ankawa
منتدى الهجرة واللجوء => الهجرة و واللاجئين => الموضوع حرر بواسطة: الصابر76 في 11:53 12/10/2012
-
اخواني الاعزاء بعد وفاة اخي العزيز طبعا سرعان ما انتشر الخبر وبدأت الناس بالاتصال بي اما هاتفيا او المرور على الجامع لمواساتي وقرائة صورة الفاتحه والبعيد اذا لم يستطيع الاتصال بي بسبب فاستعملت الطرق الحديثة جدا فسرعان ما انتشر الخبر بالفيس بوك وتوالت الناس بمواساتي عن طريق الفيس بوك والايميل والمسنجر الى اخره طبعا هذا الشي حصل في يومه ولكن لم استطيع فتح الحاسبه الا بعد مرور تسع او عشرة ايام من تأريخ الوفاة عموما الذين قامو بالاتصال بي هاتفيا او عن طريق الفيس بوك وهم من سكنة الولايات المتحدة الامريكيه هم 27 شخص بالضبط كون علاقاتي وبحكم عملي كمقاول في شركة هي مع المقاولين والمهندسين الاستشاريين والقطاع الخاص ومع المترجمين سابقا فاستغليت اتصالهم بي لاتمكن مستقبلا بسءالهم عن اوضاعهم هناك وهم مشكل يا لوز اي او ام واس اي في ومن مختلف الولايات وبيهم مسيح وبيهم اسلام وبيهم صابئة وبيهم سنة وبيهم شيعة يعني نكدر نكول تقريبا عراق مصغر ولكن معظمهم من الطبقة الواعية والمتحضره بالاضافه حس صداقتي وعلاقتي معهم بيهم النشيط وبيهم الكسول وبيهم السبع وبيهم الاثول حشاكم وبيهم الي مفتح باللبن وبيهم المطفي وبيهم المتشائم وبيهم المتفائل وبيهم يعرف لغة وبيهم ولا طكه بيهم الي مرته تبسطه وبيهم السبع وبيهم المتدينين وبيهم العركجية وبيهم وبيهم هاي هي هاي تقريبا عديتهم واحد واحد طبعا بيهم الي هاجرو بال2009 وبيهم 2010 وحتى بيهم 2011 واخر واحد طلع في بداية ال2012 يعني هم صارله 9 او 10 اشهر هو بالخارج ها تذكرت بيهم البخيل وبيهم الكريم وبيهم الي عنده فلوس وبيهم الي حالتة زينه وبيهم الوسط ما اجذب عليكم ولا واحد بيهم حالته مسحوكه كلش اكو يعني بيهم خطيه على كم حالهم بس ماخذين وياهم يعني دفتر او دفتر وشويه عموما طلبت منهم يكتبولي وضعهم هناك شلون بالتفصيل وبسلبياته وايجابياته من توفر عمل ونوع العمل والايجارات والولايه يعني كلشي الي طلبت منهم يكتبولي اكثر من 35 واحد بس الي كتبو فعلا 27 فقط وكتبولي تفاصيل ممله عن اوضاعهم الي حكت عن المعاناة وعن الفوائد والايجابيات ولكن السؤال اكو واحد بيهم رجع الجواب لا يعني هسه صارت نسبة الناس الي رجعت من ال27 صفر ( يعني 0% ) رجعو طبعا هيج مقارنات متنطي نسب مضبوطه 100% بس يعني على الاقل هيج دراسه تنطي فكره ولو بسيطة نسبة الي عانو هواي وبس يتشكون وبس يحجون وجماعة انعل ابو فلان لابو فلان وذولي نفسهم الي يحجون على المالكي هسه وعلى اياد علاوي في وقته وعلى صدلم اثناء حكمة يعني الي عبرو عن امريكا سلبيا هم 5 من مجموع 27 يعني ( 19%) والناس الي ما تحب تحجي على احد وناس فقره ومستوره وتريد تعيش بسلام ويكولون الحمد لله والشكر طبعا هاي الطبقة هي مشكل يا لوز بيهم الي يعرفون انكليزي وبيهم ميعرفون وبيهم الي عدهم خبره وبيهم الي ما عدهم وبيهم الي يطردون عين والعكس يعني عموما شكلو نسبه 12 واحد يعني (44%) وبيهم الي مسوين امريكا جنة على الارض والي بصراحه واكولهه بدون اي تحفظ كلاتي :- اولا :- همه الناس الي متهدديين وشردو خارج العراق يعني بين قوسين وصلو بنقطة الا رجوع
ثانيا :- الناس الي حالتهم وسط عدهم كم فلس بس وضعهم المادي ما بي تطور قلة توفر العمل وعدم وجود فرص تعيين
ثالثا : - الاديان الاخرى غير الاسلام
ذولي مسوين امريكا جنه ويكولو الف الحمد لله والشكر الله كلصنة وخلصنة من العراق وتعالو ولا تشيلون هم كلشي يهون وعمل متوفر ومساعدات اكو الى اخره يعني نلاحظ بانو النظره بصوره عامة هي نظره انطباعية تعكس والبشر بصوره عامة يفسر الوضع المحيط بي حسب ضروفه الحالية وضروفه بالماضي ورؤيتة بالمشتقبل
عموما بالنسبه للي مسوين امريكا جنة واغلبهم هم صارلهم اكثر من سنة ونص هناك فعددهم 10 يعني (37%)
واؤكد هاي النسبه لوضع فكره لان هي بعيده عن الدقة وتعطي مجرد فكره عن الموضوع لان اساس الموضوع متعلق بعوامل عده تخص شخصية المهاجر وتأقلمة مع الوضع الجديد بالاضافه الى ضروفه السابقة في العراق واطباع البشر واطباع العائلة بصوره عامة وارجو ان وفقت في هذا الموضوع العام والقاصر في نقفس الوقت
تحياتي
اخوكم الصابر 76
-
شكرا اخويه الصابر على هل موضوع
كل انسان يسافر يعتبر نفسه انه نولد من جديد ويبدا من نقطة الصفر لان اول سنه المفروض واحد ينطيها بالخسائر هذا الحجي مو لكل الناس فقط للذين يتحملون الغربه وشافو الضيم في بلدهم ويريدون يعيشون بسلام والله يستر عليهم . اما الناس الي ما محسبه حساب لهاي الامور اني اشوف الشغله حيل صعبه عليهم وما راح يكدرون يعيشون او يتاقلمون ويه الوضع الي هناك سواء بشغل او دراسه او حياة او حتى بتربيه الاولاد . فكل واحدالمفروض يراجع هاي الامور قبل مايروح ويدرس تفاصيلها بدقه قبل ان يخطو اي خطوه وهذا هو التفكير السليم . واحتمال اني اكون غلطان . والتوفيق من رب العالمين
تحياتي
-
اولا البقاء في حياتك ومجنة ندري لودرينة جان قمنة بلواجب ثانيا دراسة قيمة ومشوقة بنفس الوقت للحالة الاجتماعية على ارض الميعاد وفقك اللة لخدمة اخوانك ويوم السفر انشاء اللة
-
الله يحفظكم ويسلمكم والف شكر الكم وحياتكم الباقية اخي مروان
اعزائي اود ان اقول انو ما اذر في الموضوع هي من الاوراق الى الحاسبه يعني ما تعبر عن وجهة نظري نهائيا جائز ال8 الي ما انطوني التفاصيل وضعهم زين فيزيدون نسبة المتفائلين او بالعكس عموما هذي الدراسه الله يشهد ورسوله دراسه اخذتهه من الاشخاص ودرجتهه بالموضوع
تحياتي
-
تحياتي الك وين انته موجود ومشاعري يا صديقي ما اله حدود تحياتي
اخوية العزيز عباس المستعجل دومك سباق بالخير والعمل الصالح وهاي الدراسة مالتك رغم بساطتها بس كافيه جدا لاخذ بنظر الاعتبار لان الي رايحين كلهم من بلد واحد زطالعين من مصير واحد ومتغربين بارض وحدة هاي العوامل المشتركة اللي بيناتهم تلغي العوامل الخاصة يعني الحال واحد والنظرة وحدة وحتى اللي عنده فلوس هم يجي يوم وتخلص فلابد من ان يبحث عن عمل لاستمرار ديمومة الحياة والاستقرار .....
بارك الله بيك يا ورد
-
شكرا أخي العزيز
الله يرحم أخوك و الله يجعل مثواه الجنة و عظّم الله أجوركم
عاشت إيدك على المعلومات و التحليل
-
اخويه العزيز
الف رحمه تنزل على روح اخوك ويارب مثواه الجنه والغفران
والف شكر اخويه على هذا الموضوع الرائع ويارب السفر العاجل لكل المنتظرين
تحياتي
اختك ام شاهين من سوريا
-
اخي العزيز
اول شي اقدم لك خالص التعازي بوفاة اخوك الله يرحمة ومثواه الجنة كل نفس ذائقة اللموت ولا مهرب
بس حبيت اسالك اني قريت موضوعك بس مافتهمت شتريد توصل من فكرة هل انت مع ام ضد ان امريكا جنة هاي واحد
و 2 شي اني ابن بلد واتعرضت لاهانات كوني مسيحي لابعد ماتتصور بس شنو اني حقي اخذتة بالقوة لان مع الاسف اتعلمت منكم شي واحد فادني العين بالعين والسن بالسن والبادي اظلم العراق حولني انسان ماارحم الل يمايرحمني ولاكنت مثل بقية الاخوان من غير الاديان شون متكول اسكت على حقي والحمدلله بس سؤالي الك
من حقي اسوي امريكا جنة لو لا
وهل من حق ان يعلن العراق دولة اسلامية ونحن كنا بهه منذ الالاف السنين
-
اخي العزيز
اول شي اقدم لك خالص التعازي بوفاة اخوك الله يرحمة ومثواه الجنة كل نفس ذائقة اللموت ولا مهرب
بس حبيت اسالك اني قريت موضوعك بس مافتهمت شتريد توصل من فكرة هل انت مع ام ضد ان امريكا جنة هاي واحد
و 2 شي اني ابن بلد واتعرضت لاهانات كوني مسيحي لابعد ماتتصور بس شنو اني حقي اخذتة بالقوة لان مع الاسف اتعلمت منكم شي واحد فادني العين بالعين والسن بالسن والبادي اظلم العراق حولني انسان ماارحم الل يمايرحمني ولاكنت مثل بقية الاخوان من غير الاديان شون متكول اسكت على حقي والحمدلله بس سؤالي الك
من حقي اسوي امريكا جنة لو لا
وهل من حق ان يعلن العراق دولة اسلامية ونحن كنا بهه منذ الالاف السنين
ليش هو مفتهم السالفه حتى يفهمك الله اعلم منين ناقله للحجي
-
اخي العزيز
اول شي اقدم لك خالص التعازي بوفاة اخوك الله يرحمة ومثواه الجنة كل نفس ذائقة اللموت ولا مهرب
بس حبيت اسالك اني قريت موضوعك بس مافتهمت شتريد توصل من فكرة هل انت مع ام ضد ان امريكا جنة هاي واحد
و 2 شي اني ابن بلد واتعرضت لاهانات كوني مسيحي لابعد ماتتصور بس شنو اني حقي اخذتة بالقوة لان مع الاسف اتعلمت منكم شي واحد فادني العين بالعين والسن بالسن والبادي اظلم العراق حولني انسان ماارحم الل يمايرحمني ولاكنت مثل بقية الاخوان من غير الاديان شون متكول اسكت على حقي والحمدلله بس سؤالي الك
من حقي اسوي امريكا جنة لو لا
وهل من حق ان يعلن العراق دولة اسلامية ونحن كنا بهه منذ الالاف السنين
نعم وللاسف مع اسفي الشديد الاديان الاخرى في العراق تعرضت الى اضطهادات كثيره وفي مناطق مختلفة من قبل مليشيات متطرفه رغم همه اهل بلد ترعرو وعاشو وذاقو ويلات العراق والهم كل الحق بالعيشه الكريمه داخل البلد ولكن للاسف وايضا اكرر للاسف ما تحقق هذا الشي بسبب التطرف الي صار بالعراق ونعم وبكل المقاييس اقول من حق المتهدد ومن حق الاديان الاخرى ومن حق من ضحى بروحهه للعمل في مجال المقاولات والترجمه وغيرها ان يهاجر وغصبن على اليرضى والما يرضى وصدكني الغرض من موضوعي هو فقط احصائيات لا اكثر ولا اقل فنلاحظ من يعتبر امريكا جنه همه الي واصلين الى نقطة اللا رجوع يعني ما اله عيشه بالعراق ولا يحص بالعداله بالعراق ومضطهد وطبعا للي ما يشعر بالامان واكيد مثل ما انطرحت ببقية المواضيع الي متمكن وعنده عمل ويسترزق هنا بالعراق ومرتاح الي باله يروح الامريكا لغرض سفره سياحية وخلي نشوفهه تنجح لو لا اكيد هذا الشخص طبعا البعض وليس الكل راح يكول شجابني وشوصلني هنا
وجوابي لك اخي ستيفن انا لست مع انشاء دوله مدنية حضاريه وحكومة خدمات تكنوقراط توفر العيشه الكريمة لكل اطياف الشعب ولكل المنشأة الحكومية والاهلية يعني مثل ما الجامع او المسجد ينسحبله مي وكهرباء ويتوفر الحماية له فانا مع توفير نفس تلك الخدمات الى الكنيسه والى المكتبه والى المنظمات وحتى الملاهي يجب تكوين دولة قانون حقيقية تحافظ على حقوق كل اطياف شعبنا وتحافظ على كرامة الفرد وتحافظ على كافة مؤسسات الدولة قصدت بالاديان الاخرى بانو هلاديان للاسف تعرضت الى هجمة شرسه مثل ما تعرضو الهه المترجمين والي عملو مع الشركات ومنظمات المجتمع المدني فايضا وصلو الى مرحلة الخوف والرعب واليأس فاكيد من يوصلون الى امريكا لازم يعيشون ويكونو نفسهم ويسعون للنجاح
اسف للاطاله وسوء الفهم الي صار واكرر العرب والكرد وكافة الاديان على راسي تاج وغصبن عليه بس ماكو باليد حيله
وارجو من القارئ النظر لهذا الموضوع بموضوعية من كتبت الاديان الاخرى فهذا مو رأيي وعبرت عنه وانما ما بين ال27 شخص اكو 3 مسيح وواحد صابئي يكولون الف الحمد الله والشكر وصلنه وخلصنه وهذا رأيهم مو رأيي واتصور الجميع يعطوهم الحق
تحياتي واشكرك اخ زناتي على التعليق يعني هاي بمكان متكلي البقاء بحياتك تحجي عليه هيج حبيت اكلك انو شكد ناس صارلهم سنين ما نتحاجه وياهم جوي للفاتحه وقروهه وكانو جدا متأسفين رغم وجود خلافات قويه وياهم لو بس اعرف انت شكد حاقد عليه وبدون سبب ما اعرف على العموم الله يغفرلك
-
البقاء في حياتك وعظم الله اجرك
-
اخ استيفن مساء الخير
اعذرني انه الرسالة انته ما وجهتها الي بس كلت اتعلمته منكم يعني خليت الموضوع عام فا اسمحلي اجاوبك ومن رخصة الاخ صابر
احنا كمسلمين حق ونتبع وصايا الرسول عليه افضل الصلاة والسلام وسنته النبوية والقران الكريم ....فبدينا ما عدنا شي يكول انه اقتل المسيحي او هجره من بيته او لاتحترمه وبالعكس اذا نرجع لزمن الاسلام واول ما بدى الاسلام ونشرة الدعوى ومن اتعرضوا المسلمين للقتل اوصاهم النبي عليه الصلاة والسلام بالذهاب الى النجاشي ملك الحبشة وكان رجل مسيحي .....هاي من باب
الباب الثاني اتصور الحضارة الاشورية هم كانوا مسيحين واكيد انته تعرف هذا الشي .....
فللي هانك كونك مسيحي هو نفسه اللي اهان السني والشيعي والصبي والمسيحي وباقي القوميات والاديان الاخرى كن على ثقة من مصدر واحد واكيد انته موغشيم وتعرف هذا الشي كلش زين ....كلي فدوه لعينك المفخخة لمن تنفجر تميز بين احد والثاني طبعا لا ....
فالذي اذاك واذاني هو واحد ...
ثم دين الاسلام هو دين المعاملة قبل ان يكون عبادة
فالاخلاق والمثل والتعاملات الانسانية الي يملكه الغرب هاي من صميم الدين الاسلامي والسماحة اللي بي والانسانية والعطف بس للاسف احنا فاقديه مو كشعب بس كحكومات تعبانه وتعبت شعوبها وياها
فاني اعتراضي على كلامك انه من كلت اتعلمت شي واحد منكم واحنا عدنا دين للبشر كلهم يتعلمون منه ويستفادون الكثير .....
فاحنا اخوان واكبر من هذا الشي وعاشت ايدك لمن اخذت حقك من اللي اذاك
واتمنى كلامي يكون مفهموم لتصحيح وجهة نظر لا اكثر ولااقل ودون المساس بالاديان
اخوكم النعيمي
-
اخي العزيز
اول شي اقدم لك خالص التعازي بوفاة اخوك الله يرحمة ومثواه الجنة كل نفس ذائقة اللموت ولا مهرب
بس حبيت اسالك اني قريت موضوعك بس مافتهمت شتريد توصل من فكرة هل انت مع ام ضد ان امريكا جنة هاي واحد
و 2 شي اني ابن بلد واتعرضت لاهانات كوني مسيحي لابعد ماتتصور بس شنو اني حقي اخذتة بالقوة لان مع الاسف اتعلمت منكم شي واحد فادني العين بالعين والسن بالسن والبادي اظلم العراق حولني انسان ماارحم الل يمايرحمني ولاكنت مثل بقية الاخوان من غير الاديان شون متكول اسكت على حقي والحمدلله بس سؤالي الك
من حقي اسوي امريكا جنة لو لا
وهل من حق ان يعلن العراق دولة اسلامية ونحن كنا بهه منذ الالاف السنين
اخوية العزيز ستيفن العراق حاليا اسوء من الغابة لان ممبين بي منو الاسد ومنو النمر بس الغابة مبين بيهة هذة اسد هوة الملك وهذة النمر اخوية العزيز صدكني مع الاسف العراق قبل جان احد يكدر يكول هذة سني لو هذة شيعي لو هذة مسيحي قبل جانت اكو هيبة للدولة اكو قانون يمشي علة كل الناس مو هسة جيب عشيرتك لو جيب عمامك وبلد مابي اي قانون قبل اذا ينزل انظباط واحد بلنهظة يعزلهة لساحت النهظة قبل اذا سيارة مال شرطة تدخل بمنطقة الكل ترجف هسة سيارات ومحد ديعرف راسة من رجلية اني بس اريد اكلك هم جان احد يكدر يحجي وياك كونك مسيحي اني عشت بمنطقة اكثرهم من الاخوان المسيحيين الاصليين ما فديوم احد مسهم بشعرة اني بس حبيت اكلك العراق هسة ابدا مو مقياس لان العراق مو مال ابو احد العراق انشاء الله يرجع للعراقيين اليحبون العراق بغظ النظر عن دياناتهم ومعتقداتهم واخيرا لايصح الا الصحيح طبعا امريكا جنة هسة بلنسبة للوظع الحالي تعرف ليش لان اكو قانون والقانون معناه الاستقرار الذي كل العراقيين يدورون علية واني اسف طولت عليك
-
البقاء في حياتك اخوية صابر واخر الاحزان والله يعجل بسفرك وموضوعك حلو وعاشت ايدك
-
البقاء في حياتك اخوية صابر واخر الاحزان والله يعجل بسفرك وموضوعك حلو وعاشت ايدك
الله يحفظك ويخليك واشكر بقية الاخوه
-
البقاء في حياتك اخي صابر وانشاء الله مثواه الجنة
-
البقاء في حياتك اخي صابر وانشاء الله مثواه الجنة
الله يحفظك ويسلمك اخي حياتك الباقية
-
موضوع رائع وقيم عاشت ايدك
-
موضوع رائع وقيم عاشت ايدك
الله يحفظك
-
الله يستر على الجميع بس اني متهجر لحد مامليت من سنة 2005 لحد 2006 جنت بكردستان اللي عاملوني على انه اني عربي بالرغم اني مسيحي وشوفوني عنصرية الله اليشوفها لواحد ومن سنة 2007 لحد 2008 الشهر السادس منة رجعت من السويد وماحصلت اقامة للاسباب المعروفة اتفاقية عهد الصلح الدولي وبعدها جنت ابغداد لسنة 2011 وركضت لسوريا سنة 2001 الشهر الثامن وبعدها لامريكا هاي كلها واني من كركوك هاي كلها ليش برايكم المهم وين رايح يصفون بالاخير اللي هيج سوا
تحياتي
-
البقاء في حياتك أخي صابر...وانشاءالله خاتمة الاحزان....
أخي اني أعتقد فاهم قصدك وغايتك الخير والنصيحة...بس اكو هواية عالم تتهستر من تسمع كلامك لان عانت الامرين وكرهت البلد و تريد تلغي نهائيا من قاموس حياتها بعيدا عن المثاليات والوطنيات....بين قوسين الناس تريد تعيش بامن وامان وحقوق مدنية ...واني أعتقد من حقها.
مسألة أختلاف الهوية والأنتماءات بأنواعها المفروض نتجاوزها ونترفع عنها...والكلام موجه للكل لان حصدت الأنفس وخربت البيوت وهجرت من سلم.
ولازم نقيم كل فرد على انه انسان ومن حقه ان يحيى بكل احترام بشرط ان يحترم الغير...اسأل الله ان يوفقكم جميعا و يزرع في قلوبكم المحبة ويجنبكم كل مكروه.
وأعتذر من الجميع............
-
إنا لله وإنا اليه راجعون
البقاء في حياتك أخويه الصابر وان شاء الله آخر الأحزان
تحياتي لحضرتك وعظم الله اجركم
أختك كوكي
-
إنا لله وإنا اليه راجعون .
البقاء في حياتك أخويه الصابر وان شاء الله آخر الأحزان , وعظم الله اجركم .
مع دعائي لكم بالتوفيق والنجا ح والسفر القريب انشاء الله .
مشكور على التحليل والمعلومات
تحياتي اخوكم ابو ديانا
-
عاشت ايديك موضوع رائع
-
مشكور اخي العزيز على هاي الدراسة .... ما قصرت .. اتمنالك الموفقية
-
اشكركم اخواني على الردود وامل انو الموضوع ينطي فكره واخواني الي عزو حياتكم الباقية واشكركم هواي
-
الاخ الصابر 76 الله يرحم أخيك وأن شاء الله مكانه الجنه مع الانبياء والمرسلين والصالحين وان يغسل الله له جميع ذونبه وحياك على موضوعك الذي نقلته بكل مصداقيه وثانياً الى الاخ ستيفين أعلم أخي ان قيام الساعة تأتي من الناس الذين قد فهمو الدين وفهمو الحياة من أسفلها لامن رأسها الدين الاسلامي أرفع وأنبل وأنظف من هؤلاء الذين يتمسلمون بأسم الدين الحنيف الذي أتى ليكمل رسالة الانبياء أبتدأً من أبو الانبياء نبينا آدم عليه السلام ومروراً بنبينا عيسى عليه السلام ونبينا وموسى وختمت هذه السلاله الطاهرة من هؤلاء الانبياء الذين أصطفاهم الله ليجعلهم رسوله في الارض وليوصلو ما أمرهم به والعاقبة لم اتقى . فبروك ساعدك أخ ستيفن بأخذ حقك بيدك وحماك الله وجمع الحب والالفة بين جميع أطياف العراقيين والله ينتقم من كل معتد أثيم وتقبلو مروررررررررري
-
عظم الله اجرك واحسن عزائك ورحم ميتك واحب اذكر الاخوه الي ديكتبون ارائهم لحد ينظر كلمن لمصلحته وانما انظروا لمصالح كل العراقيين الشرفاء من مختلف الاديان والاطياف حتى الله سبحانه وتعالى يرحمنه ويرحمكم اذا تراحمتوا بينكم مايلفظ من قول الا لديه رقيب عتيد
-
الله يبارك بيكم اخوان والله كلماتكم داقراهه وداشوف الرؤى من عدة زوايا كلامكم كله صح واحترامي الشديد للكل
تحياتي
اخوكم الصابر
-
دومك مبدع ومتكتب بس المواضيع اللي بيهه فائدة
-
الله يصبرك اخويه العزيز الصابر على مصابكم وان شاء الله متشوفون شر . اما الاخ ستيفن اكله احترم الدين الاسلامي كدين مو كااشخاص لان مثل مااكو الزين اكو الموزين صح لو لا . بس اريد اكول الله يهديك .
-
عظم الله اجوركم وجعلها الله لكم خاتمة لاحزانكم
-
واجوركم يا اخواني واخي ستيفن : عزيزي مثل ما كالو اخواني واخوانك ليش همه المسلمين شمطبقين من الاسلام الاسلام دين المحبه والصلح والعفو ودين الرحمة والحب والالفه احنه ننقد المجتمع حاشا الاسلام من هيج مجتمع مع احترامي للزينين لازم نعترف انو المجتمع تأثيره اقوى من الدين المجتمع اغلبه ذو طابع عشائري رجعي متطرف ومتخلف بكل معاني الكلمة والدلائل نشوفهه كدام عيونه ويومية والدليل اسولفلك سالفه مقاول ويانه بال2004 تسلبت سيارته باحدى الطرق النائية والي بيهه بدو وميخافون الله عموما سولفلنه على الحادث اني جان عندي ولد صديق يعرف ناس محترمه بالمنطقة الي تسلب بيهه صاحبي المهم لمينه ناس ورحنالهم نتفاوض وياهم ما اطولك السالفه دخلنه على السلابه لكينه ابو السلابه واخوانه ديتوضون ويريدون يصلون صلاة الظهر !!!!!!!!!!!!!!! فصلينه وياهم !!!!!!!!!! وكعدنه تنفاوض وياهم يكلنه الاب انو ما انطيكم السياره الا تنطوني 30 ورقة ام ال100 دولار كلنه يابه شلون حجي هذا مو انت ابن عشائر وانسان مؤمن شلون هيج تحجي طبعا هذا الحجي احنه ماخذين ويانه ناس محترمه واسياد مجتمع وكبار بالعمر المهم كال اني ولدي من سلبو السياره مخلين دمهم بشيشه جائز الشرطه تكتلهم جائز ينحبسون كلشي يصيرلهم يعني هلشغلة الي ديشتغلوهه ببلاش وبالكوه والف يا الله نزل من المبلغ ورضو ب20 ورقه فقط وبعد ما راح اعلق
والله ننطي رشاوي الناس علمود نمشي المقاوله ويبتزونه ويطيحون حظنه ونلاكيهم يطبخون بعاشوراء او يمشون الكربلاء طبعا اعيد واكرر حشه الزينين مثل ما تعاملنه ويه المو زين فايضا اكو زينين وجائز اكثر
تحياتي
-
انتريستنك .. سو .. اي ول دو UP