ankawa
منتدى الهجرة واللجوء => الهجرة و واللاجئين => الموضوع حرر بواسطة: babil_lion في 16:18 05/11/2012
-
تحية طيبة لكل أعضاء عينكاوا الكرام
اني جنت مسجل ويا واي ترايب نصف سنوي ب 82 دينار و13 جيجا وهسه هم راح يعزلون على نهاية شهر ال11، والله الشركة كانت زينة بس للاسف ماراح يكملون
فياريت من العينكاوايين النصيحة بأفضل مزود للأنترنيت، سرعة زينة وجيجات تحميل وسعر رخيص ومناسب
على كولة ابو المثل خبز حار وطيب ورخيص
;D ;D ;D ;D ;D ;D ;D ;D
-
اخي الكريم
الخيارات كثيرة، اني بالنسبة الي مشترك وية شركة زين، ماخذ USB واكو ناس مشتركين ويه اورنج وناس وية شركات ثانية
-
اورنج
-
اخويه العزيز اكو هوايه عروض
وبالنسبه لشركة اورنج ماانصحك بيها
اني جنت وياهم غشاشين
وحاليا مشتركه بمدى رخيصه وزينه
-
MADA
-
السلام عليكم
حسب تجربتي شركة امنية هي الافضل والاحسن في الخدمات والانسب في الاسعار . هسه عندهم عرض 100 GB شهريا بسعر 20 دينار .
علما انه كان لدي اشتراك سابقا مع اورنج وزين وخدماتهما ليست بتلك الجودة الافضل ولكن الاسعار لهيب نار .
انا مستمرة على شركة امنية من قبل سنة ولحد الان اراها جدا الافضل والاحسن .
هذا ويبقى كل انسان وله رايه وقناعته بالشركة المشترك فيها
وشكرا
-
اخي ما انصحك باورنج غشاشين انا كنت مشترك معهم غالين ونصابين اني كنت مشترك معاهم وتركتهم وحاليا مشترك ويه امنيه جيده كل4شهور ب59دينار والتحميل بالشهر مفتوح واني مشترك بمودم ومشغل عليه3لابتوب وكبيوتر وجيد جدا ويعطوك المودم مجاني وشكرا بس قبل ما تشترك اسال المكتب اللي تاخذ منه اكو تغطيه بمنطقتك وشكرا
-
اخويه اني هم وياك من جماعة واي ترايب فاحسن شي ين ورخيص بلو زون بصوفيه
-
شكرا جزيلاً وممنون لكل الاعضاء اللي رد على سؤالي
-
اني كنت مشترك باورنج وخدماتهم سيئة جدا
حاليا اشتركت بعرض امنية
200 دينار سنوي سرعة 1 ميكا والعرض وياه اربع اشهر مجانية ودنكل يو اس بي شهر مجاني وخط تلفون ارضي وهو ممتاز جدا اما السعة الشهرية فهي مفتوحة
وشكرا
-
اعضاء عينكاوا الكرام
والله بعد التقصي والتحري لأسابيع لا أزال واقع بحيرة بس نوعا ما كدرت اخذ فد فكرة عن شركات الانترنيت الموجودة واللي توفر النت اللاسلكي (مودم او فلاشة) وراح انطيكم فد شيء مختصر عن كل شركة باعتقادي ورأي الخاص اللي كونته
زين: قفاصة ونصب علني صح خدمة توب التوب وماكو انقطاع لا صيف ولا شته بس بوك مالتها بانترنيت التلفون قبل الانترنيت العادي، فما رغم اغراء خدمتهم واسعارهم اللي نوعا ما معقولة بس حرامية خلي اطفر منهم احسن
أورانج: شكاوي كومة من خدمتها يعني جمع بطرح انسى
واي ترايب: عزلت رغم مساوئها وحسناتها
المدى: صح خوش شركة واسعار نوعا ما مقاربة لوايب ترايب بسرعة التحميل وكيكات التحميل لكن الخوف كل الخوف من الانقطاعات والخط الضعيف، خاصة واني ادخل على صفحتهم بالفيس بوك اشو معظم الحجي بس شكاوي من الخط الضعيف خاصة واني بالجبيهة ومنطقتي ما شاء الله الواجهة الشرقية للوطن العربي هههههههههههه اقصد واجهة للمطر والثلج والهوى العالي يعني كل الانواء الجوية يمي
جماعة jcs بس الجاردنز يفيدهم والمناطق القريبة وهماتين يمكن كيبلات بس، عندهم خوش عروض مرتبة بس ماتفيد بحالتي
TE DATA غاليين كلش
blue zone: قريت انه بعض الاعضاء اشتكوا منها ويكولون مو زينة
هسه مابقه غير
شركة امنية: اولا رغم السمعة السابقة اللي اكتسبتها امنية انه ضعف اتصالاتها وهي المشهورة سابقا انه اذا هبة ريح او ثلجة راسا تطفى راسا، رغم اسعارها الطيبة الحنونة ههههههههههه بس مادري اي من العروض، قسم من الاخوان كلي على عروض ابو 100 كيكا بالشهر يامعودين هو اني جانت واي ترايب 13 جيجا ويادوب بس اريدها تخلص رغم السرعة 512 وبطيئه بس السالفة مو مال 100 كيكا وين اصرفها اجطل النت بالكاع بلكي يخلص :D :D :D :D
وبالنسبة لعروض امنية اشو صدك تدوخ قسم واي ماكس وقسم دنجل وقسم فلاشة وقسم راوتر يعني مادري دوخة بكومة عروض وماتعرف شتختار ياهو الزين منها
فبصراحة لازلت بحيرة واطلب النصيحة من العينكاويين اللي هم للنخوة اهل واصحاب، ويتكرمون علي بطولة خلقهم لانه الموضوع من كثر الاعادة صار ممل
اللي ادوره نت رخيص وسرعة تحميل مو مهم تكون اسرع شيء بس انه تمشي زين مو تقطع لانه مثل ما تدرون منطقة الجبيهة ماشاء الله متصدرة للواجهة الشرقية كبل راس حربة ضد الهوى العالي والثلوج، وكيكات على الاقل 10 واكثر شي 15 ويكون سعرها مابين 10 إلى 18 دينار، خدمة نت اطكك بيها المسويات بدل ماني كاعد عطالة بطالة ههههههه
وعمي اللي يرد علي والمايرد علي اثنينهم تاج على راسي
وتحياتي للخيرين
-
والله يا اخي اني مشترك بامنيه بس زينه وبكيفك عدهم فلاشه وعدهم مودم وبكيفك تشترك شهري او 3شهور بس كل ما تاخذ فمده طويله يقل السعر وبراحتك انت