ankawa
منتدى الهجرة واللجوء => الهجرة و واللاجئين => الموضوع حرر بواسطة: اوس الدنماركي في 08:51 17/10/2012
-
السلام عليكم اني مقدم اعادة توطين الى مدينة الكهون في كلفورينا فارجو الي عنده معلومات اتفيد الاخرين يكتبه جزاه الله خير اريد من هذا الموضوع اسوي دراسه اوليه على هذا المكان من الناحيه الاجتماعيه والاقتصاديه وشنو عيوبه وشنو اجابياتها مع الشكر
-
السلام عليكم
اني اهلي بكاليفورنيا الكهون يكولون الايجارات غالية يعني ماجرين شقة غرفة نوم وحدة ب1150 دولار بس تعتبر منطقة راقية جدا وسياحية والاكل بيها رخيص نوعا ما يعني مثل العراق لو ارخص شوية اما الناحية الاجتماعية اكثر سكانها من العراقيين وهم ناس مثقفين يعني اكو دكاتره ومحامين ومهندسين والمساعدات جيدة جدا وايضا يوجد بيها شغلات عراقية مثل اللحم والصمون الحجري ولمنتجات الغذائية والمحلات والصيدليات والدكاترة كلها عراقيين يشتغلون بيها ومراح تواجه صعوبة بالتكلم باللغة الانكليزية
واي شي تحب تسال اني حاضر
-
اكيد اكو لان اللحم العراقي موجود واذا ماكو اكل كبة عراقية موجودة هناك
-
بعد شتريد اكثر بالعافية ... بس تعالوا
-
شكر اخ omer 1979 على توضيحك للموضوع زين ممكن ادكولي ماهيه المساعدات المتاحة لي مع العلم ان عدد افراد الكيس هيه سته يتظمنها طفلين وايضا طبيعة الكيس متلاحم بيني انا وزوجتي وطفلين وبين والدتي واختي وهناك بعض اراء الاصدقاء يقولون اجروا بيتين بيت الك وزوجتك وبيت الى والدتك حتى والدتك تستفاد من المساعدات اكثر فهل هذا صحيح ارجو التوضيح
-
بالنسبة للمساعدات
اول ميوصلون ينطون مبلغ معين يعني والدي والدتي اول موصلو انطوهم 1250 دولار للشخصين وبعدها بدو ينطوهم كل شخص 500 دولار كل فترة والفود ستامب 380 دولار وهيه كافية طبعا كل ميزيد العدد الاشخاص يكون احسن وخصوصا الاطفال لان المساعدات متنقطع لحد 18 سنة اما اهلي عمرهم اكثر من 65 سنة فيعطوهم تقاعد 750 كل شخص وهاي ميقطعوها عنهم وكذلك الطب والدكاتره وجزء من الادوية كلها مجانية
-
عاشت ايدك اخي على التفصيل بس حبيت اسئل عن مدينة باسيفيكا ايضا بكالفورنيا شنو تعرف عنها او اي شخص يعرف عنها لايبخل مثل هاي المعلومات القيمة وشكرا لكل من يساهم برفد اي معلومة اتجاه اي لاجيء
اخوكم
ديفا العراقي من البصرة
-
حبيت اعيد الموضوع لان اريد تجربت الاخرين بهذه المدينه (الكهون ) كلفورنيا مع الشكر فلي عنده معلومه اضيفه مع الشكر
-
اخي العزيز
صراحه اني مساكنه الكهون بس اعرفها جيدا
وانا اوافق الرأي الاخ احمد بكل كلمه
واعتذر عن التقصير
وان شاء الله توصل بالف سلامه وعندها تستطيع ان تغير براحتك
تحياتي
اختك ام شاهين
-
حبيت اعيد الموضوع لان اريد تجربت الاخرين بهذه المدينه (الكهون ) كلفورنيا مع الشكر فلي عنده معلومه اضيفه مع الشكر
السلام عليكم ..
اني ساكن بالكاهون El Cajon وبصراحة وبدون مجاملة او اي مبالغة ... تعبانة .. من ورة العراقيين وبعض المكسيكان .. واتحدى اي واحد يكلي اي شي ايجابي عنها عدى كونها منطقة جيدة للاكل الحلال وللناس الي متحجي انكليزي ..
اني اصلا موجود بيها لسبب مؤقت وان شاء الله بانتهاء هذا السبب راح اتركها ..
الاخوة مثل ما كالوا .. توفر المحلات العربية والعراقية
عدم الحاجة للتكلم باللغة الانكليزية .. حتى لو تطكطك تمشي امورك
القال والقيل كلش هواية والناس الي افكارهة سلبية بعد اكثر .. واذا عندك فكرة براسها خير وتريد تسويها .. يبووووو .. يخربوها عليك
قلة العمل بشكل مو طبيعي .. اني حاليا دا ادرس .. بس الي شفته انو العمل جدا شحيح .. وبس تطلع برة الكاهون تلكي شغل اسرع
الحرارة عاليا باشهر الصيف واني حاليا شفتها .. قائمة الكهرباء اجتني بالشتاء 17 دولار .. وبالصيف 135 دولار
الايجارات بيها غالية نسبيا .. شقه غرفة وحدة بحدود 800 - 1000 .. وشقة غرفتين .. 1100 - 1500 دولار
والله اعلم
تحياتي
اني ايضا اعرف عدة عوائل سكنت هالمنطقة بمجرد لانهم يعرفون ناس هناك وصارو الكفلاء مالتهم وهي منطقة اكثر العراقيين وطنوهم بيها ، على اساس بيها اكثر من 50 الف عراقي وطبعا الي ماعدم احد يكفلهم هم رح يودوهم هناك ، ومثل ماكالو الاخوة هي غالية بس تعبانة ومو راقية ولا شي بالعكس منطقة مال مكسيكان وراها اجوي بيها العراقيين والشغل ماكو وقليل ، بس هي بصورة عامة ولاية كاليفورنيا غالية يعني مو بس هالمنطقة
-
up