ankawa
منتدى الهجرة واللجوء => الهجرة و واللاجئين => الموضوع حرر بواسطة: فـلـونـا في 18:31 11/10/2012
-
مرحبا اخواني واخواتي الاعزاء....
اليوم اتصلت بينا موظفة من الاي او ام وسألت زوجي هل انت جاهز للسفر خلال اقل من عشر ايام؟؟
وطبعا هو تلقائيا جاوبها احنة مستعدين للسفر باجر اذا تريدين.... فهي كالتله لعد اني راح ابلش بالحجوزات وعود نخبركم يمتة تودون جوازاتكم لليو ان.....ارجوكم اخواني هسة شنو يعني نحضر نفسنه للسفر لو ننتظر منها جواب والله محتارين من هول الصدمة
ياريت تنطوني رأيكم اذا صار ويه احد هيج شي .... كنت متوقعة انه راح افرح من ينطوني موعد سفر بس هسة كلش دايخة ما ادري شلون افكر
-
الف مبرووك حبيبتي فلونا وتوصلون بالسلامة ولاتدوخين ان شاءالله خلال اسبوعين او ثلاثة انت مسافرة ويارب الفرج والسفر القريب لكل المنتظرين
تحياتي
ام حنين
-
الف مبرووك اختي وان شاء الله هل ايام يتصلون بيكم على موعد السفر وياكدوه الكم ..ويارب الموفقيه
اختك star_2000
-
مشكورين وانشاء الله يتصلون دنفتهم دربنا المشكلة باجر جمعة وسبت
-
الف مبروك اكيد خلال يومين ثلاثه ينطوكم موعد السفر بس ممكن تخبرينه من اي دوله انتم مع الشكر
-
مشكور اخي العزاوي... احنة مقدمين من عمان
واحنة مستلمين الظرف بتاريخ 27/3/2011 وكنا قيد الدراسة
-
الف الف مبروك اسبوعين وان شاء الله اقل وتسافرين
نيوتن
-
انشاء الله الموعد قريب
ومبرووووك
-
أختي العزيزة فـلـونـا , يعني بديهاياً يمن هم أتصلو بيكم فهذا يعني هناك تقدم وأجراءات راح يتخدوها , ولاتقلقين ولاتفكير زايد ,
أنشاء الله راح يتصلون بيك الأسبوع الجاي
تحياتي
THE DREAMER
-
الف الف مبروك اختي الكريمة هوه هذا موعد السفر جا شلون يصير بعد
-
مشكورين اخوانيويارب الكل تسافر وترتاح من هالانتظار والصبر
زين اخواني مو لازم نودي الجوازات لليو ان لمن همة يكولولنا زين هذي العملية متاخذ وقت؟؟
-
شلونج فلونا حبي
مبروك وانتي انتظري اتصال منهم لان معناها انتو مخلصين كولشي اكيد الواحد يبقى حاير وعلى اعصابه وميعرف شيسوي حاسه بيج اني وخصوصا يومين عطله بس ان شاء الله يخابروكم وترتاحين بس انت لا تظلين تفكرين هوايه وان شاء الله تسهل اموركم وتسافرون
-
اخت فلونا الف مبروك وان شاء الله ينطوكم الموعد الاحد وتوصلون بالسلامة
بالنسبة لتسليم الجوازات اللي اعرفة انتو تودوها للمنظمة وهمة ينطوكمياها بيوم السفر بعد ما اعرف اذا عمان اجراءاتها تختلف
بس عندي سؤال شوكت سويتو فحص طبي وشوكت اكتملت الامنية
لان اني ملفي مثلج هم قيد الدراسة ومن سنة 2011
-
الف مبروك وان شاء الله الموعد قريب وبالتوفيق
-
الف مبروك للاخت فلونا وانشاءالله تبشرينا بموعد السفر
-
مليوووووووووووون مبروووووووووووووووووووووك أختي فلونا
إن شاء الله تسافرون و توصلون بالسلامة و الله يوفقكم لكل خير و يرزقكم الطمأنينة و السعادة
بس و الله فعلا شغلة مزعجة ، يعني اللاجئ يبقى سنوات طويلة بالإنتظار و على اعصابه و يوم اللي يصير السفر يصير بهاي الطريقة المرتبكة و الإرتجالية و كلشي عالسريع و حتى من دون تأكيد لموعد السفر، الله يكون بعونكم و إن شاء الله تكون اخر الإزعاجات.
يا رب نسمع اخبار وصولكم بالسلامة قريباً
بالتوفيق
-
مبرووووك اختي فلونا ان شاء الله يتصلون بيك عن قريب على موعد سفر بلتوفيق
-
شلونج فلونا حبي
مبروك وانتي انتظري اتصال منهم لان معناها انتو مخلصين كولشي اكيد الواحد يبقى حاير وعلى اعصابه وميعرف شيسوي حاسه بيج اني وخصوصا يومين عطله بس ان شاء الله يخابروكم وترتاحين بس انت لا تظلين تفكرين هوايه وان شاء الله تسهل اموركم وتسافرون
عزيزتي شموسة هواية اشكرج عالكلام المريح والله صدك شغلة محيرة
-
اخت فلونا الف مبروك وان شاء الله ينطوكم الموعد الاحد وتوصلون بالسلامة
بالنسبة لتسليم الجوازات اللي اعرفة انتو تودوها للمنظمة وهمة ينطوكمياها بيوم السفر بعد ما اعرف اذا عمان اجراءاتها تختلف
بس عندي سؤال شوكت سويتو فحص طبي وشوكت اكتملت الامنية
لان اني ملفي مثلج هم قيد الدراسة ومن سنة 2011
اخي احنا بعد نتيجة قيد الدراسة بشهر بالضبط اجتنا موافقة المحلف
اول فحص طبي 9/5/2011
دورة تثقيفية 26/6/2011
اعادة بصمات 29/2/2012
اكتمال الامنية بداية شهر 7/2012
فحص طبي ثاني 1/8/2012
اسفة طولت عليك بس حبيت اكتبلك كل التواريخ بس انت بعدك قيد الدراسة لو اجتك موافقة المحلف؟؟
-
مليوووووووووووون مبروووووووووووووووووووووك أختي فلونا
إن شاء الله تسافرون و توصلون بالسلامة و الله يوفقكم لكل خير و يرزقكم الطمأنينة و السعادة
بس و الله فعلا شغلة مزعجة ، يعني اللاجئ يبقى سنوات طويلة بالإنتظار و على اعصابه و يوم اللي يصير السفر يصير بهاي الطريقة المرتبكة و الإرتجالية و كلشي عالسريع و حتى من دون تأكيد لموعد السفر، الله يكون بعونكم و إن شاء الله تكون اخر الإزعاجات.
يا رب نسمع اخبار وصولكم بالسلامة قريباً
بالتوفيق
اي والله يااخي يعني صارلي 3 سنوات انتضر هذا اليوم ومن اجة اليوم المنتظر مخلوني احس بالفرحة يابة شنو مو اكيد انتظروا نأكدلكم
هسة مو مشكلة المدة قصيرة بس غير يكولون يابة فلان يوم شنو خلونا معلكين
-
ايييييييييييييييييييييييييييييييي يالله
فرجت عليج فلوووووووناااااااااا
حبيبتي انتي حضري جنطج وكعدي عليها حتى تنزل زين
واذا عندج زايد من هسه روحي شحنيه
Be ready
وان شاء الله ياربي بعد 10 ايام انتوا محلقييييييييين بالجو
حبيبتي مو الظاهر اكو قسم ينطوهم موعد سفر ودياجلوااا على احنا ممتحضرين ولذلك كامو يتصلون يله ينطون موعد السفر
وانتي لو رايحه اليوم عليهم للمنظمه جان اخذتي الخبر اليقين ماطول انتوا المنظمه تستقبلكم
واذا ماتصلوا بيكم الاحد روحي عليهم وكوليلهم انتوا هيجي بلغتونا يعني شنو راح انسافر لو لا حتى نفتهم
-
مبروك حبيبتي وانشالله بالف خير وما كو داعي للقلق
انشالله يتصلون بيكم ويبلغوكم بموعد السفر انتو رتبو اموركم على هذا الاساس
-
ابشروا ان شاء الله خير
-
الف مبرووووووك ربي يسهللكم سفركم يا رب ويتصلون بيكم يوم الاحد ويحددولكم موعد سفر يا رب
-
الف مبروووووووووووك خلص الانتظار أختي سؤال العشرة أيام لا يكون عشرة أيام بالضبط قد تكون من 5 الى 30 يوم و لكن من خلال متابعتنا لمن سافروا هذا الاتصال يعني ان ملفكم أصبح على أول رحلة جوية للمنظمة ستغادر الى بلد التوطين ف كومي جهزي الشنط و توصلون بالسلمة و بحماية الرحمن
-
مشكورين اخواني وخواتي والله كلامكم مفرح ويبعث الامل اكثر من المنظمة
بالمناسبة اني تقريبا محضرة كل الجنط وكلشي جاهز لان صارلهم شهر يكولولي على جدول السفر وزوجي من هذاك الوكت راح ركض اشتره الجنط وثبرني بيهم بس الضاهر الجدول كان طوييييييييييل وهسة يالله وصلني السرة......هههههههه.....
-
تحضرو الف مبروك
-
الف مبروك حضري وشدي الحقائب من الان
-
اخت فلونا مبروك هذا الخبر الحلو عليكم بالمناسبه اني مع اهلي من جماعة المغضوب عليهم 26-03-2011 اكدر اعرف شنو جان الملف مالكم قبل هذا الاتصال ومبروك مره ثانيه
-
اي الف مبروك انشاء الله يارب سفركم عن قريب مبقى شي
-
اخت فلونا مبروك هذا الخبر الحلو عليكم بالمناسبه اني مع اهلي من جماعة المغضوب عليهم 26-03-2011 اكدر اعرف شنو جان الملف مالكم قبل هذا الاتصال ومبروك مره ثانيه
اخي احنة بعد ان اكتملت الامنية كان الفحص الطبي اكسباير واعدنا الفحص من 1/8 حالة الملف هي (فعال)
بالمناسبة اني ايضا اهلي من جماعة 26/3/2011 لكن لم تصل موافقتهم الامنية لحد الان وهمة عادوا الفحص 3 مرات وهسة الفحص الثالث هم قرب ينتهي
-
حضري الجنط ام مجودي هالاسبوع تسافرين انشالله
توصلين بالسلامه
-
شكرا اخت فلونا وبالتوفيق يارب وان شاء الله كلكم تسافرون
-
الف مليون ترليون مبروك
اخت فلونا اكيد راح تسافرون خلال هالايام
-
حضري الجنط ام مجودي هالاسبوع تسافرين انشالله
توصلين بالسلامه
زهورة حبي والله مشتاقين
-
مرحبا أخت فلونا أخوكم adil_mido أني هم خابروني بس محددوا الوقت أنتوا كالولكم 10 أيام؟هل طراٌ شي جديد؟ توصلون بالسلامة أنشاء الله أتمنالكم الموفقية
أتصلوا بينا قبل أسبوع و سألوني نفس السؤال هل تكدرون تسافرون أو أكو شي يمنعكم مثل مشاكل صحية؟ أو غيرها جاوبتهم أحنا جاهزين والحمدلله
وبعدني دا أنتظر الخبر اليقين أشوكت ما عندي فكرة
بس أكوا شي لحد الأن ما مجهز الحقائب و لا بايع غراض البيت و بالمناسبة أني متزوج و عندي طفل عمرة سنه و نصف
بيش تنصحوني و شنو ناخذ ويانا جاوبوني يا أصحاب الخبرة؟؟؟؟؟؟؟؟؟؟؟؟؟؟؟
و خاف ناسي شي مهم ذكروني بيه ررجاءاٌ
أخوكم الحاير جدا جدا
-
مرحبا أخت فلونا أخوكم adil_mido أني هم خابروني بس محددوا الوقت أنتوا كالولكم 10 أيام؟هل طراٌ شي جديد؟ توصلون بالسلامة أنشاء الله أتمنالكم الموفقية
أتصلوا بينا قبل أسبوع و سألوني نفس السؤال هل تكدرون تسافرون أو أكو شي يمنعكم مثل مشاكل صحية؟ أو غيرها جاوبتهم أحنا جاهزين والحمدلله
وبعدني دا أنتظر الخبر اليقين أشوكت ما عندي فكرة
بس أكوا شي لحد الأن ما مجهز الحقائب و لا بايع غراض البيت و بالمناسبة أني متزوج و عندي طفل عمرة سنه و نصف
بيش تنصحوني و شنو ناخذ ويانا جاوبوني يا أصحاب الخبرة؟؟؟؟؟؟؟؟؟؟؟؟؟؟؟
و خاف ناسي شي مهم ذكروني بيه ررجاءاٌ
أخوكم الحير جدا جدا
من رخصة فلونة اني اجاوبك لان يجوز مشغولة هيه هس
اخي بيع الاثاث والاغراض اللي تريد تبيعها بسرعه لان ترة متلحك وبعدين تحير شتسوي من راح يتصلون بيك ويحددولك موعد السفر اللي ديكون خلال اسبوع او اقل
فحاول تصفي امورك بسرعه واتوكل على الله
-
بالمناسبة أني البرنامج مالتي SIV , I أكو فرق أكيد من يبلغوني بموعد السفر يعني من يفيزولي الفيزا بيها 3 أشهر أكسباير و هاي المدة كولش جيدة للتحضير هذا الشي صار مع البعض من أصدقائي لو أكو تغيير طرأ مؤخراُ أرجو المشاركة بالحل
أخوكم adil_mido