ankawa
منتدى الهجرة واللجوء => الهجرة و واللاجئين => الموضوع حرر بواسطة: اللهيبي في 23:06 26/10/2012
-
اخوان انا مكتوب بالجواز لقبي اسم جدي و2من اطفالي مكتوب لقبهم جدي و2منهم مكتوب لقبهم عشيرتي هل هذا يؤثر على ملفي الذي هو لغاية الان قيد الدراسه في المنظمه علما انا في الاردن من عام2009شهر وجزاكم الله خير انصحوني
-
السلام عليكم اخي
لا ميأثر اللقب ابد لان اني نفس حالتك ومتوطن من ال2010 والله كريم تفرج
-
لا أخويه اللهيبي ميأثر لأن ال un و ال iom يعرفون المشاكل والأشكالات الي صارت ودتصير من قبل موظفيين الجوازات وبالذات من ناحية الأسم واللقب
ومن العربي الى الأنكليزي يعني تشوف أفراد العائلة الوحدة كل واحد اسمه شكل بالجواز و واحد ميشبه الثاني باللقب
واحد يكتبوله اسم العشيرة و واحد يكتبوله أسم الجد ويعتبروه هو اللقب
الله يعين العراقيين على هالمشاكل من وين يتلكوها ما ادري
الله يوفقك ويسهل امرك
-
لا ماياثر
-
جزاكم الله خير واللهم يسهل اموركم والخير في ما يختاره الله انا مؤمن بهذا الشي بس لازم انسان يسعى والباقي على رب العالمين
-
اخويه العزيز
احنه نفس شغلتك بالضبط مياثر شي
وبوكتها اخبرنا الوفد بهذه الحاله واجابونا انه بعلمون بمثل هذه الحالات
اطمئن وانشالله الفرج قريب على كل المنتظرين
تحياتي
اختك ام شاهين من سوريا
-
ايامكم سعيدة وكل عام وانتم بخير .
اخوية الغالي اتوكل على الله وهذا الشي ميأثر ابد لان اني عائلة من اربعة اشخاص وكل شخص لقب او جد . وهسه اني بكندا والحمد لله والشكر .
ابد مااثر عليه هذا الشي اتوكل بالله ولا تفكر بيه .
وان شاء الله تتوطن باسرع وقت وتوصل البلد الي اتريده وتتمناه وترتاح من هم الانتظار .
اسامة / تورنتو
-
اشكرك يا اخ الهاشمي الله يريحيك بالدنيا والاخرة وياريت واتمنى من زمان تطلعلي كندا اتمنى بلكت تصير ونزورك وعد مني انشاء الله
-
اخوي العزيز هل انت عندك اقامه علمود هذا التاخير وهل من تتصل بيهم وين يكولون ملفك هل بلحمايه لو قيد الدراسه والله يسهل عليك
-
ما عندي اقامه بس مشكلتي من سافرت للعراق كم مره وهاي صار سنه ونص ما طالع من الاردن مره خابروني المفوظيه كالو ملفك رفعناه للتوطين قيد الدراسه وهاي صار6شهور على هذا الحجي