب ما دكيته دون أي نتيجة
-
الله يساعدك اخوية ابو سماني و ان شاء الله ما عندك الا العافية و تتسهل امور سفرك. بس هسة كنت ابحث في مواضيع الهجرة و اللاجئين و لكيت احد الاخوان منزل موضوع عن تسريع معاملة الفيزة للاشخاص المرضى.. يمكن هو ناقله من موقع السفارة او موقع الاي او ام... ما اعرف... حضرتك مقدم اي او ام؟؟ لو يو ان؟
-
حاول تراسلهم بلكي الله .... ما اتوقع تلكه جواب شافي ولو بعض الاخوان ما قصرو من خلال تجاربهم وتجارب اصدقائهم بس للحصول على جواب يشفي الغليل راسلهم وشوف الاجرائات شلون تصير والله يسهل عليهم
-
أني مقدم على يو ان سوريا
وقبل سنة نص من ارسلتلهم التقارير أخبروني أنها ستدعم قضيتي وكله كذب في كذب وارسلتها مرتين أخرى والنتيجة صارلي سنتين ونص بغض النظر عن الاحداث إلي مرت بيها سوريا منذ سنتين لا الاوضاع بسوريا فادت ولا التقارير فادتنا هذولة بأختصار أهل التجييك الامني ناس مجردين من أي انسانية ورحمة وأصور لهذا السبب صار هذا المنتدى الكبير المليء بالمآسي والحالات والتأجيلات السفر العجيبة والغريبة حتى من الطيارة نزلوا ناس لأن التجييك أمني رجع من جديد عليهم وأستلم
-
مشكور اخي على هذا الموضوع المهم....ومن خلال الاجوبة هم الشغلة توفيق وحظ....
اعرف صديق كيسه طبي بحت هوه واولاده بحيث واحد منهم ربع طاقة القلب عنده (وراثة) سنتين عدل يله سافر siv
-
السلام عليكم انى الى عرفه مو كل الامراض الى يسرعون بيها وهاى من خلال معرفتى بهاى الحاله لان احنا مرينا بيها لان زوجى مريض بالسرطان وسرعوا بحاله الملف مالته لان هو كل3 ا شهر يسوله ناظور للمثانه وهاى تتطلب فلوس ورعايه خاصة والحمدلله والشكر سفروا هاى صار سنتين ونص وهم ينضرون بالحالات الصعبه والمكلفه بالعلاج واذا هذا الشخص الله يشافى مرضانه ويشافى عندة تقارير تثبت الحاله اكيد يسوله شي ويسرعون ملفه ان شالله
-
حاول تراسلهم بلكي الله .... ما اتوقع تلكه جواب شافي ولو بعض الاخوان ما قصرو من خلال تجاربهم وتجارب اصدقائهم بس للحصول على جواب يشفي الغليل راسلهم وشوف الاجرائات شلون تصير والله يسهل عليهم
+1
-
لا تقدم ولاتاخر وخصوصا الفترة الحالية
-
احتمال في حالات معينه يسرعون بالمقابلات فقط
لكن بالامنيه ا ياخرون وميسرعون
-
,تسريع الملف هي كذبة كبرى...لقد ارسلت لهم جميع تقارير والدي وحالته استمرت في التدهور حتى توفاه الله قبل 45 يوم في بوابة المنطقة الخضراء بعد اجراء المقابلة الاولى ب15 دقيقة
-
مشكورين اخوني و اخواتي اني وصلت المسج و بعد اهل المريض يتصرفون... اخوية FOB KALSO ما اعرف شنو اكول غير الله يرحم الوالد و يصبركم على فراقه... اعجز عن كتابه اي شي اخر.. إنا لله و إنا اليه راجعون
-
,تسريع الملف هي كذبة كبرى...لقد ارسلت لهم جميع تقارير والدي وحالته استمرت في التدهور حتى توفاه الله قبل 45 يوم في بوابة المنطقة الخضراء بعد اجراء المقابلة الاولى ب15 دقيقة
لاحول ولا قوة الا بالله
اخي العزيز لايسعنا الا ان نقول البقاء لله
وانا لله وانا اليه راجعون
ويصبركم على فراق فقيدكم
-
الى رحمة الله... وانا لله وانا اليه راجعون
وفعلا تسريع الملفات بسبب المرض كذبة لان اعرف ولد مشلول شلل رباعي وعلى العربانة وصارله سنتين وكلشي ماكو
منكول غير الله ينتقم من الي كان السبب وخلانا منشوف راحة البال,تسريع الملف هي كذبة كبرى...لقد ارسلت لهم جميع تقارير والدي وحالته استمرت في التدهور حتى توفاه الله قبل 45 يوم في بوابة المنطقة الخضراء بعد اجراء المقابلة الاولى ب15 دقيقة
-
شكرا اخوتي الأحبة.سلمكم الله واهليكم من كل سوء .