ankawa
منتدى الهجرة واللجوء => الهجرة و واللاجئين => الموضوع حرر بواسطة: gazwan في 02:25 02/11/2012
-
السلام وعليكم ... بلا زحمة عليكم عندي سؤال الى الاخوة في تركيا انا مقيم في امريكا وعندي اقربائي يريد الذهاب الى بغداد عن طريق تركيا بواسطة الباص سوالي هو هل توجد باصات الى بغداد من اسطنبول وهل قريبة على مطار اسطنبول او ماهو المطار الاقرب الى باصات العراق وكم هو الوقت من تركيا الى بغداد في الباصات .. واسف على الاطالة ارجو المساعدة ولكم جزيل الشكر
-
السلام عليكم اخويه العزيز . بالنسبه لمكان الشركه ممتاكد بالضبط وين صايره بس يكدر كرايبك يرووح لتقسيم ويسال هناك اكثر العراقيين متركزين هناك . اما عن سعر التذكره هو 100دولار . والطريق اتصور 36 ساعه لبغداد . تحياتي
-
زين اخوان يعني الباصات قريبة على مطار اسطنبول او اي مكان قريب على باصات الي اتروح لبغداد وشكرا جزيلا
-
لا صديقي كتلك اني مااندل بالضبط الشركه وين صايره بالضبط بس اكو مترو بداخل المطار يوديه لتقسيم وهناك خل يسال .
-
لان اني من كركوك ورحت لتركيا بالباص مرة راح اكد الك انه لكركوك اكو باصات ومناك يكدر يروح لبغداد جدا سهل من ابراهيم خليل لتركيا تقريبا 24 ساعة ومناك لكركوك فد 5 ساعات ومن كركوك لبغداد فد 3 ساعات
-
زين اخوان ماكو باصات مباشرة من تركيا الى بغداد يعني اقصد بدون محطات مباشرا لبغداد واذا اكو من وين هل من اسطنبول او من اي مكان في تركيا ؟ ولكم جزيل الشكر واسف على الاطالة
-
من تركيا الى العراق ماكو
من ينزل ابخير وسلامه ابمطار اسطنبول ياخذ تكسي ايكوله بالتركي(اوتوكار سلوبي)هوه رح يفتهم التركي يعني ايريد ايروح السلوبي وسلوبي هيه المنطقه الاخيره ابينه وبين تركياوهوه رح يشوف هوايه يعرفون عربي بالمطار فرح ايترجموله لابو التكسي وين ايريد ايروح والطريق من اسطنبول الى سلوبي30 ساعه ضبط
بس لو ينزل ابمطارانقره الطريق 18ساعه بس
المهم يكول سلوبي لان ابراهيم الخليل قليل ايعرفوهه بس سلوبي يعرفوهه محافظه حدوديه ومن ينزل بالكراج او الاوتوكار مثل ميسمو الشركات همه ايجرون بي بس هوه خل ايشوف ياسياره قبل تطلع حتى ليتاخر بالانتظار
وخل ايدير باله من الاتراك تره بالكراجات وخصوصا في اسطنبول ايبوكون الكحل من العين
تحياتي
-
السلام وعليكم ... بلا زحمة عليكم عندي سؤال الى الاخوة في تركيا انا مقيم في امريكا وعندي اقربائي يريد الذهاب الى بغداد عن طريق تركيا بواسطة الباص سوالي هو هل توجد باصات الى بغداد من اسطنبول وهل قريبة على مطار اسطنبول او ماهو المطار الاقرب الى باصات العراق وكم هو الوقت من تركيا الى بغداد في الباصات .. واسف على الاطالة ارجو المساعدة ولكم جزيل الشكر
اخي الكريم
من داخل المطار من ينزل يروح للمترو اكو مترو يطلع من داخل المطار ينقل المسافرين الى منطقة اقصراي خلي صاحبك يصعد بهذا المترو وينزل بنهاية الخط مال المترو اللي هيا اقصراي يعني شوف هوا المترو وين يوكف اخر شي راح يشوف لوحة مكتوب عليها (AKSARAY) اللي هيا المحطة الاخيرة للمترو المنطلق من المطار .
من ينزل هناك راح يشوف درج كهربائي متحرك يصعد بي للشارع العام يطلع من الباب المواجه للسلم الكهربائي ومن يطلع برا المترو للشارع العام بمجرد انه يلتفت الى اليمين راح يشوف عدة مكاتب اسمائها باللغة العربية مكتوبة وكلها عبارة عن مكاتب نقل تنقل من اسطنبول واكو الى اربيل والى الموصل والى بغداد (يعني ياخذك من اسطنبول مباشر ويذبك باي منطقة تختارها) ومن هناك يحجز وهما ياخذو الى الباصات اللي راح اتروح الى العراق.
اما المطار اللي سالت عليه اكو مطارين باسطنبول واحد اسما (صبيحة كوكجن هافاليمان) والاخر اسما (اتاتورك هافاليمان) فقريبك اكيد راح ينزل بالمطار الثاني اتاتورك اللي بي المترو اللي حجيتلك عنا لان مطار عالمي
تبقى مسالة شكد تاخذ فترة بالسفر اجابك احد الاخوة 36 ساعة نعم الجواب صحيح من 30 الى 36 ساعة تعتمد على الازدحام على الحدود وقت ماراح يوصلون للحدود
لكن اذا تريد نصيحتي فانصحك بشغلتين
الاولى صاحبك اذا امكانيتا المادية زينة خلي يروح من اسطنبول بطائرة الى اربيل ومن هناك يروح لبغداد ويخلص من الباصات ودوخة الحدود ويختصر الطريق من 36 ساعة الى اكثر شي عشر ساعات (طائرة ساعتين تقريبا وبعدها بالسيارة الى بغداد ستة او سبع ساعات يمكن اكثر شي)
الثانية ياخذ طيران داخلي من اسطنبول الى اضنة ومن اضنة اذا يحب طالما اني موجود هنا باضنة اخذا واحجزلا بالباصات من اضنة الى اربيل او بغداد يختصر تقريبا 13 ساعة باص من اسطنبول الى اضنة بهاي الطائرة (ساعة واربعين دقيقة بالطائرة) واحسب انه من اضنة الى بغداد بحدود 15 ساعة بالباص
وبالاخير الامر عائد الكم اخي العزيز