ankawa
منتدى الهجرة واللجوء => الهجرة و واللاجئين => الموضوع حرر بواسطة: alpine في 03:27 23/10/2012
-
اخواني اني جاي اكول حرامات هذا التعب والانتظار وتاليه تروح لمكان تعبان انت عندك حق الاختيار ليش تختار هاي المدينة مو شغلت تفستق بس انت احسن اختيارك للمدينة الي راح تكون مستقبلك ومستقبل اطفالك ,لان تدرون انو من تجون اكو مبلغ مخصص الك ولعائلتك ليش هذاالمبلغ يروح سدى وبعدين من تريد تحول غير ولاية راح تصرف فلوس ولو يقبلون ياجرولك لان يردون منك دخل حتى ياجرولك فاحنى من البداية خل نحسن الاختيار
احنه هنا براكفورد اجينه صارنه 6 اشهر لا شغل ولا عمل المدينة صح رخيصة لان مابيه شغل والجريمه بيه عاليه احنا هنا صرفنه الولكم مني والي هوة 6 الاف صرفنه سيارة واثاث 5 الاف والنتيجة شنو بس اطفالنا بالمدارس وحتى المدارس هنا هم موشي مقارنة بقية الولايات فانتم ليش هم توكعون بنفس المصير وبعدين ترى محد يفيدك والمضرر الاول والاخير انت وعائلتك يعني الا تتبهذل مو بهذلت العراق كافي تعال عيش بكرامة وراحة والله هنا حتى الفرح نسينا والله جماعتنه بغير ولايات ومدن يشتغلون ومرتاحين الله يوفقهم ويحفضهم بحق محمد وال محمد ,فاكول انت تعال لامريكا امريكا افضل من العراق الف مرة بالتطور والاحترام وكل شي وماكو اصلا مقارنة هنا انت معزز مكرم ماراح يوم تحس بالذل والبهذله الي عشناهه فالرجاء احسن اختيارك و خليك تستقر من اول لحضة توصل بيه ,والله اني ماعندي مصلحة قابل راح اخاف تنافسونه على الشغل والله مالي قصد الا النصيحة وتعب نفسك قبل لاتجي اهم شي هنا بامريكا العمل روح المدينة يكلولك بيه شغل وانت ابحث من هسة عل الانترنيت لان هاي الفترة مهمه جدا حتى بعدين ماتتندم وانشالله شكو واحد مقدم يجي ويرتاح ويسوي مستقبل اله ولعائلته بحق محمد وال محمد ,
-
روح لغير مدينه منو لازمك
-
يابه تكدر تغير الوالية مالتك واشو بعدين الاخ كلسع منزل موضوع ع هاي المدينه شبيهه بس لا صدك ع كولت الن مشتغل بيهه الكاتم
;D ;D ;D ;D ;D ;D ;D ;D
-
حب لاخيك ما تحب لنفسك , وهذا ما ينطبق عليك اخي العزيز , حيث انك تنصح اخواتك واخوانك في هذا المنتدا ان لا يرتكبوا نفس الخطأ باختيار هذه المدينة التعبانه حسب وصفك . انت اخي العزيز تتصف باحلى صفة يمتاز بها الانسان الجيد وهي نكران الذات , حين سعيت لهذا المجهود الرائع بتقديم النصيحه لاصدقائك وبينت وجهة نظرك التي تراها انت وحسب خبرتك وتجربتك التي مررت بها في هذه المدينه .
=========================
(((والله اني ماعندي مصلحة قابل راح اخاف تنافسونه على الشغل والله مالي قصد الا النصيحة وتعب نفسك قبل لاتجي اهم شي هنا بامريكا العمل روح المدينة يكلولك بيه شغل وانت ابحث من هسة عل الانترنيت لان هاي الفترة مهمه جدا حتى بعدين ماتتندم وانشالله شكو واحد مقدم يجي ويرتاح ويسوي مستقبل اله ولعائلته بحق محمد وال محمد ,)))
====================
لا اخويه الغالي , أكيد ما عندك اي مصلحه غير النصيحه الصادقه , وانا بدوري ارفع يدي الى الباري عز وجل ان يعوضك عن ذلك بخير الجزاء ويسعدك ويحفظك انت وعائلتك بحق محمد وال محمد .
ارجوك تقبل مروري على صفحتك التي تشرفت بقرائتها . واتمنى الفرج للجميع , بعون الله تعالى .
-
عمي هوة الحجي ماعلي مثل مايكولون كمرك تغير الولاية موسهل انت مو بلد صغير ويكون التحويل بهل بساطة هنا النقل صعب لان المسافات شاسعة داخل الولاية الوحدة اني بصراحة ردت انصح العوائل مو العزاب الي مقررين يجون لهاي المدينة لان الا عزب شغلته سهلة ماعنده شي يكدر يروح وين ماجان وباقل التكاليف ام ابو العائلة لا شغلته مكلفة لان تدرون من اجينه هنا راح تلكه شقة ودافعين ايجار المهم فلوس الولكم راح تنصرف انت هنا من راح تجي الكفيل مالتك خوما راح يبقى وياك على طول لان المدينة مابيه مواصلات احسب حسابك يرادلك سيارة وفلوسه من جلدك والي راح يقفص عليك منك وبيك راح دكول يالله فدوة ماراحن الغريب وراه تروح اسجله وهم 300$ وانشورنس وهم 70$ وتامينات غاز كهرباء انترنت اني هنا كلامي موجه لليجاين خل يعيدون حساباتهم لان من هسه خل يسالون كفيلهم عل الشغل انو اكو شغل لو راح يحجيلك انو اكو مساعدات وانت ماراح ينكطع عنك الكاش 3 سنوات لان هاي كله المساعدات ماسويلك شي بس مجرد عايش ادنى مستوى من المعيشة وضل تقحط بيه فود ستامب وكاش وضل تصرف الي جايبهن وبعدين يبدي الندم راحن فلوس الولكم صرفت افلوسك غاز كهرباء انترنت سيارة واجت نهاية السنة وكلشي ماراح يرجعلك من التاكس شغل ماكو ماكو تاكس تريد تحول منو راح ياجرلك بمكان محترم ماعندك دخل شهري زين فرضن لكيت ايجار بغير ولاية ماتكول هاي الفلوس الحلوة الي تعبانين بيهن وكوه جمعناهن راحن هيج راح عليك التامينات كله سيارتك واثاثك وعائلتك الي راح تتبهذل وراح تسوي عندك احباط ومن جديد تبدي فاكول مادام انت بعدك بسيف سايد ليش تغامر عمي والله العضيم وشهر الحسين الي جاينه الي جاي راكفورد الينوي لا يجي احسلة
والله لو صير الكفالة بفلوس ماكفل واحد هنا ,اني انشالله طالع منا واريد دعائكم الله يسهل علينه ونطلع والي راح فدوة وتجربه قاسيه حيل والله يسهل عل الجميع لان احنه مو البورمين لو الي جايين من مجاهل افريقيا .,واني حاضر الكم لاي سوال وماريدكم تتبهذلون اريدكم لان انتم اهلي والله على ماقول شهيد.
-
اخي العزيز الله يساعدك طبعا واي شي نكدر نسوي برسم الخدمة هسة افتهمت لان بموضوعك الثاني مشارح بي الاسباب وهواي اعضاء كاتبين منك شرح الاسباب حاول ان تشرح الهم اكثر واللة يساعدك بس بصراحة تعرف شنو انه احنا عراقيين ومكتوبة علينا البهدلة وين مجنا
-
الله يوفقك صاحب الموضوع الي مجاي هنا ميعرف كلامك كوله صح امريكا مو سهله بيها تتحول من مكان الى مكان واهم شي بيها الشغل يعني اذا ماكو شغل الجنه هنا اتصير نار عليك وتتمنى مطلعت من العراق لان محد راح يكولك تعال اني اصرف عليك ولا المساعدات راح تعيشك عيشه محترمه لان الي ينطونه حاسبينه سنت سنت شنو تصرف شنو تاكل حتى معجون الاسنان وهل سوالف هم حاسبينه اشكد تحتاج وحاسبين المنظفات بالشهر هل كد يعني قسمه ضرب بجمع مخلينه راس براس على شنو هل مذله خو اشتغل واعيش براحه تحياتي الك اخي صاحب الموضوع
-
أخي العزيز شكرًا على موضوعك القيم ، بس بصراحة انا أخوك طلبت تغيير الولاية من جورجيا الى إلينوي وبالتحديد الى مدينة روكفورد لان عندي قريب هناك ، السبب ان أخوية الكبير رجع للعراق من ولاية جورجيا وكاللي مو خوش ولاية بدلها أحسن الك ، أما بخصوص مدينة روكفورد فبالعكس.... الكفيلة مالتي واللي صارلها اكثر من عشر سنوات بأمريكا كالت افترينا اكثر من مكان وأخيرا استقرينا بروكفورد والعمل موجود ومو مثل ما وصفت النا ان الحالة الصعبة وما تفيد العواءل، أني مقدر نية المساعدة عندك لكن ممكن انك استعجلت الحكم عليها او لغتك الانكليزية كانت ضعيفة والله العالم .... أشكرك مرة ثانية وتحياتي .
يوزارسيف
بغداد
-
شكرا على النصيحة
-
شكرا على النصيحة و جزاك الله خير
إن شاء الله تنتقلون للمكان المناسب لك و لعائلتك و تستقرون بيه و تتوفقون في حياتكم
و الله يبارك في رزقكم و يسعدك
-
شكرا على النصيحة
نيوتن
-
اخواني شفت واحد هنا يحاول يجعل من مدينة راكفورد مدينة الاحلام والامن والامان والعمل الي متوفر بكل مكان ويكول انو كله تشتغل وماادري هوه هسة يشتغل لو كاعد وزين من اجه وره شكد اشتغل خل يذكره واما اللغة هنا كله نفس المعاناة مساويه الكرعة وام الشعر وين الرخص هنا شو هن محلين هنا عباس والباكستاني هذوله يجوبون مسواكهم من شيكاغو وينباع ضعف السعر زين الشغل هنا الي اعرفهم والي صارلهم 5 اشهر هنا ولا واحد مشتغل وهو يعرفهم زين وصارت عدهم اجازات سوق وكرين كارت زين زين وين الشغل وذكر ابو فاظمة الي والله كاعد على 7 ستريت وصارلة فترة طويلة كاعد وكل جمعة العالم رايحة للمنظمة وماكو شي وبعدين الامان مو ابو ------راح لشيكاغو طبوا علي وباكو زين قبله بيت ابو------مو بيتهم زرف طلقات والله اني سامعه من الامريكان اخطر مدينة هي راكفورد زين مو ابو ===== اجه الي جاي قبل فترة وفلت لولاية مين مو الولد هم كلوله الجماعة بس تعالو مدينة كلش زينة والله وصار شجاع وفلت بسرعة خوية سوه اله جنه اني جنت اتمنى يشاركنه ويشرحنه عن تجربته بهاي المدينة ,والله يوفق الجميع.
-
اخوان وهاي احصائية صادرة من شرطة راكفورد شوفوا الامن والامان شوفو مدينة العوائل المحترمة شنو الحوادث الي بيه وعلى كيفكم قارنه بقية المدن
هذا الرابط انشالله يفيدكم http://www.rockfordil.gov/4627.aspx
-
بارك الله بيك وكثر الله من امثالك
فعلا الدين نصيحه
بالنسبة للاخوه استهزؤا بالموضوع ...معذورين لان انت مابينت الاسباب بس اكيد همه الان افتهموا الموضوع مثل ماحنه افتهمناه
طبعا الي مامصدك مشكلته انت الي عليك سويته واجرك على رب العالمين
-
السلام عليكم
طبعا اخوان ان شاء الله وجهتي مدينة روكفورد وقريت الموضوع وما علقت عليه لكن دزيت نسخة من الرابط الى كفيلي هناك وانتظرت جوابة ودزلي اوف لاين على الماسنجر وهذا نص الرد بكل امانة واعذروني لان هذا ردة مو ردي وهو طلب مني اصق نسخة منة
06:50 ص 10/28 اني حبيت ارد على الشخص اللي كاتب النقد على روكفورد لوماعاجبتة المدينة يروح لغيرهة
06:51 ص 10/28 واني صارلي ثلاثة سنوات بهاي المدينة وعندي شغلين مو واحد واشتريت سيارتين واني اشغل الناس والعراقيين
06:56 ص 10/28 بس جماعتنة وهذا واحد منهم مابيشتغلون مال حجي وتعليق بس يريدون بس المساعدات تستمروياكلون وينامون اللي يسعى الله يسهل امورة مو يولول سلامي وارجوا ان تسوي نسخة وتنزلهة على المنتدى هذا حتى الناس تعرف الحقيقة
سلامي للجميع
-
والله ياريت يكون كلامه صحيح الي ساكن هنا براكفورد الي صار 3 سنوات وياريت يدزلنه عنوانه ويشوفلنه شغلة وحده ,يالله دز عنوانه واذا حجيه صحيح اتحداه واني انتضره .يالله حبيبي دز عنوانه بلكي يشوفنه شغله نص شغلة ربع شغلة ويكسب بينه اجر ,لان هو الاخ ضاهر اضبط من المنظمات
خوية انت الجاي لا يورطك وبعدين مايفيدك الندم وبعدين امريكا بيه عشرات المدن الزينة الا تعصا هنا خوية انطي عنوان كفيلك واني اتصل بي.
-
وبعدين السيارات اسعارها رخيصة هنا عمي لا يغرك عنده سيارتين لان سعرهن من 500 $ وانت صاعد يعني مو فدقياس عنده سيارتين وبعدين شنهي هل الجذب والله عيب ياناس ياعراقين انت تشغلهم انت منو مقدمين على مكاتب التشغيل ويوميه انخابرهم وماكو شي منظمة الكاثليك جاريتي والله مامشغله واحد صارله 6 اشهر ومنظمة ايمي هسة لكتنه شغل ولمدة اسبوعين وتبعد اربعين دقيقة عن راكفورد .عمي دزلنه عنوانك بلكي انت احسن من المنظمات والمكاتب.