ankawa
منتدى الهجرة واللجوء => الهجرة و واللاجئين => الموضوع حرر بواسطة: alsodani في 18:16 10/10/2012
-
السلام عليكم
اني حاب اسال اهل الخبرة والرحم شنو يعني المديكير او التامين الطبي وشكد المدة مالتها وشنو الامراض الي يتقبلوها او من ضمنها وهل الاسنان والعيون من ضمنها وهل هذا على حساب المنظمة او على حسابك الخاص افيدوني لان زوجتي كلش مريضة وموعد السفر ان شاء الله قرب
-
المدة مال التامين الطبي 8 اشهر يشمل جميع الامراض بضمنهم العين والاسنان وحتى اي حالة صحية اخرى بحيث تغطي نسبة 95%
لكن بمستشفيات محددة يعني المستشفيات الحكومية ويكون هذا على حساب الحكومة واذا تبين انه المرض مالتك من الامراض المزمنة لا سامح الله
تقدم طلب مرفق بتقارير الطبية الموجودة في امريكا بحيث يصير التامين الطبي مدى الحياة
وتحياتي
-
اخي العزيز
المديكير هو التأمين الصحي لكبار السن 65 سنة فما فوق
والمعوقين دون 65
مرضى الداء الكلوي والفشل الكلوي وزرع الكلى
اما الميديكيد فهو التامين الصحي لذوي الدخل المحدود واللاجئين
اول ما توصل بالسلامة رح يفتحولك ملف طبي بالمركز الصحي و يسولكم فحوصات وتلقيحات
الطبيب اللي يسويلكم الفحوصات والتلقيحات رح يكون مسؤل عن ملفكم
والتأمين اللي ينطوكمياه يغطيك في بعض الحالات
لكن بعض العلاجات ما يغطيها التامين فلازم تدفع جزء منها
وبعض العيادات الخاصة ما تعترف اصلا بالمديكير والمديكيد ورغم شدة الرقابة وصرامتها تشوف الهم
اساليبهم بالالتفاف على الضوابط والقوانين حتى يحققون الارباح اللي يردوها
والمستشفيات الحكومية احيانا تستغرق وقت طويل حتى تحصل موعد
وتبقى تنتظر ويخلوك على جدول الى ان يوصلك السرة
هذا النظام الصحي بشكل مختصر
الله يشافي زوجتك وانشالله تحصل العلاج والرعاية الكاملة اول ما توصلون
-
اخي مرة قريت احد الاخوان اللي بامريكا ديكول انو المديكيد ميشمل الاسنان وبامريكا الاسنان كلش غالية ف كال صلحو اسنانكم قبل لا تتورطون وتجون لان راح يكلفكو الاف الدولارات ما اعرف بعد هذا اللي اتذكره انو المديكيد يشمل كلشي عدا الاسنان واسال واستفسر اكثر
-
اخي مرة قريت احد الاخوان اللي بامريكا ديكول انو المديكيد ميشمل الاسنان وبامريكا الاسنان كلش غالية ف كال صلحو اسنانكم قبل لا تتورطون وتجون لان راح يكلفكو الاف الدولارات ما اعرف بعد هذا اللي اتذكره انو المديكيد يشمل كلشي عدا الاسنان واسال واستفسر اكثر
بعض الولايات ما يشملها وبعض الولايات يشملها والتامين يحدد نوع العلاج واحيانا اذا السن يحتاج حشوة بسيطة راسا يكولك قلع ولذلك هواية عراقيين راحو للمكسيك عالجو اسنانهم وسووا فحص نظر ونظارات لان باميركا اسعار فلكية
يعني حشوة جذر ب 1200 $ واحيانا اكثر
اللي يكدر يسوي اسنانه قبل ما يسافر ارخصله
وبصورة عامة العلاج باميركا نار ونظامهم الصحي فاشل
-
السلام عليكم
اشكركم احبائي والله جدا ممنون منكم