ankawa
منتدى الهجرة واللجوء => الهجرة و واللاجئين => الموضوع حرر بواسطة: marky في 13:42 17/10/2012
-
اخوان هسه قبل نص ساعة وصلتني رسالة من السفارة يباركولي على اصدار الفيزا ويكولون نهنئك الفيزا مالتك جاهزة بس للاسف فيزا زوجنك بعدها مكاملة تحتاج الى اجرائات ادارية ومنعرف اشكد تطول الاجرائات محتمل شهر او اكثر او قريبا ونريدك تختار من هذه الاختيارات اولا: تريد نصدرلك الفيزة هسه وتسافر الى الولايات المتحدة لوحدك . ثانيا : تريد تنتظر زوجتك لحد متكمل الفيزا مالتها ونصدرلكم الفيزا الكم كلكم بنفس الوقت .. بلنسبة الى ابنك تريدة يسافر وياك لو وية امه ..
للعلم اني يوم الاحد قبل ثلاثة ايام بعثتلهم الجوازات والفحص الطبي لان رادوني اعيدة ويه العدم محكومية فكملتهن وبعثتهن الاحد .. وهسه اجاني الرد .. بس اريد منكم مساعدتكم شنو رايكم هل اذا اكللهم اريد انتظر زوجتي هذا الشي مراح يأثر على تاريخ الفيزا او هاي الفترة عشرة ايام الي لازم ابعث بها الفيزا الى IOM علمود يحضرولي التسهيلات اهناك بسرعة اخوان اريد الرد ومشكورين مقدما
-
السلام عليكم
اخوية العزيز نصيحتي اخذ ابنك واطفر ساعة قبل وانشاء تلحكك زوجتك وموفق انشاء الله
-
اخي العزيز محد يعرف ضروفك شنو والله انت ادرى بس لو ضروفك مستقره وزوجتك تكدر تبقى يم اهلهه فانت روح وحدك وبعدين هي تجيب ابنهه وتجي ان شاء الله هاي اذا ابنكم صغير اذا كبير ويكدر يشيل نفسه اخذه وياك عادي بس المشكله هناك من توصل متكدر تخلي بالبيت وحده وانت هم تريد تطلع تمشي امورك فصعبه خويه اذا ضروفكم تسمح سافر وخليهه يم اهلهه
تحياتي وبالتوفيق ان شاء الله
-
لا عيني شنو يروح وحده ويخلي زوجته يم اهلها مو هيجي الحجي يابه ;D ;D والله اني قابلت من شهر وخايفه من هاي الحاله والله
-
والله هيه حيرة زين اذا اروح اني وهمه شلون بلنسبة للتسجيل على المساعدات ( البنفت ) اخاف مراح ينشملون بيها واهناك يعاملوني معاملة اعزب اخوان اريد توضيح اكثر وشكرا على الردود
-
مبروك وشايف الف خير
اخوية ...لاتطلع اذا مو عائلتك وياك .....زوجتك واطفالك ...
هذا رايي الخاص والامر متروك لك بطبيعة الحال ..
ربي يسهل عليكم والجميع انشاءالله ..
-
اذا متاثر على الفيزا انتظرهة وانت بكيفك ورد بس سوة هواي تفرقلك ومتحس بالغربة نهائيا
يارب الفرج على الجميع بحق محمد وال محمد
-
اخي العزيز بالنسبه للمساعدات اذا رحت وحدك تعامل معاملة العازب
وياجرولك شقه مشتركه ويه احد العزاب حتى تكدر تتحمل الايجار
ومن تجي زوجتك وابنك ياجرولهم شقه وانت تلتحق بيهم
وفعلا هوه الوضع محير لان انت لازم اتسافر خلال فترة 3 اشهر ولازم تستعجل اتبلغ الي اي او ام
حتى يحضرولك حجز خصوصا حاليا اكو زخم على السفر وعلى الخطوط الجويه
فانت وازن الامور حسب ظروفك
-
إخي العزيز بالبداية أكولك مبروووووووك وإن شاء الله تجتمع مع عائلتك بالكامل قريباً في أمريكا ...
أخي كل عائله وإله ظروفه يعني إنت شوف ظرفك وشوف تكدر تعوف زوجتك هنا وحدها أقصد أكو من يدير باله عليه من إخوانه مثلاً أو تكون ببيت أهله لحد ما تنفرج عليه ! إذا أكو وتعرف نفسك تتحمل روح وتوكل بس إذا تعرف نفسك راح تتبهذل وهي همين راح تتبهذل فالأحسن تنتظر ما دام همه كالولك الفيزا مالته بس باقي إجراءات إدارية وخيروك بين السفر معاه أو وحيداً ... وأرجع وأكول أهم شي شوف ظرف عائلتك يسمحلك بأن تعوفه لو لا ... وربي يسهل وتحياتي لحضرتك ومبروك مره أخرى .
+1
-
اولا نص مبروك و انشالله متضطر تختار و لتحتار خليها على الله و سوي اللي كلك عليه الاخ روان احسن شي و انشالله اللي بصالحك يصير و اذا مرتك سباعيه وكد المسؤوليه روح و هي تصفى واذا معتمده عليك بكلشي لتعوفها لان تتبهذل
-
الف الف مبروووووك ويوم اكتمال باقي الفيز ان شاء الله
-
مشكورين اخوان على الردود بس اتوقع افضل شي هو الانتظار ويه العائلة لان ما اريد ابهذلهم ... وبلنسبة للفيزا همه كالو من تطلع فيزا زوجتك نصدرلك الفيزا للكل لان هسه هية جاهزا حسب ميكولون .
-
مرحبا اخي العزيز بلنسبه لشغلتك بيها شبه من شغلتنا واحنا بشهر 6 خابرونا السفاره يباركولنا على الفيزا لان احنا عباره عن عائله وطفلين وجنت هستوني جايبه بنتي يعني بدايه شهر سته ولدت ونهايه شهر سته خابرونا السفاره واخبرونا انو احنا ننتظر مولود فبلغناهم نعم والحمدالله ايجانا بنت فقال حاولو كملوا معاملاتها بسرعه وراسلونا لتحديد موعد مقابله لاستلام اوراق الطفله وتعرف المعاملات ودوائر الدوله يعني بنتي صار عمرها 4 اشهر هسى ياله كملنا معاملاتها المطلوبه وبشق الانفس
المهم قبل 10 ايام ارسلنا للسفاره نريد موعد مقابله للطفله
جابوني البارحه بانه يريدون صوره من جوازها وبيان الولاده ياله يدزولنا موعد مقابله ودزيتها راسا وننتظر رحمه الله يعني علشحن طبعا دوختك بقصتي
فحسب اعتقادي الشخصي انو الفيزا تبدي تنحسبلك 3 اشهر الاكسباير من يصدرولك ياها بلجواز يعني من يوم استلامك الفيزا بلجواز ياله تنحسب ال 3 اشهر غير هذا الشي ماينحسب اي شي وبعدين همه يدرون كلش زين انت دتنتظر فيزه زوجتك يعني مايلغون فيزنك بكيفهم لان من يجيكون ملفك راح يشوفون انك تنظر ونفس الشي ويانه لان احنا ننتظر تخلص اوراق الطفله واضافتها للكيس نمبر حتى نستلم الفيز مالتنا بلجوازات
ونصيحه الك انك تنتظر زوجتك وتسافرون سوه لان اكيد سامع على بهذله السفر وطول الطريق من بغداد الى امريكا فنصيحه انتظر زوجتك وابنك ولو تسافرون سوه لو تبقون سوه هاي نصيحه من مجرب المهم اتمنالك التوفيق بقرارك الي راح تتخذه واتمنى يكون صائب واتمنى تكون فكرتي البسيطه وصلتك وبلتوفيق
اختك ام مصطفى
-
مبروك كاملة وانشالله تسافرون سوة حتلى لو شوية تأخرتو
-
الف الف الف مبروك اخي الكريم وان شاء الله تصدر فيزة زوجتك عن قريب اللهم امين
اخوك
ابـــــو علي
-
اخي مبروك اولا وبالتوفيق...و ثانيا محد يعلم بالغيب و شلون راح تكون الضروف...
أخذ ابنك وروح ... و زوجتك تلحكك....لا مجال للعواطف هنا.....
-
شايف الف خير وطن مبروك
وقد فلح من فلت
اخوك
ابن البلد
-
الف الف الف مبروك من كل قلبي أخوية أبو يوسف العزيز أني أخوك عادل أخي العزيز أنتظر زوجتك و أبنك وياهم سافر لتتركهم أبد حتى ولو تتأخر يمعود شراح يصير بأم يوسف أذا تعوفها رح تهبط معنوياها لالا بوية لتعوفهم سافرو سوية
هذه هي نصيحتي ألك يمعود أطلعو سوية حتى تكلي Virginia أشلونها ؟
أخوكadil_mido مشاكل هههههههههههههههه
-
اشكرك اخوية عادل
والاخوات باسرع وقت ونشالله تسافر وبقية الاخوان باسرع وقت واني اختاريت اروح بحدي وتلحكني العائلة لان ما اعرف الضروف الساسية بالعراق وسورية شوحيصير مستقبلا واعرف ان زوجتي وحتتعب بس الله كريم
مع تحياتي اخوك المهاجر 2010
-
مساء الخير
اولا احب اشكركم على هذا المنتدى وعلى المشاركات الرائعه والمساعدات اللي يقدموها الاخوان من خلال خبراتهم وارجو ان تقبلوني ضيفه جديده في هذا المنتدى الرائع .بالنسبه للحالات اللي دا تتكرر ان الزوج يحصل على الفيزا والزوجه لا زم تتنظر ممكن احد من اللي مر بهاي الحاله يكتبلنا شكد وصدرت فيزة زوجته لانها بصراحه هوايه دا تتكرر هذه الحاله واني وحده من هذه الحالات وصارلي تقريبا9 شهور من صدرت فيزة زوجي واني بعدني انتظر فيا ريت تساعدونا يا اخوان بالمعلومات اللي عندكم من خلال اصدقائكم او اقاربكم حتى الكل يستفاد وارجع اشكر هذا المنتدى الرائع والاعضاء الأروع اللي بيه