ankawa
منتدى الهجرة واللجوء => الهجرة و واللاجئين => الموضوع حرر بواسطة: maximose في 02:16 16/10/2012
-
اخواني العين كاويين اني اخوكم ماكيموس حبيت اساعد بالي اكدر عليه زملائي بالمهنة الساكنين في عمان في مجال اختصاصهم وهو مجال الكومبيوتر وتكلنوجيا المعلومات حتى من يوصلون اميركا ما ينصدمون بمتطلبات سوق العمل الاميركي في مجال عملهم...
الصدمة بالنسبة للعراقيين من يواجهون صعوبة بايجاد عمل بالاختصاص وخاصة بمجال تكنلوجيا المعلومات لان اميركا سابقتنا بقرون..
بس الي عده خبره مهنية عالية وموهلات جيده ويكدر يدعمها ببعض الشهادات المهنية العالمية في مجالة يكدر يلكى شغل وهذا الكلام نقلا على تجارب الاصدقاء كتير الي حاليا اغلبهم يشتغلون باختصاصهم باميركا.
للاسف اغلب الدراسة بالجامعات العراقية او العربية قديمة جدا ونضرية جدا فطالب من يتخرج يحتاج يبلش يقرا على الانضمة الحديثه اربع سنين ثانية بكدر دراسته الجامعية على سببيل المثال لا الحصر قسم هندسه الحاسوب وبالذات اختصاص قواعد البيانات او انظمة الاتصالات سسكو او انظمة التشغيل الحديثة (لنكس ,يونكس ...الخ) وهي كلها من الاختصاصات المطلوبة جدا في سوق العمل الاميركي ..طبعا المتخرج من الجامعات العراقية سامع بمجال قواعد البيانات او السسكو او نظم التشغيل الحديقة ويكون عده معلومات شحيحة جدا على الانضمة الحديثة في هذا المجال ومن يروح يقابل باميركا على وضيفة في هذه الاختصاصات ويطلبون منه معرفة على مستوى عال بهاي الانظمة مثل اس كيو ال سيرفر او اوراكل لنكس يونكس انفورمكس دي بي تو وباصداراتها الحديثة ...المتقدم للعمل راح يصاب بخيبة امل كبيرة لان اكيد مراح يكون عارف بل ربما يكون ما سامع بهاي الانضمة ومتخرج مثل ما نكول احنا اول ما تخرجنا مثل الاطرش بالزفة...
اخوان..للاشخاص العين كاويين الي يشتغلون بمجال الحاسوب وتكنلوجيا المعلومات
اني اخوكم الصغير اشتغل بمجال تقنية قواعد البيانات وانظمة التشغيل الحديثة من سبع سنوات والحمد لله الله من عليه من فضله بمعرفة جيدة في هذا المجال واعتز وبكل فخر انه اني اول عراقي يملك شهادات عالمية فريده جدا على مستوى الوطن العربي والشرق الاوسط في هذا المجال.
اي شخص يريد يطور نفسه او يتعلم او يحتاج ااي شي بمجال قواعد البيانات او اي نوع من الكتب في هذا المجال حيث اني املك مكتبه الكترونية كاملة جمعتها خلال السبع سنوات الي فاتت ..من شلون يبدي الى شلون يحترف هذا المجال او اي مصدر اوكتاب فاني جاهز لاي نوع من مساعده دون اي مقابل مادي
وحتى عندي استعداد اذا صرتو عدد جيد ووفرتو بيئة ملائمة اني جاهز باوقات فراغي انه انطيكم دورات تدريبية وبدون اي مقابل مادي واغلب اصحاب الاختصاص يعرفون هاي الدورات ممكن تكلف المتقدم الاف الدولارات
والله على ما اقول شهيد.,
اخوكم .
ماكسيموس
-
شكرا اخي العزيز عل مساعدتك القيمة
بس سؤال اني عاجبني ان ادرس بهذا المجال من اوصل انشا الله
بس بعدين غيرت فكرتي لأن دا اشوف 80٪ من الوطن العربي دارسين هندسة اتصالات وكمبيوترات يعني مو فد شي نادر ومطلوب
فشنو رايك بامريكا يعتبر هذا الاختصاص ناجح لو لا
تحياتي
-
شكرا اخي العزيز عل مساعدتك القيمة
بس سؤال اني عاجبني ان ادرس بهذا المجال من اوصل انشا الله
بس بعدين غيرت فكرتي لأن دا اشوف 80٪ من الوطن العربي دارسين هندسة اتصالات وكمبيوترات يعني مو فد شي نادر ومطلوب
فشنو رايك بامريكا يعتبر هذا الاختصاص ناجح لو لا
تحياتي
اخي الكريم مستر عراقي..
اي اختصاص سواء كان في مجال الكومبيوتر او الطب او الهندسه او الاقتصاد لازم انته تكون واصل مرحلة علمية مواكبة للتطور حتى تكدر تنافس بسوق العمل مو بس باميركا اميركا وخارج اميركا .
صحيح انه درسو كومبيوتر واتصالات وطب لان كلنا بمجتمعاتنه كله تكلك اطلع مهندس او طبيب هيه مو باسم الشهادة هيه انه تحب المجال الي انته بيه حتى تكدر تبدع ومثال على كلامي هو مثل ما تفضلت حضرتك 80% من الوطن العربي همه دارسين طب وهندسه بس كم واحد من الثمانين بالميه احترف المجال الي هو بيه ما يطلعون 1% من الثمانين بالمية
اتمنى وصلت الفكره
ا
-
صح كلامك
وصلت الفكره
بس اني عندي خيارين الي اريد ادوسهن هنه هندسة اتصالات وهندسة بترول
واني درست ccna
فرأيك شنو الي بيه مستقبل هناك وشغله احسن
تحياتي لك عزيزي
-
صباح الخير اخي
بصراحة ماعندي معلومات بالعراق شلون طبيعة الدراسة بس اني بسوريا خلال 4 سنين اخذت شبكات وقواعد بيانات واشتغلنا بالمخابر عالاس كيو ال وعالينكس والماتلاب بالشبكات شتغلنا عالباكيت تريسر وعأساس بالسنة الخامسه الي هيه هالسنة نشتغل عالجافا وشبكات متقدمه بس المتداول عدنا انو اول منتخرج لازم نسوي كم دورة مشان الشغل مثل السيسكو واوراكل وغيرها لان الدراسة كانت اكاديمية واكيد مجان اكو الوقت الكافي للشغل والتعمق بالعملي
انشالله بأقرب فرصة اتواصل مع حضرتك لان اني السنة مدادرس والي هيه سنة تخرج بسبب الوضع الامني الي بسوريا فانشالله احاول اطور نفسي بنفسي..
دافكر هم ببرمجة الاندريود لان هسه مرغوب
وشكرا مرة اخرى عمساعدتك لناس :)
-
اخ مسترعراقي برأي الانسان هو الي يخلق فرصته بنفسه فممكن تشوف شخص عنده شهادة بسيطة بس طور نفسه وكمل ماستر ودكتوراه وصار انسان ناجح وأله اسمة وبنفس الوقت تشوف طبيب فاشل..يعني ادرس الي تحبه والي تستمتع بدراسته ومحد هيكدر يكلك الاختصاص الفلاني احسن من الاخر لان كتلك انت وشطارتك وكل الاختصاصات زينة بس الفكرة انو اختصاص تكنلوجيا المعلومات يحتاج مواكبه دائما لان متجدد باستمرار فأذا اختاريت الكترون لازم تحط ببالك انو متوكف دراسة بالمستقبل
برنسس
-
اخوية اني بكلوريوس فنون جميلة سينما و الي خبرة بالتصوير و المونتاج و الاخراج التلفزيوني و الاذاعي شنو توقعاتك بالنسبة للعمل في مجال الاختصاص و وضعية شهادتي ايضا م ياريت احصل على دورات بمجالك ايضا ليش لا اكون ممنون
-
مبادرة رائعة ومتميزه اخي الكريم ماكسيموس المحترم وان شاء الله يعوضك الله خيرا على هذا التوجه الفاعل والاخوي لخدمة الجميع
-
بارك الله فيك على فعل الخير
-
رحم الله والديك
-
صح كلامك
وصلت الفكره
بس اني عندي خيارين الي اريد ادوسهن هنه هندسة اتصالات وهندسة بترول
واني درست ccna
فرأيك شنو الي بيه مستقبل هناك وشغله احسن
تحياتي لك عزيزي
اخي الكريم ..
تكدر تختار اي اختصاص تحبه انته وسواء كان سسكو او هندسة البترول عليك ان تحترف هذا المجال حتى تكدر تشتغل بيه هناك
حسب علمي جماعة الاي تي هناك وضعهم زين والشغل متوفر والله اعلم
-
صباح الخير اخي
بصراحة ماعندي معلومات بالعراق شلون طبيعة الدراسة بس اني بسوريا خلال 4 سنين اخذت شبكات وقواعد بيانات واشتغلنا بالمخابر عالاس كيو ال وعالينكس والماتلاب بالشبكات شتغلنا عالباكيت تريسر وعأساس بالسنة الخامسه الي هيه هالسنة نشتغل عالجافا وشبكات متقدمه بس المتداول عدنا انو اول منتخرج لازم نسوي كم دورة مشان الشغل مثل السيسكو واوراكل وغيرها لان الدراسة كانت اكاديمية واكيد مجان اكو الوقت الكافي للشغل والتعمق بالعملي
انشالله بأقرب فرصة اتواصل مع حضرتك لان اني السنة مدادرس والي هيه سنة تخرج بسبب الوضع الامني الي بسوريا فانشالله احاول اطور نفسي بنفسي..
دافكر هم ببرمجة الاندريود لان هسه مرغوب
وشكرا مرة اخرى عمساعدتك لناس :)
اختي العزيزة الله يفرج عليكم وعلى كل اخوانا بسوريا..
واي شي تحتاجين اني بالخدمة
-
اخوية اني بكلوريوس فنون جميلة سينما و الي خبرة بالتصوير و المونتاج و الاخراج التلفزيوني و الاذاعي شنو توقعاتك بالنسبة للعمل في مجال الاختصاص و وضعية شهادتي ايضا م ياريت احصل على دورات بمجالك ايضا ليش لا اكون ممنون
اخي الكريم للأسف ما عندي اي علم بالشغل بمجال اختصاصك وانصحك انه تركز بمجال عملك لا تشتت روحك ولا تتشعب لان هذا الشي مضر بمسيرتك المهنية..
وشتحتاج اني موجود بخدمتك
-
مبادرة رائعة ومتميزه اخي الكريم ماكسيموس المحترم وان شاء الله يعوضك الله خيرا على هذا التوجه الفاعل والاخوي لخدمة الجميع
اشكرك على الرد الجميل اخي العزيز وانشاء الله تفرج على الجميع
-
اشكركم اخوتي جهيد وابو دانيا على مروركم الكريم وانشاء الله تقرج على الجميع
-
طبعا فب البداية احب ان احييك على روح التعاون ولمساعدة التي تملكها
وان دل هذا على شي فهو يدل على طيبتك ومعدنك الاصيل
بلمناسبة لقد درست CCNA & MCITP بس المشكلة الي عدنا
انو احنا ما مارسنا لانو ما صارت فرصة وانته تعرف ماكسيموس
ب مجال ال IT يطبق المثل الشهير (( الممارس غلب الفارس ))
ان شاء الله تجينا فرصة مناسبة ونستغلها واذا تحتاجون
كتب او دورات عندي مجموعة انطيكم روابطها وحملوها
تحياتي وتقديري
-
طبعا فب البداية احب ان احييك على روح التعاون ولمساعدة التي تملكها
وان دل هذا على شي فهو يدل على طيبتك ومعدنك الاصيل
بلمناسبة لقد درست CCNA & MCITP بس المشكلة الي عدنا
انو احنا ما مارسنا لانو ما صارت فرصة وانته تعرف ماكسيموس
ب مجال ال IT يطبق المثل الشهير (( الممارس غلب الفارس ))
ان شاء الله تجينا فرصة مناسبة ونستغلها واذا تحتاجون
كتب او دورات عندي مجموعة انطيكم روابطها وحملوها
تحياتي وتقديري
اشكرك اخي الكريم على مرورك...واني اتفق وياك تماما.. بس حتى بالنسبة للاخوان الجدد الي يكدرون يتعلمون هذا المجال اني اشوف انه اذا وصلو لاميركا بخير وسلامة يكدرون يلكون فرص بهاي المجالات كمتدربين جدد في هذا المجال او كفرش كراجويتد في هذا المجال ..وانشاء الله يتيسر امرك وامر الجميع
-
رحم الله والديك انت اصيل واصلك طيب
-
رحم الله والديك انت اصيل واصلك طيب
حبيبي موزارت...الطيب طيبك يا اصيل...اشكرك على مرورك الكريم
-
اخوية مكسيموس ..كلامك صحيح الى حد ما اني في امريكاحاليا و دا اشتغل محلل انظمة و الانظمة الي اشتغل عليهه عبارة عن SQL و Tsql و MSsql server بالاضافة الى بعض الملاعيب..عموما اي شخص محترف قواعد بيانات بامريكا او محترف باي لغة برمجية راح يلكى شغل بلمح البصر بامريكا و براتب لا يقل عن 50000 بالسنة ..للعلم اني ما كان عندي اي معلومات بال sql لان خبرتي بالشبكات اكثر لكن المهندس الصدك يكدر يتعلم كلشي خصوصا مهندس الكومبيوتر و البرامجيات لازم يكون سريع التعلم لان غالبا شغله يتطلب منه تعلم اشياء اخرى بالاضافة الى شغلته الاساسية ..يعني مثلا اني شغلي حاليا تطلب مني بالاضافة الى الخبرة بتكنولوجيا المعلومات تعلم اساسيات الصيدلة و التأمين الصحي و الجرد الالكتروني لأن النظام الي نشتغل عليه هو خاص بالصيدليات..مشكور و اي مساعده اني حاضر
-
اخوية مكسيموس ..كلامك صحيح الى حد ما اني في امريكاحاليا و دا اشتغل محلل انظمة و الانظمة الي اشتغل عليهه عبارة عن SQL و Tsql و MSsql server بالاضافة الى بعض الملاعيب..عموما اي شخص محترف قواعد بيانات بامريكا او محترف باي لغة برمجية راح يلكى شغل بلمح البصر بامريكا و براتب لا يقل عن 50000 بالسنة ..للعلم اني ما كان عندي اي معلومات بال sql لان خبرتي بالشبكات اكثر لكن المهندس الصدك يكدر يتعلم كلشي خصوصا مهندس الكومبيوتر و البرامجيات لازم يكون سريع التعلم لان غالبا شغله يتطلب منه تعلم اشياء اخرى بالاضافة الى شغلته الاساسية ..يعني مثلا اني شغلي حاليا تطلب مني بالاضافة الى الخبرة بتكنولوجيا المعلومات تعلم اساسيات الصيدلة و التأمين الصحي و الجرد الالكتروني لأن النظام الي نشتغل عليه هو خاص بالصيدليات..مشكور و اي مساعده اني حاضر
شكرا على اضافتك الجميله اخي العزيز سنوبي واتمنالك الموفقية والنجاح بمجال عملك ومثل ما تفضلت حضرتك بالضبط الشخص الي يدخل مجال الهندسه وخاصة الكومبيوتر والبرمجة لازم تكون عنده قابلية تعلم عالية جدا جدا حتى يكدر يواكب الاصدارات الحديثة لكل البرنامج ضمن نطاق عمله وفي بعض الاحيان يضطر يتعلم البزنس الي شغال على قاعد البيانات...يعني بالضبط مو بس الي تعرفه يكفي لازم عندك قابلية تعلم جيده جدا حتى تكدر تنجح بهذا المجال وهذا مو بس باميركا بكل مكان.. اي شي تحتاج في مجال قواعد البيانات اوراكل اني جاهز للمساعده ...اخوك ماكسيموس