ankawa
منتدى الهجرة واللجوء => الهجرة و واللاجئين => الموضوع حرر بواسطة: دحدوحة في 06:04 21/10/2012
-
السلام عليكم ورحمة الله وبركاته
اخواني الاعزاء من كثر ما استفاديت من موقع عينكاوا حبيت انه يوم الي تتجمع عدي معلومات عن شي معين افيد بيه اخواني واليوم حبيت انزللكم موضوع عن الدراسة في كيبك
كيبك اللغة الرسمية فيها الفرنسي لكن الانكليزي مستخدم وبكثرة لذلك راح اذكر الدراسة بنوعيها الانكليزي والفرنسي نبدا بالانكليزي
هناك جامعات كثيرة عريقة تدرس باللغة الانكليزية مثل
جامعة ميغيل http://www.mcgill.ca/
وجامعة كونكورديا http://www.concordia.ca/
تمنح درجات بكلاريوس ماجستير ودكتوراه قبل التقديم ستحتاج لاثبات اجادتك للغة مثل
التوفلhttp://www.examenglish.com/TOEFL/?gclid=CNPPmtqRkbMCFUYw4Aod610AEw
او هناك امتحان ثاني
الي هوة الايلسhttp://www.vec.ca/english/3/ilets-exam.cfm
تكون ممتحن باحد هذه الامتحانات وتقدم مباشرتا او تاخذ كورسات انكليزي من الجامعة والي تكون تكلفة كل كورس 3000 دولار كندي غير مدعومة من الحكومة بقرض لذلك الاغلبية يفضلو ن الاعتماد على النفس وامتحان احد الامتحانين وستكون مطالب ايضا باخر دراسة درستها ببلدك الاصلي او غيره على ان تكون مصدقة من وزارة خارجية البلد الذي درست فيه هذه الاثباتات الرئيسية وعند جلبك للشهادة تاخذها للمعادلة بوزارة المهاجرين وهذا هو لنك خاص بيهمhttp://www.immigration-quebec.gouv.qc.ca/en/index.html
لكل تقديم هناك طلبات خاصة تتبع كل قسم او تخصص انت تريد تدخلة مثلا الي يريد يدرس بزنس لازم يكون ماخذ كورسات خاصة بالرياضيات والاقتصاد وهكذا دواليك
واكو مدارس تطي كورسات مهنية باللغة الانكليزية مثل
مدرسة الاكسس الي تطي كورسات لغة انكليزي بارت تايم مدعومة من الحكومة وانت كل الي عليك انه تدفع 60 دولار كل شهرينhttp://www.access.rsb.qc.ca/
وعدك مدرسة مونتريالhttp://www.emsb.qc.ca/
والي ماعدة شهادة من بلدة ممكن يعمل امتحان معلومات عامة داخل المدرسة المهنية والي يكلف بين 60-80 دولار واكو مدارس تسويه مباشرتا ومدارس بعد انتضار 6 شهور
واكو دراسة كولج الي تنطي دبلوم عالي مثل كولج شامبليhttp://www.champlainonline.com/home
او لاسال كولجhttp://www.lasallecollege.com/futur-students/fall-2012.aspx?utm_source=google&utm_medium=cpc&utm_term=lasalle%20college&utm_content=college-lasalle-en&utm_campaign=annuelle
او داوسن كولجhttp://www.dawsoncollege.qc.ca/choose-dawson/about-dawson
وكل المواقع الي ذكرتهة هية لجامعات ومدارس وكليات مدعومة من الحكومة وممكن تطلب قرض دراسي عليهة وكل تفاصيل القرض ممكن تحصل عليهة من الجامعة حيث انه كل جامعة او مدرسة او كلية لهم قسم خاص بالقروض ومتابعتها
وعلى العموم كيبك هي ارخص مقاطعة من حيث الاقساط الدراسية لذلك انا انصح اي شخص جاي وهدفة يدرس يجي لكيبك لان القسط قليل والقرض يكون 70بالمئة منحة و30 بالمئة دين ترجعة بشكل اقساط بعد سنة من التخرج دين من دون فائدة في اول سنة لكن بفائدة مضاعفة ثاني سنة من العمل لذلك اغلب الطلاب يحاولون يقتصدون ومن المصرف العادي يجمعون وبعد التخرج مباشرتا يرجعون ال30 بالمئة دفعة واحدة
نجي هسة للدراسة باللغة الفرنسية عند قدوم الطالب الى كيبك يقدم علة طلب تعلم لغة الفرنسية عند اميكرايشن كيبك واذا كان يجيد اللغة الانكليزية يضعوه في سيجب اي معهد خاص بالفرنسي اما اذا كان لا يعرف الانكليزية فيضعوه في مدرسة عادية لتعلم اللغة الفرنسية وبشكل بطيء في كل الحالات المهاجر يعطوه 500 دولار منحة شهرية مقابل تعلمه الفرنسية واللاجي يعطوه 250 شهريا واذا كان الزوج والزوجة يدرسون معا تتكفل الحكومة ب100 بال100 من مصاريف الاطفال الحضانة المدرسة لانه كل شخص يدفع 70 دولار بالشهر للحضانة و50 دولار بالشهر للمدرسة على الطفل الواحد
بعدها هناك اماكن تقدم كورسات مهنية مثل http://www.mirs.qc.ca/
اوhttp://www.cstjean.qc.ca/accueil
وهناك جامعات مثلhttp://www.umontreal.ca/english/
او لافالhttp://www2.ulaval.ca/accueil.html
او جامعة شيربروكhttp://www.usherbrooke.ca/
والاقسام الدراسية الي تفكر انه تختارهة او تدرسهة ممكن تعمل بحث بموقع العمل في كيبك والي ممك يطيك فكرة عن سوق العمل واي اقسام عليهة طلب وكم ساعة العمل الهة والموقع هوةhttp://emploiquebec.net/index_en.asp
وكل المواقع الي ذكرتهة اذا طلعتلك بالفرنسي ممكن تحولهة للانكليزي اتمنى انه اكون فدتكم ولو بمعلومة بسيطة وابقة اني بالخدمة وحاضرة لاي سؤال واستفسار واسفة اذا اتاخر عليكم بالردود اعذروني
-
اللة يبارك بيج أصيلة وربي يوفقج علمعلومات القيمة يسلموووو ---الريمممم 2000
-
مشكورة على المعلومات القيمة اختي العزيزة وبارك الله فيك
تحياتي اخوكم ابو ديانا
-
الله يبارك بيج على هاي المعلومات القيمه وربي يسهل عليج
ويفتحهابوجهك وربي يديمكم لفعل الخير معلومات قيمه
تحياتي
همام الدليمي
-
هذا بس للي عايش بكندا
زين اجمالي السنة شكد
-
تدللون واحنة بالخدمة ريم وابو دينا وهمام
اخ ستيفن هاي الجامعات مفتوحة للكل المهم الدفع الحكومة الكندية تدفع لكل مقيم بشكل رسمي بكندا او حاصل علة الجنسية الكندية تبقة مصاريف الدراسة للوافدين من امريكا او انترناشيونال كل قسم والة تكاليفة وعلة العموم للكندين ارخص
-
مشكورة و تسلمين على المعلومات الرائعة و ربي يوفقج.
بس ممكن رجاءا توضيح اكثر بخصوص الوافدين من امريكا. يعني اذا الشخص وافد من امريكا و يجي لكيوبك والغرض من الاقامة هي الدراسة، هل راح ينشمل بهذه الاقساط الدراسية؟
تقبلي تحياتي.....
-
birchاخي الوافد من امريكا عليه اقساط دراسة واعلة من الي علة المقيم او الكندي بس اقل من الانترناشيونال لان اعتقد اكو اتفاقيات بين البلدين والقبول سهل في حال توافر اامكانيات المادية بس القرض غير مشمول بيه الوافد من امريكا وعلى العموم اي شخص بالة تخصص معين بجامعة معينة همة حاطين رقم مجاني من امريكا اذا تحب تستفسر اكثر حاول تتصل بيهم لان اكيد عدك معلومات تخص حالتك فراح يساعدوك بشكل مباشر واذا تحتاج اي مساعدة اني بالخدمة
-
عاشت الأيادي أخت دحدوحة
و الله يوفقك لكل خير
-
عاشة الايادي الله يوفق الجميع لخدمة الجميع
-
شكرا اختي العزيزة و ممنون منج و يسلموووا
-
تدللون احنة بالخدمة
-
الف شكر اخت دحدوحة على هذا الشرح الوافي...ويا ريت لو عندج معلومات على الدراسة في اوتاوا هل هي نفس الشي لانها قريبا من كيبيك ..و اذا عندك معلومات عن شروط دراسة الدكتوراة بشكل عام او بالنسبة لاقسام الكومبيوتر او الاي تي او الادارة .
تحياتي و بالموفقية
-
اتمنة يااخ ميغرنت لو اكدر افيدك معلوماتي عن كيبك بس وبالنسبة لاوتاوا انصحك انه تدخل علة غوغل بس تكتب جامعات اوتاوا راح تطلعلك وفوت علة مواقعهم ويارب تلكة معلومات مفيدة بس علة العموم كل كندا بيهة نفس النظام الدراسي والقبول عدا الاقساط تختلف من مقاطعة واخرى ارخص شي هية كيبك واذا انت ساكن بامريكا فداءما يكونون مخلين خط مجاني م امريكا يعني تتصل وميحملوك شي
-
الف شكر اختي العزيزة
-
عاشت ايدك اختنا الكريمة على المجهود الجميل
تحياتي.
sound of soul
-
ماشالله دحدوحه تعود ولكن عودتها بمعلومات راقيه
منوره اختي دحدوحه ومشكوره على هذا الموضوع الرائع
عاشت ايدك خيتي
اخوك : الفريدو
-
منكم نتعلم اخي الفريدوا انتوا الاساس