ankawa
منتدى الهجرة واللجوء => الهجرة و واللاجئين => الموضوع حرر بواسطة: single man في 20:52 01/11/2012
-
السلام عليكم
اولا احب ابدي بطرح فكرة بسيطة و مختصرة
اول ايام ظهرت بيها الحقول الجديدة الي تخص الولاية و المطار كان الكثير من الملفات في طور التحديث و كان سبب عدم تحديد الولاية و المطار الوقت لا اكثر و لا اقل لانه الحقول جانت جديدة و في طور التحديث فكان كل يوم يتم تحديث وجبة من الملفات بالموقع لكن الان اتصور عامل الوقت انتهى و اصبح التاخير بسبب عدم وصول الملف الى مرحلة تحديد الولاية و لكن جاي نشوف اكو تحديث شبه يومي لكن قليل و هذا يعني التحديث الان جاي يصير على اساس وصول الملف الى مرحلة تحديد الولاية فالسبب بتاخير التحديث الان مو الوقت و كثرة الملفات و انما وصول الملف الى مرحلة تحديث الولاية
طيب كثير من الناس يسألون يا ترى هل تحديد الولاية اله علاقة باكتمال الامنية او لا؟
حتى نكدر نجاوب على هذا السؤال لازم نقسم تحديد الولاية للملفات الى قسمين
القسم الاول الي ما عندهم كفيل و القسم الثاني الي عندهم كفيل
لو نسوي مقارنة بسيطة بين الي عندهم كفيل و الي ما عندهم كفيل راح نشوف اغلب الي عندهم كفيل صار عندهم علم بالولاية عن طريق الموقع بينما الي ما عندهم كفيل اغلبهم ما يعرفون الولاية لحد الان و انا منهم
هذا يدل على انه تحديد الولاية يختلف بين الي عندهم كفيل و الي ما عندهم كفيل
يعني الي عندهم كفيل اغلبهم جاي يوصلهم تحديث الولاية بشكل طبيعي باعتبار انهم عندهم كفيل و الولاية محددة من البداية لكن اكو ملفات قليلة من الي عندهم كفيل صاير عندهم تحديد الولاية بس غير ولاية مو الولاية الي بيها الكفيل و هذا يدل على انه تحديد الولاية للي ما عندهم كفيل طبيعي و عادي و ماله علاقة بالامنية لانه مثل ما كلنا اغلبهم جاي يوصلهم تحديد الولاية الا اللهم الي بعدهم هستوهم مكملين مقابلة المحلف او بعدهم ما فاحصين لكن اكثر الي مكملين كلشي و عندهم كفيل عرفوا الولاية فهنا نطرح سؤال اذا تحديد الولاية للي عنده كفيل معناه الامنية مكتملة فمعناها كلهم امنيتهم مكتملة و لازم يخلوهم على جدولة السفر و لكن هذا الرأي ضعيف و غير معقول و لكن نكدر نكول انه ملفاتهم واصلة الى مراحل متقدمة
هسه نجي للي ما عندهم كفيل مثل ما كلت قبل شوية اكثرهم ما محدديلهم الولاية باعتبار ملفاتهم تحت التجييك الامني و ما عندهم كفيل فما عندهم ولاية محددة اصلا لكن عدد ضئيل منهم جاي يوصله تحديث بالولاية و تشوف ملفات من هيج نوع مكملين كلشي يعني مقابلة المحلف كاملة و الفحص كامل و ما شفت واحد من الي من عندهم كفيل عنده الفحص مثلا ما كامل و محدديله ولاية و اكو بيهم مكملين كلشي و هم ما محدديلهم ولاية لكن عدد قليل منهم الي حدولهم ولاية و هذا يدل تحديد الولاية بشكل حصري للي ما عنده كفيل يعني امنيته كاملة
اسف على الاطالة و اتمنى تستفادون من الموضوع
اخوكم single man
-
هسة كلها صايرة شغلة حظ
-
مشكور اخونا العزيز سنكل مان
وانشاءالله يكون تحليلك صحيح لان الامنيه اهم شي بالكيس ومن تصير الامنيه كامله باقي الامور تهون ومجرد وقت وينطون موعد سفر
ولو اكو بعض الاخوه الامنيه مالتهم كامله وبعد مامنطيهم موعد سفر ما ادري ليش احتمال شغلات اداريه او ما مخليهم على جدولة السفر
هاي الشغلات محد يدري بيها غير بس المنظمه وماكو احد ديفتهم جماعة المنظمه اشون ديشتغلون
اتمنى السفر للجميع في اقرب وقت
تحياتي
مايك 67
-
السلام عليكم اخي العزيز يمكن معلومات صحيحه بس اني كنت ادز رساله او اخابر على الهجره علمود الفحص يكولون لس بس تكمل الامنيه وبعدين نخابرك على الفحص هس فحصنه بهاي السنه شهر السابع وبدون كفيل واسم المطار والمدينه موجوده عندي واخر مره رحت سالت كالت انته مخلص كلشي هاي قبل العيد وبعد منعرف الله كريم بس الامنيه بالانتظار يوم سفرك
اخوك
ابو هجران
-
شكرا على الموضوع وحبيت اشارك
اني ماعندي كفيل
وقابلت قبل 6 شهور محلف
ملفي بالانتظار والامنية بالانتظار
وعند اضافة الحقلين الجديدين
لي وجدت ان وجهتي شيكاغو
ولم اكن اعلم المدينة ابدا
هل هذا يعني ان امنيتي كاملة ؟؟؟؟؟
-
مع احترامي الشديد الك لكن هذا الكلام غلط بغلط
احنا ما عدنا كفيل وحددولنا ولاية
-
شكرا ع المعلومات اخ سنكل ويارب تكون صحيحه
الاخ صالح
بالنسبه لكلام الاخ سنكل
كال الي ماعنده كفيل ويحددوله الولايه ملفه بمراحله الاخيره مكال الي ماعنده كفيل ميحددوله ولايه
وان شاء الله الفرج الك وللجميع امين
-
طيب اني الفحص الطبي عندي اكسباير من شهر الخامس
ونزل تحديث الحقلين عندي وحددولي ولاية اوهايو طبعا الفحص الثالث هذا
كيف ايكون ملفي كامل
-
اني عندي كفيل ولحد هسة ممنزلين لا الولاية ولا المطار بل موقع عمي هذا الموقع وربي كله جذب
اي جذبون علينه بي
الله لا ينطيهم
-
أخي السلام عليكم .. موضوع جميل وأحب أكلك آني ردت أنزل موضوع تقريبا مشابه ألك بس بما أنه أنت نزلت هذا الموضوع المهم بالنسبة ألي
فماكو فرق أن شاء الله .. أخي أحنا كيسات 2 ومتصلين بالكفيل واحد قبل سنة وشهر والثاني متصلين بيه من قبل 9 أشهر وماأعرف ليش هذا التفاوت علما الربط قوي وكل المقابلات سوية هسة نجي نحجي على الكيس ابو القبل 9 أشهر لحد الآن ماخالين لا الولاية ولا رقم المطار شنو رأيك ؟؟ وتم تبليغهم بهذا الموضوع وتذكيرهم بواسطة أيميل ولم يتخذو أي أجراء وجاوبونا بهاي الكليشه مال تجييك الأمني ؟ هاي شنو معناها . تحياتي
-
UP
-
السلام عليكم اخي العزيز يمكن معلومات صحيحه بس اني كنت ادز رساله او اخابر على الهجره علمود الفحص يكولون لس بس تكمل الامنيه وبعدين نخابرك على الفحص هس فحصنه بهاي السنه شهر السابع وبدون كفيل واسم المطار والمدينه موجوده عندي واخر مره رحت سالت كالت انته مخلص كلشي هاي قبل العيد وبعد منعرف الله كريم بس الامنيه بالانتظار يوم سفرك
اخوك
ابو هجران
اخي ابو هجران توقع منا و هيج يجيك موعد سفر و ان شاء الله سفرك يكون قريب طبعا هذا كلامي مو تشجيع و لا مواساة بس حسب ما انت كلت بكلامك اشوف هشكل
الله يوفقك
-
شكرا على الموضوع وحبيت اشارك
اني ماعندي كفيل
وقابلت قبل 6 شهور محلف
ملفي بالانتظار والامنية بالانتظار
وعند اضافة الحقلين الجديدين
لي وجدت ان وجهتي شيكاغو
ولم اكن اعلم المدينة ابدا
هل هذا يعني ان امنيتي كاملة ؟؟؟؟؟
اخي العزيز حسب فهمي المتواضع مفلك مكتمل لذلك حددولك الولاية و ان شاء الله سفرك قريب ما زال كلشي عندك كامل و تم تبليغك بالولاية
-
طيب اني الفحص الطبي عندي اكسباير من شهر الخامس
ونزل تحديث الحقلين عندي وحددولي ولاية اوهايو طبعا الفحص الثالث هذا
كيف ايكون ملفي كامل
اختي ام راما اتصور انتي عندج كفيل لذلك بلغوج بالولاية عن طريق الموقع و احتمال هسه انتي على جدولة الفحص ترى التحديث مال الموقع نوبات يوصل متاخر يعني منا و هيج توقعي يتصلون بيج على مود اعادة الفحص
-
أخي السلام عليكم .. موضوع جميل وأحب أكلك آني ردت أنزل موضوع تقريبا مشابه ألك بس بما أنه أنت نزلت هذا الموضوع المهم بالنسبة ألي
فماكو فرق أن شاء الله .. أخي أحنا كيسات 2 ومتصلين بالكفيل واحد قبل سنة وشهر والثاني متصلين بيه من قبل 9 أشهر وماأعرف ليش هذا التفاوت علما الربط قوي وكل المقابلات سوية هسة نجي نحجي على الكيس ابو القبل 9 أشهر لحد الآن ماخالين لا الولاية ولا رقم المطار شنو رأيك ؟؟ وتم تبليغهم بهذا الموضوع وتذكيرهم بواسطة أيميل ولم يتخذو أي أجراء وجاوبونا بهاي الكليشه مال تجييك الأمني ؟ هاي شنو معناها . تحياتي
صحيح كلامك اخي بس هو اغلب الملفات الي عندهم كفيل جاي يبلغوهم بالولاية انتظر هالفترة بلكي يصير تحديث جديد على ملفاتكم و تعرفون الولاية
انا غرضي من الموضوع و بشكل مختصر مستحيل يكون تحديد الولاية معناه اكتمال الامنية لانه معظم الملفات جاي يجيهم تحديث بالولاية و المطار لكن اكول من الممكن انه الي ما عنده كفيل تحديد الولاية له يعني اكتمال الامنية لانه مثل ما جاي تشوف عدد ضئيل منهم جاي يعرفون الولاية
-
شكرا ع المعلومات اخ سنكل ويارب تكون صحيحه
الاخ صالح
بالنسبه لكلام الاخ سنكل
كال الي ماعنده كفيل ويحددوله الولايه ملفه بمراحله الاخيره مكال الي ماعنده كفيل ميحددوله ولايه
وان شاء الله الفرج الك وللجميع امين
اشكرج اختي على التوضيح
هذا كان القصد من كلامي
-
اريد اطرح فد ملاحظة مختصرة
الشيء المشترك بين الجميع سواء الي عندهم كفيل او الي ما عندهم كفيل بشكل عام و مما لا شك فيه كلمن عرف الولاية معناها حصل على موافقة الولاية لانه اضافة الولاية و تحديدها بالموقع مو اعتباطي لو ما الولاية موافقين عالشخص جان ما بلغوه بيها اصلا و الدليل على هذا الكلام اكو ناس عندهم كفلاء بولايات معينة لكن تفاجئوا من شافوا ولايتهم بالموقع غير ولاية الكفيل
و هذا من ابسط الادلة لانه ولاية الكفيل رفضتهم و الولاية الجديدة الي تم تحديدها وافقت عليهم و لو هذا الشي يصير بشكل نادر بس ناخذه كدليل انه تحديد الولاية يعني موافقة الولاية يعني مرحلة موافقة الولاية انتهت و هذا الشي مشترك بين الجميع
حبيت اطرح هاي الملاحظة بعيدا عن الامنية و علاقتها بالولاية لاني تحدثت بالموضوع عن الولاية و علاقتها بالامنية بس حبيت من خلال هاي الملاحظة انه نتوصل الى شي مشترك و واضح و ما بيه اي شك
-
اخي سنكل شكرا الردك
بس حبيت اخبرك اني ماعندي كفيل
واني من جماعة 2008
-
اخي سنكل شكرا الردك
بس حبيت اخبرك اني ماعندي كفيل
واني من جماعة 2008
اختي ام راما ما زال انتي ما عندج كفيل و عرفتي الولاية فملفج مكتمل و ما بقى بيه الا القليل يعني على اقل التقادير اذا الامنية مالتج ما كاملة فانتي واصلة الى مرحلة متقدمة و لو تسأليني عن قناعتي الشخصية انا متأكد الي ما عنده كفيل و يضيفوله الولاية معناها الامنية مالته كاملة
انا ما عندي كفيل و هم منتظر اعادة فحص الفحص مالتي ان بروسس من اسبوعين تقريبا بعد ما جان اكسباير و لهسه ما اعرف الولاية
بس بقت ملاحظة اختي انتي تكولين الفحص مالتج اكسباير هو صح اكسباير و منهي لكن شنو كاتبيلج بالموقع اكسباير لو فعال؟
انا اتصور كاتبيلج فعال و حتى اذا اكسباير منا و هيج راح تعيدين الفحص
-
اخي سنكل
بالموقع طالع عندي الفحص غير فعال
-
اخي سنكل
بالموقع طالع عندي الفحص غير فعال
نعم اختي واضح هسه بلكي بهالفترة يتصلون بيج على مود الفحص بس لا تنسين ترى اضافة الولاية بصالحج لانه معناها حصلتي على موافقة الولاية
-
شكرا اخي سنكل
بالفعل اني اتصلت على الهجرة وخبرتني الموظفة
ان اجراءات الامنية مالت الولاية خالصة عدنا
اللة يسهل امرك اخي ويفرج علينا جميعا
-
شكرا اخي سنكل
بالفعل اني اتصلت على الهجرة وخبرتني الموظفة
ان اجراءات الامنية مالت الولاية خالصة عدنا
اللة يسهل امرك اخي ويفرج علينا جميعا
الشكر لله اختي ام راما
مو كلتلج انا متاكد من هالشي
الله يسهل عليكم و تسافرون عن قريب باذن الله
لا تنسونا بالدعاء و طلب تسهيل الامر