ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو هناوي في 19:40 30/10/2012
-
اخوان احد يعرف عن تفاصيل ال 4 ملايين الي تنطيها وزارة الهجرة والمهجرين بالعراق الي طالع من العراق اكثر من ثمانية اشهر شنو الشروط ويصير واحد من العائلة يروح يستلمها اذا احد يعرف شي خلي ينورنه
-
up
-
up
-
اذا انتة بالعراق روح لوزارة الهجرة والمهجرين واسال
-
هاي شغلات الفلوس من تصير يرتبوه بس لجماعتهم والناس المتهجوله والتعبانه فلس متحصل
-
عزيزي ابو هناوي
تكون من الذين تركوا العراق من 2006 المهم يشوفون عندك تأشيرة مغادرة بال 2006 مسافر المدة ما اعرف لأن أعتقد محد سأل عليها ويريدون أخر دخول ألك للعرق ويصورون دخولك وخروجك من العراق........ويكلولك روح وهمه يتصلون بيك ولكن المعاملة تبدأ أولا بالمجلس البلدي ثم دائرة قرب نادي الصيد وبعدين تنتهي بالحارثية شارع الكندي ,,,,والاولوية للعائدين من سوريا وحتى العائدين من سوريا بعضهم اجلوهم بداية السنة الجديدة......
والاخ شايلوك مع احترامي لرأيك...ما كو هيجي شي الدليل لأن جماعتهم محد بيهم متهجول المتهجول إلي مثل حالنا ما عنده أحد ولا عنده جماعة يساعدوه....
تقبلوا تحياتي
-
اخي العزيز هاي شروطها تكون مسافر من سنة 2006 وباقي باي بلد انت مسافرله اكثر من 8 شهور مستمرة بدون اي رجعة يعني اي شخص مختوم عليى جوازة مغادرة وتاريخ العودة اكثر من هاي المدة يحقله انوا يستلم وهاي الشغلة اكيدة وبدون اي واسطة بس تروح الوزارة الهجرة والمهجرين بلحارثية وتسجل عليها وتنطيهم الجواز اهم شي الجواز يكون موجود وتسجل اسمك وينطوك موعد تستلم بي بطاقة مال مهجرين وبعد متصدر بطاقة المهجرين بمدة تقريب شهرين اكثر يطلع الرقم مالتك مال البطاقة وتستلم الفلوس وهم يحددولك المصرف الي تستلم منه مع التوفيق
-
اخي ابو سماني المحترم اني اقصد جماعتهم اللي بالداخل المستفادين واللصوص همه يرتبوهه بيناتهم ويحوكوهه حياكه بس الجاي من سوريا والاردن يرجع يدور ايجار غرفه وصاله ب 700 الف ميلكي
-
اخي الكريم اذا انت ساكن بالرصافة تروح لفرع الرصافة يم مطعم صاج الريف واذا بالكرخ تروح للحارثية المهم يجب ان تكون لديك خروج من العر اق عام 2006 او 2007 لغاية 2008 المهم مدة 8 اشهر خارج العراق اول متروح للمجلس البلدي هم يضبطولك الملف لان لديهم كليشة جاهزة طبعا مع المستمسكات الرئيسية والجواز ثم يعطوك فايل تذهب الى القاطع البلدي الرئيسي اللذي يعود اليه المجلس البلدي تسلمهم الفايل وتاتي ثاني يوم يعطوك كتاب واحد يؤيدون فيه انك مستوفي الشروط وكنت غادرت العراق وعدت اليه بالتواريخ تاخذ الكتاب والمستمسكات وتذهب لفرع الهجرة اللي ذكرتهم اليك ويستلمون الفايل وتنتظر المقابلة في نفس اليوم وهي عبارة عن تدقيق فقط للاوراق والجواز ثم يحولوك الى غرفة ثانية لاخذ معلومات منك للحاسبة حيث يتم ملاء استمارة حاسبة جاهزة من قبل موظفة ويعد اكمالها يعطوك وصل به رقم المعاملة والاسم وتراجعهم بعد اقل من شهر لاستلام هوية المهجرين وتبقى تنتظر اسمك حسب الوجبات للاستلام عن طريق احد المصارف وهذه العملية تطول بين 4 الى 6 اشهر حسب الاعداد مع التقدير...اخوك الحمداني
-
أخوي كل الي ذكروه الاخوان صحيح وخاصة أخوي الحمداني ذكر الموضوع بشكل دقيق بس حبيت أظيف معلومة على ما أعتقد يجب أن تكون متزوج حسب علمي والله الموفق ...
-
اخي الكريم اذا انت ساكن بالرصافة تروح لفرع الرصافة يم مطعم صاج الريف واذا بالكرخ تروح للحارثية المهم يجب ان تكون لديك خروج من العر اق عام 2006 او 2007 لغاية 2008 المهم مدة 8 اشهر خارج العراق اول متروح للمجلس البلدي هم يضبطولك الملف لان لديهم كليشة جاهزة طبعا مع المستمسكات الرئيسية والجواز ثم يعطوك فايل تذهب الى القاطع البلدي الرئيسي اللذي يعود اليه المجلس البلدي تسلمهم الفايل وتاتي ثاني يوم يعطوك كتاب واحد يؤيدون فيه انك مستوفي الشروط وكنت غادرت العراق وعدت اليه بالتواريخ تاخذ الكتاب والمستمسكات وتذهب لفرع الهجرة اللي ذكرتهم اليك ويستلمون الفايل وتنتظر المقابلة في نفس اليوم وهي عبارة عن تدقيق فقط للاوراق والجواز ثم يحولوك الى غرفة ثانية لاخذ معلومات منك للحاسبة حيث يتم ملاء استمارة حاسبة جاهزة من قبل موظفة ويعد اكمالها يعطوك وصل به رقم المعاملة والاسم وتراجعهم بعد اقل من شهر لاستلام هوية المهجرين وتبقى تنتظر اسمك حسب الوجبات للاستلام عن طريق احد المصارف وهذه العملية تطول بين 4 الى 6 اشهر حسب الاعداد مع التقدير...اخوك الحمداني
[/
100%
-
مساء الخير
المعلومات الي عندي انو تكون مسافر من العراق بسنة 2006 الى اي دوله وما اعرف بس شكت مدة الاقامه بلخارج
وبالنسبة للمستمسكات لازم تكون بطاقه السكن باسم الشخص الي راح يقدم على المهجرين يعني مثلا اذا الابن مسافر وبطاقة السكن باسم الاب ميصير لازم يكون صاحب الجواز هو نفسه عنده بطاقة سكن والبطاقه التموينيه كذالك لازم باسمه اضافة الى الهويه وشهاده الجنسيه وصورتين
اما بالنسبه الا يكون متزوج ما اعتقد يعني اذا اعزب والاي ظرف من الظروف بطاقه السكن والتموينيه باسمه وطالع بال2006 ممكن انو يقدم
هذه كل المعلومات الي عندي
-
الاعزب يروح للمحكمة يقدم معاملة اعالة يعني ياخذ والدة او والدته ويقدمون طلب انه هذا الشخص معيل لاهله وتمشي بسهولة لكن يستلم مليونين فقط مو اربعة
-
السلام عليكم والله اخواني اني الي عرفت عنها الي طالع من قبل السقوط قبل 2003 واكو جماعه اجوسنه 2005 وراحو 2010 ماطوهم يكولون انته غير مشمول ليش لان القرار قبل سقوط والله اعلم بعد ما اعرف
اخوك
ابو هجران